تيانشان تورى   ›   جاڭالىقتار   ›   شينجياڭ حابارلارى

تاربيەلەۋ - باۋلۋ ورتالىعى كاسىپتەنىپ بايۋ ارمانىمدى جۇزەگە اسىرۋىما قول ۇشىن بەردى

□ ياركەن اۋدانىنداعى تاربيەلەۋ - باۋلۋ ورتالىعىنان وقۋ بىتىرگەن تاربيەلەنۋشى مامەتنياز يمىننياز

  جۋىقتا پومپەو تاعى دا جونسىزدىكپەن شينجياڭدى قارالاپ، تاربيەلەۋ - باۋلۋ ورتالىعىنا سوقتىقتى، بۇل، شىنىندا، ادامنىڭ زىعىردانىن قايناتادى. بۇگىن مەن كوپشىلىككە تاربيەلەۋ - باۋلۋ ورتالىعى مەنىڭ ءدىني ۇشقارى يدەيانىڭ شىرماۋىنان قۇتىلۋىما كومەكتەسكەندىگىن، ماعان كاسىپتىك شەبەرلىكتى ۇيرەتكەندىگىن، مەنىڭ كاسىپتەنىپ بايۋ ارمانىما جەتۋىمە مۇمكىندىك جاراتقاندىعىن ايتقىم كەلەدى.

  بۇرىن مەن ساۋدا جاساپ جۇرگەن كەزىمدە كەيبىر ءدىني ۇشقارى ەلەمەنتتەرمەن تانىسىپ، ولاردىڭ ىقپالىنا ۇشىرادىم، مەنىڭ يدەيام، ءىس - ارەكەتىم بىرتە - بىرتە ۇشقارىلىققا قاراي بەت الدى. كەيىن وتباسىمداعىلاردىڭ ناسيحاتتاۋىمەن تاربيەلەۋ - باۋلۋ ورتالىعىنا كەلىپ ۇيرەنۋگە، باۋلۋعا قاتىناستىم.

  تاربيەلەۋ - باۋلۋ ورتالىعىندا ءبىز، باستىسى، مەملەكەتتە ءبىر تۇتاس قولدانىلاتىن ءتىل - جازۋ، زاڭ بىلىمدەرى جانە كاسىپتىك شەبەرلىك سياقتى مازمۇنداردى ۇيرەندىك. ەگەر مەن تاربيەلەۋ - باۋلۋ ورتالىعىنان وقىماعان بولسام، ءدىني ۇشقارى يدەيامەن بارعان سايىن اۋىر ۋلانىپ، بىرتە - بىرتە قىلمىس وتكىزۋدىڭ تەرەڭ قۇيىنا باتىپ كەتەر ەدىم، قازىر سونى ويلاسام بولدى قاتتى ۇرەيلەنەمىن.

  تاربيەلەۋ - باۋلۋ ورتالىعىندا ءبىز ءوزىمىزدىڭ قالاۋىمىز بويىنشا 1 − 2 كاسىپتىك شەبەرلىكتى تاڭداپ ۇيرەندىك. مەن نان جابۋ تەحنيكاسىن تاڭدادىم، ساباقتاستاردىڭ بارلىعى وزدەرى ۇناتقان كاسىپتىك شەبەرلىكتى تاڭدادى، كەيبىرەۋى ەلەكتروندى ساۋدانى، كەيبىرەۋى اسپازدىقتى، تاعى كەيبىرەۋلەرى اجارلاندىرۋ - شاش جاساۋدى تاڭدادى. تاربيەلەۋ - باۋلۋ ورتالىعىندا ءبىز كاسىپتەنۋ شەبەرلىگىن ۇيرەنىپ عانا قالماستان، تەرەڭ دوستىق ورناتىپ، جاقسى دوستارعا اينالدىق.

  وقۋ بىتىرگەننەن كەيىن مەن 25 ادامدى جۇمىسقا قابىلداپ، تاربيەلەۋ - باۋلۋ ورتالىعىندا ۇيرەنگەن نان جابۋ تەحنيكاسىنان پايدالانىپ، نان جابۋ كووپەراتيۆىن قۇرىپ، ءبىر جىلدا 100 مىڭ يۋاننان استام تابىس تاپتىم. بىلتىر جىل باسىندا مەن تاعى ءبىر تازارتىلعان سۋ سەرىكتەستىگىن قۇردىم، كەزەكتە سەرىكتەستىكتىڭ قۇرىلىس اۋماعى 1800 شارشى مەترگە جەتتى، 20 نەشە جۇمىسشى - قىزمەتكەرى بار، كۇنىنە 40 مىڭ بوتەلكەدەن استام تازارتىلعان سۋ وندىرە الادى. مەنىڭ ساباقتاستارىم دا وقۋ بىتىرگەننەن كەيىن تۇگەلدەي وزدەرى ۇيرەنگەن تەحنيكالارىنا سۇيەنىپ تۇراقتى قىزمەت تاۋىپ الدى، كەيبىرەۋى ويىن - ساۋىق ۇيىرمەسىندە ءبيشى بولسا، كەيبىرەۋى كيىم - كەشەك زاۆودىنا قىزمەتكە شىقتى، تاعى كەيبىر ساباقتاستارىم وزدەرى كاسىپ جاراتىپ قوجايىن بولدى، كەيبىرەۋى تاعامجاي، كەيبىرەۋى اۆتوكولىك جوندەۋ دۇكەنىن اشىپ، تاماشا كۇندەر وتكىزۋدە.

  قازىر ويلاسام، ەگەر تاربيەلەۋ - باۋلۋ ورتالىعى بولماسا، مەن جانە مەنىڭ ساباقتاستارىمنىڭ بۇگىنگىدەي تاماشا تۇرمىسى بولماس ەدى. پومپەو، كوزىڭ كورىپ تۇرسادا سوقىردىڭ ءسوزىن ايتىپ وتىرسىڭ، شينجياڭنىڭ ورنىقتى دامۋى سىندى اقيقاتتىڭ الدىندا سەنىڭ تاراتقان وسەك - اياڭىڭنىڭ ءوز - وزىنەن كۇلى كوككە ۇشاتىنى ءسوزسىز.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.