− ”جۇڭگو كوممۋنيستىك پارتياسىنىڭ حيكايالارى“ شينجياڭ ارناۋلى تاقىرىپتىق ۇگىتتەۋ - تانىستىرۋ ءماجىلىس ەستەلىگى
□ انار بۇلت / شينجياڭ گازەتىنىڭ تىلشىلەرى لي ياڭ، يۋە يانيۇن، ياۋ تۇڭ، ۋاڭ شيڭرۇي
”جۇڭگو حيكاياسىنىڭ“ وزەگى ”جۇڭگو كوممۋنيستىك پارتياسىنىڭ حيكايالارى“. بۇل رەت دۇنيە ءجۇزى نازارىن شينجياڭعا اۋداردى. 2 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن اۆتونوميالى رايوندىق پارتكوم بىرلەسىپ ۇيىمداستىرعان ”جۇڭگو كوممۋنيستىك پارتياسىنىڭ حيكايالارى“ شينجياڭ ارناۋلى تاقىرىپتىق ۇگىتتەۋ - تانىستىرۋ ءماجىلىسى ۇرىمجىدە وتكىزىلىپ، دۇنيە جۇزىندەگى ءار ەلدىڭ ساياسي پارتيالارى مەن ۇيىمدارىنا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكومنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، شينجياڭداعى ءار ۇلت حالقىن باستاپ ىنتىماقتاسا كۇرەس جۇرگىزگەن، تاماشا تۇرمىسقا ۇمتىلعان ناقتى حيكايالاردى تانىستىردى.
ۇگىتتەۋ - تانىستىرۋ ءماجىلىسى ءدال ساعات 17دە اشىلدى، جۇڭگو جاقتىڭ سيلى قوناقتارى ءماجىلىس الاڭىنا كىرىپ جايعاستى. وسىنىڭ الدىندا ەل ىشىندەگى 40 نەشە اقپارات قۇرىلىمدارىنان كەلگەن 60 نەشە ءتىلشى الدىن الا ءماجىلىس الاڭىنا كەلىپ، ىڭعايلى ”ورىندى“ يەلەپ، تىلشىلىك جاساۋ دايىندىعىن ويداعىداي ىستەدى.
مۇراتتاستارعا جەر الىستىق ەتپەيدى. ءماجىلىس الاڭىنىڭ ورتالىعىنداعى ۇلكەن ەكراننان 80 نەشە ەلدەگى 190 نەشە ساياسي پارتيانىڭ نەمەسە ۇيىمنىڭ 300 نەشە ساياسي پارتيا ساياسي قايراتكەرى جانە تانىمال تۇلعاسى ينتەرنەت بەينە ەكران بايلانىس تاسىلىمەن ءماجىلىس الاڭىنا ”كەلدى“. تۇرلىشە ۋاقىت، ءوڭىر اتتاعان ادامدار ”بۇلتتا“ باس قوستى. بەينە ەكراندا كەيبىر جەرلەردە ىمىرت ۇيىرىلسە، ال كەيبىر جەرلەردە كۇن شۇلەن شۇعىلاسىن توگىپ تۇر. سونشا الىستان كەلىپ باس قوسسا دا جۇرت اسا قىزعىندى بولدى.
بۇل شالقار مۇحيتتى اتتاعان شىن ىقىلاستى پىكىر اۋىستىرۋ −
تونگا پارلامەنتىنىڭ باستىعى فاكافانۋا، پاكيستان ادىلەت قوزعالىسى پارتياسىنىڭ باسشىسى، حالىق پارلامەنتىنىڭ ورىنباسار باستىعى سۇري، كامبودجا حالىق پارتياسى ورتالىق كوميتەتىنىڭ تۇراقتى مۇشەسى، كەڭەس پالاتاسىنىڭ 2 - ورىنباسار ءتوراعاسى ديۆەڭ، يندونەزيا حالىق بورىشى پارتياسىنىڭ باس ءتوراعاسى، حالىق ءماسليحات كەڭەسىنىڭ ورىنباسار ءتوراعاسى زۇركفۇري، توگو رەسپۋبليكانى قورعاۋ وداعىنىڭ ورىنباسار ءتوراعاسى، حالىق پارلامەنتىنىڭ ورىنباسار باستىعى يبىراھيما، ماروككو ادىلەت جانە دامۋ پارتياسىنىڭ ورىنباسار باس شۋجيى، قاۋىم پالاتاسىنىڭ ءبىرىنشى ورىنباسار باستىعى ومراني، پورتۋگاليا كوممۋنيستىك پارتياسى ورتالىق كوميتەتىنىڭ مۇشەسى، پارلامەنتتىڭ ورىنباسار باستىعى فيليپ سياقتى ساياسي پارتيا ساياسيقايراتكەرلەرى بەينە ەكران بايلانىسى ارقىلى ءسوز سويلەدى. ولار مىنالاردى ءبىلدىردى: وسى رەتكى ۇگىتتەۋ - تانىستىرۋ ءماجىلىسى ارقىلى جۇڭگو شينجياڭىنىڭ قوعام ورنىقتىلىعى، ۇلتتار ىنتىماعى، حالىق تۇرمىسىن جاقسارتۋ، ەكونوميكالىق دامۋ سياقتى جاقتاردا قول جەتكىزگەن وراسان زور تابىستارىن ونان ارى ۇعىندىق. وسى تابىستار جۇڭگو كوممۋنيستىك پارتياسىىنىڭ ءار ۇلت حالقىن ىنتىماقتاستىرىپ، باستاپ، بىرگە كۇرەس جۇرگىزۋىنىڭ ارقاسىندا كەلگەن، الەم جۇرتىن ءتانتى ەتەدى!
بەينە ەكراندا جۇڭگو كوممۋنيستىك پارتياسىنىڭ جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ اۋەلگى ماقساتى مەن بورىشى تالاي - تالاي جالىندى دا جاندى حيكايالار، تالاي - تالاي تەرەڭ سۇيىسپەنشىلىككە تولى بايانداۋلار ارقىلى ونان ارى ايگىلەندى. ”حالىقتىڭ تاماشا تۇرمىسى ءۇشىن“، بۇل 100 جىلدىق ءىرى پارتيانىڭ سالتاناتتى ۋادەسى، اسىرەسە، ءار ۇلت پەرزەنتتەرىنىڭ اڭساعان ارمانى.
بۇل جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى جاندى امالياتىنىڭ پارمەندى ايگىلەنۋى −
”ىندەتكە قارسى اتتانۋ بارىسىندا، مەن پارتيا مەن ۇكىمەتتىڭ حالىقتىڭ ومىرىنە، سالاماتتىعىنا وسكەلەڭ ءمان بەرگەندىگىن تەرەڭ سەزىندىم“، ”مەن جىجياڭ ولكەسىنىڭ سىشيىندە قىزمەت ىستەگەن كەزىمدە ايىنا 4000 يۋاننان استام ەڭبەكاقى الدىم، ەلەكتر اسپاپتارىن قۇراستىرۋ، جوندەۋ تەحنيكاسىن ۇيرەنىپ اۋىلعا قايتىپ سەرىكتەستىك اشىپ، قىستاقتاعى بايۋدىڭ باستاماشىسىنا اينالدىم“، ”مەن ءپايزاۋات اۋدانىنداعى داناگۇل ياسىنمەن جۇپ قۇراپ، تۋىس بولعاننان كەيىن ناعىز ءبىر ءۇيلى جانعا اينالدىق“... حالىقتىڭ سالاماتتىعى مەن حاۋىپسىزدىگىن قورعاۋدا، كەدەيلىكتەن ارىلتۋدان قامال الۋ، ۇلتتار ىنتىماعى سياقتى كەڭەستىك تاقىرىپتاردى ارقاۋ ەتىپ، ءۇرىمجى حالىقارالىق شيپاحاناسىنىڭ شيپاگەرى ءپاريدا وبۇل سياقتى تۇرلىشە ۇلتتان، ءار سالا، ءار كاسىپتەن كەلگەن شينجياڭدىقتار وزدەرىنىڭ حيكايالارىن بۇكىل دۇنيە جۇزىمەن ورتاقتاستى.
جايدارى جۇزدەردەن تابىس سەزىمى، باقىت سەزىمى، حاۋىپسىزدىك سەزىمى مەن مۇندالايدى؛ سەنىمدى بەينەلەۋلەر شينجياڭداعى ءار ۇلت پەرزەنتتەرىنىڭ ورتاق تىلەگىن جەتكىزدى − جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتى تيانشان الابىندا وراسان زور وزگەرىس تۋىلۋىن ىلگەرىلەتتى، اسىرەسە، شينجياڭداعى ءار ۇلت كادر - بۇقاراسىن بۇرىن بولماعان ەكپىندەي ىلگەرىلەۋ بەينەسىمەن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا شابىتتاندىردى.
بۇل ورتاق تانىمدى ۇيىستىراتىن، ءوزارا ۇيرەنەتىن، ءوزارا ۇلگى الاتىن كەڭ ءورىستى تۇعىر −
تۇسىنىسسەڭ بوگەت بولماس قيان - قيىر شەت جاعا، تاتۋلىعىڭ قۇپ جاراسار كورشىدەيىن تەك قانا. وسى رەتكى ۇگىتتەۋ - تانىستىرۋ ماجىلىسىندە ماجىلىسكە قاتىناسقان سيلى قوناقتار سۇيىسپەنشىلىكپەن كەڭەسۋ، اقىلمەن يلاندىرۋ ارقىلى ءار جاقتىڭ ”ەڭ ۇلكەن ورتاق بولگىشىن“ ۇيىستىردى. كوپشىلىك مىنالاردى ءبىلدىردى: جۇڭگو كوممۋنيستىك پارتياسىمەن ەل باسقارۋ تاجىريبەسى جونىندەگى اۋىس - كۇيىستى، ءوزارا ۇلگى الۋدى كۇشەيتىپ، ءار ەلدىڭ ءوزارا پايدا جەتكىزۋ سەلبەستىگىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى قالايمىز.
سۇري سوزىندە بىلاي دەدى: ”جۇڭگونىڭ شينجياڭىندا از ۇلتتاردىڭ ۇقىق - مۇددەسى ءونىمدى قامتاماسىز ەتىلدى، جەرگىلىكتى بۇقارانىڭ باقىتتى تۇرمىسى ادامعا تەرەڭ اسەر قالدىرادى. بۇل جالا جابۋشىلارعا ەڭ پارمەندى قايتارما سوققى“.
وسى رەتكى ۇگىتتەۋ - تانىستىرۋ ماجىلىسىنە قاتىناسقان كوپتەگەن ەلدەردىڭ ساياسي پارتيا ساياسي قايراتكەرلەرى مىنالاردى ءبىلدىردى: ادامدىق ۇقىقتى ساياسيلاندىرۋعا نەمەسە ادامدىق ۇقىقتا ”قوس ولشەم“ قولدانۋعا قارسى تۇرامىز، ايتىلمىس جۇڭگونىڭ شينجياڭىندا ”ءناسىل جويۋ“، ”زورلىقپەن ەڭبەككە سالۋ“ ءومىر ءسۇرىپ وتىر دەۋ بۇكىلدەي وسەك - اياڭ جانە جالعان ينفورماتسيا، اق پەن قارانى شاتاستىرىپ، حالىقارالىق قوعامنىڭ تانىمىن الجاستىرۋعا ۇرىنۋ. كوپتەگەن ەلدەردىڭ ساياسي پارتيا ساياسي قايراتكەرلەرى ادامدىق ۇقىقتى جەلەۋ ەتىپ وزگە ەلدىڭ ىشكى ىسىنە كيلىگۋگە قارسى تۇرۋ، بوتەن نيەتپەن دۇرمەك تۋدىرۋعا جانە كۇيە جاعىپ، سوقتىعۋعا قارسى تۇرۋ جونىندە ورتاق تانىمعا كەلدى.
”جۇڭگو كوممۋنيستىك پارتياسى حالىقتى باستاپ كەدەيلىكتەن ارىلتۋ ارمانىن ورىنداۋعا كۇش سالدى، جۇڭگونىڭ شينجياڭىنداعى كەدەيلىكتى ازايتۋداعى كەيبىر تاجىريبەلەر ۇلگى الۋعا تاتيدى“.
”پاكيستان مەن جۇڭگونىڭ شينجياڭى حالىقارالىق سەلبەستىك الا كەلگەن قوماقتى جەتىستىكتەن كەڭ كولەمدە يگىلىككە كەنەلدى“.
”جۇڭگو كوممۋنيستىك پارتياسىنىڭ حالىقتى وزەك ەتۋگە تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتكە قارسى اتتانۋ بارىسىندا كورسەتكەن قۇلشىنىسى جۇڭگو رۋحىن، جۇڭگو كۇش - قۋاتىن ايگىلەدى“.
”جۇڭگو كوممۋنيستىك پارتياسى الدا 100 جىلدىق مەرەي تويىن قارسى الادى، ءبىز جۇڭگو كوممۋنيستىك پارتياسى مەن جۇڭگو حالقىنا ىزگى تىلەك تىلەيمىز. جۇڭگو كوممۋنيستىك پارتياسىنىڭ باسشىلىعىندا جۇڭگونىڭ سوتسياليستىك وسىزاماندانعان مەملەكەت قۇرۋ جاڭا ساپارىن جالپى بەتتىك باستايتىندىعىنا سەنەمىز!“
...
ۇگىتتەۋ - تانىستىرۋ ءماجىلىسى اياقتاعانىمەن، تارتىمدى حيكايالار ءالى دە جالعاسۋدا، جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن باستاپ تاماشا تۇرمىس جولىندا بىرگە كۇرەس جۇرگىزۋ قادامى ءباز - باياعىسىنداي تەبىندى بولا بەرەدى. ءبىز كۇرەس جۇرگىزۋ ارقىلى ارماندى ورىنداپ، 100 جىلدىق ءىرى پارتياعا اناعۇرلىم كوپ داڭق ۇستەيىك.
