انار بۇلت / شينجياڭ گازەتى ءتىلشىسى يۋان لەي 2 - ايدىڭ 23 - كۇنى ۇرىمجىدەن حابارلايدى. 2 - ايدىڭ 23 - كۇنى اۆتونوميالى رايوندىق قوعامدىق عىلىمدار بىرلەستىگى 5 - كەزەكتى كوميتەتىنىڭ ءتورتىنشى جالپى (كەڭەيتىلگەن) ءماجىلىسى اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوندىق قوعامدىق عىلىمدار بىرلەستىگىنىڭ ءتوراعاسى تيان ۋىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: 2021 - جىل ”14 - بەسجىلدىقتىڭ“ باستالعان جىلى ءارى پارتيا قۇرىلعاندىعىنىڭ 100 جىلدىعى، بۇكىل رايونداعى فيلوسوفيا قوعامدىق عىلىم قىزمەتكەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ”يدەيا قويماسى“جانە ”اقىلماندار ۇيىرمەسى“رولىن ويداعىداي ساۋلەلەندىرىپ، بىلىمدەرىن شينجياڭنىڭ كەڭ - بايتاق دالاسىندا قولدانىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتى مەن كۇش - قۋاتىن ارناۋ كەرەك.
ءماجىلىس مىنالاردى اتاپ كورسەتتى: بۇكىل رايونداعى قالىڭ فيلوسوفيا قوعامدىق عىلىم قىزمەتكەرلەرى تۋدى بيىك ۇستاۋعا، زەيىن - زەردەنى شوعىرلاندىرىپ رۋحتى سومداۋعا اناعۇرلىم ءمان بەرىپ، ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن جەتە ۇيرەنۋ، جەتە يگەرۋ، شىنايى تياناقتاندىرۋ جاعىندا ”باستاماشى“بولۋ؛ عىلىمدا جاڭالىق اشۋعا، جۇيە قۇرىلىسىنا اناعۇرلىم ءمان بەرىپ، جاڭا داۋىردەگى كەلەلى نازاريالىق ماسەلەلەر مەن رەال ماسەلەلەرگە زەرتتەۋ جۇرگىزۋدە، وعان جاۋاپ بەرۋدە ”سەركە“ بولۋ؛ ۇگىتكە، ۇگىت - لەكسياعا، عىلىم جالپىلاستىرۋعا اناعۇرلىم ءمان بەرىپ، ماركسيزمدى جالپىعا بەيىمدەۋدى ىلگەرىلەتۋدە، پارتيانىڭ جاسامپاز نازارياسىن ”قاراپايىم بۇقارا وتباسىنا جەتكىزۋدە“ جاقسى ”ۇگىتشى“بولۋ؛ جۇرت تىلەگىن توعىستىرۋعا، ورتاق تانىم ۇيىستىرۋعا اناعۇرلىم ءمان بەرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ۇگىت تاربيەسىندە جاقسى ”بايانداۋشى“بولۋ؛ ساياسيدا ىسىلۋعا، امالياتتا شىڭدالۋعا اناعۇرلىم ءمان بەرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ۇلى امالياتىندا جاقسى ”نەگىزگى قوسىن“ بولۋ كەرەك.
