− باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزى رايونىمىزداعى پارتيا مۇشەلەرى مەن كادرلار اراسىندا كۇشتى اڭىس قوزعادى
□ انار بۇلت/ شينجياڭ گازەتىنىڭ تىلشىلەرى
پارتيانىڭ ايبىنى اسقاق، سالتاناتتى دا ساۋلەتتى 100 جىلدىق تاريحىندا تەلەگەي كۇش - قۋات پەن شەكسىز اقىل - پاراسات توپتالدى. باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزى رايونىمىزداعى قالىڭ پارتيا مۇشەلەرى مەن كادرلار اراسىندا كۇشتى اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، پارتيا تاريحىن ۇيرەنۋ تاربيەسىندە بۇكىل پارتياعا سويلەنگەن ءبىر رەتكى جاندى دا جالىندى پارتيا ساباعى. باس شۋجي شي جينپيڭنىڭ ماڭىزدى ءسوزىن ءتۇبىرلى بويسۇنۋ ولشەمى ەتىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاريحتى اينا ەتىپ، ۇيرەنۋدى كۇشەيتىپ، تاريحتان ۇزدىكسىز العا ىلگەرىلەۋدىڭ اقىل - پاراساتى مەن كۇش - قۋاتىن قابىلداپ، ەل باسقارۋ قابىلەتى مەن دەڭگەيىن ۇزدىكسىز جوعارىلاتىپ، جاپپاي سوتسياليستىك وسىزاماندانعان مەملەكەت قۇرۋعا ەسە قوسامىز.
”جۇڭگو كوممۋنيستىك پارتياسىنىڭ 100 جىلدىق تاريحى باتىلدىقپەن وزىنە توڭكەرىس جۇرگىزۋ، ۇزدىكسىز شۇعىلالى ناتيجەلەر جاراتۋ تاريحى، ءبىز مۇقيات ۇيرەنۋىمىز كەرەك“. اۆتونوميالى رايوندىق توتەنشە جاعدايلارعا توتەپ بەرۋ، باسقارۋ مەڭگەرمەسى پارتكومىنىڭ شۋجيى ءماردان مۇقيت بىلاي دەدى: پارتيا تاريحىن مۇقيات ۇيرەنىپ، پارتيانىڭ جاسامپاز نازارياسىنىڭ ۇلىلىعىن ونان ارى سەزىنىپ، پارتيانىڭ جاسامپاز نازارياسىمەن وي - سانانى قارۋلاندىرۋ يدەيالىق سانالىلىعىن ۇزدىكسىز كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا مىعىم يدەيالىق قامتاماسىزدىق ازىرلەۋىمىز كەرەك. ول مىنالاردى ءبىلدىردى: بۇكىل رايوننىڭ توتەنشە جاعدايلارعا توتەپ بەرۋدى باسقارۋ جۇيەسىندەگى بارلىق پارتيا مۇشەلەرى، كادرلار باس شۋجي شي جينپيڭنىڭ ماڭىزدى ءسوزىن مۇقيات ۇيرەنىپ، پارتيانىڭ 100 جىلدىق كۇرەس تاريحىن ويداعىداي ۇيرەنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋى كەرەك. توڭكەرىستىك ءداستۇردى ساۋلەلەندىرىپ، تاريحي ماڭىزدى مىندەتتى ەرلىكپەن ارقالاپ، داۋىرلىك بورىشتى امالياتتا ايگىلەپ، بۇكىل رايوننىڭ توتەنشە جاعدايعا توتەپ بەرۋدى باسقارۋ ىستەرىنىڭ تىڭ ساتىعا كوتەرىلۋىن، جاڭا ناتيجەلەر جاراتۋىن ىلگەرىلەتۋ كەرەك.
”ءبىز ايقىن تۋ ۇستاي وتىرىپ ساياسيدى دارىپتەپ، پارتيا ورتالىق كوميتەتىنە قاراپ مىزعىماستان قاتار تۇزەپ، قاي - قاشان دا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز كەرەك. بۇكىل پارتيادا جوعارىدان تومەنگە دەيىن جۇدىرىقتاي جۇمىلسا، ويدى ءبىر اراعا شوعىرلاندىرىپ، كۇشتى ءبىر اراعا جۇمساسا، قولدان كەلمەيتىن ءىس بولمايدى“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم بىلاي دەدى: بيىل اقسۋ ايماعى قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى سىندى 3 ءىرى ءىستى مۇقيات ويداعىداي يگەرۋمەن قاتار، جاڭا دامۋ ۇستانىمىن جاپپاي دايەكتىلەندىرىپ، جاپپاي كەدەيلىكتەن ارىلتۋدى ۇزدىكسىز ىلگەرىلەتۋ مەن اۋىل - قىستاقتى گۇلدەندىرۋدى ءونىمدى تۇردە ۇشتاستىرۋدىڭ ناقتى شارالارىن كەمەلدەندىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الادى.
سانجى حۇيزۋ اۆتونوميالى وبلىستىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى مىڭ حانجياڭ بىلاي دەدى: ”ءبىز باس شۋجيدىڭ تالابى بويىنشا قاي - قاشان دا ۇيىمدىق لۋشياننىڭ ساياسي لۋشيانعا قىزمەت وتەۋىنە تاباندى بولىپ، پارتيا قۇرىلعاندىعىنىڭ 100 جىلدىعىن قۇتتىقتاۋدى وراي ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ تاربيەسىن ۇزدىكسىز تەرەڭدەتىپ، ۇيىمداستىرۋ تاراۋىنىڭ پارتيا مۇشەلەرىنىڭ، كادرلاردىڭ تاربيەسىن باسقارۋ تاراۋىندىق فۋنكتسيالىق رولىن تولىق ساۋلەلەندىرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيا تاريحىن ۇيرەنۋدى پارتيا مۇشەلەرىن، كادرلاردى تاربيەلەۋدىڭ، باۋلۋدىڭ ماڭىزدى مازمۇنى ەتىپ، ساباق جۇيەسىن، وقۋلىق جۇيەسىن، بايلىق جۇيەسىن ونان ارى كەمەلدەندىرىپ، پارتيا مەكتەبى سياقتى نەگىزگى بازالارعا سۇيەنە وتىرىپ پارتيا تاريحىن ۇيرەنۋ تاربيەسىن ۇزدىكسىز ويداعىداي يگەرىپ، ناتيجە شىعارۋىمىز كەرەك“.
”پارتيا تاريحىن ۇيرەنۋ تاربيەسى بۇكىل پارتيانى تاريحي تاجىريبە - ساباقتاردى قورىتىندىلاۋ ارقىلى پارتيا قۇرىلىسىنداعى رەال ماسەلەلەردى شەشۋدى كوزدەپ، پارتيانىڭ باسشىلىق دەڭگەيى مەن بيلىك جۇرگىزۋ دەڭگەيىن ۇزدىكسىز جوعارىلاتىپ، شىرىكتەسۋگە قارسى تۇرىپ، وزگەرۋدەن ساقتانۋ جانە حاۋىپ - قاتەرگە قارسى تۇرۋ قابىلەتىن كۇشەيتۋگە جەتەكتەيدى“. بايىنعولين موڭعۇل اۆتونوميالى وبلىستىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ مەڭگەرۋشىسى پىڭ چۇنحۋا بىلاي دەدى: ”ءتارتىپ تەكسەرۋ، باقىلاۋ - تەكسەرۋ كادرى رەتىندە، ءبىز ستيل قۇرىلىسىن بۇلجىماستان ويداعىداي يگەرىپ، حالىق تۇرعىسىندا مىزعىماي تۇرىپ، وزىندىك قۇرىلىستى كۇشەيتىپ، شىرىكتەسۋگە قارسى كۇرەستىڭ جاڭا جاعدايىن تەرەڭ يگەرىپ، قاتاڭدىق نەگىزگى اۋەنىن ۇزاق ۋاقىت جالعاستىرىپ، وسكەلەڭ ساياسي جاۋاپكەرشىلىك سەزىم جانە تاريحي بورىشتىلىق سەزىم ارقىلى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋىمىز كەرەك“.
”پارتيا تاريحىن ۇيرەنۋ ءبىزدىڭ يدەيالىق رۋحتى، قىزىل تامىردى سومداۋىمىزعا سەپتىگىن تيگىزەدى، ءبىزدىڭ بولاشاققا ءتىپتى جاقسى بەت الۋىمىزعا مۇمكىندىك جاسايدى“. شاپشال سىبە اۆتونوميالى اۋداندىق پارتكوم پارتيا مەكتەبى وقىتۋدى زەرتتەۋ كەڭسەسىنىڭ مەڭگەرۋشىسى حان شىحۋا بىلاي دەدى: ”پارتيا مەكتەبىنىڭ وقىتۋشىسى رەتىندە، پارتيا تاريحىن ۇيرەنۋ تاربيەسىندە كەلەلى جاۋاپكەرشىلىگىم بار، كاسىپتىك جاقتاعى باسىمدىعىمدى تولىق ساۋلەلەندىرىپ، بۇكىل اۋداننىڭ پارتيا تاريحىن ۇيرەنۋ تاربيەسىنە ءتىپتى جاقسى قىزمەت وتەۋىم كەرەك“.
”كوممۋنيستىك پارتيا مۇشەسى، قىستاقتا تۇراتىن كادر رەتىندە، مەن نازاريامەن قارۋلانۋدى كۇشەيتىپ، پارتيا تاريحىن جاقسى ۇيرەنىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى تۇردە ۇشتاستىرۋدى تىڭعىلىقتى ويداعىداي ىستەۋىم كەرەك“. قاراقاش اۋداندىق پارتكوم ۇگىت بولىمىنەن قاراقاش اۋدانى توقۇلا اۋىلى اياققى گۇرا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ءماتساۋۇر مامەتابلا مىنانى ءبىلدىردى: پارتيانىڭ جاسامپاز يدەياسىن تاباندىلىقپەن قولدانا وتىرىپ وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، شىن مانىندە بۇقارا ءۇشىن ناقتى ءىس ىستەپ، قيىن ماسەلەلەرىن شەشىپ بەرەمىن.
(ءتىلشى جاڭ يۇنمەي، قاتىناسقان تىلشىلەر ياڭ شۋحان، جاڭ جىلي، گى يوۋجۇن، ءجازيرا نەسىپبەك، ءپاريزات ابدۇل، ەرىكتى ءتىلشى گۇلميرا مۇسا، لي نا)
