شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا بىلاي دەپ باسا دارىپتەدى

پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك

لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى، ۋاڭ حۋنيڭ باسقاردى

　　2 - ايدىڭ 20 - كۇنى پارتيا تاريحىن ۇيرەنۋ تاربيەسىنە جۇمىلدىرۋ جينالىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

　　شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى. پارتيا تاريحىن ۇيرەنۋ تاربيەسىنە جۇمىلدىرۋ جينالىسى 2 - ايدىڭ 20 - كۇنى تۇستەن بۇرىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − پارتيا ورتالىق كوميتەتىنىڭ پارتيانىڭ 100 جىلدىق تاريحىنىڭ جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدى جاپپاي سوتسياليستىك وسىزاماندانعان مەملەكەت قۇرۋعا كوكىرەك كەرنەگەن سەنىممەن ات سالىسۋعا جۇمىلدىرۋ جونىنەن جاساعان كەلەلى شەشىمى. بۇكىل پارتياداعى جولداستار تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن اسقاق ارىنمەن، مىعىم قايراتپەن باستاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان جينالىسقا قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ جينالىستى باسقاردى.

　　شي جينپيڭ بىلاي دەپ باسا دارىپتەدى: پارتيامىز ەجەلدەن پارتيا تاريحىن ۇيرەنۋ تاربيەسىنە ءمان بەرىپ كەلەدى، پارتيانىڭ كۇرەس بارىسى مەن ۇلى تابىستارى ارقىلى قايرات - جىگەردى تاسقىنداتۋعا، بەتالىستى ايقىنداۋعا باسا ءمان بەردى، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەدى، كۇش - قۋاتتى ۇيىستىردى، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل - پاراساتتى وياتتى، قاسيەتتى شىڭدادى. پارتيا 18 - قۇرىلتايىنان بەرى پارتيا ورتالىق كوميتەتى پارتيا تاريحىن ۇيرەنۋگە بارىنشا ءمان بەرىپ، ءبىر قىدىرۋ تالاپتاردى العا قويدى. پارتيامىزدىڭ 100 جىلدىق مەرەي تويىن قۇتتىقتاۋدىڭ كەلەلى ساتىندە، ”قوس 100 جىلدىق“ كۇرەس نىساناسىنىڭ تاريحي توعىسىنداعى شەشۋشى ساتتە بۇكىل پارتيادا پارتيا تاريحىن ۇيرەنۋ تاربيەسىن شوعىرلى تۇردە ورىستەتۋ ءدال ۋاعىندا بولدى، بۇل وتە قاجەتتى.

　　شي جينپيڭ بىلاي دەپ اتاپ كورسەتتى: پارتيامىزدىڭ 100 جىلى − اۋەلگى ماقساتتى، بورىشتى مۇراتتان اينىماي امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ كاسىپتەردى كوركەيتكەن 100 جىل، شۇعىلالى ناتيجەلەر جاراتىپ بولاشاق اشقان 100 جىل. وتكەندەگى كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرگەندە، پارتيا تاريحىن ويداعىداي ۇيرەنۋ، ويداعىداي قورىتىندىلاۋ، پارتيانىڭ تابىستى تاجىريبەلەرىنە ويداعىداي مۇراگەرلىك ەتۋ، ويداعىداي ساۋلەلەندىرۋ، ءسوزسىز، قاجەتتى. بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − اۋەلگى ماقساتتى، بورىشتى ەستە بەرىك ساقتاۋدىڭ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋدىڭ قاجەتتى تالابى، نانىمدى، سەنىمدى بەكەمدەۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتتى تالابى، پارتيانىڭ وزىنە توڭكەرىس جاساۋىن ىلگەرىلەتۋدىڭ، پارتيانىڭ جالىندى ومىرشەڭدىگىن ماڭگى ساقتاۋدىڭ قاجەتتى تالابى. پارتيا ورتالىق كوميتەتى «بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى حابارلاندىرۋدى» باسىپ تاراتىپ، وسى قىزمەت جونىندە ورنالاستىرۋ جاسادى، ءار دارەجەلى پارتكومدار (پارتيا باسشىلىق گرۋپپاسى) مۇقيات دايەكتىلەندىرۋى، تياناقتاندىرۋى كەرەك.

　　شي جينپيڭ بىلاي دەپ باسا دارىپتەدى: پارتيامىزدىڭ تاريحى − ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى ۇزدىكسىز ىلگەرىلەتۋ، نازاريالىق جاسامپازدىق جاساۋ تاريحى. 100 جىلدان بەرى، پارتيامىز يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىنە، نەگىزدى جەتىلدىرىپ ارقاۋدى بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىنە تاباندى بولىپ، ماركسيزمنىڭ جاڭا ءورىسىن ۇزدىكسىز اشىپ، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جارىققا شىعارىپ، جاڭا داۋىردەگى جۇڭگوشا سوتسياليزم يدەياسىن جارىققا شىعارىپ، پارتيا مەن حالىق ىستەرىنىڭ دامۋىنا عىلمي نازاريالىق جەتەكشىلىك ازىرلەدى. بۇكىل پارتيانى پارتيانىڭ عالامات وزگەشە بارىسىنان ماركسيزمنىڭ جۇڭگونى، دۇنيە ءجۇزىن قالاي تەرەڭ وزگەرتكەنىن ءتۇسىنىپ، ماركسيزمنىڭ اقيقات كۇشى مەن امالياتتىق كۇشىن سەزىنىپ، جۇڭگوشالانعان ماركسيزمنىڭ تامىرلاس ءارى داۋىرمەن بىرگە العا ىلگەرىلەيتىن نازاريالىق قاسيەتىنە بولعان تانىمدى تەرەڭدەتۋگە، اسىرەسە، پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستارمەن، تۋىلعان تاريحي وزگەرىستەردىڭ بارىسىمەن ۇشتاستىرىپ، جاڭا داۋىردەگى پارتيانىڭ جاسامپاز نازارياسىن تەرەڭ ۇيرەنىپ، ۇعىنىپ، پارتيانىڭ جاسامپاز نازارياسىنىڭ ەڭ جاڭا جەتىستىكتەرى ارقىلى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاربيەلەۋ، جەتەكتەۋ كەرەك.

　　شي جينپيڭ بىلاي دەپ اتاپ كورسەتتى: 100 جىلدىق كۇرەس بارىسىندا پارتيامىز باستان - اياق ماركسيزمنىڭ نەگىزگى قاعيدالارى ارقىلى تاريحتىڭ جالپى اۋقىمىنا تالداۋ جاساپ، يگەرىپ، جۇڭگو مەن دۇنيە ءجۇزىنىڭ قاتىناسىن دۇرىس ءبىر جاقتى ەتىپ، ءتۇرلى تاريحي ورايلاردى شەبەرلىكپەن يگەردى جانە ويداعىداي پايدالاندى. بۇكىل پارتيانى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستەردى كوكەيدە ساقتاپ، ۇلكەن تاريح كوزقاراسىن ورناتىپ، تاريحتىڭ سالقار كوشىنەن، ءداۋىر اعىمىنان، الەم اۋقىمىنان وزگەرىس قاعيداسىنا تالداۋ جاساپ، تاريح زاڭدىلىعىن قاراستىرىپ، توتەپ بەرۋدىڭ ستراتەگيالىق تاكتيكالارىن العا قويىپ، قىزمەتتىڭ جۇيەلىلىگىن، بولجامپازدىعىن، جاسامپازدىعىن كۇشەيتۋگە تاربيەلەۋ، جەتەكتەۋ كەرەك.

　　شي جينپيڭ بىلاي دەپ اتاپ كورسەتتى: پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى. بيلىك − حالىق، حالىق − بيلىك ەكەندىگىن، حالىقتىڭ قۇپتاۋ - قۇپتاماۋى پارتيانىڭ ءومىر ءسۇرۋى مەن قۇرىپ - جوعالۋىنا ساياتىندىعىن تاريح تولىق دالەلدەدى. حالىقتىڭ سەنىمىنە بولەنىپ، حالىقتىڭ قولداۋىنا يە بولعاندا، پارتيا قيىنشىلىق اتاۋلىنى جەڭە الادى، جەڭىسكە جەتپەي قويمايدى. بۇكىل پارتيانى پارتيانىڭ سيپاتىن، نەگىزگى ماقساتىن تەرەڭ تانىپ، بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، باستان - اياق حالىقتى جۇرەكتىڭ تورىنە قويىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، رەفورما، دامۋ جەتىستىكتەرىنىڭ بۇكىل حالىققا ءتىپتى كوپ، ءتىپتى ءادىل تۇردە يگىلىك جەتكىزۋىن ىلگەرىلەتىپ، بىرگە بايۋدا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى ىلگەرىلەتىپ، ءبىر ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىرۋعا تاربيەلەۋ، جەتەكتەۋ كەرەك.

　　شي جينپيڭ بىلاي دەپ باسا دارىپتەدى: پارتيامىزدىڭ وسى كۇنگە بىرتىندەپ جەتۋىندەگى وتە ماڭىزدى ءبىر سەبەپ − تاجىريبەلەردى ۇزدىكسىز قورىتىندىلاپ، قابىلەتىن جوعارىلاتىپ، حاۋىپ - قاتەرگە توتەپ بەرۋ، سىن - سايىستى قارسى الۋ، حاۋىپ - قاتەردى جويىپ، تىنىشتىق ورناتۋ قابىلەتى مەن دەڭگەيىن ۇزدىكسىز جوعارىلاتقاندىعى بولدى. العا باسۋ جولىنداعى بولجاۋعا بولاتىن جانە بولجاۋعا كەلمەيتىن ءتۇرلى حاۋىپ - قاتەرگە، سىن - سايىستارعا اناعۇرلىم ويداعىداي توتەپ بەرۋ ءۇشىن، ءسوز جوق، تاريحتان شابىت الىپ، تاريحي تاجىريبەلەردەن جاۋدى جويىپ جەڭىسكە جەتۋدىڭ جاۋھارىن سۇرىپتاپ الۋ كەرەك. پارتيا قۇرىلعاندىعىنىڭ 100 جىلدىعى سىندى ماڭىزدى كەزەڭدى مىقتى ۇستاپ، كوپتەگەن جاڭا تاريحي ەرەكشەلىككە يە ۇلى كۇرەستى شىعار ءتۇيىن ەتىپ، پارتيانىڭ تۇرلىشە تاريحي كەزەڭدەردەگى حاۋىپ - قاتەر، سىن - سايىستارعا توتەپ بەرۋدەگى باي تاجىريبەلەرىن قورىتىندىلاپ، پايدالانىپ، ءبىرشاما ۇزاق ۋاقىتتا سىرتقى ورتاداعى وزگەرىستەرگە توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەپ، كۇرەس تانىمىن ۇزدىكسىز كۇشەيتىپ، كۇرەس تاجىريبەلەرىن بايىتىپ، كۇرەس قابىلەتىن ءوسىرىپ، ەل باسقارۋ قابىلەتى مەن دەڭگەيىن ۇزدىكسىز جوعارىلاتۋ كەرەك. پارتيانىڭ 100 جىلدىق تاريحى ءارى پارتيامىزدىڭ پارتيانىڭ العاباسارلىعى مەن كىرشىكسىزدىگىن ۇزدىكسىز ساقتاۋ، ىدىراتۋدىڭ، ءشىرىتۋدىڭ قاتەرىنەن ۇزدىكسىز ساقتانۋ تاريحى. بۇكىل پارتيانى تاريحي تاجىريبە - ساباقتاردى قورىتىندىلاۋ ارقىلى پارتيا قۇرىلىسىنداعى رەال ماسەلەلەردى شەشۋدى كوزدەپ، پارتيانىڭ باسشىلىق دەڭگەيى مەن بيلىك جۇرگىزۋ دەڭگەيىن ۇزدىكسىز جوعارىلاتىپ، شىرىكتەسۋگە قارسى تۇرىپ وزگەرۋدەن ساقتانۋ جانە حاۋىپ - قاتەرگە توتەپ بەرۋ قابىلەتىن كۇشەيتۋگە تاربيەلەۋ، جەتەكتەۋ كەرەك.

　　شي جينپيڭ بىلاي دەپ اتاپ كورسەتتى: 100 جىلدىق ەرەكشە كۇرەس بارىسىندا سان ۇرپاق جۇڭگو كوممۋنيستەرى قايسارلىقپەن سايىسىپ، تىنباي كۇرەس جاساپ، ءولىمدى ەلەڭ قۇرلى كورمەگەن قىرۋار توڭكەرىستىك قاھارماندار، قايسارلىقپەن كۇرەس جاساعان قىرۋار قاھارمان تۇلعالار، قالتقىسىز ۇلەس قوسقان قىرۋار ۇزدىك ۇلگىلەر جارىققا شىعىپ، ءبىر قىدىرۋ ۇلى رۋح قالىپتاستىرىپ، جۇڭگو كوممۋنيستەرىنىڭ رۋحاني شەجىرەسىن تۇلعالاپ، ءبىزدىڭ پارتيا قۇرۋىمىزعا، پارتيانى گۇلدەندىرۋىمىزگە، پارتيانى قۇدىرەتتەندىرۋىمىزگە اسا مول ءنار بەردى. بۇكىل پارتيانى قىزىل ءداستۇردى زور كۇشپەن اسقاقتاتىپ، قىزىل گەندى جالعاستىرىپ، كوممۋنيستەردىڭ رۋحاني قان تامىرىن جالعاستىرىپ، توڭكەرىسشىلەردىڭ تايسالماي كۇرەس جاساۋ رۋحىن باستان - اياق ساقتاپ، جاڭا ساپارعا جابال اتتانۋدىڭ، جاڭا داۋىردە ەكپىندەي ىلگەرىلەۋدىڭ قايرات - جىگەرىن تاسقىنداتۋعا تاربيەلەۋ، جەتەكتەۋ كەرەك.

　　شي جينپيڭ بىلاي دەپ باسا دارىپتەدى: ايقىن تۋ ۇستاي وتىرىپ ساياسيدى دارىپتەۋ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ پارتيانىڭ جانى ءارى پارتيامىزدىڭ 100 جىلدىق ءىرى پارتياعا اينالۋىنىڭ، عاسىرلىق ۇلى ءىس جاراتۋىنىڭ شەشۋشى تياناعى. بۇكىل پارتيانى پارتيا تاريحىنداعى ۇنامدى - ۇنامسىز جاقتارداعى تاريحي تاجىريبەلەردى قابىلداپ، پارتيا ورتالىق كوميتەتىنە قاراپ مىزعىماستان قاتار تۇزەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋعا تاربيەلەپ، جەتەكتەپ، بۇكىل پارتيانىڭ جوعارىدان تومەنگە دەيىن جۇدىرىقتاي جۇمىلۋىنا، ءبىر نيەت، ءبىر تىلەكتە بولۋىنا، تىزە قوسا ورتاق كۇش سالۋىنا شىنايى كەپىلدىك ەتۋ كەرەك.

　　شي جينپيڭ بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − پارتيانىڭ ساياسي ومىرىندەگى ءىرى ءىس. بۇكىل پارتيا ايرىقشا ءمان بەرىپ، ساياسي دەڭگەيدى جوعارىلاتىپ، ءىس جۇزىندىكتى تياناق ەتىپ، تۋراشىلدىقتى ساقتاپ، جاڭالىق اشىپ، ۇيرەنۋ تاربيەسىنىڭ مىندەتتەرىن جوعارى ولشەممەن، جوعارى ساپامەن ورىنداۋ كەرەك. ءبىرىنشى، ۇيىمدىق باسشىلىقتى كۇشەيتۋ كەرەك. ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاپ، نەگىزگى باسشى جولداستار وزدەرى يگەرۋ، الدىمەن ونەگە كورسەتۋ باسشىلىق قۇرىلىمىن قۇرىپ، پارتيا ورتالىق كوميتەتىنىڭ ورنالاستىرۋلارى مەن تالاپتارىن شىن مانىندە ناقتى تياناقتاندىرۋ كەرەك. ورتالىق پارتيا تاريحىن ۇيرەنۋ تاربيەسى باسشىلىق گرۋپپاسى جەتەكشىلىكتى كۇشەيتۋ، ولكەلىك، رايوندىق، قالالىق پارتكومدار مەن كاسىپ جۇيەلەرىن باسقارۋ تاراۋلارىنىڭ پارتيا باسشىلىق گرۋپپالارى (پارتكوم) قاراستى رايوندارعا، تاراۋلارعا جانە مەكەمە - ورىندارعا قۋزاۋدى، تەكسەرۋدى كۇشەيتۋ كەرەك. پارتيا مۇشەلەرى، كادرلار مەيلى قايسى دارەجەدە جانە قىزمەت ورنىندا بولسىن، بار ىنتا - پەيىلىمەن كىرىسىپ، ۇيرەنۋ بارىسىندا وي جۇگىرتۋ، ۇيرەنۋ بارىسىندا ءتۇسىنۋ، ۇيرەنۋ بارىسىندا ناتيجەگە قول جەتكىزۋ كەرەك. ەكىنشى، دۇرىس پارتيا تاريحى كوزقاراسىن ورناتۋ كەرەك. پارتيامىزدىڭ تاريح ماسەلەسى جونىندەگى 2 قاۋلىسى مەن پارتيا ورتالىق كوميتەتىنىڭ قاتىستى رۋحىن نەگىزگى دايەك ەتۋگە تاباندى بولىپ، پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى ءمانىن ءدال يگەرىپ، پارتيا تاريحىنداعى ەلەۋلى وقيعالاردى، ماڭىزدى ماجىلىستەردى، ماڭىزدى تۇلعالاردى دۇرىس تانۋ جانە عىلمي باعالاۋ كەرەك. ايقىن تۋ ۇستاي وتىرىپ نيگيليزمگە قارسى تۇرىپ، يدەيالىق جەتەكتەۋدى جانە نازاريالىق سارالاۋ مەن تالداۋ جاساۋدى كۇشەيتىپ، اناعۇرلىم جاقسى تۇردە توركىنىن تۇزەپ، قاينارىن تازالاۋ، ارقاۋدى بەكەمدەپ، نەگىزدى جەتىلدىرۋ كەرەك. ءۇشىنشى، بۇقارا ءۇشىن شىن مانىندە ناقتى ءىس ىستەۋ، قيىن ماسەلەنى شەشۋ كەرەك. پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن ۇشتاستىرىپ، ءىس جۇزىندىك ماسەلەلەردى شەشۋمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ويداعىداي ورىستەتىپ، ۇيرەنۋدىڭ ونىمدىلىگىن قىزمەتتىڭ قوزعاۋشى كۇشى مەن ناتيجەسىنە اينالدىرۋ، ۇيرەنۋ مەن قىزمەتتىڭ بايلانىسپاي قالۋىنان ساقتانۋ كەرەك. ءتورتىنشى، تاسىلدە، ادىستە جاڭالىق اشۋعا ءمان بەرۋ كەرەك. ماركسيزمدىك تاماشا ۇيرەنۋ سالتىن اسقاقتاتىپ، ۇيرەنۋ تالابىن، ۇيرەنۋ مىندەتىن ايقىنداپ، مازمۇندا، فورمادا، ادىستە جاڭالىق اشۋدى ىلگەرىلەتىپ، باعىتتامالىلىق پەن ناقتى ونىمدىلىكتى ۇزدىكسىز كۇشەيتۋ كەرەك. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، شوعىرلى ۇيرەنۋ مەن وزدىگىنەن ۇيرەنۋدى ءوزارا ۇشتاستىرۋعا تاباندى بولىپ، بەلگىلەنگەن ارەكەت پەن ءوزى تاڭداعان ارەكەتتى ۇشتاستىرۋعا تاباندى بولىپ، ەرەكشەلىگى ايقىن، فورماسى ءار الۋان ۇيرەنۋ تاربيەسىن ورىستەتۋ كەرەك. تۇتاس قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى ۇگىت تاربيەسىن كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىنىڭ بۇقاراعا تەرەڭدەۋىن، نەگىزگى ساتىعا تەرەڭدەۋىن، جۇرت جۇرەگىنە ۇيالاۋىن ىلگەرىلەتۋ كەرەك. پارتيا تاريحى تاقىرىبىنداعى ادەبيەت - كوركەمونەر تۋىندىلارىن، اسىرەسە، كينو - تەلەۆيزيا تۋىندىلارىن جاراتۋعا شابىتتاندىرىپ، جاستار مەن ورەندەردىڭ ۇيرەنۋ تاربيەسىن ويداعىداي يگەرىپ، قىزىل گەندى، توڭكەرىس الاۋىن ۇرپاقتار بويى جالعاستىرۋ كەرەك. فورماشىلدىقتى، تورەشىلدىكتى باتىل جويىپ، نەگىزگى ساتىنىڭ اۋىرتپالىعىن جەڭىلدەتۋگە نازار اۋدارۋ كەرەك.

　　ۋاڭ حۋنيڭ جينالىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، پارتيا تاريحىن ۇيرەنۋ تاربيەسىنىڭ كەلەلى ءمانىن تەرەڭ بايانداپ، پارتيا تاريحىن ۇيرەنۋ تاربيەسىنىڭ ماڭىزدى تۇيىندەرى مەن قىزمەت تالاپتارىن تەرەڭدەي ءتۇسىندىرىپ، پارتيا تاريحىن ۇيرەنۋ تاربيەسىن ورىستەتۋگە جالپى بەتتىك جۇمىلدىرۋ جانە ورنالاستىرۋ جاسادى، ءبىزدىڭ پارتيا تاريحىن ۇيرەنۋ تاربيەسىن ويداعىداي ورىستەتۋىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. ءار دارەجەلى پارتكومدار (پارتيا باسشىلىق گرۋپپاسى) باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق تانىم مەن ساياسي دەڭگەيدى جوعارىلاتىپ، ءوز ءوڭىرىنىڭ، ءوز تاراۋىنىڭ، ءوز مەكەمە ورنىنىڭ ۇيرەنۋ تاربيە قىزمەتىن ويداعىداي يگەرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار كوميتەت باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

　　جينالىس تەلەۆيزور - تەلەفون ءماجىلىسى فورماسىندا اشىلدى، پارتيا تاريحىن ۇيرەنۋ تاربيەسى باسشىلىق گرۋپپاسىنىڭ مۇشەلەرى، ءارقايسى ولكەلەردىڭ، رايونداردىڭ، قالالاردىڭ جانە تەتە ولكە دارەجەلى قالالاردىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القا مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، ءارقايسى حالىقتىق ۇيىمدارداعى، ورتالىق باسقاراتىن فينانس كاسىپورىندارداعى، ورتالىق باسقاراتىن كاسىپورىندارداعى، ورتالىق باسقاراتىن جوعارى مەكتەپتەردەگى، ارميانىڭ قاتىستى ورىندارىنداعى نەگىزگى جاۋاپتى جولداستار، پارتيا تاريحىن ۇيرەنۋ تاربيەسى ورتالىق ۇگىت - لەكسيا ۇيىرمەسىنىڭ قۇرامىنداعىلار، ت. ب جينالىسقا قاتىناستى.