تيانشان تورى   ›   جاڭالىقتار   ›   ماڭىزدى حابارلار

شي جينپيڭ جولداستىڭ «جۇڭگو كوممۋنيستىك پارتياسى تاريحى جونىندە» كىتابى باسپادان شىعىپ تاراتىلدى

  شينحۋا اگەنتتىگىنىڭ 2 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان شي جينپيڭ جولداستىڭ «جۇڭگو كوممۋنيستىك پارتياسى تاريحى جونىندە» كىتابى جۋىقتا ورتالىق حۇجاتتار باسپاسى جاعىنان باسپادان شىعىپ، بۇكىل ەلدە تاراتىلدى.

  ارناۋلى تاقىرىپتاعى وسى ماقالالار جيناعىنا شي جينپيڭ جولداستىڭ جۇڭگو كوممۋنيستىك پارتياسى تاريحى جونىندەگى 40 ماڭىزدى ماقالاسى ەنگىزىلگەن. ونىڭ ىشىندە ءىشىنارا ماقالالارى تۇڭعىش رەت جاريالانىپ وتىر.تاريح − ەڭ جاقسى وقۋلىق. پارتيا 18 - قۇرىلتايىنان بەرى شي جينپيڭ جولداس جۇڭگو كوممۋنيستىك پارتياسىنىڭ تاريحىن ارقاۋ ەتىپ ءبىر قىدىرۋ ماڭىزدى بايىمداۋلار جاريالاپ، پارتيامىزدىڭ جۇڭگو حالقىن ىنتىماقتاستىرىپ جانە باستاپ قاجىماي - تالماي كۇرەس جاساعان شۇعىلالى بارىسىن جۇيەلى ەسكە الىپ، پارتيانىڭ ءارقايسى تاريحي مەزگىلدە جاراتقان نازاريالىق جەتىستىكتەرىن، توپتاعان قىمباتتى تاجىريبەلەرىن، سومداعان ۇلى رۋحتارىن ىشكەرىلەي قورىتىندىلاپ، پارتيانىڭ جۇڭحۋا ۇلتى ءۇشىن قوسقان ۇلى ۇلەسىن، ادامزات ماسەلەلەرىن شەشۋ ءۇشىن ازىرلەگەن جۇڭگو پاراساتىن، جۇڭگو جوباسىن ىشكەرىلەي ءتۇسىندىرىپ، پارتيا مەن حالىق ىستەرى دامۋىنىڭ نۇرلى بولاشاعىنا كوز جىبەردى. وسى ماڭىزدى بايىمداۋلاردىڭ ءمانى زور، مازمۇنى باي، يدەياسى تەرەڭ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ ماڭىزدى قۇرامداس بولىگى بولىپ تابىلادى. شي جينپيڭ جولداستىڭ «جۇڭگو كوممۋنيستىك پارتياسى تاريحى جونىندە» كىتابىنىڭ باسپادان شىعىپ تاراتىلۋى قالىڭ كادرلاردىڭ، بۇقارانىڭ پارتيا تاريحىن ويداعىداي ۇيرەنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىنەن ايرىقشا كەلەلى جەتەكشىلىك ماڭىز الادى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.