تيانشان تورى   ›   ۇيرەنۋ   ›   شولۋ

پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشايىق

− باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ءبىزدىڭ قايدان كەلگەنىمىزدى، قايدا باراتىنىمىزدى انىقتاعاندا عانا، كوپتەگەن ماسەلەلەردى تەرەڭ كورۋىمىزگە، ءدال يگەرۋىمىزگە بولادى.

  پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا باس شۋجي شي جينپيڭ بۇكىل پارتياداعى جولداستار تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى ارداقتاپ، تاريحتى ۇيرەنۋ ارقىلى قۇلشىنا ىستەپ، تاريحتى ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن اسقاق ارىنمەن قايراتتانا باستاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك دەپ باسا دارىپتەدى. پارتيا تاريحىن ۇيرەنۋ تاربيەسىن ورىستەتۋدە باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ءتۇيىندى كورنەكتىلەندىرىپ، تالاپتى ايقىنداپ، ناقتى ونىمدىلىككە تالپىنىپ، پارتيانىڭ 100 جىلدىق ۇلى كۇرەس بارىسىنان ۇزدىكسىز العا ىلگەرىلەۋدىڭ اقىل - پاراساتى مەن كۇش - قۋاتىن الۋ كەرەك.

  ۇلى جولدى ءبىلۋ ءۇشىن، ءسوز جوق، الدىمەن تاريحتى ۇيرەنۋ كەرەك. پارتيا تاريحىن ۇيرەنۋدە تاريحتىڭ دامۋ زاڭدىلىعى مەن اۋقىمىن ىشكەرىلەي يگەرىپ، پارتيا مەن مەملەكەت ىستەرى دامۋىنىڭ تاريحي ىرىقتىلىعىن باستان - اياق يگەرۋ كەرەك. تاريحتىڭ دامۋىنىڭ ءوز زاڭدىلىعى بار دەسەدە ادام وندا بۇكىلدەي ەنجار، ىرىقسىز بولمايدى. 100 جىلدىق كۇرەستە پارتيامىز باستان - اياق ماركسيزمنىڭ نەگىزگى قاعيدالارى ارقىلى تاريح ۇلكەن اۋقىمىنا تالداۋ جاساپ، يگەرىپ، جۇڭگو مەن دۇنيە ءجۇزىنىڭ قاتىناسىن دۇرىس ءبىر جاقتى ەتىپ، ءتۇرلى تاريحي ورايلاردى شەبەرلىكپەن يگەردى جانە ويداعىداي پايدالاندى. پارتيا تاريحىن ۇيرەنۋ تاربيەسىن ورىستەتۋدە بۇكىل پارتيانى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستەردى كوكەيدە ساقتاپ، ۇلكەن تاريح كوزقاراسىن ورناتىپ، تاريحتىڭ سالقار كوشىنەن، ءداۋىر اعىمىنان، الەم اۋقىمىنان وزگەرىس مەحانيزمىنە تالداۋ جاساپ، تاريح زاڭدىلىعىن زەرتتەپ، توتەپ بەرەتىن ستراتەگيالىق تاكتيكالاردى العا قويىپ، قىزمەتتىڭ جۇيەلىلىگىن، بولجامپازدىعىن، جاسامپازدىعىن كۇشەيتۋگە تاربيەلەۋ، جەتەكتەۋ كەرەك.

  جەتەكشى يدەيا − ءبىر ساياسي پارتيانىڭ رۋحاني تۋى. يدەيانى ءتۇسىنۋ دەگەنىمىز ماركسيزمنىڭ اقيقات كۇشى مەن امالياتتىق كۇشىن سەزىنىپ، پارتيانىڭ جاسامپاز نازارياسىنىڭ ەڭ جاڭا جەتىستىكتەرىنەن تاباندىلىقپەن پايدالانىپ وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتى ىلگەرىلەتۋ. پارتيامىزدىڭ تاريحى ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى ۇزدىكسىز ىلگەرىلەتۋ، نازاريالىق جاسامپازدىق جۇرگىزۋ تاريحى. پارتيا تاريحىن ۇيرەنۋ تاربيەسىن ورىستەتۋدە بۇكىل پارتيانى پارتيانىڭ عالامات بەلەسىنەن ماركسيزمنىڭ جۇڭگونى، دۇنيە ءجۇزىن قالاي تەرەڭ وزگەرتكەنىن تۇسىنۋگە، اسىرەسە، پارتيا 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستارمەن، تۋىلعان تاريحي وزگەرىستەردىڭ ۇدەرىسىمەن ۇشتاستىرىپ، جاڭا داۋىردەگى پارتيانىڭ جاسامپاز نازارياسىن تەرەڭ ۇيرەنىپ، ۇعىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلميلىعىن، اقيقاتتىلىعىن ىشكەرىلەي ءتۇسىنىپ، يگەرىپ، ونىمەن ساباقتاسقان ماركسيزمدىك تۇرعىنى، كوزقاراستى، ءادىستى جۇيەلى يگەرۋگە تاربيەلەپ، جەتەكتەپ، بۇكىل پارتيانىڭ يدەيالىق نازاريالىق دەڭگەيىن جوعارىلاتۋ كەرەك. ايقىن تۋ ۇستاي وتىرىپ ساياسيدى دارىپتەۋ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ پارتيانىڭ جانى ءارى پارتيامىزدىڭ 100 جىلدىق ءىرى پارتياعا اينالۋىنىڭ، عاسىرلىق ۇلى ءىس جاراتۋىنىڭ شەشۋشى تياناعى. پارتيا ورتالىق كوميتەتىنە قاراپ مىزعىماستان قاتار تۇزەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك.

  ”بيلىك دەگەنىمىز حالىق، حالىق دەگەنىمىز بيلىك“. ناقتى ءىس ىستەۋدە پارتيانىڭ سيپاتى، باستى ماقساتى جونىندەگى تانىمدى ىشكەرىلەي تەرەڭدەتىپ، ماركسيزمدىك ساياسي پارتيانىڭ ايقىن قاسيەتىن باستان - اياق ساقتاۋ كەرەك. پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى. سان ۇرپاق جۇڭگو كوممۋنيستەرى قايسارلىقپەن سايىسىپ، تىنباي كۇرەس جاساپ، ءبىر قىدىرۋ ۇلى رۋح قالىپتاستىرىپ، جۇڭگو كوممۋنيستەرىنىڭ رۋحاني شەجىرەسىن ورناتىپ، ءبىزدىڭ پارتيا قۇرۋىمىزعا، پارتيانى گۇلدەندىرۋىمىزگە، پارتيانى قۇدىرەتتەندىرۋىمىزگە مول ءنار ازىرلەدى. پارتيا تاريحىن ۇيرەنۋ تاربيەسىن ورىستەتۋدە بۇكىل پارتيانى باستان - اياق حالىقتى جۇرەكتىڭ تورىنە قويىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، قىزىل ءداستۇردى زور كۇشپەن اسقاقتاتىپ، قىزىل گەندى جالعاستىرىپ، كوممۋنيستەردىڭ رۋحاني قان تامىرىن جالعاستىرىپ، جاڭا ساپارعا جابال اتتانۋدىڭ، جاڭا داۋىردە ەكپىندەي ىلگەرىلەۋدىڭ قايرات - جىگەرىن تاسقىنداتىپ، رەفورما جاساۋدىڭ، دامۋدىڭ جەتىستىكتەرىمەن جالپى حالىقتى اناعۇرلىم كوپ، اناعۇرلىم ءادىل يگىلىككە كەنەلتۋدى ىلگەرىلەتىپ، بىرگە بايۋدا اناعۇرلىم كورنەكتى ناقتى ىلگەرىلەۋشىلىككە قول جەتكىزۋدى ىلگەرىلەتىپ، ءبىر ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتۋدىڭ تەلەگەي كۇشى ەتىپ ۇيىستىرۋعا تاربيەلەۋ، جەتەكتەۋ كەرەك.

  تاريحتى ۇيرەنۋ بولاشاقتى اناعۇرلىم جاقسى بەتكە الۋ ءۇشىن. جاڭا جاعداي اشۋدا پارتيانىڭ تاريحي تاجىريبەلەرىن ىشكەرىلەي قورىتىندىلاپ، حاۋىپ - قاتەرگە، سىن - سايىسقا توتەپ بەرۋ قابىلەتىن ۇزدىكسىز جوعارىلاتۋ كەرەك. باس شۋجي شي جينپيڭ ۇنەمى جۇڭحۋا ۇلتىنىڭ ۇلى گۇلدەنۋى استە وڭاي - وسپاق، قۇر ايعاي - سۇرەنمەن جۇزەگە اسا قويمايدى دەپ ايتىپ كەلەدى. العا ىلگەرىلەۋ جولىنداعى بولجاۋعا بولاتىن جانە بولجاۋعا كەلمەيتىن ءتۇرلى حاۋىپ - قاتەرلەر مەن سىن - سايىستارعا ءتىپتى دە جاقسى توتەپ بەرۋ ءۇشىن، ءسوز جوق، تاريحتان شابىت الىپ، تاريحي تاجىريبەلەردەن جاۋدى جەڭىپ جەڭىسكە جەتۋدىڭ اسىلىن سۇرىپتاپ الۋ كەرەك. پارتيا قۇرىلعاندىعىنىڭ 100 جىلدىعى تاجىريبەلەردى قورىتىندىلاۋداعى، شەبەرلىكتى جوعارىلاتۋداعى ماڭىزدى بۋىن. پارتيا تاريحىن ۇيرەنۋ تاربيەسىن ورىستەتۋدە بۇكىل پارتيانى كوپتەگەن جاڭا تاريحي ەرەكشەلىككە يە ۇلى كۇرەستى شىعار ءتۇيىن ەتىپ، پارتيانىڭ تۇرلىشە تاريحي كەزەڭدەردە حاۋىپ - قاتەر، سىن - سايىستارعا توتەپ بەرۋدىڭ باي تاجىريبەلەرىن قورىتىندىلاپ، پايدالانىپ، كۇرەس جاساۋ تانىمىن ۇزدىكسىز كۇشەيتۋگە، كۇرەس جاساۋ تاجىريبەسىن بايىتۋعا، كۇرەس جاساۋ شەبەرلىگىن جوعارىلاتۋعا تاربيەلەپ، جەتەكتەپ، ەل باسقارۋ قابىلەتى مەن دەڭگەيىن ۇزدىكسىز جوعارىلاتۋ كەرەك.

  شىكۋمىننان تيان - انمىنعا دەيىن، كاسىپتى كوركەيتۋ جولىنان گۇلدەنۋ جولىنا دەيىن پارتيامىز جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدا كەمەلىنە ءدال كەلىپ تولىستى. جاڭا باستامانى، جاڭا جورىقتى تياناق ەتىپ، جاڭا داۋىردەگى جۇڭگو كوممۋنيستەرى ارقالاعان تاريحي بورىشتى، جۇڭگو دامۋىنىڭ تاريحي ورنىن يگەرۋدە ءبىز باسىپ وتكەن جولىمىزعا مۇقيات قايىرىلا قاراپ، كەلگەن كەزدەگى جولىمىزدى ۇمىتپاي، الداعى جولدى ۇزدىكسىز جاقسى باسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جاعدايىن ۇزدىكسىز اشىپ، جۇڭحۋا ۇلتىنىڭ ۇلى گۇلدەۋىنىڭ جاڭا تاراۋلارىن جازۋىمىز كەرەك.

(شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.