تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق ساياسي كەڭەس پارتيا تاريحىن ۇيرەنۋ تاربيەسىنە جۇمىلدىرۋ ءماجىلىسىن اشتى

ۇيرەنۋ ونىمدىلىگىن ساياسي كەڭەس قىزمەتىنىڭ جاڭالىق اشا دامۋىن ىلگەرىلەتۋدىڭ قۋاتتى قوزعاۋشى كۇشىنە اينالدىرۋ كەرەك

  انار بۇلت / شينجياڭ گازەتىنىڭ ءتىلشىسى جاڭ يۇنمەي 2 - ايدىڭ 24 - كۇنى ۇرىمجىدەن حابارلايدى. 2 - ايدىڭ 22 - كۇنى تۇستەن بۇرىن اۆتونوميالى رايوندىق ساياسي كەڭەس پارتيا تاريحىن ۇيرەنۋ تاربيەسىنە جۇمىلدىرۋ ءماجىلىسىن اشىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحى مەن «جۇڭگو كوممۋنيستىك پارتياسى ورتالىق كوميتەتىنىڭ بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى حابارلاندىرۋىن» ىشكەرىلەي ۇيرەنىپ، اۆتونوميالى رايوندىق پارتكومنىڭ قىزمەت تالابى بويىنشا، اۆتونوميالى رايوندىق ساياسي كەڭەستىڭ پارتيا تاريحىن ۇيرەنۋ تاربيەسىنە جۇمىلدىرۋ جونىندە ورنالاستىرۋ جاسادى. اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ءماجىلىستى باسقاردى ءارى ءسوز سويلەدى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، جان - جاقتى ءتۇسىنىپ، يدەيالىق تانىمدى جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرىپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ۇيرەنۋ ناتيجەسىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋدەگى، شينجياڭنىڭ باياندى تىنىشتىققا قادام تاستاۋىنا دەم بەرۋدەگى قوزعاۋشى كۇشكە اينالدىرىپ، جاڭا بورىش ارقالاپ، جاڭا ساپاردا ەكپىندەي العا ىلگەرىلەپ، جاڭا جاعداي اشىپ، شىنايى تۇردە حالىق ساياسي كەڭەس تۇزىمىنە ويداعىداي تاباندى بولىپ، حالىق ساياسي كەڭەس ىستەرىن ويداعىداي دامىتىپ، حالىق ساياسي كەڭەسىنىڭ رولىن ويداعىداي ساۋلەلەندىرىپ، حالىق ساياسي كەڭەسىنە قاتىناسقان ءارقايسى پارتيا - توپتاردىڭ جانە قوعامداعى ءار سالا قايراتكەرلەردىڭ جۇڭگو كوممۋنيستىك پارتياسىنا جانە جۇڭگوشا سوتسياليزمگە بولعان ساياسي جاقتاعى شىنايى مويىنداۋىن، يدەيالىق جاقتاعى شىنايى مويىنداۋىن، نازاريالىق جاقتاعى شىنايى مويىنداۋىن، سۇيىسپەنشىلىك جاقتاعى شىنايى مويىنداۋىن ونان ارى نىعايتۋعا باستاۋ كەرەك.

  ءماجىلىس مىنالاردى باسا دارىپتەدى: ورتالىقتىڭ رۋحىن دالمە - ءدال يگەرىپ، پارتيا ورتالىق كوميتەتىنىڭ ايقىن بەلگىلەگەن پارتيا تاريحىن ۇيرەنۋ تاربيەسىنىڭ نىسانا - تالاپتارى، ۇيرەنۋ مازمۇنى، قىزمەت ورنالاستىرۋى بويىنشا اۆتونوميالى رايوندىق پارتكومنىڭ ورنالاستىرۋى مەن تالابىن دايەكتىلەندىرىپ، ساياسي كەڭەستىڭ ءىس جۇزىندىگىمەن تىعىز ۇشتاستىرىپ، پارتيا تاريحىن ۇيرەنۋ تاربيەسىن ىلگەرىلەتۋ كەرەك. تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، ءار ۇلت، ءار سالا مۇشەلەرى مەن ورگانداعى پارتيالى كادرلاردى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ماركسيزمنىڭ جۇڭگوشالانۋىنىڭ، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلميلىعىن، اقيقاتتىعىن تەرەڭ ءتۇسىنىپ، يگەرىپ، ۇيتقىعا ادال بولاتىن، ۇيتقىنى قورعايتىن، ۇيتقىعا قاراپ قاتار تۇزەيتىن ساياسي سانالىلىق پەن ارەكەت سانالىلىعىن كۇشەيتىپ، كەڭەسۋ نەگىزگى جۇمىسىن شىنايى ىستەپ، ورتاق تانىم نەگىزىن بەكەمدەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا زەيىن - زەدەنى، كۇش - قۋاتتى ۇيىستىرۋعا جەتەكتەۋ كەرەك.

  ءماجىلىس مىنالاردى تالاپ ەتتى: ارناۋلى تاقىرىپتىق ۇيرەنۋدى ورىستەتۋ، ساياسي جەتەكشىلىكتى كۇشەيتۋ، ارناۋلى تاقىرىپتىق كۋرس ۇيىمداستىرۋ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋ، ارناۋلى تاقىرىپتىق ۇيىمدىق تۇرمىس جيىنىن اشۋ ارقىلى ”ءوزى تاڭداعان ارەكەتتى“ ويداعىداي ىستەپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ كەرەك. ۇيىمداستىرۋدى، باسشىلىق ەتۋدى كۇشەيتىپ، جاۋاپكەرشىلىكتى قاتايتىپ، ناقتىلاپ، دۇرىس باعداردى يگەرىپ، تاماشا راي قالىپتاستىرىپ، ءبىر تۇتاس جوسپارلاۋعا، بىردەي ءمان بەرۋگە تاباندى بولىپ، كۇشتى جاۋاپكەرشىلىك سەزىممەن، بورىشتىلىق سەزىممەن جانە كوكەي تەستىلىك سەزىممەن ءىس جۇزىندىك جاعدايدى تياناق ەتىپ، تۋراشىلدىقتى ساقتاپ جاڭالىق اشىپ، پارتيا تاريحىن ۇيرەنۋ تاربيەسى مىندەتىن جوعارى ولشەممەن، جوعارى ساپامەن ورىنداپ، شىنايى تۇردە ۇيرەنۋ ونىمدىلىگىن ساياسي كەڭەس قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋعا، جاڭالىق اشا دامۋىنىڭ قۋاتتى قوزعاۋشى كۇشىنە اينالدىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەلەرى، ورىنباسار ءتوراعالارى ءجۇرات يمىن، ءمۇتالىپ وبۇل، يلحام سابىر، ما شيۇڭچىڭ، نۇرىم سىمايىلقان، پارتيا باسشىلىق گرۋپپاسىنىڭ مۇشەسى، باس حاتشى گاۋ جياڭحۋاي ماجىلىسكە قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.