شينجياڭداعى قىزىل ىزدەر كورسەتپە سۋرەتى
【بەتاشار】
ۋاقىت زىمىراپ وتە شىقتى، ارىنى اسقاق 100 جىلعا قايىرىلا قارايىق. 1921 - جىلى 7 - ايدا جۇڭگو كوممۋنيستىك پارتياسىنىڭ قۇرىلۋى جۇڭحۋا ۇلتىنىڭ دامۋ تاريحىنداعى عالامات ەلەۋلى بۇرىلىس بولىپ، تاياۋ زاماننان بەرگى جۇڭحۋا ۇلتىنىڭ دامۋ بەتالىسى مەن ۇدەرىسىنە تەرەڭ وزگەرىس اكەلدى، سونداي - اق شينجياڭداعى ءار ۇلت حالقىنىڭ بولاشاعى مەن تاعدىرىنا دا تەرەڭ وزگەرىس اكەلدى.
پارتيانىڭ 100 جىلدىق مەرەي تويىن قۇتتىقتاۋ ءۇشىن، شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى توبى) ”جەلبىرەگەن قىزىل تۋ پارتيانىڭ شينجياڭداعى 100 جىلى“ كولەمدى جالپى اقپارات قۇرالدارى ۇگىت امالياتى قيمىلىن باستادى. پارتيا مەديالارىنداعى اقپارات قىزمەتكەرلەرى رەتىندە، ءبىز 100 جىلدان بەرى جۇڭگو كوممۋنيستىك پارتياسىنىڭ شينجياڭنىڭ بايتاق دالاسىندا ورنەكتەگەن قىزىل ىزدەرىن بويلاي، جۇڭگو كوممۋنيستىك پارتياسىنىڭ ءار ۇلت بۇقاراسىنىڭ باقىتىن، ىرىس - قۇتىن كوزدەگەن وشپەس ەڭبەگىن ويداعىداي ۇگىتتەپ، پارتيا تاريحىن ۇيرەنۋ تاربيەسىن جاڭالىق اشا ويداعىداي ورىستەتىپ، مۇرات - سەنىمدى اناعۇرلىم بەكەمدەپ، تاريحي بورىشتى ارقالايمىز.
بۇگىننەن باستاپ، انار بۇلت / شينجياڭ گازەتى جالپىلىق اقپارات قۇرالدارى تەكشەسىندە « قىزىل ىزدەر» ايدارىن اشىپ، شينجياڭنىڭ توڭكەرىس، قۇرىلىس جانە رەفورما جاساۋ سياقتى تۇرلىشە تاريحي مەزگىلدەرىندە كوممۋنيستەردىڭ شينجياڭنىڭ بايتاق دالاسىندا توتەنشە ماشاقاتتى كۇرەس جاساعان تاريحي بارىسىن بويلاي، جۇڭگو كوممۋنيستىك پارتياسىنىڭ شينجياڭداعى ءار ۇلت حالقىنا باسشىلىق ەتىپ، قارا تۇنەكتەن نۇر ساۋلەگە، مەشەۋلىكتەن العا باسۋعا، بەينەت شەگۋدەن شۇعىلاعا بەت العان ۇلى ساپارىن تولىق ايگىلەپ، شينجياڭداعى ءار ۇلت حالقىنىڭ جۇڭگو كوممۋنيستىك پارتياسىن تاڭداعان، سوتسياليزم جولىمەن ءجۇرۋدى تاڭداعان تاريحي لوگيكاسىن تولىق كورسەتىپ، شينجياڭداعى ءار ۇلت حالقىنىڭ پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋدەگى بەرىك سەنىمىن جەتە ايگىلەيمىز. ءار ۇلت كادر، بۇقاراسىن اۋەلگى ماقساتتى ۇمىتپاي، بورىشتى ەستە بەرىك ساقتاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ ءۇشىن تالىقپاي كۇرەس جۇرگىزۋگە جىگەرلەندىرەمىز. ءبىز تاعى «پارتيانىڭ شينجياڭداعى ءىرى ىستەر ەستەلىگى»، «پارتيانىڭ شينجياڭداعى حيكايالارى توپتاماسى» سياقتى جەلىلەس ايدارلار مەن قاتىستى حابارلاردى بەرەمىز، نازار سالعايسىزدار.
ءبىر ميلليون 660 مىڭ شارشى كيلومەتر كەلەتىن بايتاق دالا، وتانىمىزدىڭ التىدان ءبىرىن ۇستايتىن كەڭ القاپ، جۇڭگوداعى قۇرلىق اۋدانى ەڭ ۇلكەن ولكە دارەجەلى اكىمشىلىك ءوڭىر − بۇل ارا شينجياڭ، ءار ۇلت حالقىنىڭ ورتاق باقىتتى مەكەنى.
حان داۋىرىنەن باستاپ، شينجياڭ ءوڭىرى جۇڭگو تەرريتورياسىنىڭ ءبىر بولىگىنە رەسمي اينالدى. كوپ ۇلتتىڭ ۇلى بىرلىگى جاعدايىندا ورتالىق بيلىك باستان - اياق شينجياڭ وڭىرىنە باسقارۋ ۇقىعىن جۇرگىزىپ كەلەدى، شينجياڭ ءوڭىرى باستان - اياق وتانىمىز تەرريتورياسىنىڭ ايىرىلماس ءبىر بولىگى. تاياۋ زاماننان بەرى شينجياڭداعى ءار ۇلت حالقى بۇكىل ەل حالقىمەن ءبىر جاعادان باس، ءبىر جەڭنەن قول شىعارىپ، شەتەل شاپقىنشىلىعىنا قارسىلىق كورسەتىپ، بولشەكتەۋشىلىككە قارسى تۇرىپ، مەملەكەتتىڭ تۇتاستىعى مەن تەرريتوريا بۇتىندىگىن باتىل قورعادى.
تاريحقا قايىرىلا قاراساق، بۇل جەردىڭ دە كەدەيلىك، دارمەنسىزدىك جايلاعاندىعىن، ويران - توپىرى شىعىپ، ءار ۇلت حالقىنىڭ اۋىر ازاپ ارقالاعاندىعىن اڭعارامىز.
100 جىلدىڭ الدىندا جۇڭحۋا ۇلتىنىڭ دامۋ تاريحىنداعى عالامات ەلەۋلى بۇرىلىستى قارسى الدى. جۇڭگو كوممۋنيستىك پارتياسىنىڭ قۇرىلۋىنا ىلەسە، بۇل جەردىڭ تاريحى قايتادان جازىلدى، بۇل جەردىڭ بولاشاعى قايتادان تۇراقتاندى. قارا تۇنەكتەن نۇر ساۋلەگە، بەينەت شەگۋدەن شۇعىلاعا قاراي بەت العان ايبىندى جىر زەڭگىر كوكتە قالىقتاپ، 100 جىلدىق ەكپىندەي ىلگەرىلەۋ ارقىلى شىت جاڭا ءومىردى ورنەكتەدى.
تاريحتى جاراتىپ، بولاشاقتى اشتى
اپيىن سوعىسىنان كەيىن، باتىستاعى ازۋلىلاردىڭ شاپقىنشىلىق جاساۋى مەن ەل ىشىندەگى فەودالدىق ۇستەمدىكتىڭ شىرىكتەسۋىنە ساي جۇڭگو بىرتىندەپ جارتىلاي وتار، جارتىلاي فەودالدىق قوعامعا ەنىپ، جۇڭحۋا ۇلتى بۇرىن بولماعان اۋىر ۇلتتىق داعدارىسقا دۋشار بولدى.
جارتىلاي وتار، جارتىلاي فەودالدىق داۋىردەگى جۇڭگودا شينجياڭداعى ءار ۇلت حالقى يمپەرياليزم جاعىنان جابىرلەنىپ قالماي، ءىرىپ - شىرىگەن فەودال ۇستەم تاپ پەن ءدىني كۇشتەردىڭ ءتۇرلى ساياسي ەزگىسى مەن ەكونوميكالىق قاناۋىنا تىپتەن ۇشىرادى. يمپەرياليزم مەن فەوداليزمنىڭ قوس ەزگىسى شينجياڭ قوعامىن توقىراتتى، ەكونوميكاسىن كۇيرەتتى، حالىق تۇرمىسىن كۇيزەلتتى.
1921 - جىلى 7 - ايدا تاريحتىڭ سالقار كوشىندە بوياۋى قانىق بەلگى قالدى − جۇڭگو كوممۋنيستىك پارتياسىنىڭ قۇرىلعاندىعى جاريالاندى، جۇڭحۋا ۇلتى وسىدان باستاپ جاڭا تاريحي باستاماعا شىقتى!
جۇڭگو كوممۋنيستىك پارتياسىنىڭ دۇنيەگە كەلۋى تاياۋ زاماننان بەرگى جۇڭحۋا ۇلتىنىڭ دامۋ بەتالىسى مەن اياق الىسىن تەرەڭ وزگەرتتى ءارى شينجياڭداعى ءار ۇلت حالقىنىڭ بولاشاعى مەن تاعدىرىن تەرەڭ وزگەرتتى.
وسىدان باستاپ جۇڭگو حالقى ۇلتتىڭ تاۋەلسىزدىگىنە، حالىقتىڭ ازاتتىعىنا جانە مەملەكەتتىڭ باي - قۇدىرەتتى، حالىقتىڭ باقىتتى بولۋىنا ۇمتىلۋ كۇرەسىندە تايانىشقا يە بولدى.
وسىدان باستاپ جۇڭگو كوممۋنيستىك پارتياسى شينجياڭداعى ءار ۇلت حالقىن باستاپ جاڭا دەموكراتيالىق توڭكەرىس، سوتسياليستىك توڭكەرىس جانە قۇرىلىس جۇرگىزىپ، رەفورما جاساۋدى، ەسىك اشۋدى ىلگەرىلەتىپ، جۇڭگوشا سوتسياليزمنىڭ جاڭا داۋىرىنە ارشىندى قادام تاستادى.
ۇلى ساپار وسىدان باستاپ باستالدى: ايبىندى تاراۋ وسىدان باستاپ جازىلدى؛ قىزىل ىزدەر وسىدان باستاپ ورنەكتەلدى.
100 جىلدىق ايبىنى اسقاق ساپار
قازان توڭكەرىسىنىڭ زەڭبىرەك ۇنىمەن جۇڭگوعا ماركسيزم - لەنينيزم جەتتى. ماركسيزم - لەنينيزم جۇڭگو جۇمىسشىلار قوزعالىسىمەن ءوزارا ۇشتاسىپ، جۇڭگو كوممۋنيستىك پارتياسى دۇنيەگە كەلدى، جۇڭگو توڭكەرىسىنىڭ بەت - بەينەسىندە وسىدان باستاپ شىت جاڭا وزگەرىس تۋىلدى.
جۇڭگو كوممۋنيستىك پارتياسى جۇڭگوداعى ءار ۇلت حالقىنىڭ ءتۇبىرلى مۇددەسىنىڭ ادال ۋاكىلى رەتىندە، دۇنيەگە كەلگەننەن باستاپ باستان - اياق شينجياڭعا كوڭىل ءبولىپ، حالىقتى وياتۋ، شينجياڭداعى ءار ۇلت حالقىن يمپەرياليزم مەن فەوداليزمنىڭ اياۋسىز ەزگىسىنەن ازات ەتۋدەي تاريحي اۋىر مىندەتتى سانالىلىقپەن ارقالادى.
جۇڭگو كوممۋنيستىك پارتياسى حالىقتى باستاپ جاڭا دەموكراتيالىق توڭكەرىس جۇرگىزۋ بارىسىندا باستان - اياق شينجياڭداعى ءار ۇلت حالقىنا كوڭىل ءبولدى. پارتيانىڭ كۇش - قۋاتىنىڭ زورايۋىنا ىلەسە، پارتيا باستان - اياق شينجياڭنىڭ توڭكەرىس اياق الىسىنا تۇرلىشە فورمالارمەن ىقپال كورسەتتى، ونى جەتەكتەدى، ىلگەرىلەتتى.
پارتيانىڭ 2 - قۇرىلتايى، 3 - قۇرىلتايى، 6 - قۇرىلتايى تۇگەلدەي شينجياڭ ماسەلەسى جونىندە قاتىستى قاۋلىلار شىعاردى.
20 - عاسىردىڭ 30 - جىلدارىندا پارتيا ىلگەرىندى - كەيىندى نەشە جۇزدەگەن كادردى شينجياڭعا بىرلىكساپ قىزمەتىن ورىستەتۋگە جىبەرىپ، بۇكىل ىنتا - پەيىلمەن شينجياڭداعى ءار ۇلت حالقى ءۇشىن قىزمەت ىستەپ، شينجياڭدى پارمەندى قورعادى جانە گۇلدەندىردى.
”18 - قىركۇيەك“ وقيعاسىنان كەيىن، جۇڭحۋا ۇلتىنىڭ ءومىرى مەن ولىمىنە قاتىستى قىسىلتاياڭ كەزدە، جۇڭگو كوممۋنيستىك پارتياسى بۇكىل ۇلت ىنتىماقتاسىپ، جاپون شاپقىنشىلارىنا قارسى اتتانۋ تۋىن بيىك ۇستاپ، جاپون شاپقىنشىلارىنا قارسى ۇلتتىق بىرلىكساپ ساياساتىن دۇرىس بەلگىلەپ جانە اتقارىپ، بۇكىل ۇلتتىڭ ىنتىماقتاسىپ جاپون شاپقىنشىلارىنا قارسى سوعىستاعى تىرەكتى كۇشىنە اينالدى.
تيانشان باۋرايىندا جۇڭگو كوممۋنيستەرى قىزمەت ورنىن تياناق ەتىپ، ساياسيدى جاڭارتىپ، ەسكى دەرتتى الاستاپ، ەكونوميكانى دامىتىپ، حالىق تۇرمىسىن جاقسارتىپ، ماركسيزم مەن جۇڭگو كوممۋنيستىك پارتياسىنىڭ جاپون شاپقىنشىلارىنا قارسى تۇرۋ دارىپتەمەسىن بەلسەنە تاراتىپ، بۇكىل ىنتا - پەيىلدەرىمەن ءار ۇلت حالقى ءۇشىن يگى ءىس ىستەپ، شينجياڭدا ءار ۇلتتىڭ تەرەزەسى تەڭ، ىنتىماقتى بولۋىن جانە ەكونوميكانىڭ، قوعامنىڭ دامۋىن بارىنشا ىلگەرىلەتتى، كوممۋنيستەردىڭ تاماشا وبرازىن ورناتتى، پارتيانىڭ شينجياڭداعى ىقپالىن كەڭەيتتى، توڭكەرىس تۇقىمىن سەپتى.
بۇكىل ەل حالقىنىڭ ازاتتىق سوعىسىنىڭ جەڭىسپەن ىلگەرىلەۋىنە، گومينداڭ كەرتارتپاشىلارى ۇستەمدىگىنىڭ جويىلۋىنا ىلەسە، شينجياڭداعى ءار ۇلت حالقى بەيبىت ازات بولۋدى شىنايى اڭسادى. جۇڭگو كوممۋنيستىك پارتياسى ۇزاق ۋاقىت ازاپ شەككەن شينجياڭداعى ءار ۇلت حالقىنا ايرىقشا كوڭىل اۋداردى، پارتيا ورتالىق كوميتەتى ماڭىزدى ىستەردى جوبالاپ، بەلسەنە جوسپارلاپ، كوپ جاقتىڭ كۇشىن جۇمىلدىرىپ، اسكەري سوققى بەرۋ مەن ساياسي جاقتان قول جەتكىزۋ سىندى ەكى جاقتى بىردەي يگەرىپ، شينجياڭنىڭ بەيبىت ازات بولۋىن ىسكە اسىردى، شينجياڭ تاريحىنىڭ جاڭا كەزەڭىن اشتى.
جاڭا جۇڭگو قۇرىلعاننان كەيىن جۇڭگو كوممۋنيستىك پارتياسى شينجياڭداعى ءار ۇلت حالقىنا باسشىلىق ەتىپ، بۇلىكتى تىنىشتاندىرىپ، باندىلاردى الاستاپ، شەكارا قورعانىسىن بەكەمدەپ، قوعام تىنىشتىعىن قورعاپ، كوتەرىلىسشى اسكەري ءبولىمدەردى جاڭالاپ، ۇلتتىق ارميانى وزگەرتىپ جاساقتاپ، ءار دارەجەلى حالىقتىق بيلىك قۇرىپ، جەر مايىن ازايتىپ، زورەكەرلىككە قارسى تۇرىپ جانە جەر رەفورماسىن جۇرگىزىپ، حالىق شارۋاشىلىعىن قالپىنا كەلتىرىپ جانە دامىتىپ، اۋىل شارۋاشىلىعىنا، قولونەركاسىپكە، جەكەلەر باسقارۋىنداعى ساۋدا - ونەركاسىپكە سوتسياليستىك وزگەرتۋ جۇرگىزىپ، شينجياڭ اسكەري رايونى ءوندىرىس - قۇرىلىس بيڭتۋانىن قۇرىپ، ۇلتتىق وڭىرلىك اۆتونوميا ءتۇزىمىن اتقاردى. ۇرپاقتار بويى قاناۋدىڭ، ەزگىنىڭ ازابىن ابدەن تارتقان شينجياڭداعى ءار ۇلت حالقى ەڭسە كوتەرىپ قوجايىن بولىپ، بۇكىل ەل حالقىمەن بىرگە سوتسياليزم داڭعىل جولىنا ءتۇستى.
رەفورما جاساپ، ەسىك اشقاننان بەرى اسىرەسە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ ەرەكشە ساياسات - شارالاردى شىعارىپ، بۇكىل پارتيانىڭ، بۇكىل ەلدىڭ كۇشىن جۇمىلدىرىپ شينجياڭنىڭ دامۋىن قولدادى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى شينجياڭنىڭ بايتاق دالاسىندا تياناقتانىپ تامىر تارتىپ، تيانشان الابى شىت جاڭا بەينەگە ەنىپ، ءار ۇلت حالقىنىڭ ىرىس - قۇتى جالعاسا ءتۇستى.
قىزىل ىزدەر ماڭگى وشپەيدى
بۇگىنگى شينجياڭدا، الۋان تۇسكە بويالدى اتا مەكەن تۇلعالى، اقشا بۇلتتار قالىقتاپ جاڭا ءبىر اسپان تۋعالى. جول نۇسقاۋشىنىڭ كۇشى شىت جاڭا لەپ اكەلدى.
”100 جىلدىق ايبىنى اسقاق ساپاردا اۋەلگى ماقسات 100 جىل بويى شىڭدالىپ بەكەمدەلە ءتۇستى“. قيلى - قيلى كەرەمەتتەرگە تولى قىزىل پاراقتى اقتارساق، 100 جىلدان بەرى، بۇكىل ەلدەگى ءار ۇلت حالقى سان قيىنشىلىقتى باستان كەشىرىپ، قايسارلىقپەن كۇرەس جۇرگىزىپ، توڭكەرىستىڭ، قۇرىلىستىڭ، رەفورمانىڭ كەلەلى جەڭىسىنە ۇزدىكسىز قول جەتكىزۋ بارىسىندا جۇڭگو كوممۋنيستەرى جاپا - ماشاقاتتى، مەيلىنشە تارتسا دا، اۋەلگى ماقساتىن وزگەرتپەي، كۇرەس جۇرگىزۋدى مۇرات ەتىپ، ەرلىكپەن العا ىلگەرىلەدى.
تاريح جۇڭگو كوممۋنيستەرىنىڭ شينجياڭدا توڭكەرىس تۇقىمىن سەپكەندىگىن، ۇشقىنىنان اقىرى جالىن قاۋلاتقانىن ۇمىتپايدى.
جۇڭگو كوممۋنيستەرى شينجياڭدا ءار ۇلتتىڭ تەرەزەسى تەڭ، ىنتىماقتى بولۋىن جانە ەكونوميكانىڭ، قوعامنىڭ دامۋىن بار كۇشپەن ىلگەرىلەتىپ، قوعامنىڭ دامۋ نەگىزىن بەكەمدەدى.
جۇڭگو كوممۋنيستەرى شينجياڭداعى ءار ۇلت حالقىن جاپون شاپقىنشىلارىنا قارسى سوعىس لەگىنە قوسىلۋعا ۇندەپ، جاپون شاپقىنشىلارىنا قارسى سوعىسقا جىلۋ جيۋعا جۇمىلدىرىپ، جاپون شاپقىنشىلارىنا قارسى سوعىستىڭ الدىڭعى شەبىنە كومەك كورسەتىپ، جاپون شاپقىنشىلارىنا قارسى سوعىسقا كورنەكتى ۇلەس قوستى.
جۇڭگو كوممۋنيستەرى قاپاسقا تۇسسە دە، سەنىمنەن ولسەدە اينىماي، كوممۋنيزم ىستەرى جولىندا سوڭىنا دەيىن كۇرەس جۇرگىزۋدى سەرت ەتىپ، ىستىق قاندارىن توگۋدەن، ومىرلەرىن ارناۋدان تايىنبادى.
شينجياڭداعى ءار ۇلت حالقىنىڭ ەڭسە كوتەرىپ ازات بولۋىنا جۇڭگو كوممۋنيستىك پارتياسى باسشىلىق ەتتى.
ۇلتتىق وڭىرلىك اۆتونوميا ءتۇزىمىن ورناتىپ، ءار ۇلت حالقىنىڭ قوجايىن بولىپ سوتسياليزمنىڭ داڭعىل جولىنا تۇسۋىنە جۇڭگو كوممۋنيستىك پارتياسى باسشىلىق ەتتى.
شينجياڭنىڭ مەشەۋلىكتەن العا باسۋعا، توماعا - تۇيىقتىقتان ەسىك اشۋعا، كەدەيلىكتەن بايۋعا قاراي بەت الۋى جۇڭگو كوممۋنيستىك پارتياسىنىڭ باسشىلىعىندا جۇزەگە استى.
بۇگىنگى تاڭداعى شينجياڭنىڭ قوعامى ورنىقتى بولعان، حالقى تىنىش ءومىر، شات - شادىمان تىرشىلىك كەشىرگەن اسا تاماشا جاعدايى دا جۇڭگو كوممۋنيستىك پارتياسىنىڭ باسشىلىعىندا اشىلعان.
جۇڭگو كوممۋنيستىك پارتياسىنىڭ باسشىلىعىندا، پارتيانىڭ ۇلت ساياساتىنىڭ شۇلەن شۇعىلاسىندا، شينجياڭداعى ءار ۇلت كادر - جۇرتشىلىعى باستان - اياق پارتيا نۇسقاعان دۇرىس بەتالىستى بويلاپ، بىرگە ىنتىماقتاسا كۇرەس جۇرگىزىپ، بىرگە كوركەيىپ - گۇلدەنىپ، دامىپ، ۇلى بارىستى اشتى.
100 جىلعى ايبىنى اسقاق تاريحقا، ماشاقاتتى دا ەرەن ساپارعا قايىرىلا قاراساق، تيانشان الابىندا، سايىن ساحارادا، ءشول جازيرادا، ورماندا، بارلىق جەردەن جۇڭگو كوممۋنيستەرىنىڭ ەرلىكپەن العا ىلگەرىلەگەن ءىزىن كورۋگە بولادى. تالاي - تالاي جۇڭگو كوممۋنيستەرى پارتيانىڭ اۋەلگى ماقساتىن، بورىشىن امالياتتا ايگىلەپ، قاجىرلىلىقپەن نەگىز قالاپ، شارۋاشىلىق قۇرىپ، شۇعىلالى تابىس جاراتىپ، بولاشاقتى اشتى.
جۇڭگو كوممۋنيستەرىنىڭ يدەيا الاۋى ساۋلە شاشا بەرەدى؛ كۇرەس جۇرگىزگەن كەسەك تۇلعالار وشپەس ەسكەرتكىشكە اينالادى؛ جاراتقان ءومىر كەرەمەتتەرى تاريحتا ساقتالادى؛ قالدىرعان قىزىل ىزدەرى ماڭگى وشپەيدى.
كەلگەن جولدى ۇمتپاعاندا عانا قادامىمىز باياندى بولادى. ءبىز جۇڭگو كوممۋنيستەرىنىڭ شينجياڭدا قالدىرعان قىزىل ىزدەرىن ىزدەپ، داڭقتى جىلداردى قايتا ەسكە الىپ، اۋەلگى ماقساتتى، بورىشتى ەستە بەرىك ساقتاپ، قىزىل ءداستۇردى بارىنشا ساۋلەلەندىرىپ، قىزىل گەندى جالعاستىرىپ، كوممۋنيستەردىڭ رۋحاني قان تامىرىن جالعاستىرىپ، باستان - اياق توڭكەرىسشىلەردىڭ ەرجۇرەك رۋحىن ساقتاپ، جاڭا ساپارعا جابال اتتانۋدىڭ، جاڭا داۋىردە ەكپىندەي ىلگەرىلەۋدىڭ قايرات - جىگەرىن تاسقىنداتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ايبىندى ساپارىندا تولقىن جارىپ، ەرلىكپەن العا ىلگەرىلەيىك.
