باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن مۇقيات ۇيرەنەيىك، دايەكتىلەندىرەيىك
شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى. پارتيا تاريحىن ۇيرەنۋ تاربيەسى باسشىلىق گرۋپپاسى 2 - ايدىڭ 24 - كۇنى «باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىن مۇقيات ۇيرەنۋ، دايەكتىلەندىرۋ جونىندەگى حابارلاندىرۋدى» باسىپ تاراتتى.
حابارلاندىرۋدا مىنالار اتاپ كورسەتىلدى: 2 - ايدىڭ 20 - كۇنى باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنا قاتىناستى ءارى ماڭىزدى ءسوز سويلەدى. باس شۋجي شي جينپيڭنىڭ ماڭىزدى ءسوزى پارتيا تاريحىن ۇيرەنۋ تاربيەسىن ويداعىداي ورىستەتۋ، بۇكىل پارتيانىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، ءتۇسىنۋدى ىلگەرىلەتۋ، تاريحي تاجىريبەلەردى ءتىپتى دە ويداعىداي قورىتىندىلاپ، تاريح زاڭدىلىعىن تانىپ، تاريحي ىرىقتىلىقتى مەڭگەرۋ، ءتىپتى دە قۋاتتى ماركسيزمدىك بيلىك باسىنداعى ساياسي پارتيا قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قۇلشىنا قول جەتكىزۋ جونىنەن كەلەلى جەتەكشىلىك ماڭىز الادى.
حابارلاندىرۋدا مىنالار تالاپ ەتىلدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرۋ كەرەك. باس شۋجي شي جينپيڭنىڭ ماڭىزدى ءسوزى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، پارتيا تاريحىن ۇيرەنۋ تاربيەسىن ويداعىداي ورىستەتۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. ءار دارەجەلى پارتكومدار (پارتيا باسشىلىق گرۋپپالارى) باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى ماڭىزدى ساياسي مىندەت رەتىندە مىقتى يگەرۋى، ويداعىداي يگەرۋى، باسشىلىق القالارى ارناۋلى ۋاقىت ورنالاستىرىپ، شوعىرلى ۇيرەنىپ تالقىلاۋى، قالىڭ پارتيا مۇشەلەرىن، كادرلاردى ارناۋلى تاقىرىپتىق ۇيرەنۋگە ۇيىمداستىرىپ، ءسوزدىڭ باي مازمۇنىن، رۋحاني ءمانىن جانە امالياتتىق تالابىن جاپپاي ءتۇسىنۋ كەرەك. تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، پارتيا مۇشەلەرىن، كادرلاردى پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋعا تاربيەلەپ، جەتەكشىلىك ىستەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك.
حابارلاندىرۋدا مىنالار اتاپ كورسەتىلدى: يدەيانىڭ ۇلى كۇشىن اناعۇرلىم تەرەڭ ۇعىنىپ، پارتيانىڭ جاسامپاز نازارياسىمەن بۇكىل پارتيانىڭ ساياسي سانالىلىعىن قارلاۋندىرۋدى كۇشەيتۋ كەرەك. تاريحتىڭ دامۋ زاڭدىلىعى مەن جالپى اۋقىمىن ىشكەرىلەي يگەرىپ، پارتيا مەن مەملەكەت ىستەرى دامۋىنىڭ تاريحي ىرىقتىلىعىن باستان - اياق يگەرۋ كەرەك. پارتيانىڭ سيپاتى، نەگىزگى ماقساتى جونىندەگى تانىمدى ونان ارى تەرەڭدەتىپ، ماركسيزمدىك ساياسي پارتيانىڭ ايقىن قاسيەتىن باستان - اياق ساقتاۋ كەرەك. پارتيانىڭ تاريحي تاجىريبەلەرىن ىشكەرىلەي قورىتىندىلاپ، حاۋىپ - قاتەرگە، سايىستارعا توتەپ بەرۋ قابىلەتىن، ورەسىن ۇزدىكسىز جوعارىلاتۋ كەرەك. توڭكەرىستىك رۋحتى ونان ارى ساۋلەلەندىرىپ، قاجىرلىلىقپەن كۇرەس جاساۋ اسقاق رۋحىن باستان - اياق ساقتاۋ كەرەك. پارتيانىڭ ىنتىماعى مەن ورتالىقتانعان ءبىر تۇتاستىعىن ونان ارى كۇشەيتىپ، بۇكىل پارتيانىڭ بىركەلكى قاداممەن العا باسۋىنا شىنايى كەپىلدىك ەتۋ كەرەك.
حابارلاندىرۋدا مىنالار تالاپ ەتىلدى: ءىس جۇزىندىككە ۇشتاستىرا وتىرىپ، ماڭىزدى ءسوزدىڭ رۋحىن دايەكتىلەندىرۋدى، تياناقتاندىرۋدى ويداعىداي مىقتى يگەرۋ قاجەت. ماڭىزدى ءسوزدى ۇيرەنۋدى پارتيا ورتالىق كوميتەتىنىڭ «بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى حابارلاندىرۋىمەن» ۇشتاستىرىپ، ۇيرەنۋ تاربيەسى مىندەتتەرىن جوعارى ولشەممەن، جوعارى ساپامەن ورىنداپ، ۇيرەنۋ تابىستارىن شىن مانىندە قىزمەتتىڭ قوزعاۋشى كۇشىنە جانە دامۋ جەتىستىگىنە اينالدىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋ كەرەك.
