تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ءماجىلىس اشتى

اۋىل - قىستاقتى گۇلدەندىرۋدى جان - جاقتىلى ىلگەرىلەتۋ ارقىلى اۋىل شارۋاشىلىعى، اۋىل - قىستاق، شارۋالار قىزمەتىن ءبىر تۇتاس مەڭگەرۋ كەرەك

  انار بۇلت/ شينجياڭ گازەتىنىڭ ءتىلشىسى ليۋ ي 2 - ايدىڭ 22 - كۇنى ۇرىمجىدەن حابارلايدى. 2 - ايدىڭ 22 - كۇنى اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسى ءماجىلىس اشىپ، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ جونىندەگى پىكىرىن» جانە «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ <جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ جونىندەگى پىكىرىن> دايەكتىلەندىرۋ تۋرالى اتقارۋ پىكىرىن» جەتكىزدى، ۇيرەندى، «اۆتونوميالى رايونداعى قاتىستى ورىنداردىڭ اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ احۋالى جونىندەگى بايانداماسى» سياقتىلاردى تىڭدادى، قارادى، كەزەكتەگى اۋىل شارۋاشىلىعىنا، اۋىل - قىستاققا، شارۋالارعا قاتىستى ءتۇيىندى قىزمەتتەردى ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى.

  ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ جونىندەگى پىكىرى» بۇكىل پارتياعا، بۇكىل قوعامعا تاعى ءبىر رەت اۋىل شارۋاشىلىعى، اۋىل - قىستاق، شارۋالار قىزمەتى ايرىقشا ماڭىزدى، ءبىر ءسات تە بوساڭسىتۋعا بولمايدى، ءسوزسىز، مىقتى، ناقتى يگەرۋ كەرەك دەگەن ايقىن سيگنال تاراتتى. ساياسي دەڭگەيدى شىنايى جوعارىلاتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بارىنەن ماڭىزدى ورىنعا قويۋعا تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋدى تياناقتاندىرىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن ىلگەرىلەتۋ كەرەك. ۇيىمدىق باسشىلىقتى كۇشەيتىپ، ۇگىت تەبىنىن ارتتىرىپ، اۋىل - قىستاقتى گۇلدەندىرۋدى جان - جاقتىلى ىلگەرىلەتۋ ارقىلى جاڭا دامۋ كەزەڭىندەگى اۋىل شارۋاشىلىعى، اۋىل - قىستاق، شارۋالار قىزمەتىن ءبىر تۇتاس مەڭگەرىپ، ءتۇرلى قىزمەتتىڭ ءساتتى ىلگەرىلەۋىنە شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: ءار دارەجەلى اۋىل شارۋاشىلىعى، اۋىل - قىستاق تاراۋلارى شينجياڭ قىزمەتى باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ شاراسىن ويداعىداي تياناقتاندىرىپ، استىق ءوندىرىسىن ورنىقتىرۋعا كۇش سالىپ، تاعى دا مول ءونىم الۋعا شىنايى كەپىلدىك ەتۋ كەرەك. ”كوجە قاتىق“ ونىمدەرىمەن قامداۋدى قامتاماسىز ەتۋگە كۇش سالىپ، اۋىل شارۋاشىلىعى وندىرىسىندەگى ءتۇيىندى ماسەلەلەردى شەشىپ، كوكتەمگى ەگىسكە قاجەتتى ماتەريالدارمەن قامداۋدى بار كۇشپەن ويداعىداي ىستەپ، تۇتاس جىلدا اۋىل شارۋاشىلىعىنان مول ءونىم الۋعا بەرىك نەگىز قالاۋ كەرەك.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.