پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، حالىق قۇرىلتايى قىزمەت دەڭگەيىن ۇزدىكسىز جوعارىلاتۋ كەرەك
انار بۇلت / شينجياڭ گازەتىنىڭ ءتىلشىسى جاۋ جىيۇن 2 - ايدىڭ 24 - كۇنى ۇرىمجىدەن حابارلايدى. 2 - ايدىڭ 23 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى ورگانى پارتيا تاريحىن ۇيرەنۋ تاربيەسىنە جۇمىلدىرۋ ءماجىلىسىن اشىپ، باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ورگانداعى بارلىق پارتيالى كادرلاردى ساياسي دەڭگەيدى جوعارىلاتىپ، يدەيانى، ارەكەتتى بىرلىككە كەلتىرىپ، پارتيا تاريحىن ۇيرەنۋ تاربيەسىنە بۇكىل ىنتا - پەيىلمەن ات سالىسىپ، اسقاق ارىنمەن جاڭا داۋىردە ەڭبەك كورسەتىپ، جاڭا ساپاردا ەكپىندەي ىلگەرىلەپ، حالىق قۇرىلتايى قىزمەتىنىڭ دەڭگەيىن جالپى بەتتىك جوعارىلاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قاجىماي - تالماي كۇرەس جاساۋعا جۇمىلدىردى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى ءارى ءسوز سويلەدى.
ءماجىلىس بىلاي دەپ باسا دارىپتەدى: پارتيا تاريحىن ۇيرەنۋ تاربيەسىن ورىستەتۋ − اۋەلگى ماقساتتى، بورىشتى ەستە بەرىك ساقتاۋدىڭ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ىلگەرىلەتۋدىڭ قاجەتتى تالابى، نانىمدى، سەنىمدى بەكەمدەۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتتى تالابى، پارتيانىڭ وزىنە توڭكەرىس جاساۋىن ىلگەرىلەتۋدىڭ، پارتيانىڭ جالىندى ومىرشەڭدىگىن ماڭگى ساقتاۋدىڭ قاجەتتى تالابى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدىڭ، شينجياڭ قىزمەتىنىڭ باس نىساناسىن جۇزەگە اسىرۋدىڭ قاجەتتى تالابى. تۇراقتى كوميتەت ورگانىنداعى پارتيالى كادرلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق تانىم مەن ساياسي دەڭگەيدى شىنايى جوعارىلاتىپ، پارتيا تاريحىن ۇيرەنۋ تاربيەسىنىڭ نىسانا - تالاپتارىن تەرەڭ يگەرىپ، پارتيا تاريحىن ۇيرەنۋ تاربيەسىنىڭ نەگىزگى مازمۇنىن دايەكتىلەندىرىپ، تياناقتاندىرىپ، ۇيرەنۋ ارقىلى ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، تۋراشىلدىقتى ساقتاپ جاڭالىق اشىپ، ورايدى مىقتى يگەرىپ، جىگەرلەنە العا ۇمتىلىپ جاڭا جاعداي اشىپ، شينجياڭنىڭ قوعام ورنىقتىلىعى مەن باياندى تىنىشتىعىن قايراتتانا ىلگەرىلەتىپ، جاڭا داۋىردەگى شينجياڭ قىزمەتىنىڭ جاڭا جاعدايىن اشۋ كەرەك.
ءماجىلىس بىلاي دەپ اتاپ كورسەتتى: پارتيا تاريحىن ۇيرەنۋ تاربيەسىندە پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋدى كورنەكتىلەندىرىپ، كۇندەلىكتى تۇرمىسپەن توعىستىرۋعا، ۇنەمى يگەرۋگە ءمان بەرۋ كەرەك. قاتاڭ تۇردە اۆتونوميالى رايوندىق پارتكوم ايقىن بەلگىلەگەن نىسانا - تالاپتار، ۇيرەنۋ مازمۇنى، قىزمەت ورنالاستىرۋى بويىنشا، حالىق قۇرىلتايىنىڭ ءىس جۇزىندىگىمەن بىرلەستىرە، دەن قويا ۇيىمداستىرىپ، باسشىلىق ەتىپ، ۇيرەنۋ ۋاقىتى، ۇيرەنەتىن ادام، ۇيرەنۋ مازمۇنى، ۇيرەنۋ ونىمدىلىگى سىندى ”ءتورتتى تياناقتاندىرۋدى“ ورىنداۋ كەرەك. بەلگىلەنگەن ۇيرەنۋ مازمۇنىن، ۇيرەنۋ مىندەتىن جاقسى ورىنداۋمەن بىرگە، مازمۇندا، فورمادا، ءادىس - امالدا جاڭالىق اشۋدى ىلگەرىلەتىپ، ۇيرەنۋ تاربيەسىنىڭ باعىتتامالىلىعى مەن ناقتى ونىمدىلىگىن ۇزدىكسىز كۇشەيتۋ كەرەك.
ءماجىلىس مىنالاردى اتاپ كورسەتتى: ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن پارتيا تاريحىن ۇيرەنۋ تاربيەسىنىڭ ماڭىزدى مازمۇنى ەتىپ، نەگىزگى زاڭ جانە زاڭدار جۇكتەگەن مىندەت - بورىشتى مۇقيات اتقارىپ، ءار ۇلت بۇقاراسىن مازالاعان، ۋايىمداتقان، الاڭداتقان ىستەردى جاقسى شەشىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. پارتيا تاريحىن ۇيرەنۋ تاربيەسىن تاجىريبەنى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن بىرلەستىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، زاڭ ەرەجە شىعارۋ قىزمەتىنىڭ ساپاسىن جوعارىلاتۋدى يگەرىپ، باقىلاۋ قىزمەتىنىڭ ونىمدىلىگىن جوعارىلاتۋدى يگەرىپ، ۋاكىلدەر قىزمەتىنىڭ دارەجەسىن جوعارىلاتۋدى يگەرىپ، وزىندىك قۇرىلىستىڭ دەڭگەيىن جوعارىلاتۋدى يگەرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشى لي شۋەجۇن، ورىنباسار مەڭگەرۋشى دۇڭ شينگۋاڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەرى باداي، سو يۋە، توحتى ياقۇپ، باس حاتشى ءمۇتالىپ روزى ماجىلىسكە قاتىناستى.
