− باس شۋجي شي جينپيڭنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ جونىندەگى ماڭىزدى بايىمداۋلارىنا جالپى شولۋ
شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. 2 - ايدىڭ 24 - كۇنى باسپادان شىعاتىن حالىق گازەتى «تاريحي شارىقتاۋ، جاڭا كۇرەس باستاماسى − باس شۋجي شي جينپيڭنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ جونىندەگى ماڭىزدى بايىمداۋلارىنا جالپى شولۋ» دەگەن تاقىرىپتا اۆتورلى ماقالا جاريالادى.
”8 جىل ۇزدىكسىز كۇرەس جاساۋ ارقىلى ءبىز جاڭا داۋىردەگى كەدەيلىكتەن ارىلتۋدان قامال الۋ نىسانا - مىندەتتەرىن ۋاعىندا ورىنداپ، قازىرگى ولشەم بويىنشا اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن تۇگەلدەي الىپ، مۇلدەم كەدەيلىكتى جانە وڭىرلىك جالپىلاي كەدەيلىكتى جويىپ، 100 ميلليونعا جۋىق كەدەي حالىقتى كەدەيلىكتەن ارىلتىپ، بۇكىل دۇنيە ءجۇزىن جالت قاراتقان كەلەلى جەڭىسكە قول جەتكىزدىك“. 2020 - جىلى 12 - ايدىڭ 3 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشقان كەزدە وسىلاي دەپ اتاپ كورسەتتى.
ماقالادا بىلاي دەلىندى: ءبىر ميلليارد 400 ميلليون جان سانى بار ءىرى ەل جونىنەن العاندا، مىڭداعان جىلدار بويى مازالاپ كەلگەن مۇلدەم كەدەيلىك ماسەلەسىنە تاريحي نۇكتە قويىلدى، بۇل ەجەلدەن بەرى بولماعان ۇلى ءىس، سونداي - اق ادامزاتتىڭ كەدەيلىكتى ازايتۋ تاريحىنداعى كەرەمەت!
2020 - جىلعا كەلگەندە ەلىمىزدىڭ قازىرگى ولشەمى بويىنشا اۋىل - قىستاقتاعى كەدەي حالىقتى كەدەيلىكتەن ارىلتۋ ءبىزدىڭ بەرگەن ايبىندى ۋادەمىز؛ كەدەيلىكتەن ارىلتۋدان قامال الۋ شايقاسىن نەعۇرلىم جۇرگىزگەن سايىن، پارتيانىڭ باسشىلىعىن سولعۇرلىم كۇشەيتۋ جانە جاقسارتۋ كەرەك؛ كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال ارىلتۋعا تاباندى بولۋدا ماڭىزدىسى كەدەيلىكتەن ارىلتۋدان قامال الۋدىڭ ناتيجەسىن جوعارىلاتۋ؛ ۇكىمەتتىڭ ۇسىنىلىمنىڭ كەدەيلەردى سۇيەمەلدەۋدەگى، وركەندەتۋدەگى تۇلعالىق جانە جەتەكشىلىك رولىنا تاباندى بولىپ، فينانس قارجىلارىنىڭ كەدەيلەردى سۇيەمەلدەۋگە، وركەندەتۋگە سالىنۋىن كوبەيتىپ، قوعامدىق كاپيتالدى كەدەيلەردى سۇيەمەلدەۋگە، وركەندەتۋگە باۋراۋ كەرەك؛ كەدەيلەردى سۇيەمەلدەۋ، وركەندەتۋ − بۇكىل پارتيانىڭ، بۇكىل قوعامنىڭ ورتاق جاۋاپكەرشىلىگى، بۇكىل قوعامنىڭ كۇشىن كەڭىنەن ات سالىسۋعا جۇمىلدىرۋ جانە توپتاۋ كەرەك؛ كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ تابىسىنىڭ ناقتى، شىنايى بولۋىنا كەپىلدىك ەتىپ، كەدەيلىكتەن ارىلتۋدان قامال الۋ ناتيجەلەرىن اماليات پەن تاريحتىڭ سىنىنان وتە الاتىن ەتۋ كەرەك؛ كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن بىرلەستىرۋدى كۇشەيتىپ، كەدەي بۇقارانىڭ بەلسەندىلىگى مەن ىرىقتىلىعىن قاۋلاتۋ كەرەك؛ ءبارىمىز قول ۇستاسىپ، كەدەيلىك جوق، بىرگە داميتىن ادامزاتتىڭ تاعدىرلاس ورتاق تۇلعاسىن ورناتۋ ءۇشىن قاجىماي - تالماي كۇرەس جۇرگىزەيىك؛ كەدەيلىكتەن ارىلتۋدان قامال الۋدىڭ جەڭىسىنە جەتكەن سوڭ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك، بۇل ”اۋىل شارۋاشىلىعى، اۋىل - قىستاق، شارۋالار“ قىزمەت تۇيىنىندەگى تاريحي بۇرىلىس... پارتيا 18 - قۇرىلتايىنان بەرى، باس شۋجي شي جينپيڭ جاپپاي دوڭگەلەك داۋلەتتى قوعام ورناتۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ستراتەگيالىق دەڭگەيىندە تۇرىپ، كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، ءبىرسىپىرا جاڭا يدەيالاردى، جاڭا كوزقاراستاردى ورتاعا قويىپ، ءبىرسىپىرا جاڭا شەشىمدەر، جاڭا ورنالاستىرۋلار جاساپ، جۇڭگونىڭ كەدەيلىكتى ازايتۋ ىسىندە وراسان زور تابىسقا جەتۋىن ىلگەرىلەتىپ، دۇنيە ءجۇزىنىڭ كەدەيلىكتى ازايتۋ ۇردىسىنە ماڭىزدى ۇلەس قوستى.
ليۋپانشان ءوڭىرى، چينباشان ءوڭىرى، ۋليڭشان ءوڭىرى، ۋمىڭشان ءوڭىرى، دابيەشان ءوڭىرى... باس شۋجي شي جينپيڭ زەيىن - زەردەسىن كەدەيلەردى سۇيەمەلدەۋ قىزمەتىنە ەڭ كوپ جۇمسادى، كەدەي وڭىرلەردە ەڭ كوپ قىزمەت تەكسەردى، تەكسەرۋ - زەرتتەۋ جۇرگىزدى. باس شۋجيدىڭ قاجىماس قادامى شوعىرلى تۇتاسقان 14 ەرەكشە كەدەي وڭىردەگى تاۋ - وزەنگە ايشىقتى ءىز قالدىردى؛ باس شۋجيدىڭ شىنايى سۇيىسپەنشىلىگى ءاربىر كەدەي بۇقارانىڭ جۇرەگىن ايرىقشا مەيىرگە بولەدى.
”كەدەيلەردى سۇيەمەلدەۋ قاشاندا مەنىڭ قىزمەتىمنىڭ ماڭىزدى مازمۇنى، مەن بۇعان ەڭ كوپ زەيىن - زەردەمدى جۇمسايمىن“، ”كەدەيلىكتەن ارىلتۋدان قامال الۋ مەنىڭ ەسىمنەن شىقپايتىن ەڭ كەلەلى ءىس“، ”مەنىڭ ەسىمنەن شىقپايتىنى تاعى دا قيىنشىلىعى بار بۇقارا“... باس شۋجي شي جينپيڭنىڭ تەرەڭ سۇيىسپەنشىلىككە تولى سوزدەرى حالىق كوسەمىنىڭ حالىققا دەگەن شىن ىقىلاسىن بەينەلەپ، 100 جىلدىق ءىرى پارتيانىڭ بورىشى مەن جاۋاپكەرشىلىگىن ايگىلەدى!
ماقالادا بىلاي دەپ اتاپ كورسەتىلدى: كەدەيلىكتەن ارىلتۋدان قامال الۋدىڭ كەلەلى جەڭىسى ءبىرىنشى 100 جىلدىق كۇرەس نىساناسىن جۇزەگە اسىرۋعا بەرىك نەگىز قالاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن بارىنشا كۇشەيتىپ، كەدەي وڭىرلەردىڭ بەت - بەينەسىن تۇبەگەيلى وزگەرتىپ، ءوندىرىس، تۇرمىس شارت - جاعدايىن جاقسارتىپ، بۇقارانىڭ تۇرمىس ساپاسىن جوعارىلاتتى، ”ەكىدەن تارىقتىرماۋ، ءۇشتى قامتاماسىز ەتۋدى“ جاپپاي جۇزەگە اسىردى.
كەدەيلىكتەن ارىلتىپ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. ”ءبىز العان بەتىمىزدەن قايتپاي، تىڭعىلىقتى تۇردە قايراتتانا ىستەپ، اۋىل - قىستاقتى گۇلدەندىرۋدىڭ كوركەم كارتيناسىن قۇلشىنا سالىپ، بىرگە بايۋ نىساناسىنا قاراي نىق قاداممەن العا ىلگەرىلەۋىمىز كەرەك“.
ماقالادا بىلاي دەلىندى: ”ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە“. بيىل جۇڭگو كوممۋنيستىك پارتياسىنىڭ 100 جىلدىق مەرەي تويى. 100 جىلدان بەرى جۇڭگو كوممۋنيستىك پارتياسى جۇڭگو حالقىن باقىتقا كەنەلتۋدى كوزدەگەن اۋەلگى ماقساتتان، جۇڭحۋا ۇلتىنىڭ گۇلدەنۋىن كوزدەگەن بورىشتان جازباي، قيىندىقتان، قاتەردەن، بوگەتتەن تايسالماي، قان توگىپ قۇربان بولۋدان قورىقپاي، بۇكىل ەلدەگى ءار ۇلت حالقىن ىنتىماقتاستىرىپ، باستاپ، قيان - كەسكى شايقاس جۇرگىزىپ، كۇشەيۋ جولىندا جىگەر كورسەتىپ، رەفورما جاساپ، ەسىك اشىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
ماقالادا بىلاي دەپ اتاپ كورسەتىلدى: 100 جىلدىق ايبىنى اسقاق ساپاردا اۋەلگى ماقسات 100 جىل بويى شىڭدالىپ بەكەمدەلە ءتۇستى. ”قوس 100 جىلدىقتىڭ“ تاريحي توعىسىندا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى. ءدال وسى ساتتە، ءبىز باس شۋجي شي جينپيڭنىڭ شىنايى تىلەگىن ەستە بەرىك ساقتايىق −
”جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا بەلەستىك ماڭىز الادى. سونىمەن بىرگە، ءبىز، ءسوز جوق، مىنانى جىعا تانۋىمىز كەرەك: بۇل تەك ءبىزدىڭ جۇڭحۋا ۇلتىنىڭ ۇلى گۇلدەنۋىنە قاراي تاستاعان شەشۋشى ءبىر قادامىمىز عانا، ءبىز استە داندايسىماۋىمىز، توقمەيىلسىمەۋىمىز، العا باسپاي توقىراپ قالماۋىمىز، ۇزدىكسىز تۇردە كىشى پەيىل، بايسالدى بولىپ، داندايسۋدان، ۇشقالاقتىقتان ساقتانۋىمىز، ۇزدىكسىز تۇردە قاجىرلىلىقپەن كۇرەس جۇرگىزىپ، قايتپاس قايسار جىگەرمەن العا ۇمتىلىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قايراتتانا، ايانباي شايقاسىپ، ادامزاتتىڭ بەيبىتشىلىگى مەن دامۋى سىندى اسقاق ىستەر ءۇشىن ۇزدىكسىز تىڭ، اناعۇرلىم زور ۇلەس قوسۋىمىز كەرەك!“
قيىر جورىق جولىندا تەك عانا كۇرەس جاساۋ ءتيىس. ءبىز كۇرەس ارقىلى قيىن - قىستاۋ جاعدايدى جەڭىپ، تالاي - تالاي اسۋلاردان استىق. ءبىز ۇزدىكسىز كۇرەس جاساپ، ەرلىكپەن العا ۇمتىلىپ، اناعۇرلىم شۇعىلالى جەتىستىكتەر جاراتۋىمىز كەرەك!
