تيانشان تورى   ›   ۇيرەنۋ   ›   شولۋ

بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ ءدال كەزىندە بولدى، وتە قاجەتتى

− باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  قالاي العا تارتساق تا باسقان ءىزىمىزدى؛ قانشا الىسقا ۇزاپ، قانشا نۇرلى بولاشاققا قادام قويساق تا باستان وتكەندى جانە نە ءۇشىن جولعا شىققانىمىزدى ەستەن شىعارماۋىمىز كەرەك.

  ”بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − پارتيا ورتالىق كوميتەتىنىڭ پارتيانىڭ 100 جىلدىق تاريحىنىڭ جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدى جاپپاي سوتسياليستىك وسىزاماندانعان مەملەكەت قۇرۋعا كوكىرەك كەرنەگەن سەنىممەن ات سالىسۋعا جۇمىلدىرۋ جونىنەن جاساعان كەلەلى شەشىمى“. پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا باس شۋجي شي جينپيڭ پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن تەرەڭ بايانداپ، پارتيا تاريحىن ۇيرەنۋ تاربيەسىنىڭ ءتۇيىنى مەن قىزمەت تالاپتارىن تەرەڭ ءتۇسىندىرىپ، پارتيا تاريحىن ۇيرەنۋ تاربيەسى جونىندە جالپى بەتتىك جۇمىلدىرۋ جانە ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزىنىڭ تۇرعىسى بيىك، كوز اياسى كەڭ، يدەياسى تەرەڭ، پارتيا تاريحى ۇيرەنۋ تاربيەسىن ورىستەتۋىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى.

  تاريح − ەڭ جاقسى ۇستاز. پارتيامىز ەجەلدەن پارتيا تاريحىن ۇيرەنۋ تاربيەسىنە ءمان بەرىپ كەلەدى، پارتيانىڭ كۇرەس بارىسى مەن ۇلى تابىستارى ارقىلى قايرات - جىگەردى تاسقىنداتۋعا، بەتالىستى ايقىنداۋعا ءمان بەردى، پارتيانىڭ داڭقتى ءداستۇرى مەن تاڭداۋلى ستيلى ارقىلى سەنىمدى بەكەمدەدى، كۇش - قۋاتتى ۇيىستىردى، پارتيانىڭ امالياتتىق جاسامپازدىعى مەن تاريحي تاجىريبەلەرى ارقىلى اقىل - پاراساتتى وياتتى، قاسيەتتى شىڭدادى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا تاريحىن ۇيرەنۋگە بارىنشا ءمان بەرىپ، ءبىر قىدىرۋ تالاپتاردى العا قويدى. پارتيامىزدىڭ 100 جىلدىق مەرەي تويىن قۇتتىقتاۋدىڭ كەلەلى ساتىندە، ”قوس 100 جىلدىق“ كۇرەس نىساناسىنىڭ تاريحي توعىسىنداعى شەشۋشى ساتتە بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ ءدال كەزىندە بولدى، بۇل وتە قاجەتتى. ءبىز جۇڭگو كوممۋنيستىك پارتياسىنىڭ تاريحى باي، جاندى وقۋلىق، جۇڭگونىڭ تاياۋ، وسى زامان تاريحىنداعى ەڭ جىر ەتەرلىك داستان ەكەنىن تەرەڭ تانىپ، پارتيا تاريحىن بارىنشا قاستەرلەپ، پارتيا تاريحىن ىشكەرىلەي زەرتتەپ، پارتيا تاريحىن مۇقيات ۇيرەنىپ، پارتيا تاريحىن جان - جاقتى ۇگىتتەپ، پارتيانىڭ تاريحتى بۇگىنگە اينا ەتۋ، دانالىلىقپەن ادام تاربيەلەۋ رولىن تولىق ساۋلەلەندىرۋىمىز كەرەك.

  پارتيامىزدىڭ 100 جىلى − اۋەلگى ماقساتتى، بورىشتى مۇراتتان اينىماي امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ كاسىپتەردى كوركەيتكەن 100 جىل، شۇعىلالى ناتيجەلەر جاراتىپ بولاشاق اشقان 100 جىل. 100 جىل بويى جالعاسقان كۇرەستە پارتيا حالىققا باسشىلىق ەتىپ ۇلى تاريحتى جاراتىپ، ۇلى رۋحتى سومداپ، باعالى تاجىريبەلەر توپتاپ، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الۋىنا مۇمكىندىك جاساپ، جۇڭحۋا ۇلتىنىڭ دامۋ تاريحىنداعى، ادامزات قوعامىنىڭ العا باسۋ تاريحىنداعى ۇلى كەرەمەتتەردى جاراتتى. وتكەندەگى كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرگەندە، ءسوز جوق، پارتيا تاريحىن ويداعىداي ۇيرەنۋىمىز، ويداعىداي قورىتىندىلاۋىمىز، پارتيانىڭ تابىستى تاجىريبەلەرىنە ويداعىداي مۇراگەرلىك ەتۋىمىز، ويداعىداي ساۋلەلەندىرۋىمىز كەرەك. ءبىز مىنانى تەرەڭ تانۋىمىز كەرەك: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − اۋەلگى ماقساتتى، بورىشتى ەستە بەرىك ساقتاۋدىڭ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋدىڭ قاجەتتى تالابى، نانىمدى، سەنىمدى بەكەمدەۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتتى تالابى، پارتيانىڭ وزىنە توڭكەرىس جاساۋىن ىلگەرىلەتۋدىڭ، پارتيانىڭ جالىندى ومىرشەڭدىگىن ماڭگى ساقتاۋدىڭ قاجەتتى تالابى.

  ”اينادان بەينەڭدى كورەسىڭ، بۇرىنعىدان بۇگىنگىنى بىلەسىڭ“. تاريحتى ۇيرەنۋ بولاشاققا ءتىپتى جاقسى بەت الۋ ءۇشىن. ءار دارەجەلى پارتكومدار (پارتيا باسشىلىق گرۋپپاسى) باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق تانىم مەن ساياسي دەڭگەيدى جوعارىلاتىپ، ءوز ءوڭىرىنىڭ، ءوز تاراۋىنىڭ، ءوز مەكەمە ورنىنىڭ ۇيرەنۋ تاربيەسى قىزمەتىن ويداعىداي يگەرۋى كەرەك. پارتيانىڭ جاسامپاز نازارياسىن جەتە ۇيرەنىپ، جەتە يگەرىپ، شىنايى تياناقتاندىرۋدى مىقتاپ ارقاۋ ەتىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ءوزارا ساباقتاستىرۋعا تاباندى بولىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، قالىڭ پارتيا مۇشەلەرىن، كادرلاردى ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، تۋراشىلدىقتى ساقتاپ، جاڭالىق اشىپ، ورايدى يگەرىپ، قايراتتانا ىلگەرىلەپ، جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىنباي كۇرەس جۇرگىزۋگە جەتەكتەۋ كەرەك.

  100 جىلدىق ايبىنى اسقاق ساپاردا اۋەلگى ماقسات 100 جىل بويى شىڭدالىپ بەكەمدەلە ءتۇستى. پارتيا قۇرىلعان كۇننەن باستاپ جاڭا جۇڭگو قۇرىلعان تىڭ جاڭارۋعا، رەفورما جاساپ، ەسىك اشقان عالامات وزگەرىسكە، ونان پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى تابىستارعا قول جەتكىزگەنگە، تاريحي سيپاتتى وزگەرىس تۋىلعانعا دەيىنگى ءتۇبىرلى سەبەپ پارتيامىزدىڭ جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ اۋەلگى ماقساتى مەن بورىشىنا باستان - اياق تاباندى بولعاندىعىندا. بۇكىل پارتيادا پارتيا تاريحىن ۇيرەنۋ تاربيەسىن شوعىرلى تۇردە ورىستەتۋ ارقىلى تاريحي تاجىريبەلەردى ءتىپتى جاقسى قورىتىندىلاپ، تاريحي زاڭدىلىقتى تانىپ، تاريحي ىرىقتىلىقتى يگەرىپ، قىزىل گەنگە ءتىپتى جاقسى مۇراگەرلىك ەتىپ، اۋەلگى ماقساتتى، بورىشتى ەستە بەرىك ساقتاپ، دۇرىس بەتالىستان جازباي، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءتىپتى جاقسى ىشكەرىلەي ۇيرەنىپ، ءتۇسىنىپ، ىلگەرىلەگەن تۇردە يدەيانى بىرلىككە كەلتىرگەندە، ەرىكتى بىرلىككە كەلتىرگەندە، ارەكەتتى بىرلىككە كەلتىرگەندە، ءبىز، ءسوز جوق، اناعۇرلىم قۇدىرەتتى بيلىك باسىنداعى ماركستىك ساياسي پارتيانى قۇرىپ، جاڭا تاريحي باستامادا جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قۇلشىنا قول جەتكىزە الامىز!

(شينحۋا اگەنتتىگىنىڭ 2 - ايدىڭ 21 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.