تيانشان تورى
تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت ۇگىت ءبولىمى 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ تۇيىندەرىنە جانە قىزمەت ورنىندا لەي فىڭنان ۇيرەنۋ ۇلگىلەرىنە اتاق بەردى

شينجياڭنان 3 كوللەكتيۆ، 2 ادام وسى اتاققا يە بولدى

  شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. جۋىقتا ورتالىق كوميتەت ۇگىت ءبولىمى 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ تۇيىندەرىنە جانە قىزمەت ورنىندا لەي فىڭنان ۇيرەنۋ ۇلگىلەرىنە اتاق بەرىپ، «جاڭا داۋىردەگى ازاماتتىق ءمورال قۇرىلىسىن اتقارۋ باعدارلاماسىن» دايەكتىلەندىرىپ، تياناقتاندىرىپ، سوتسياليستىك وزەكتى قۇن كوزقاراسىن بار كۇشپەن جەتىلدىرىپ جانە امالياتتا ايگىلەپ، لەي فىڭنان ۇيرەنۋ قيمىلىن ۇدايىلاندىرۋدى ۇزدىكسىز ىلگەرىلەتىپ، جۇرتتىڭ لەي فىڭ رۋحىن اسقاقتاتۋ، لەي فىڭنان ۇيرەنۋ قيمىلىنا ات سالىسۋ ىنتاسىن ۇزدىكسىز قاۋلاتىپ، تۇتاس قوعامدا قىزمەت ورنىن ءسۇيىپ، كاسىبىن قادىرلەيتىن، قوعامعا ۇلەس قوساتىن، مەملەكەتتى گۇلدەندىرەتىن تاماشا سالت قالىپتاستىرۋ كەرەكتىگىن باسا دارىپتەدى.

  بۇل جولى اتاق بەرىلگەن 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ ءتۇيىنى جانە قىزمەت ورنىندا لەي فىڭنان ۇيرەنۋ ۇلگىسى جەكە - جەكە 50، بۇلار ءار كاسىپتى، ءار سالانى، ءار شەپتى قامتيدى، ولار كاسىپورىن، اۋىل - قىستاق، ورگان، مەكتەپ، الەۋمەتتىك اۋماق، شيپاحانا سياقتى نەگىزگى ساتى ورىندارىنان كەلگەن، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا جانە كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە كورنەكتى ۇلەس قوسقان وزات ۇلگىلەر. ولار لەي فىڭ رۋحىن اسقاقتاتۋدىڭ، ۇلى داۋىرگە ەڭبەك ءسىڭىرۋدىڭ تاڭداۋلى ۋاكىلدەرى، سوتسياليستىك وزەكتى قۇن كوزقاراسىنىڭ ۇلگىلى اتقارۋشىلارى.

  ورتالىق كوميتەت ۇگىت ءبولىمى مىنالاردى تالاپ ەتتى: جەر - جەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ تۇيىندەرىنە جانە قىزمەت ورنىندا لەي فىڭنان ۇيرەنۋ ۇلگىلەرىنە اتاق بەرۋدى وراي ەتىپ، تۋراشىلدىقتى ساقتاپ جاڭالىق اشۋعا تاباندى بولىپ، ۇيىمدىق باسشىلىقتى كۇشەيتىپ، لەي فىڭنان ۇيرەنۋ قيمىلىن تىڭعىلىقتى ىشكەرىلەي ورىستەتىپ، ازاماتتاردىڭ ءمورال ساپاسى مەن قوعامدىق وركەنيەت دەڭگەيىن ۇزدىكسىز جوعارىلاتىپ، ”14 - بەسجىلدىقتا“ كۇرەس جۇرگىزۋدىڭ، جاڭا ساپاردا ەكپىندەي ىلگەرىلەۋدىڭ قۋاتتى رۋحاني كۇشىن توپتاۋ كەرەك.

  انار بۇلت/ شينجياڭ گازەتىنىڭ ءتىلشىسى جاڭ يانفاڭ 2 - ايدىڭ 23 - كۇنى ۇرىمجىدەن حابارلايدى. جۋىقتا ورتالىق كوميتەت ۇگىت ءبولىمى 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ ءتۇيىنى جانە قىزمەت ورنىندا لەي فىڭنان ۇيرەنۋ ۇلگىسى بويىنشا جەكە - جەكە 50 كوللەكتيۆ پەن جەكەگە اتاق بەردى، شينجياڭنان 3 كوللەكتيۆ، 2 جەكە وسى اتاققا يە بولدى.

  شينجياڭنان 6 - توپتاعى مەملەكەت بويىنشا لەي فىڭنان ۇيرەنۋ قيمىلىنان ۇلگى كورسەتۋ تۇيىندەرىنە تاڭدالعاندار مىنالار: ىلە قازاق اۆتونوميالى وبلىسى كۇيتۇن قالاسى ىنتىماق كوشەسى ءمالىسى فىڭحۋالي الەۋمەتتىك اۋماعى جاڭا داۋىردەگى وركەنيەتتى امالياتتا ايگىلەۋ پۋنكتى جاستار ”جاڭالىق اشۋشىلار وتاۋى“ سياقتى 12 كاسىپتىك قوعامدىق ۇيىمدى ەنگىزۋ، جەتىلدىرۋ ارقىلى 38 جەكە ساۋدا - ونەركاسىپشىنى تۇرعىندار اۋماعىنداعى تۇرعىندارعا ءتۇرلى ماماندانعان قىزمەت وتەۋگە باستاپ، ”10 مينۋتتىق حالىققا قولايلى قىزمەت وتەۋ شەڭبەرىن“ قۇرىپ، تۇرعىندار قاۋىمىنىڭ تابىس سەزىمى مەن باقىت سەزىمىن ۇزدىكسىز كۇشەيتتى؛ شينجياڭ راديو - تەلەۆيزياسىنىڭ قاتىناس باعدارلاماسى ورتالىعى 949 ”لەي فىڭ ۇلگىسى كلاسىن“ قۇرىپ، ايماق، وبلىستارداعى لەي فىڭ اۆتوكولىك اترەتتەرىن، مەيىر جەتكىزۋ اۆتوكولىك اترەتتەرىن كىرۋگە تارتىپ، لەي فىڭ اۆتوكولىك اترەتتەرىن جوعارى مەكتەپ ەمتيحانىنا قاتىناسۋشىلاردى تەگىن جەتكىزۋ سياقتى الەۋمەتتىك يگىلىك ارەكەتتەرىنە ات سالىسۋعا ءار جىلى بەلگىلى مەرزىمدە ۇيىمداستىردى، باستاماشىلدىقپەن قۇرىلعان شينجياڭ 949 قاتىناس راديوسى مەيىر جەتكىزىپ قان بەرۋ بىرلەستىگىنە 3000نان استام ەرىكتى كىرگەن، اق قان اۋرۋىنا شالدىققان 830دان استام ناۋقاسقا ىلگەرىندى - كەيىندى كومەكتەستى؛ بيڭتۋان 4 - شىسى 66 - تۋانىنداعى ”ساقا پارتيا مۇشەسى يىن فا قىزمەت كەڭسەسى“ ۇلەس قوسۋعا پەيىل، كۇش - قۋاتىن سارقا جۇمسايتىن پارتيا مۇشەلەرى ەرىكتىلەرىن، دەمالىسقا، زەينەتكە شىققان كادرلاردى جيناپ، ولاردى تۋان الاڭداعى ازامات جاسىنا تولماعانداردىڭ ساباقتان سىرتقى جەتەكشىسى ەتىپ، بيڭتۋاننىڭ ورنىقتىلىقتى قورعاپ، شەكارانى كۇزەتۋ تاريحى تاربيەسىن ورىستەتىپ، توراڭعى رۋحى مەن بيڭتۋان رۋحىن بار كۇشپەن اسقاقتاتىپ، قالىڭ جاس وسپىرىمدەردى جاڭا ءداۋىردىڭ جاقسى ورەندەرى بولۋعا جەتەكتەدى.

  شينجياڭنان 6 - توپتاعى مەملەكەت بويىنشا قىزمەت ورنىندا لەي فىڭنان ۇيرەنۋ ۇلگىلەرىنە تاڭدالعاندار مىنالار: تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعى تۇرعىندار كوميتەتىنىڭ مۇشەسى، شەكارا قورعاۋشىسى لاچين بايكا، ول قارلى ۇستىرتكە تامىر تارتىپ، وتاندى ءسۇيۋ ءداستۇرىن اسقاقتاتىپ، 16 جىلدى ءبىر كۇندەي وتكىزىپ، ەلىمىزدىڭ تەڭىز دەڭگەيىنەن ەڭ بيىك حونجىراپ شەكارا قورعانىس لەنياسىن كۇزەتتى. ول مۇز ويىعىنا ءتۇسىپ كەتكەن بالانى قۇتقارۋ جولىندا ەرلىكپەن قۇربان بولدى، ونىڭ وسكەلەڭ رۋحاني قاسيەتى ءار ۇلت حالقىنىڭ جۇرەگىندە وشپەس ەسكەرتكىش بولىپ ورنادى؛ بيڭتۋان 1 - شىسى ارال قالاسى 14 - تۋانى سايشاڭميڭجۋ الەۋمەتتىك اۋماعى مەيىر جەتكىزۋ دۇكەنىندەگى جەكە كاسىپكەر ياڭ حۇڭمەي تالاي جىلدان بەرى ءىس جۇزىندىك ارەكەتى ارقىلى لەي فىڭ رۋحىن امالياتتا ايگىلەدى، ونىڭ مەيىر جەتكىزۋ دۇكەنىندەگى ساتىلاتىن كۇندەلىكتى تۇتىنۋ بۇيىمدارى تۇگەلدەي بازار باعاسىنان ارزان، ول تاعى ۇنەمى تۇشپارا ءتۇيىپ، قاراستى اۋماقتاعى جەتىم - جەسىر قارتتارعا جەتكىزىپ بەردى، سۇيەنىشسىز كورشىسى لەي گولياڭ كاريانى جاقىنىنا بالادى، كاريا قايتىس بولعانعا دەيىن 8 جىل بويى شىن پەيىلىمەن قارايلاستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.