تيانشان تورى   ›   جاڭالىقتار   ›   ەل ءىشى حابارى

مەملەكەتتىڭ جالپىلىق ستەرەولدى قاتىناس تورى جوبا باعدارلاماسىن باسىپ تاراتتى

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس

مەملەكەتتىڭ جالپىلىق ستەرەولدى قاتىناس تورى جوبا باعدارلاماسىن باسىپ تاراتتى

  شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «مەملەكەتتىڭ جالپىلىق ستەرەولدى قاتىناس تورى جوبا باعدارلاماسىن» باسىپ تاراتتى ءارى حابارلاندىرۋ تاراتىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «جوبا باعدارلاماسى» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دامۋ نىساناسىن ايقىندادى: 2035 - جىلعا بارعاندا قولايلى - ىركىلىسسىز، ۇتىمدى - جوعارى ءونىمدى، جاسىل - شوعىرلى، زەردەلى - وزىق، حاۋىپسىز - سەنىمدى وسىزاماندانعان جوعارى ساپالى مەملەكەتتىك جالپىلىق ستەرەولدى قاتىناس تورىن نەگىزىنەن قۇرىپ، حالىقارا مەن ەل ءىشىن ۇلاستىرۋدى، تۇتاستىرۋدى، بۇكىل ەلدەگى نەگىزگى قالالاردىڭ ستەرەولدى ىركىلىسسىزدىگىن، اۋدان دارەجەلى تۇيىندەردى ءونىمدى قامتۋدى جۇزەگە اسىرىپ، ”بۇكىل ەلدىڭ 123 ساپار قاتىناس شەڭبەرىنە“ (ورتالىق قالا وڭىرىنە ءبىر ساعاتتا جەتۋ، قالا شوعىرىنا 2 ساعاتتا جەتۋ، بۇكىل ەلدەگى نەگىزگى قالالاردى 3 ساعاتتا قامتۋ) جانە ”الەمدىك 123 جەدەل زات جەتكىزۋ شەڭبەرىنە“ (ەل ىشىنە ءبىر كۇندە جەتكىزۋ، توڭىرەكتەگى ەلدەرگە 2 كۇندە جەتكىزۋ، الەمدەگى نەگىزگى قالالارعا 3 كۇندە جەتكىزۋ) پارمەندى دەم بەرۋ. قاتىناس نەگىزگى قۇرىلعىلارىنىڭ ساپاسى، زەردەلىلەنۋ جانە جاسىلدانۋ دەڭگەيىن دۇنيە جۇزىندە الدىڭعى قاتارعا جەتكىزۋ.

  «جوبا باعدارلاماسى» مەملەكەتتىڭ جالپىلىق ستەرەولدى قاتىناس ورنالاسۋىن ساپالىلاندىرۋدى ارقاۋ ەتە وتىرىپ، مىنالاردى ايقىندادى: ءبىرىنشى، كەمەلدەنگەن مەملەكەتتىڭ جالپىلىق ستەرەولدى قاتىناس تورىن قۇرىپ، 2035 - جىلعا بارعاندا، مەملەكەتتىڭ جالپىلىق ستەرەولدى قاتىناس تورىنىڭ ناقتى جەلىسىنىڭ جالپى كولەمىنىڭ جيىنتىعىن 700 مىڭ كيلومەتر شاماسىنا جەتكىزۋ؛ ەكىنشى، جوعارى ءونىمدى مەملەكەتتىڭ جالپىلىق ستەرەولدى قاتىناس تورى نەگىزگى جۇلگەسىن جەدەل ورناتىپ، ناقتى جەلىسىنىڭ ۇزىندىعىن 290 مىڭ كيلومەتر شاماسىنا جەتكىزۋ؛ ءۇشىنشى، كوپ جىكتى ءبىر تۇلعالانعان مەملەكەتتىڭ جالپىلىق قاتىناس تورابى جۇيەسىن ورناتىپ، دۇنيە ءجۇزىن بەتكە العان بەيجيڭ - تيانجين - حىبەي، چاڭجياڭ اتىراۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى سىندى 4 ءىرى حالىقارالىق جالپىلىق قاتىناس تورابى شوعىرىن قۇرۋ؛ ءتورتىنشى، الەمدى بەتكە العان تاسىمال تورىن كەمەلدەندىرىپ، قۇرلىق پەن تەڭىز، ءىش پەن سىرت بىرلەسىپ ارەكەتتەنگەن، شىعىس پەن باتىس قوس باعىتتا ءوزارا كومەكتەسكەن ەسىك اشۋ ارناسىن ارقاۋ ەتىپ، فۋنكتسياسى كەمەلدى، ستەرەولدى، ۇلاسقان، قۇرلىق، تەڭىز، اۋە ءبىر تۇتاس جوسپارلانعان تاسىمال تورىن كۇش سالا قالىپتاستىرۋ.

  «جوبا باعدارلاماسى» ءتۇرلى تاسىمال ءتاسىلىن ىلگەرىلەتىپ، توعىسپالى دامۋدى ءبىر تۇتاس جوسپارلاۋ سياقتىلار جونىندە ناقتى جوبا جاسادى ءارى جالپىلىق قاتىناستىڭ جوعارى ساپالى دامۋىن ىلگەرىلەتۋ توڭىرەگىندە نىسانا، مىندەتتەر العا قويدى، پارتيانىڭ باسشىلىعىن جانە ۇيىمدىق سايكەستىرۋدى، بايلىق جاعىنان تىرەك ازىرلەۋدى، قازىنا جاعىنان قامتاماسىز ەتۋدى، باسقارۋدى كۇشەيتۋدى تالاپ ەتتى.

  بۇل جوبا باعدارلاماسىنىڭ جوبا مەرزىمى 2021 - جىلدان 2035 - جىلعا دەيىن، وندا وسى عاسىردىڭ ورتا شەنىنە دەيىنگى بولاشاققا كوز جىبەرىلگەن.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.