□ انار بۇلت / شينجياڭ گازەتىنىڭ تىلشىلەرى يۋە يانيۇن، ياۋ تۇڭ، لي ياڭ، ۋاڭ شيڭرۇي
”جۇڭگو كوممۋنيستىك پارتياسىنىڭ حيكايالارى“ شينجياڭ ارناۋلى تاقىرىپتىق ۇگىتتەۋ - تانىستىرۋ ماجىلىسىندە بەينە ەكران بايلانىسى ارقىلى سۇحبات جاساعاندا، شەتەلدىك قوناقتار جۇڭگو شينجياڭىنىڭ ورنىقتى، دامىعان قازىرگى جاعدايىن اۋىز جاپپاي القادى، ”ورنىقتى“، ”حاۋىپسىز“، ”جاراسىمدى“، ”ىنتىماقتى“، ”باقىتتى“ دەگەن سوزدەر كوپ ايتىلدى. ولار ءبىر اۋىزدان بىلاي دەپ قارادى: جۇڭگو كوممۋنيستىك پارتياسىنىڭ باسشىلىعىندا، شينجياڭنىڭ ورنىقتىلىعى مەن دامۋىن جۇرتتىڭ ءبارى كورىپ وتىر، الداعى بولاشاعى ءتىپتى دە كوركەم، وبيەكتيۆ پوزيتسيا ۇستانعان ءارقانداي ادامنىڭ بارلىعى بۇل شىندىقتى تەرىسكە شىعارا المايدى.
”شينجياڭنىڭ ەرتەڭىنىڭ ءتىپتى دە كوركەم بولاتىندىعىنا سەنەمىز“. پاكيستان مەملەكەتتىك عىلىم - تەحنيكا داشۋەسى جۇڭگونى زەرتتەۋ ورتالىعىنىڭ ورىنباسار مەڭگەرۋشىسى ءزامىر اۋان كوپ رەت جۇڭگونىڭ شينجياڭىنا ساپارلاي كەلگەن، ول تەبىرەنە بىلاي دەدى: ”مەن شينجياڭنىڭ اشىق اسپانىن، تازا اۋاسىن، ءتىل ۇيىرەتىن جەمىس - جيدەگىن، ءتۇرلى ءدامدى تاعامىن ۇناتامىن، شينجياڭ، راسىندا، جاقسى جەر“.
ءزامىر اۋان بىلاي دەپ قارادى: جۇڭگو كوممۋنيستىك پارتياسىنىڭ باسشىلىعىندا، شينجياڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىندە كورنەكتى ونىمدىلىككە قول جەتكىزدى، حالىقتىڭ ءومىرىنىڭ، مال - مۇلكىنىڭ حاۋىپسىزدىگى پارمەندى قامتاماسىز ەتىلدى. كەيبىر باتىس ەلدەرىنىڭ جالا جابۋى ولاردىڭ ساياسي ماقساتىن جاسىرا المايدى، بۇل اشىقتان - اشىق داتتاۋ.
”ءۇرىمجىنىڭ قالا قۇرىلىسى مەن دامۋى توتەنشە جاقسى“. يراق كۋردىستان كوممۋنيستىك پارتياسىنىڭ باس شۋجيى كاۆا بىلاي دەدى: كەيبىر مەملەكەتتىڭ ساياسي الاياقتارىنىڭ شينجياڭعا قىسىم جاساپ، كۇيە جاعۋى، ءىس جۇزىندە، جۇڭگونىڭ دامۋىن شاۋجايلاۋعا ۇرىنعاندىق. جۇڭگو ءوزىنىڭ قول جەتكىزگەن دامۋ تابىستارىن اسقاق ارىنمەن كوپتەپ ۇگىتتەۋى كەرەك، بۇل تابىستى تاجىريبەلەر وزگە مەملەكەتتەر جونىنەن وتە پايدالى.
تۇركيا وتانشىلدىق پارتياسىنىڭ ءتوراعاسى پالەنچەك جۇڭگو شينجياڭىنىڭ از ۇلتتاردىڭ مادەنيەتىن قورعاعاندىعىنا اناعۇرلىم نازار اۋداردى. ول كەزىندە قاشقار ايماعى، ىلە قازاق اۆتونوميالى وبلىسى سياقتى جەرلەردە ساپاردا بولىپ، جەرگىلىكتى ورىنداعى از ۇلتتاردىڭ مادەنيەتىنىڭ ويداعىداي قورعاۋعا يە بولعانىن ءوز كوزىمەن كورگەن، اسىرەسە، كوپ ءتۇرلى از ۇلتتاردىڭ ءتىل - جازۋىنداعى باسىلىم، راديو - تەلەۆيزيا نومىرلەرى جانە جاڭا اقپارات قۇرال تەكشەلەرى وعان تەرەڭ اسەر قالدىرعان. ”جۇڭگو كوممۋنيستىك پارتياسى مەن جۇڭگو ۇكىمەتى از ۇلت وڭىرلەرىنىڭ دامۋىنا وسكەلەڭ ءمان بەرىپ، قىرۋار ادام كۇشىن، زات كۇشىن، قازىنا كۇشىن قوسىپ، بۇكىل دۇنيە جۇزىنە ۇلگى ورناتتى“، - دەدى ول.
