تيانشان تورى   ›   جاڭالىقتار   ›   ەل ءىشى حابارى

اۋىل - قىستاقتى گۇلدەندىرۋدى جاپپاي ىلگەرىلەتۋدى العا قويدى

2021 - جىلعى ورتالىقتىڭ 1 - ءنومىرلى حۇجاتى جاريالاندى

اۋىل - قىستاقتى گۇلدەندىرۋدى جاپپاي ىلگەرىلەتۋدى العا قويدى

  شينحۋا اگەنتتىگىنىڭ 2 - ايدىڭ 21 - كۇنى بەيجيڭنەن بەرگەن حابارى (تىلشىلەر حۋ لۋ، يۇي ۋىنجيڭ). 21 - عاسىردان بەرگى اۋىل شارۋاشىلىعى، اۋىل - قىستاق، شارۋالار قىزمەتىنە جەتەكشىلىك ەتۋدەگى 18 - رەتكى ورتالىقتىڭ 1 - ءنومىرلى حۇجاتىن 2 - ايدىڭ 21 - كۇنى شينحۋا اگەنتتىگى بەرىلگەن ۇقىق بويىنشا جاريالادى.

  بۇل حۇجاتتىڭ تاقىرىبى «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ جونىندەگى پىكىرى»، تولىق مازمۇنى مىناداي 5 بولىكتى قامتيدى: جالپى تۇلعالىق تالاپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، اۋىل شارۋاشىلىعىنىڭ وسىزاماندانۋىن جەدەل ىلگەرىلەتۋ، اۋىل - قىستاق قۇرىلىسى ارەكەتىن زور كۇشپەن اتقارۋ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىن كۇشەيتۋ.

  حۇجاتتا مىنالار اتاپ كورسەتىلدى: ”14 - بەسجىلدىق“ مەزگىلى − قولايلى جاعدايدان ۇتىمدى پايدالانىپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋداعى، ەكىنشى 100 جىلدىق كۇرەس نىساناسىنا جورىق جاساۋداعى العاشقى 5 جىل. ۇلت گۇلدەنۋ ءۇشىن اۋىل - قىستاق، ءسوز جوق، گۇلدەنۋى كەرەك. پارتيا ورتالىق كوميتەتى بىلاي دەپ قارادى: جاڭا دامۋ كەزەڭىندە اۋىل شارۋاشىلىعى، اۋىل - قىستاق، شارۋالار قىزمەتى اۋەلگىدەي ايرىقشا ماڭىزدى، ءبىر ساتتە بوساڭسۋعا بولمايدى، ءسوز جوق، مىقتى، ناقتى يگەرۋ كەرەك. اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىندە بارىنەن ماڭىزدى ورىنعا قويۋعا تاباندى بولىپ، اۋىل - قىستاقتى گۇلدەندىرۋدى جاپپاي ىلگەرىلەتۋدى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى مىندەت ساناپ، بۇكىل پارتيانىڭ، تۇتاس قوعامنىڭ كۇشىن جۇمىلدىرىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، قالىڭ شارۋالاردى اناعۇرلىم تاماشا تۇرمىسقا كەنەلدىرۋ كەرەك.

  حۇجاتتا مىنالار ايقىن تۇراقتاندىرىلدى: اۋىل - قىستاق قۇرىلىسىن سوتسياليستىك وسىزامانداندىرۋ قۇرىلىسىندا ماڭىزدى ورىنعا قويىپ، اۋىل قىستاق كاسىپ سالاسىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمىنىڭ گۇلدەنۋىن جاپپاي ىلگەرىلەتىپ، اۋىل شارۋاشىلىعى ونىمدەرىمەن قامداۋ، ەكولوگيالىق قالتقى، مادەنيەتتى جالعاستىرۋ سياقتى فۋنكتسيالاردى تولىق ساۋلەلەندىرىپ، اۋىل - قىستاقتى گۇلدەندىرۋدىڭ جۇڭگوشا سوتسياليستىك جولىمەن ءجۇرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءوزارا تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ، اۋىل شارۋاشىلىعى، قالا، اۋىل قاتىناسىن جەدەل قالىپتاستىرىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا قولايلى، كاسىپكە ىڭعايلى بولۋىن، شارۋالاردىڭ بايۋىن، مولشىلىق تۇرمىسقا كەنەلۋىن جەبەۋ كەرەك.

  ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ قاتىستى جاۋاپتىسى مىنانى ءبىلدىردى: اناعۇرلىم پارمەندى شارا قولدانىپ، اناعۇرلىم قۋاتتى كۇش توپتاپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشۋعا، جاقسى قادام تاستاۋعا پارمەندى تىرەك ازىرلەيمىز.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.