تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى، ورتالىق رەفورمانى جاپپاي تەرەڭدەتۋ كوميتەتىنىڭ 18 - رەتكى ماجىلىسىندەگى ماڭىزدى ءسوزىنىڭ رۋحىن جەتكىزدى، ۇيرەندى

باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋ كەرەك

چىن چۋانگو ءماجىلىستى باسقاردى

  انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 2 - ايدىڭ 21 - كۇنى ۇرىمجىدەن حابارلايدى. 2 - ايدىڭ 21 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن جانە «جۇڭگو كوممۋنيستىك پارتياسى ورتالىق كوميتەتىنىڭ بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى حابارلاندىرۋىن» جەتكىزىپ، ۇيرەنىپ، «اۆتونوميالى رايوندىق پارتكومنىڭ بۇكىل رايوندا پارتيا تاريحىن ۇيرەنۋ تاربيەسىن ورىستەتۋ جونىندەگى اتقارۋ جوباسى» سياقتىلاردى اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنانى اتاپ كورسەتتى: باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى سوزىندە پارتيا تاريحىن ۇيرەنۋ تاربيەسىن ورىستەتۋدىڭ كەلەلى ماڭىزىن تەرەڭ بايانداپ، پارتيا تاريحىن ۇيرەنۋ تاربيەسىنىڭ ماڭىزدى تۇيىندەرى مەن قىزمەت تالاپتارىن تەرەڭ ءتۇسىندىرىپ، پارتيا تاريحىن ۇيرەنۋ تاربيەسى جونىندە جالپى بەتتىك جۇمىلدىرۋ جانە ورنالاستىرۋ جاساپ، ءبىزدىڭ پارتيا تاريحىن ۇيرەنۋ تاربيەسىن ويداعىداي ورىستەتۋىمىزگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى كورنەكتىلەندىرىپ، پارتيا تاريحىن ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ويداعىداي تياناقتاندىرىپ، ۇيرەنۋ ونىمدىلىگىن شينجياڭنىڭ ورنىقتىلىعىن، دامۋىن ىلگەرىلەتۋدىڭ قىزمەت قوزعاۋشى كۇشىنە جانە ناتيجەسىنە اينالدىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.

  ءبىرىنشى، يدەيالىق تانىمدى جوعارىلاتۋ كەرەك. بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى شەشىم، اۋەلگى ماقساتتى، بورىشتى ەستە بەرىك ساقتاۋدىڭ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋدىڭ قاجەتتى تالابى، نانىمدى، سەنىمدى بەكەمدەۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتتى تالابى، پارتيانىڭ وزىنە توڭكەرىس جاساۋىن ىلگەرىلەتۋدىڭ، پارتيانىڭ جالىندى ومىرشەڭدىگىن ماڭگى ساقتاۋدىڭ قاجەتتى تالابى ەكەندىگىن تەرەڭ تانىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتۋ كەرەك.

  ەكىنشى، ساياسي جەتەكتەۋدى كۇشەيتۋ كەرەك. نىسانانى، تالاپتى ايقىنداپ، ۇيرەنۋدىڭ ماڭىزدى تۇيىندەرىن يگەرىپ، دۇرىس پارتيا تاريحى كوزقاراسىن ورناتىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، قالىڭ پارتيا مۇشەلەرىن، كادرلاردى ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، تۋراشىلدىقتى ساقتاپ جاڭالىق اشىپ، ورايدى يگەرىپ ۇدەرە العا باسىپ، جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تالىقپاي قۇلشىنۋ كەرەك.

  ءۇشىنشى، عىلمي ورنالاستىرۋ جاساۋ كەرەك. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، شوعىرلى ۇيرەنۋ مەن وزدىگىنەن ۇيرەنۋدى ءوزارا ۇشتاستىرۋعا تاباندى بولىپ، بەلگىلەنگەن ارەكەت پەن ءوزى تاڭداعان ارەكەتتى ۇشتاستىرۋعا تاباندى بولىپ، ”ءۇش جيىن، ءبىر ساباق“ جانە نەگىزگى تاقىرىپتىق پارتيا كۇنى سياقتى فورمالاردى قولدانىپ، ءىس جۇزىندىكپەن ۇشتاستىرىپ ەرەكشەلىگى ايقىن، فورماسى ءار الۋان ۇيرەنۋ تاربيەسىن ورىستەتۋ؛ تاماشا ۇيرەنۋ سالتىن اسقاقتاتىپ، ءادىس - تاسىلگە جاڭالىق ەنگىزىپ، جوبالاردى، شارالاردى اشالاپ، باعىتتامالىلىعى مەن ناقتى ونىمدىلىگىن ۇزدىكسىز كۇشەيتۋ؛ پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن ۇشتاستىرىپ، ءىس جۇزىندىك ماسەلەلەردى شەشۋمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ويداعىداي ورىستەتۋ؛ پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى ۇگىت تاربيەسىن كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، جاستار مەن ورەندەردىڭ ۇيرەنۋ تاربيەسىن كۇشەيتىپ، پارتيا تاريحىن ۇيرەنۋ تاربيەسىنىڭ بۇقاراعا تەرەڭدەۋىن، نەگىزگى ساتىعا تەرەڭدەۋىن، جۇرت جۇرەگىنە ۇيالاۋىن ىلگەرىلەتۋ كەرەك.

  ءتورتىنشى، ۇيىمدىق باسشىلىقتى كۇشەيتۋ كەرەك. ءار دارەجەلى پارتكومدار (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىكتى قاتايتۋى، ناقتىلاندىرۋى، نەگىزگى باسشى جولداستار وزدەرى يگەرىپ، الدىمەن ونەگە كورسەتىپ، قۋزاۋ - جەتەكشىلىك ەتۋدى كۇشەيتىپ، دۇرىس باعداردى يگەرىپ، قالىڭ پارتيا مۇشەلەرىن، كادرلاردى بار ىنتا - پەيىلىمەن ات سالىسۋعا جەتەكتەپ، پارتيا ورتالىق كوميتەتىنىڭ ورنالاستىرۋلارىن جانە تالاپتارىن شىن مانىندە ناقتاپ تياناقتاندىرىپ، ۇيرەنۋ تاربيەسىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

  بەسىنشى، قىزمەتتە جاڭا جاعداي اشۋ كەرەك. پارتيا تاريحىن ۇيرەنۋ تاربيەسىن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋمەن ۇشتاستىرىپ، ورنىقتىلىق، دامۋ قىزمەتتەرىن مىقتاپ يگەرۋمەن ۇشتاستىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى، ويداعىداي ىستەپ، حالىق تۇرمىسىمەن تىعىز جاناستىرىپ جوعارى ساپالى دامۋدى ىلگەرىلەتىپ، ”14 - بەسجىلدىقتا“ تاماشا باستاما اشۋعا شىنايى كەپىلدىك ەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  ءماجىلىس باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 18 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى.

       ءماجىلىس بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرۋ نىسانالارى مەن مىندەتتەرىن يگەرىپ، عىلىم - تەحنيكادا جاڭالىق اشۋدى ىلگەرىلەتۋ، ەكونوميكالىق اينالىمدى ىركىلىسسىزدەندىرۋ، ىشكى سۇرانىستى كەڭەيتۋ، جوعارى دەڭگەيدە سىرتقا ەسىك اشۋ، جاپپاي جاسىلعا ويىسۋدى ىلگەرىلەتۋ سياقتىلاردى تىعىز ارقاۋ ەتىپ رەفورمالاردى تەرەڭدەتىپ، ءتۇيىندى سالالارداعى جانە شەشۋشى بۋىندارداعى رەفورمالاردى ۇزدىكسىز ىلگەرىلەتىپ، جۇيە كوزقاراسىن كۇشەيتىپ، ديالەكتيكالىق ويلاۋعا داعدىلانىپ، جاڭالىق اشۋ تانىمىن كۇشەيتىپ، رەفورما جاۋاپكەرشىلىگىن تياناقتاندىرۋدى شەگە قاعۋ رۋحىمەن ىلگەرىلەتىپ، رەفورمانىڭ اناعۇرلىم تەرەڭ دەڭگەيگە قاراي ىلگەرىلەۋىن ۇزدىكسىز جەبەپ، رەفورمانى جاپپاي تەرەڭدەتۋدىڭ جاڭا دامۋ ارناسىن قالىپتاستىرۋداعى شەشۋشى رولىن اناعۇرلىم جاقسى ساۋلەلەندىرۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.