تيانشان تورى
تيانشان تورى   ›   جاڭالىقتار   ›   شينجياڭ حابارلارى

پومپەونىڭ وسەك - اياڭى شىندىقتى بۇركەمەلەي المايدى

شينجياڭ فوتوشىلار قوعامى

پومپەونىڭ وسەك - اياڭى شىندىقتى بۇركەمەلەي المايدى

  جۋىقتا امەريكانىڭ بۇرىنعى مەملەكەت ىستەرى حاتشىسى پومپەو شينجياڭعا ساياتىن ساندىراقتارىن جاريالاپ، شينجياڭنىڭ ادامدىق ۇقىق جاعدايىن قۇتىرىنا داتتاپ، شينجياڭنىڭ اسا تاماشا جاعدايى مەن ءار ۇلت حالىق بۇقاراسىنىڭ باقىتتى تۇرمىسىنا كۇيە جاعىپ، شينجياڭنىڭ قوعام ورنىقتىلىعىن قاساقانا بۇلدىرۋگە ۇرىندى. شينجياڭ فوتوشىلار قوعامى مەن شينجياڭداعى قالىڭ فوتوشىلار بۇعان تۇگەلدەي قاتاڭ نارازىلىق بىلدىرەدى، ەرەكشە كەكتەنەدى جانە باتىل قارسى تۇرادى!

  شىندىققا تالاس جۇرمەيدى. پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ەكونوميكالىق دامۋ ۇزدىكسىز جاقسارۋعا بەت الىپ، نەگىزدىك قۇرىلعىلار ۇزدىكسىز جاقساردى، رەفورما جاساۋ، ەسىك اشۋ اناعۇرلىم تەرەڭدەپ، جىبەك جولى ەكونوميكالىق بەلدەۋى وزەكتى رايون قۇرىلىسى ىشكەرىلەي ىلگەرىلەدى. ءار ۇلت حالقىنىڭ تۇرمىسى كورنەكتى جاقسارىپ، كەدەيلىكتەن ارىلتۋدان قامال الۋدا شەشۋشى سيپاتتى جەڭىسكە قول جەتتى. كەزەكتە شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى.

  شينجياڭ فوتوشىلار قوعامى مەن شينجياڭداعى قالىڭ فوتوشىلار اپپارات كوزىمەن رەالدىقتى ەستەلىككە الىپ، شىندىقتى كورسەتۋگە تاباندى بولدى. ءار ۇلت فوتوشىلارىن وڭتۇستىك شينجياڭدا حوتان، قاشقار، اقسۋ جانە سولتۇستىك شينجياڭدا التاي، ىلە سياقتى جەرلەرگە بارىپ جاسامپازدىقپەن شۇعىلدانۋعا ۇيىمداستىرىپ، فوتوعا تۇسىرگەن كەزدە ءبىز اپپارات كوزىن نەگىزگى ساتىعا تۋرالاپ، شينجياڭنىڭ وسى جىلداردا تۋىلعان وراسان زور وزگەرىسىن شىنايى ايگىلەدىك. ءۇرتىس 21 كەزەك فوتو كوركەمونەر تۋىندىلار كورمەسىن ءساتتى وتكىزدىك. سۋرەتتەر ارقىلى ۇلى وتاننىڭ گۇلدەنىپ - كوركەيگەندىگىن ايگىلەپ، كورىكتى شينجياڭنىڭ كوركەم كەلبەتىن، ءار ۇلت حالقىنىڭ ۇلى ىنتىماعىن كورسەتتىك، مۇنىڭ بارلىعى شينجياڭنىڭ ناعىز شىنايى ەستەلىگى. شينجياڭ فوتوشىلار قوعامى ءار ۇلت فوتوشىلارىن مەملەكەتتىك ءتۇرلى سۋرەت كورمەسىنە، سۋرەت جارىسىنا قاتىناسۋعا ۇيىمداستىرىپ، سۇبەلى ناتيجەگە قول جەتكىزدى. 2020 - جىلى شينجياڭ فوتوشىلار قوعامى تۇڭعىش كەزەكتى كوركەم جۇڭحۋا (جينديڭ سيلىعى) مەملەكەتتىك كورىنىس فوتو جارىسىنا قاتىناستى، شينجياڭ فوتوشىلار قوعامى توپتىق 1 - دارەجە سيلىعىن داڭقپەن يەلەدى، جەكە سيلىققا يە بولعانداردىڭ اراسىندا شينجياڭ فوتوشىلار قوعامىنىڭ ۇزدىك فوتوشىلارى 3 التىن، 6 كۇمىس، 8 قولا، 20 تاڭداۋلى تۋىندى سيلىعىنا يە بولدى. ءبىزدىڭ بۇكىل دۇنيە جۇزىندە جانە بۇكىل ەلدە كوپتەگەن فوتوشى دوستارىمىز بار، ولار شينجياڭدى اڭساپ كەلىپ، ادالدىقپەن جانە ىزگى نيەتپەن شينجياڭداعى ءار ۇلت حالقىنىڭ ءوندىرىس، تۇرمىس جاعدايىنا جانە كوركەم شينجياڭعا اپپارات كوزىمەن شىنايى كۋاگەر بولدى جانە ونى ەستەلىككە الدى، وسىنىڭ بارلىعى پومپەونىڭ وسەك - اياڭىمەن ايقىن سالىستىرما قالىپتاستىردى.

  شينجياڭنىڭ كوركەيىپ - گۇلدەنۋىن، ورنىقتىلىعىن بۇلدىرۋگە، جۇڭگونىڭ دامۋىن تەجەۋگە ۇرىنعان ءارقانداي قاسكۇنەمدىك استە جۇزەگە اسپايدى، پومپەونىڭ وسەك - اياڭى شىندىقتى بۇركەمەلەي المايدى، ونىڭ تاراتقان ءتۇرلى وسەك - اياڭى مەن ۋىتى، ءسوز جوق، ونىڭ وزىمەن بىرگە تاريحتىڭ كۇرەسىنىنە سپىرىلىپ تاستالادى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.