چىن چۋانگو، سۇڭ تاۋ ارقاۋ ءسوز سويلەدى
2- ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى ءۇرىمجى قالاسىندا ”جۇڭگو كوممۋنيستىك پارتياسىنىڭ حيكايالارى“ شينجياڭ ارناۋلى تاقىرىپتىق ۇگىتتەۋ - تانىستىرۋ ءماجىلىسىن بىرگە وتكىزدى.
□ سۋرەتتى انار بۇلت/ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت/ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، لي ياڭ، يۋە يانيۇن 2 - ايدىڭ 22 - كۇنى ۇرىمجىدەن حابارلايدى. 2 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى ءۇرىمجى قالاسىندا ”جۇڭگو كوممۋنيستىك پارتياسىنىڭ حيكايالارى“ شينجياڭ ارناۋلى تاقىرىپتىق ۇگىتتەۋ - تانىستىرۋ ءماجىلىسىن بىرگە وتكىزدى. ۇگىتتەۋ - تانىستىرۋ ءماجىلىسى ”حالىقتىڭ تاماشا تۇرمىسى ءۇشىن“ دەگەندى نەگىزگى تاقىرىپ ەتىپ، جۇڭگو كوممۋنيستىك پارتياسىنىڭ حالىقتىڭ باقىتىن كوزدەۋگە، ۇلتتى گۇلدەندىرۋدى كوزدەۋگە تاباندى بولعان اۋەلگى ماقساتىن، بورىشىن، وتە - موتە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگونى باستاپ قول جەتكىزگەن تاريحي تابىستارىن، تۋىلعان تاريحي وزگەرىستەردى ىشكەرىلەي بايىمدادى، شينجياڭداعى ءار ۇلت بۇقاراسىنىڭ پارتيانىڭ باسشىلىعىندا ءورىس اشا قۇلشىنا العا ىلگەرىلەپ، ۇلتتار ىنتىماعىن ويداعىداي جاقسارتىپ، تاماشا تۇرمىستى قۇلشىنا تۇلعالاعان تارتىمدى حيكايالارىن ءتۇيىندى تۇردە تانىستىردى. 80 نەشە مەملەكەتتەن كەلگەن 190نان استام ساياسي پارتيانىڭ نەمەسە ۇيىمنىڭ 300دەن استام ساياسي پارتيا ساياسي قايراتكەرى جانە ايگىلى قايراتكەرى بەينە ەكران فورماسىمەن ماجىلىسكە قاتىناستى. ۇگىتتەۋ - تانىستىرۋ ءماجىلىسى اعىلشىن ءتىلى، فرانسۋز ءتىلى، اراب ءتىلى سياقتى تىلدەر ارقىلى دۇنيە جۇزىنە توراپتا تىكە تاراتىلدى.
شينجياڭ ۇيعۇر اۆتونوميالى رايوندىق پارتكومنىڭ شۋجيى چىن چۋانگو مىنالاردى اتاپ كورسەتتى: جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايوندىق پارتكوم حالىقتى وزەك ەتكەن دامۋ يدەياسىنا تاباندى بولىپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدى ىلگەرىلەتۋدە بۇرىن بولىپ كورمەگەن ناتيجەلەرگە قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ايرىقشا كۇشەيدى، تيانشان الابىندا قوعام ورنىقتى بولعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. چىن چۋانگو ماجىلىسكە قاتىناسقان سيلى قوناقتارمەن شينجياڭنىڭ كەدەيلىكتەن ارىلتۋدان قامال الۋ، ىندەتتەن ساقتانۋ - تىزگىندەۋ، ەكونوميكانىڭ جوعارى ساپالى دامۋى، حالىق تۇرمىس ساپاسىنىڭ جاقسارۋى، ۇلتتار ىنتىماعى، العاباسارلىعى، ءدىن تاتۋلىعى، ۇيلەسىمدىلىگى، لاڭكەستىككە قارسى تۇرۋ جانە ۇشقارىلىقتى الاستاۋ سياقتى 7 جاقتاعى حيكاياسىن ءبولىستى. چىن چۋانگو مىنالاردى ءبىلدىردى: شينجياڭدا ىستەلگەن بارلىق ءىس ۇيلەسىمدى دە ورىندى، اشىق تا ءادىل، ءار ۇلت حالقىنا باقىت جاراتۋ ءۇشىن بولىپ وتىر. ءبىز جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، شينجياڭداعى ءار ۇلت حالقىنىڭ ۇقىق - مۇددەسىن ءتىپتى دە جاقسى كوزدەيمىز، ساۋ - سالاماتتىعىن تىلەيمىز، قۇت - ىرىسىن ارتتىرامىز. شينجياڭ جاقسى جەر، كوپشىلىكتىڭ شينجياڭعا كوبىرەك كەلىپ ارالاۋىن، كورۋىن، شينجياڭ حالقىنىڭ ىقىلاستى قوناقجايلىلىعىن سەزىنۋىن، كوركەم شينجياڭنىڭ كورىكتى كورىنىستەرىنەن ءلاززات الۋىن، شينجياڭنىڭ اسەرلى حيكايالارىن ەستۋىن قىزۋ قارسى الامىز.
جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمىنىڭ باستىعى سۇڭ تاۋ مىنالاردى ءبىلدىردى: جۇڭگو كوممۋنيستىك پارتياسى بۇكىل ەلدەگى ءار ۇلت حالقىن باستاپ تاماشا تۇرمىس ءۇشىن ورتاق كۇرەس جاساپ، ەكونوميكانىڭ ۇشقان قۇستاي دامۋى جانە قوعامنىڭ ۇزاق ۋاقىت ورنىقتى بولۋى سىندى كەرەمەتتى جاراتتى. حالىقارادا ءىشىنارا كۇشتەر شينجياڭداعى ءار ۇلت حالقى تاماشا تۇرمىس كەشىرىپ جاتقان شىندىقپەن ساناسپاي، ءتۇرلى وسەك - اياڭ، ساندىراق تاراتىپ، شينجياڭداعى ءار ۇلت حالقىنىڭ تاماشا تۇرمىسقا كەنەلۋ ۇقىعىنا كۇيە جاعۋعا جانە ونى بۇلدىرۋگە ۇرىنىپ، حالىقارالىق ءمورال مەن ادىلدىككە جانە ادامزاتتىڭ ار - نامىسىنا قايشى كەلىپ، جۇڭگوداعى ءار ۇلت حالقىنىڭ باتىل قارسىلىعىنا جانە قاتاڭ جازعىرۋىنا ۇشىرادى. جۇڭگو كوممۋنيستىك پارتياسى دۇنيە جۇزىندەگى ءار ەل ساياسي پارتيالارىمەن ەل باسقارۋ تاجىريبەسى جونىندەگى اۋىس - كۇيىستى تەرەڭدەتۋدى قالايدى، حالىقتىڭ تاماشا تۇرمىسقا دەگەن تالپىنىسىن قۇلشىنا جۇزەگە اسىرادى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز جانە شينجياڭداعى ءار سالا بۇقارا ۋاكىلدەرى حالىقتىڭ سالاماتتىعىن، حاۋىپسىزدىگىن قورعاۋ، كەدەيلىكتەن ارىلتۋدان قامال الۋ، ۇلتتار ىنتىماعى سياقتى كەڭەستىك تاقىرىپتاردى توڭىرەكتەي وتىرىپ، ماجىلىسكە قاتىناسقان شەتەلدىك قوناقتارمەن شينجياڭنىڭ ەكونوميكالىق، قوعامدىق دامۋى جانە ءار ۇلت بۇقاراسىنىڭ باقىتتى تۇرمىسى جونىندەگى حيكايالارمەن ءبولىستى ءارى شەتەلدىك قوناقتاردىڭ شينجياڭنىڭ ەكونوميكانى دامىتۋى، حالىق تۇرمىسىن جاقسارتۋى جانە ۇلتتار ىنتىماعىن قورعاۋى سياقتى جاقتارداعى 20عا جۋىق سۇراۋىنا جاۋاپ بەردى.
تونگا پارلامەنتىنىڭ باستىعى فاكافانۋا، پاكيستان ادىلەت قوزعالىسى پارتياسىنىڭ باسشىسى، حالىق پارلامەنتىنىڭ ورىنباسار باستىعى سۇري، كامبودجا حالىق پارتياسى ورتالىق كوميتەتىنىڭ تۇراقتى مۇشەسى، كەڭەس پالاتاسىنىڭ 2 - ورىنباسار ءتوراعاسى ديۆەڭ، يندونەزيا حالىق بورىشى پارتياسىنىڭ باس ءتوراعاسى، حالىق ءماسليحات كەڭەسىنىڭ ورىنباسار ءتوراعاسى زۇركفۇري، توگو رەسپۋبليكانى قورعاۋ وداعىنىڭ ورىنباسار ءتوراعاسى، حالىق پارلامەنتىنىڭ ورىنباسار باستىعى يبىراھيما، ماروككو ادىلەت جانە دامۋ پارتياسىنىڭ ورىنباسار باس شۋجيى، قاۋىم پالاتاسىنىڭ ءبىرىنشى ورىنباسار باستىعى ومراني، پورتۋگاليا كوممۋنيستىك پارتياسى ورتالىق كوميتەتىنىڭ مۇشەسى، پارلامەنتتىڭ ورىنباسار باستىعى فيليپ سياقتى ساياسي پارتيا ساياسيقايراتكەرلەرى مىنالاردى ءبىلدىردى: وسى رەتكى ۇگىتتەۋ - تانىستىرۋ ءماجىلىسى ارقىلى شينجياڭنىڭ ءتۇرلى جاقتاردا قول جەتكىزگەن دامۋ تابىستارىن ونان ارى ۇعىندىق، ادامدىق ۇقىقتى ساياسيلاندىرۋعا نەمەسە ادامدىق ۇقىقتا ”قوس ولشەم“ قولدانۋعا قارسى تۇرامىز، ايتىلمىس جۇڭگونىڭ شينجياڭىندا ”ءناسىل جويۋ“، ”زورلىقپەن ەڭبەككە سالۋ“ ءومىر ءسۇرىپ وتىر دەۋ بۇكىلدەي وسەك - اياڭ جانە جالعان ينفورماتسيا، اق پەن قارانى شاتاستىرىپ، حالىقارالىق قوعامنىڭ تانىمىن الجاستىرۋعا ۇرىنعاندىق. كوپ ەلدىڭ ساياسي پارتيا ساياسي قايراتكەرلەرى ادامدىق ۇقتىقتى جەلەۋ ەتىپ، وزگە ەلدىڭ ىشكى ىسىنە كيلىگۋگە قارسى تۇرۋ، بوتەن نيەتپەن دۇرمەك تۇدىرۋعا جانە كۇيە جاعىپ سوقتىعۋعا قارسى تۇرۋ جونىندە ورتاق تانىمعا كەلدى. ماجىلىسكە قاتىناسقان ساياسي پارتيالار جۇڭگو كوممۋنيستىك پارتياسىمەن ەل باسقارۋ تاجىريبەسى جونىندە تاجىريبە اۋىس - كۇيىسىن كۇشەيتۋدى، ءار ەلدىڭ ناقتى سەلبەستىگىن جەبەۋدى، ءار ەلگە جانە ءار ەل حالقىنا ورتاق باقىت جاراتۋدى قالايدى.
جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمىنىڭ ورىنباسار باستىعى گو يەجوۋ ۇگىتتەۋ - تانىستىرۋ ءماجىلىسىن باسقاردى. اۆتونوميالى رايون باسشىلارىنان شۇي حايرۇڭ، تيان ۋىن قاتارلىلار ۇگىتتەۋ - تانىستىرۋ ماجىلىسىنە قاتىناستى.
