تيانشان تورى   ›   جاڭالىقتار   ›   وقۋ-اعارتۋ

اۆتونوميالى رايون كوكتەمگى وقۋ ماۋسىمىنداعى وقۋ باستاۋ قىزمەتى بەينە ەكران ءماجىلىسىن اشتى

وقۋدى حاۋىپسىز، ورنىقتى، ءتارتىپتى باستاۋعا بار كۇشپەن شىنايى كەپىلدىك ەتۋ كەرەك

  انار بۇلت / شينجياڭ گازەتىنىڭ ءتىلشىسى لياڭ ليحۋا 2 - ايدىڭ 20 - كۇنى ۇرىمجىدەن حابارلايدى. 2 - ايدىڭ 20 - كۇنى تۇستەن كەيىن اۆتونوميالى رايون 2021 - جىلعى كوكتەمگى وقۋ ماۋسىمىنداعى وقۋ باستاۋ قىزمەتى بەينە ەكران ءماجىلىسىن اشىپ، كوكتەمگى وقۋ ماۋسىمىنداعى وقۋ باستاۋ قىزمەتتەرىن ورنالاستىردى، جايعاستىردى.

  اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفي ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى سۇن حۇڭمەي ءماجىلىستى باسقاردى.

  ءماجىلىس مىنانى باسا دارىپتەدى: جەر - جەر، ءارقايسى مەكتەپتەر ىندەتتەن ساقتانۋ - تىزگىندەۋدى ۇدايىلاندىرۋ سىندى وسى ارقاۋدى مىقتاپ شيراتىپ، كوكتەمگى وقۋ ماۋسىمىنداعى وقۋ باستاۋ قىزمەتىن ءبىر تۇتاس جوسپارلاپ ۇيىمداستىرۋدى كەزەكتەگى وقۋ - اعارتۋ جۇيەسىنىڭ ماڭداي الدى ءىرى ءىسى ەتىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ، وقۋ - اعارتۋ مينيسترلىگىنىڭ جوعارى، ورتا، باستاۋىش مەكتەپتەردىڭ قىسقى، كوكتەمگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندەگى تەحنيكالىق جوباسىمەن مۇقيات سالىستىرىپ، اۆتونوميالى رايوننىڭ ىندەتتەن ساقتانۋ - تىزگىندەۋ ورنالاستىرۋ تالابىنا ساي، كوكتەمگى وقۋ ماۋسىمىندا وقۋدى حاۋىپسىز، ورنىقتى، ءتارتىپتى باستاۋعا بار كۇشپەن شىنايى كەپىلدىك ەتىپ، تۇتاس جىلدىق قىزمەتتى ويداعىداي ىستەۋگە بەكەم نەگىز قالاۋ كەرەك.

  ءماجىلىس مىنانى اتاپ كورسەتتى: كوكتەمگى وقۋ ماۋسىمىنداعى وقۋ باستاۋ قىزمەتىنىڭ جالپى تۇلعالىق تالابىن دالمە - ءدال يگەرىپ، ىندەتتەن ساقتانۋدى الدىمەن ويلاستىرۋعا، ولشەمدى جوعارىلاتۋعا، مەكتەپتە ”نولدىك جۇعىمدالۋ“ نىساناسىنا، جاۋاپكەرلىك تۇلعاسى وزگەرمەۋگە تاباندى بولىپ، ءتۇرلى قىزمەت شارالارىن مەكتەپتەرگە، ادامدارعا، جۇمىستارعا دەيىن دالمە - ءدال جەتكىزۋگە شىنايى كەپىلدىك ەتۋ كەرەك. مەكتەپكە قايتۋ جوباسىن عىلمي جاساپ، وقۋشىلاردى مەكتەپكە قايتۋعا ورنىقتى، ءتارتىپتى ۇيىمداستىرۋ كەرەك. باقىلاۋ - ولشەۋ، ساقتاندىرۋ مەحانيزمىن مۇقيات تياناقتاندىرىپ، قىزمەتتىڭ باعىتتامالىلىعىن، دالمە - دالدىگىن، عىلميلىعىن ۇزدىكسىز جوعارىلاتىپ، مەكتەپتەردە ىندەتتەن ساقتانۋ - تىزگىندەۋ قورعانىس شەبىن ۇزدىكسىز بەكەم قۇرۋ كەرەك. ىندەتتەن ساقتانۋ - تىزگىندەۋ مەن وقۋ - اعارتۋ، وقىتۋدىڭ قاتىناسىن ءبىر تۇتاس جوسپارلاپ ويداعىداي شەشىپ، جاڭا وقۋ ماۋسىمىنداعى وقىتۋ مەن ساباق جوسپارىن عىلمي جاساپ، ءتارتىپتى اتقارۋ كەرەك. ءار دارەجەلى پارتيا ۇيىمدارى مەن باسشى كادرلار ساياسي دەڭگەيدى شىنايى جوعارىلاتىپ، جاۋاپكەرلىك تانىمىن، شەپ تانىمىن مىقتاپ ورناتىپ، اركىم ءوز جاۋاپكەرشىلىگىن ءبىلۋدى، اركىم ءوز جاۋاپكەرشىلىگىن ارقالاۋدى، اركىم ءوز جاۋاپكەرشىلىگىن ادا ەتۋدى شىنايى ورىنداۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.