تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 23 - رەتكى ءماجىلىسىن وتكىزدى

  انار بۇلت / شينجياڭ گازەتىنىڭ ءتىلشىسى جاۋ جىيۇن 2 - ايدىڭ 23 - كۇنى ۇرىمجىدەن حابارلايدى. 2 - ايدىڭ 23 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 23 - رەتكى ءماجىلىسىن وتكىزدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.

  تۇراقتى كوميتەت قۇرامىنداعىلاردان 55 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.

  ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 23 - رەتكى ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى، اۆتونوميالى رايوننان مەملەكەتتىك 13 - كەزەكتى حالىق قۇرىلتايىنا قاتىناساتىن ۋاكىلدەردى تولىقتاپ سايلاۋ جانە كادرلاردى مىندەتكە تاعايىنداۋ، مىندەتىنەن قالدىرۋ جونىندەگى كەڭەس جوباسى جونىندەگى تۇسىنىگى تىڭدالدى. اۆتونوميالى رايوننىڭ مەملەكەتتىك 13 - كەزەكتى حالىق قۇرىلتايىنا قاتىناساتىن ۋاكىلدەرىن تولىقتاپ سايلادى، كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.

  ماجىلىستە جاڭادان تاعايىندالعان اۆتونوميالى رايوننىڭ مەملەكەت قىزمەتكەرلەرىنە تاعايىنداۋ كۋالىگى تاراتىلدى ءارى نەگىزگى زاڭ الدىندا سەرت بەرۋ سالتى وتكىزىلدى.

  ءماجىلىس مىنالاردى اتاپ كورسەتتى: اۆتونوميالى رايوندىق 13 - كەزەكتى حالىق قۇرىلتايىنىڭ 4 - ءماجىلىسى تۇراقتى كوميتەتتىڭ قىزمەت بايانداماسىن قاراپ ماقۇلدادى، قازىرگى مىندەت شىنايى يگەرىپ، ناقتى ىستەۋ. اۆتونوميالى رايوندىق پارتكومنىڭ ورنالاستىرۋى بويىنشا باستان - اياق ساياسي قۇرىلىستى كۇشەيتۋدى ماڭداي الدى ورىنعا قويىپ، باستان - اياق نازاريامەن قارۋلانۋدى كۇشەيتۋدى كەلەلى ساياسي مىندەت ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، پارتيانىڭ باسشىلىعىنا تاباندى بولىپ، حالىقتىڭ ءوز - وزىنە قوجايىن بولۋىنا تاباندى بولىپ، شينجياڭدى زاڭمەن جونگە سالۋعا تاباندى بولىپ، ءتۇيىندى قىزمەتتەردى ويداعىداي يگەرىپ، زاڭ ەرەجە شىعارۋ قىزمەتىنىڭ ساپاسىن جوعارىلاتۋدى يگەرىپ، باقىلاۋ قىزمەتىنىڭ ونىمدىلىگىن جوعارىلاتۋدى يگەرىپ، ۋاكىلدەر قىزمەتىنىڭ دارەجەسىن جوعارىلاتۋدى يگەرىپ، ءوز قۇرىلىسىنىڭ دەڭگەيىن جوعارىلاتۋدى يگەرىپ، بيىلعى ءتۇرلى مىندەتتەردى ويداعىداي ورىنداۋعا شىنايى كەپىلدىك ەتىپ، قىزمەتتە تاعى دا تاماشا ناتيجەگە قول جەتكىزۋدى ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي شۋەجۇن، دۇڭ شينگۋاڭ، باداي، سو يۋە، لي نيڭپيڭ، زۇمىرات وبۇل، توحتى ياقۇپ، مۇقيات جارمۇقامەت، باس حاتشى ءمۇتالىپ روزى ماجىلىسكە قاتىناستى.

  اۆتونوميالى رايوننىڭ ورىنباسار ءتوراعاسى چىن ميڭگو، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتسى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، قاتىستى تاراۋلاردىڭ جاۋاپتىلارى، ت. ب ماجىلىسكە سىرتتاي قاتىناستى.

  تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 116 - رەتكى مەڭگەرۋشىلەر ءماجىلىسى اۆتونوميالى رايوننىڭ مەملەكەتتىك 13 - كەزەكتى حالىق قۇرىلتايىنا قاتىناساتىن ۋاكىلدەرىن تولىقتاپ سايلاۋ جانە كادرلاردى مىندەتكە تاعايىنداۋ، مىندەتىنەن قالدىرۋ جونىندەگى كەڭەس جوباسىن قاراپ، 23 - رەتكى تۇراقتى كوميتەت ءماجىلىسىنىڭ قاراۋىنا ۇسىنۋدى ۇيعاردى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ 117 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ كەڭەستىك تاقىرىبىن قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ماجىلىسىندە داۋىسقا سالۋعا تاپسىرۋدى ۇيعاردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.