تيانشان تورى   ›   جاڭالىقتار   ›   ءۇرىمجى

مىنا ادامداردىڭ ۇرىمجىدەگى الەۋمەتتىك مايعا بەرىلەتىن ٴۇيدىڭ ماي اقىسىن كەشىرىم ەتۋدى ٴوتىنىش ەتۋىنە بولادى

  كەزەكتەگى ٴۇرىمجى قالاسىنىڭ جۇرەكتى جىلىتاتىن 10 ٴتۇرلى قيمىلىنىڭ ٴبىرى بولعان ٴۇيدىڭ ماي اقىسىن كەمەيتۋ، كەشىرىم ەتۋ قيمىلىنىڭ ٴوتىنىش قابىلداۋى قازىر باستالدى. شارتقا ۇيلەسەتىن الەۋمەتتىك ٴۇيدى مايعا العان تۇرعىندار ٴوزى وتىرعان تۇرعىندار رايونىنداعى ٴۇي قاينارىن باسقارۋ ورنىنا ٴۇي ماي اقىسىن كەشىرىم ەتۋ ٴوتىنىشىن تاپسىرۋىنا بولادى. ٴوتىنىش ەتۋ ۋاقىتى 3 – ايدىڭ 31 – كۇنىنە دەيىن بولادى.

  ماتەريال سۋرەت

   2 – ايدىڭ 20 – كۇنى ٴتىلشىنىڭ ٴۇرىمجى قالالىق تۇرعىن ٴۇيدى قامتاماسىز ەتۋ جانە قورا – جاي باسقارۋ مەكەمەسىنەن ۇعىسۋىنشا، ٴۇي ماي اقىسىن كەشىرىم ەتۋ قيمىلى الەۋمەتتىك مايعا بەرىلەتىن تۇرعىن ۇيلەردى مايعا العان ٴارى 2 – ايدا اۋىلىنا قايتپاي ۇرىمجىدە قالعان سىرتتان كەلىپ جۇمىس ىستەيتىندەردىڭ ٴبىر ايلىق ٴۇي ماي اقىسىن كەشىرىم ەتۋدى مەڭزەيدى. كوكتەم مەرەكەسىنىڭ الدىنداعى ٴار قايسى الەۋمەتتىك اۋماقتاردىڭ، ٴار قايسى الەۋمەتتىك مايعا بەرىلەتىن تۇرعىن ۇيلەردىڭ ٴۇي قاينارىن باسقارۋ ورىندارىنىڭ العاشقى ساناعىنا نەگىزدەلگەندە، وسى رەتكى كەشىرىم ەتۋ قيمىلىنان شامامەن 12 مىڭ 677 ۇرىمجىدە قالعان سىرتتان كەلىپ جۇمىس ىستەيتىن وتباسىلارى تيىمدىلىكتەن يگىلىكتەنەدى، 6 ميلليون 430 مىڭ يۋان ماي اقى كەشىرىم ەتىلەدى ەكەن.

  ماتەريال سۋرەت

  لياۋنيڭنەن كەلگەن ۋىڭ ليانبيڭ 2018 – جىلى ٴۇرىمجى قالاسىنداعى شانشۇييايۋان تۇرعىندار رايونىنان الەۋمەتتىك مايعا بەرىلەتىن ٴۇيدى مايعا العان. 2 – ايدىڭ 20 - كۇنى ۋىڭ ليانبيڭ ٴوزى تۇرعان تۇرعىندار رايونىنىڭ دايىن ٴۇي باسقارۋ ورنى ٴۇرىمجى حۇيمين يجۇي قامتاماسىز ەتۋ سيپاتتى تۇرعىن ٴۇي قۇرىلىسىن باسقارۋ شەكتى سەرىكتەستىگىنىڭ مايعا بەرۋ 4 – بولىمىنە لەلىپ، ٴۇي ماي اقىسىن كەشىرىم ەتۋدى ٴوتىنىش ەتۋ جونىندەگى ناقتى ىستەردەن اقىل - كەڭەس سۇرادى.

  ۋىڭ ليانبيڭ مايلاپ وتىرعان الەۋمەتتىك مايعا بەرىلەتىن ٴۇيدىڭ ايلىق ماي اقىسى 540 يۋاننان استام. بۇرىن ۋىڭ ليانبيڭ ٴار جىلى كوكتەم مەرەكەسىندە لياۋنيڭگە قايتىپ مەرەكە وتكىزەتىن. بيىل ٴوزى تۇرعان جەردە كوكتەم مەرەكەسىن وتكىزۋ ۇندەۋىنە ٴۇن قوسىپ، ۇرىمجىدە قالىپ، كوكتەم مەرەكەسىن وتكىزدى. كەڭەس العاننان كەيىن، وتباسىنىڭ ٴوتىنىش ەتۋ شارتىنا ۇيلەسەتىنىن ۇققان ول ٴوتىنىش ەتۋگە قاجەتتى ماتەريالداردى دايىنداپ، ٴۇي قاينارىن باسقارۋ ورنىنا قايتا كەلىپ، ٴوتىنىش ەتۋ ٴراسىمياتىن تەز ارادا ٴبىتىردى.

   2 – ايدىڭ 7 – كۇنى تۇستەن بۇرىن ٴۇرىمجى قالاسى تيانشان رايونى بايگە الاڭى اۋماعى وڭتۇستىك داۋان الەۋمەتتىك اۋماعىنىڭ داۋانشينسۇن تۇرعىندار رايونىندا الەۋمەتتىك اۋماق قىزمەتكەرلەرى ۇرىمجىدە قالعان سىرتتان كەلىپ جۇمىس ىستەۋشىلەرگە جۇرەك جىلىتاتىن ۇلكەن ساۋعا جەتكىزىپ بەردى. سۋرەتتى ٴتىلشى ۋاڭ چيميڭ تۇسىرگەن

  ۋىڭ ليانبيڭ بىلاي دەدى: ”بيىل كوكتەم مەرەكەسىندە الەۋمەتتىك اۋماق قىزمەتكەرلەرى بىزگە جۇرەكتى جىلىتاتىن ۇلكەن ساۋعا اكەلىپ بەردى، قازىر تاعى ٴبىر ايلىق ٴۇي ماي اقىسىن كەشىرىم ەتتى، بۇل شىنايى حالىققا تيىمدىلىك جاساۋ ساياساتى، جۇرەكتى جىلىتاتىن ساياسات“.

  ٴۇرىمجى قالالىق حۇيمين يجۇي قامتاماسىز ەتۋ سيپاتتى تۇرعۇن ٴۇي قۇرىلىسىن باسقارۋ شەكتى سەرىكتەستىگى مايعا بەرۋ 4 – ٴبولىمىنىڭ جاۋاپتىسى جاۋ بەي بىلاي دەدى: مايعا بەرۋ ٴبولىمىمىز شانشۇييايۋان C رايونى، D رايونى، چۇنحى- ي- يۋان 1- مەرزىمى، 2 – مەرزىمىندەگى الەۋمەتتىك مايعا بەرىلەتىن ۇيلەردىڭ ماي اقىسىن كەشىرىم ەتۋ ٴوتىنىشىن قابىلداۋ قىزمەتىنە جاۋاپتى. 2 – ايدىڭ 18 – كۇنىنەن باستاپ قازىرگە دەيىن 1000 نان استام وتباسىنىڭ الەۋمەتتىك مايعا بەرىلەتىن ٴۇيدىڭ ماي اقىسىن كەشىرىم ەتۋ ٴوتىنىشىن قابىلدادىق.

  ٴۇرىمجى قالالىق تۇرعىن ٴۇيدى قامتاماسىز ەتۋ جانە قورا – جاي باسقارۋ مەكەمەسى تۇرعىن ٴۇيدى قامتاماسىز ەتۋ ورتالىعىنىڭ ورىنباسار مەڭگەرۋشىسى جياڭ يۇڭجۇن بىلاي دەدى: الەۋمەتتىك مايعا بەرىلەتىن ۇيلەردەگى تۇرعىندار وزدەرى تۇرعان تۇرعىندار رايونىنىڭ ٴۇي قاينارىن باسقارۋ ورنىنا ٴوتىنىش بەرۋى كەرەك. ٴوتىنىش بەرگەندە ٴۇرىمجى قالاسىنىڭ قونىستانۋ كۋالىگى (كۇشكە يە مەرزىمدەگى)، وزدەرى تۇرعان الەۋمەتتىك اۋماق نەمەسە قىزمەت ورنى كەسىپ بەرگەن 2 – ايدا ۇرىمجىدە قالعاندىعى جونىندەگى انىقتاما، ٴوتىنىش قاعازى، ازاماتتىق كۋالىكتىڭ كوشىرمە نۇسقاسى، قونىستانۋ كۋالىگىنىڭ كوشىرمە نۇسقاسى سياقتى ماتەريالداردى تاپسىرۋ كەرەك.

  ماتەرال سۋرەت

  تانىستىرۋعا قاراعاندا،

   2021 – جىلى 2 – ايدىڭ ماي اقىسىن تاپسىرعان

  توقتام مەرزىمى تولماعاندارعا، ماي اقى كەشەۋىلدەتىلەدى

  2021 – جىلعى ماي اقىسىن تاپسىرماعان

  توقتام مەرزىمى تولماعاندار ماي اقى تاپسىرعاندا، 2 – ايدىڭ ماي اقىسى كەشىرىم ەتىلەدى

   2- ايدىڭ ماي اقىسىن تاپسىرىپ، توقتامنىڭ مەرزىمى تولۋ الدىندا تۇرعاندارمەن جاڭادان مايلاپ بەرۋ توقتامىن جاساسادى

   2 – ايداعى ماي اقىسى كەشەۋىلدەتىلەدى

  كەشىرىم ەتۋدەن بۇرىن

  توقتامنىڭ مەرزىمى تولعان

  سىرتتان كەلىپ جۇمىس ىستەۋشىلەرگە قاراتا

  ەگەر مايعا الۋشى جالعاستى مايعا الۋ شارتىنا ۇيلەسسە،

  ەكى جاق جاڭا مايعا بەرۋ توقتامىن جاساسادى

  ٴۇيدىڭ ماي اقىسىن العاندا ٴبىر ايلىق ماي اقىسى كەشىرىم ەتىلەدى

   ەگەر مايعا الۋشى جالعاستى مايلاۋ شارتىنا ۇيلەسپەسە

  ەكى جاق مايعا بەرۋ توقتامىن كۇشىنەن قالدىرىپ، ٴۇي قايتارىپ الىنادى

  مايعا بەرۋ توقتامىن قايتالاي جاساسپايدى، ٴۇيدىڭ ماي اقىسى الىنبايدى

  ماتەريال سۋرەت

  ىقلاستى ەسكەرتپە

  الەۋمەتتىك مايعا بەرىلەتىن ۇيلەردىڭ ماي اقىسىن كەشىرىم ەتۋ ٴوتىنىشىن بىتىرگەندە، تەلەفون ارقىلى الدىنالا كەلىسۋگە بولادى، شارتقا تولاتىن، ٴبىراق ٴجۇرىپ – تۇرۋى قولايسىز وتباسىلارىنا ٴۇي قاينارىن باسقارۋ ورنىنىڭ ٴۇي باسقارۋشىلارى ۇيگە كەلىپ قىزمەت وتەپ، شارتقا ۇيلەسەتىن الەۋمەتتىك مايعا بەرىلەتىن ۇيلەردەگى تۇرعىنداردىڭ وسى ساياساتتان يگىلىكتەنۋىنە مۇمكىندىك جاسايدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.