تيانشان تورى   ›   ۇيرەنۋ   ›   شولۋ

ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىندايىق

− باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − پارتيانىڭ ساياسي ومىرىندەگى ءبىر كەلەلى ءىس.

  پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا باس شۋجي شي جينپيڭ پارتيا تاريحىن ۇيرەنۋ تاربيەسى جونىندە جاپپاي اتتانىسقا كەلتىرىپ، ورنالاستىرۋ جاساپ، ايقىن نىسانالاردى، تالاپتاردى ورتاعا قويىپ، بۇكىل پارتيانىڭ ايرىقشا باسا ءمان بەرىپ، يدەيالىق دەڭگەيدى جوعارىلاتىپ، ءىس جۇزىندىكتى تياناق ەتىپ، تۋراشىلدىقتى ساقتاپ، جاڭالىق اشىپ، ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋ كەرەكتىگىن باسا دارىپتەدى. ءار دارەجەلى پارتكومدار (پارتيا باسشىلىق گرۋپپالارى) باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋى، ءتۇسىنۋى، ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق تانىم مەن ساياسي دەڭگەيدى جوعارىلاتۋى، ءوز ءوڭىرىنىڭ، ءوز تاراۋىنىڭ، ءوز ورنىنىڭ ۇيرەنۋ تاربيەسى قىزمەتىن ويداعىداي مىقتى ۇستاۋى كەرەك.

  ءارقانداي ءبىر قىزمەتتى ورىستەتۋدە الدىمەن پوزيتسياعا قاراۋ، تەتىگى ارەكەتكە قاراۋ، ەڭ سوڭىندا ناتيجەسىنە قاراۋ كەرەك. 2021 - جىلى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. مۇنداي ءبىر كەلەلى ساتتە، پارتيا ورتالىق كوميتەتىنىڭ بۇكىل پارتيادا پارتيا تاريحىن ۇيرەنۋ تاربيەسىن ورىستەتۋدى ۇيعارۋى − پارتيانىڭ 100 جىلدىق ۇلى كۇرەس بارىسىنان ۇزدىكسىز العا باسۋدىڭ اقىل - پاراساتى مەن كۇش - قۋاتىن قابىلداۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەۋ، تەرەڭدەتۋ، بۇكىل پارتيانى، بۇكىل ەلدەگى ءار ۇلت حالقىن كوكىرەك تولى سەنىممەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا اتتانۋعا شابىتتاندىرۋ. ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداعاندا عانا، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە بولادى، اسقاق بەينەمەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن قۇلشىنا اشۋعا، ۇزدىك ناتيجەلەرمەن پارتيا قۇرىلعاندىعىنىڭ 100 جىلدىعىن قارسى الۋعا بولادى.

  مىندەت نەعۇرلىم اۋىر بولعان سايىن، ۇيىمدىق باسشىلىقتى سولعۇرلىم كۇشەيتۋ كەرەك. ءار دارەجەلى پارتكومدار (پارتيا باسشىلىق گرۋپپالارى) پارتيا تاريحىن ۇيرەنۋ تاربيەسىن كەلەلى ساياسي مىندەت رەتىندە قاراپ، تۇلعالىق جاۋاپكەرشىلىكتى ارقالاپ، نەگىزگى باسشى جولداستار تىكەلەي وزدەرى مىقتى يگەرۋى، الدىمەن ونەگە كورسەتۋى، باسشىلىق قۇرىلىمىن ورناتىپ، پارتيا ورتالىق كوميتەتىنىڭ ورنالاستىرۋلارى مەن تالاپتارىن شىن مانىندە ناقتاپ تياناقتاندىرۋ كەرەك. ورتالىق پارتيا تاريحىن ۇيرەنۋ تاربيەسى باسشىلىق گرۋپپاسى جەتەكشىلىكتى كۇشەيتۋ، ولكەلىك، رايوندىق، قالالىق پارتكومدار مەن كاسىپ سالاسى جۇيەلەرىن باسقارۋ تاراۋلارىنىڭ پارتيا باسشىلىق گرۋپپالارى (پارتكوم) قاراستى رايوندارعا، تاراۋلارعا جانە مەكەمە - ورىندارعا بولعان قۋزاۋ - جەتەكشىلىك ەتۋدى، تەكسەرۋدى كۇشەيتكەندە عانا پارتيا تاريحىن ۇيرەنۋ تاربيەسىنىڭ تىڭعىلىقتى ناتيجەگە قول جەتكىزۋىنە شىنايى كەپىلدىك ەتۋگە بولادى. بۇكىل پارتيانىڭ پارتيا تاريحىن ىشكەرىلەي ۇيرەنۋى − پارتيا تانىمىن كۇشەيتۋدىڭ، پارتيا مۇشەسى تانىمىن كۇشەيتۋدىڭ ماڭىزدى جولى، پارتيا مۇشەلەرى، كادرلار مەيلى قايسى دارەجەدە جانە قىزمەت ورنىندا بولسىن، بار ىنتا - پەيىلىمەن كىرىسىپ، ۇيرەنۋ بارىسىندا وي جۇگىرتۋ، ۇيرەنۋ بارىسىندا ءتۇسىنۋ، ۇيرەنۋ بارىسىندا ناتيجەگە قول جەتكىزۋ كەرەك.

  ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋدا، ءسوز جوق، دۇرىس پارتيا تاريحى كوزقاراسىن ورناتۋ كەرەك. ماتەرياليستىك تاريح كوزقاراسى − كوممۋنيستەردىڭ تاريحتى تانۋىنىڭ، يگەرۋىنىڭ ءتۇبىرلى ءادىسى. پارتيامىزدىڭ تاريح ماسەلەسى جونىندەگى 2 قاۋلىسى مەن پارتيا ورتالىق كوميتەتىنىڭ قاتىستى رۋحىن نەگىزگى دايەك ەتۋگە تاباندى بولىپ، پارتيانىڭ تاريحي دامۋىنىڭ نەگىزگى تاقىرىبىن، نەگىزگى جەلىسىن، نەگىزگى ءمانىن ءدال يگەرىپ، پارتيا تاريحىنداعى ەلەۋلى وقيعالاردى، ماڭىزدى ماجىلىستەردى، ماڭىزدى تۇلعالاردى دۇرىس تانۋ جانە عىلمي باعالاۋ كەرەك. ايقىن تۋ ۇستاي وتىرىپ تاريح نيگيليزمگە قارسى تۇرىپ، يدەيالىق جاقتان جەتەكتەۋدى جانە نازاريالىق سارالاۋ مەن تالداۋ جاساۋدى كۇشەيتىپ، توركىنىن ءتىپتى دە ويداعىداي تۇزەپ، قاينارىن تازالاپ، ارقاۋدى بەكەمدەپ، نەگىزدى جەتىلدىرۋ كەرەك.

  ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋدا، ءسوز جوق، بۇقارا ءۇشىن شىن مانىندە ناقتى ءىس ىستەۋ، قيىن ماسەلەنى شەشۋ كەرەك. پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيا مەن حالىقتىڭ جۇرەكتەس، تىنىستاس، تاعدىرلاس بولۋ تاريحى ەكەنىن تەرەڭ تانىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن ۇشتاستىرىپ، ءىس جۇزىندىك ماسەلەلەردى شەشۋمەن ۇشتاستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن شەشۋدى ىلگەرىلەتىپ، ۇيرەنۋدىڭ ونىمدىلىگىن قىزمەتتەگى قوزعاۋشى كۇشكە جانە ونىمدىلىككە اينالدىرۋ، ۇيرەنۋ مەن قىزمەتتىڭ قابىسپاي ”ەكى باسقا دۇنيە بولىپ قالۋىنان“ ساقتانۋ كەرەك.

  ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋدا، ءسوز جوق، تاسىلدە، ادىستە جاڭالىق اشۋعا ءمان بەرۋ كەرەك. ماركسيزمدىك تاماشا ۇيرەنۋ سالتىن اسقاقتاتىپ، ۇيرەنۋ تالابىن، ۇيرەنۋ مىندەتىن ايقىنداپ، مازمۇندا، فورمادا، ادىستە جاڭالىق اشۋدى ىلگەرىلەتىپ، باعىتتامالىلىق پەن ناقتى ونىمدىلىكتى ۇزدىكسىز كۇشەيتۋ كەرەك. اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، شوعىرلى ۇيرەنۋ مەن وزدىگىنەن ۇيرەنۋدى ءوزارا ۇشتاستىرۋعا تاباندى بولىپ، بەلگىلەنگەن ارەكەت پەن ءوزى تاڭداعان ارەكەتتى ۇشتاستىرۋعا تاباندى بولىپ، ەرەكشەلىگى ايقىن، فورماسى ءار الۋان ۇيرەنۋ تاربيەسىن ورىستەتۋ كەرەك. تۇتاس قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى ۇگىت تاربيەسىن كەڭ كولەمدە ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىنىڭ بۇقاراعا تەرەڭدەۋىن، نەگىزگى ساتىعا تەرەڭدەۋىن، جۇرت جۇرەگىنە ۇيالاۋىن ىلگەرىلەتۋ كەرەك. پارتيا تاريحى تاقىرىبىنداعى ادەبيەت - كوركەمونەر تۋىندىلارىن، اسىرەسە، كينو - تەلەۆيزيا تۋىندىلارىن جاراتۋعا شابىتتاندىرىپ، جاستار مەن ورەندەردىڭ ۇيرەنۋ تاربيەسىن ويداعىداي يگەرىپ، قىزىل گەندى، توڭكەرىس الاۋىن ۇرپاقتار بويى جالعاستىرۋ كەرەك. فورماشىلدىقتى، تورەشىلدىكتى باتىل جويىپ، نەگىزگى ساتىنىڭ اۋىرتپالىعىن جەڭىلدەتۋگە دەن قويۋ كەرەك.

  تاريحتى ۇيرەنۋ بولاشاققا ءتىپتى دە ويداعىداي بەت الۋ ءۇشىن بولماق. ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداۋدا تاريحي تاجىريبەلەردى تەرەڭدەي قابىلداپ، امالياتتا ايگىلەۋ تالاپتارىن جاپپاي يگەرىپ، تۋراشىلدىقتى ساقتاپ، جاڭالىق اشىپ، ورايدى يگەرىپ، قايراتتانا العا ىلگەرىلەپ، جاڭا جاعداي اشقاندا عانا، ءسوز جوق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاڭا داۋىرلىك شۇعىلالى ناتيجە جاراتىپ، جاڭا تاريحي ۇلى ىستەردى تىندىرا الامىز.

(شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.