تيانشان تورى   ›   جاڭالىقتار   ›   ەل ءىشى حابارى

جۇڭگونىڭ تاعدىرىن وزگەرتكەن ۇلى شەشۋشى شايقاس

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ميلليارد حالىقتى باستاپ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋى جونىندە ەستەلىك

□ شينحۋا اگەنتتىگىنىڭ تىلشىلەرى

  بۇل جۇڭحۋا ۇلتىنىڭ دامۋ تاريحىنداعى ماڭگىلىك ەسكەرتكىش −

  مىڭداعان جىلداردان بەرى دىڭكەلەتىپ كەلگەن مۇلدەم كەدەيلىك ءبىزدىڭ وسى بۋىن ادامداردىڭ قولىندا تاريحي شەشىم تاپتى.

  بۇل ادامزاتتىڭ دامۋ ۇدەرىسىندەگى ۇلى كەرەمەت −

  8 جىلدا 100 ميلليونعا جۋىق ادام كەدەيلىكتەن ارىلدى، دۇنيە جۇزىندە وسىنشاما قىسقا ۋاقىتتا مۇنداي ءىستى ورىنداي العان بىردە - ءبىر مەملەكەت جوق.

  سارى گۇل شايقاس مايدانىن جۇپارعا ەرەك بولەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ميلليارد حالىقتى باستاپ، ”بىردە - ءبىرىن قاتاردان قالدىرۋعا بولمايدى“ دەيتىن ايبىندى ۋادەمەن، ”قامال المايىنشا شەپتەن قايتپايمىز“ دەيتىن مۇقالماس جىگەرمەن، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتىپ، تاريحي شارىقتاۋدى جۇزەگە اسىرىپ، اناعۇرلىم بيىك نىساناعا قاراي شەرۋ تارتقان جاڭا ساپاردى باستادى.

بيىكتە تۇرىپ الىستى بولجاعان ستراتەگيالىق جوبا

  − كەدەيلىكتەن ارىلتۋدان قامال الۋدىڭ ۇلى شەشۋشى شايقاسىندا، باس شۋجي شي جينپيڭ كەڭ تاريحي كوز ايامەن جانە تەرەڭ حالىقشىل سۇيىسپەنشىلىكپەن بورىشتى باتىل ارقالاپ، رول ۇستاپ، جول نۇسقاپ، ءوزى قولباسشى بولىپ جورىققا اتتاندى

  گۇيجوۋدىڭ چيانشي اۋدانى حۋا - ۋ قىستاعى، ۇلى تاۋدىڭ تەرەڭ قويناۋىنان كوكتەم لەبى ەسەدى.

  بۇل مياۋزۋ قىستاعى قالىڭ تاۋلار، وزەندەرمەن قورشالىپ جاتادى، كەدەيلىكتىڭ تۋىلۋ مولشەرى كەزىندە %63.6كە جەتكەن، جاقىنعى جىلدارى ەرەكشە ەگىنشىلىك، باعىمشىلىق جانە ساياحات كاسىبىن دامىتۋ ارقىلى كەدەي حالىق تۇگەلدەي كەدەيلىكتەن ارىلدى.

  بيىل كوكتەم مەرەكەسى قارساڭىندا باس شۋجي شي جينپيڭ وسى جەرگە ارنايى كەلىپ، كەدەيلىكتەن ارىلعاننان كەيىنگى جاعداي جونىندە قىزمەت تەكسەردى.

  قىستاق تۇرعىنى جاۋ يۇيشۋەنىڭ وتباسى 4 جىلدىڭ الدىندا قونىس جاڭالاپ كەدەيلەردى سۇيەمەلدەۋ بويىنشا 2 قاباتتى شاعىن عيماراتقا كوشىپ كىرگەن. جاۋ يۇيشۋە باس شۋجيگە قازىر ايەلى ەكەۋىنىڭ سىرت جەردە جۇمىس ىستەپ جىلىنا 40 مىڭ يۋاننان استام كىرىس تاباتىنىن، 3 بالاسىنىڭ وقۋ اقىسى مەن تاماق، جاتاق اقىسىنىڭ بارلىعى كەشىرىم ەتىلگەندىگىن ايتتى. باس شۋجي جايدارى بەينەمەن: ”بۇدان كەيىنگى تۇرمىستارىڭىزدىڭ مۇنان دا باقىتتى، بالداي ءتاتتى بولۋىن تىلەيمىن!“، - دەدى.

  قامقورلىققا، ۇمىتكە تولى ءبىر اۋىز تىلەك.

  ىرگەلى ءىرى ەلدىڭ كوشباسشىسىنىڭ جۇرەگىندە ”حالىق“ دەگەن ءسوزدىڭ سالماعى ماڭگى ەڭ ماڭىزدى ەدى. باس شۋجي شي جينپيڭ كەزىندە: ”ولاردىڭ تۇرمىسىندا قيىنشىلىق بولسا، مەن الاڭدايمىن. ولاردىڭ تۇرمىسى ءسال دە بولسا جاقسارعان سايىن مەن قۋانامىن“، - دەپ اعىنان اقتارىلعان ەدى.

  حالىقتىڭ جاقسى تۇرمىسقا قول جەتكىزۋى ءۇشىن، كەدەيلەردى سۇيەمەلدەۋ قاشاندا شي جينپيڭ جولداستىڭ قىزمەتىندەگى ماڭىزدى مازمۇننىڭ ءبىرى بولىپ، زەيىن - زەردەسىن ەڭ كوپ جۇمسادى.

  نەگىزگى ساتىدا قىزمەت ىستەگەن كەزىندە، شانشيدىڭ سولتۇستىگىندەگى لياڭجياحىدا ونىڭ ەڭ ۇلكەن ارمانى اۋىلداستاردى ەتكە ءبىر تويعىزۋ بولدى؛ حىبەيدىڭ جىڭديڭىندا ول حاۋىپ - قاتەرگە تاۋەكەل ەتە وتىرىپ ”ءونىمى جوعارى كەدەي اۋدان“ قالپاعىن الىپ تاستاۋعا قۇلشىندى؛ فۋجياننىڭ نيڭدىسىندا ول كەدەيلىكتەن ارىلتۋدىڭ ”شابان ۇيرەك بۇرىن ۇشادى“ دەگەن جولىن قاراستىردى.

  2012 - جىلى 11 - ايدا، پارتيانىڭ 18 - قۇرىلتايى 2020 - جىلى جاپپاي دوڭگەلەك داۋلەتتى قوعام ورناتۋ ايبىندى نىساناسىن ورتاعا قويدى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعان شي جينپيڭ جولداس جۇڭگولىق، شەتەلدىك تىلشىلەرمەن كەزدەسكەن كەزدە اسقاق ۇنمەن: ”حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز“، - دەدى.

  ءبىر ايدان استام ۋاقىتتان كەيىن، باس شۋجي شي جينپيڭنىڭ تۇلعاسى تايحاڭشان تاۋىنىڭ تەرەڭ قويناۋىنان كورىندى.

  حىبەي ولكەسى فۋپيڭ اۋدانى لوتو - ۋان قىستاعى سول جەردەگى اتى شۋلى ەرەكشە كەدەي قىستاق ەدى، 608 ادامنىڭ 428ى كەدەي بولاتىن، بۇل جەردىڭ كەدەيلىك جاعدايى باس شۋجي شي جينپيڭدى ەرەكشە الاڭداتتى.

  باس شۋجي قىزمەت تەكسەرگەندە بىلاي دەدى: ”كەدەيلەردى سۇيەمەلدەۋ، وركەندەتۋ قىزمەتىن ويداعىداي ىستەپ، كەدەي بۇقارانىڭ كەدەيلىكتەن ارىلۋىنا، بايۋىنا قولداۋ كورسەتىپ، ولاردىڭ ۋايىمنان ارىلۋىنا، قيىنشىلىقتى شەشۋىنە كومەكتەسىپ، دامۋ جەتىستىكتەرىنەن حالىقتى اناعۇرلىم كوپ، اناعۇرلىم ءادىل يگىلىكتەندىرۋ − پارتيامىزدىڭ بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىنا تاباندى بولۋىنىڭ ماڭىزدى بەينەسى، سونداي - اق پارتيا مەن ۇكىمەتتىڭ كەلەلى قىزمەت جاۋاپكەرشىلىگى“.

  كەدەيلىكتەن ارىلتۋ، بۇل حالىقتى باقىتقا كەنەلتۋدىڭ قىزمەت جاۋاپكەرشىلىگى، بورىشى −

  2018 - جىلى 2 - ايدا، باس شۋجي شي جينپيڭ سىچۋاننىڭ لياڭشان تاۋىنا كەلدى. سانحى قىستاعىندا باس شۋجي قىستاق تۇرعىندارىنىڭ ۋاكىلدەرىمەن، كەدەيلەردى سۇيەمەلدەۋ بويىنشا قىستاقتا تۇراتىن قىزمەت اترەتىنىڭ مۇشەلەرىمەن قىستاق تۇرعىنى جيەليە - ى امۋدىڭ وشاعىن قورالاي وتىرىپ، بۇكپەسىز پىكىرلەستى.

  باس شۋجي شي جينپيڭ كوپشىلىككە بىلاي دەدى: پارتيامىز قۇرىلعان كۇننەن باستاپ، ۇلتتى ازات ەتۋدى، حالىقتى باقىتقا كەنەلتۋدى ءوز مىندەتىنە الدى. حالىق بۇقاراسىن كەدەيلىكتەن ارىلتۋ، بايىتۋ − كوممۋنيستەردىڭ قاشاندا اينىمايتىن كۇرەس نىساناسى.

  ”كوممۋنيستىك پارتيا بۇقاراعا بەرگەن ۋادەسىن، ءسوز جوق، ورىندايدى!“، - دەدى باس شۋجي تەرەڭ تولعانىسپەن.

  وسى ۋادە ءۇشىن، پارتيا 18 - قۇرىلتايىنان بەرى باس شۋجي شي جينپيڭ كەدەي وڭىرلەردى دامىلسىز ارالاپ، شوعىرلى تۇتاسقان 14 ەرەكشە كەدەي وڭىرگە تۇگەلدەي بارىپ، 20 نەشە كەدەي قىستاقتا قىزمەت تەكسەرىپ، تەكسەرۋ - زەرتتەۋ جۇرگىزىپ، كەدەيلەردىڭ حال - جايىن ۇعىسۋ بارىسىنا ”مەن وزىممەن ساناسپاي، حالىقتىڭ ءۇمىتىن اقتايمىن“ دەگەن بورىش سۇيىسپەنشىلىگىن ءسىڭىردى.

  وسى ۋادە ءۇشىن، كەدەيلىكتەن ارىلتۋدان قامال الۋدىڭ ءاربىر ماڭىزدى بۋىنى مەن كەلەلى ساتتەرىنىڭ بارىندە، باس شۋجي ءوزى قولباسشىلىق ەتىپ، ءوزى جورىققا شىعىپ، ءوزى شايقاستى قاداعالاپ، كەدەيلىكتەن ارىلتۋدان قامال الۋ جونىندە 7 رەت اڭگىمە ءماجىلىس اشتى، كوپ رەت ءماجىلىس باسقارىپ اشىپ، كەدەيلىكتەن ارىلتۋدان قامال الۋ قىزمەتىن اقىلداستى، ورنالاستىردى، ءار جىلعى مەملەكەتتىك ەكى ماجىلىستە ۋاكىلدەرمەن، مۇشەلەرمەن كەدەيلىكتەن ارىلتۋدان قامال الۋ ۇلى ءىسىن اقىلداستى.

  كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ كەرەك! 90 ميلليوننان استام پارتيا مۇشەسى بار ءىرى پارتيا ميلليارد حالىقتىڭ باقىتى ءۇشىن مۇلدەم كەدەيلىكتى جويۋدى نىسانا ەتكەن جاپپاي شابۋىلدى باستادى.

  اۋەلگى ماقسات بورىشتى بەلگىلەدى، تاريح باعدار كورسەتتى.

  2017 - جىلى 10 - ايدا، پارتيا 19 - قۇرىلتايى كەدەيلىكتەن دالمە - ءدال ارىلتۋدى جاپپاي دوڭگەلەك داۋلەتتى قوعام ورناتۋدا شەشۋشى ماڭىز الاتىن ءۇش ۇلكەن قامال الۋ شايقاسىنىڭ ءبىرى ەتتى.

  سول جىلى 12 - ايدىڭ 28 - كۇنى، باس شۋجي شي جينپيڭ ورتالىق اۋىل - قىستاق قىزمەتى ماجىلىسىندە بىلاي دەپ باسا دارىپتەدى: ”جاپپاي دوڭگەلەك داۋلەتتىلىك نىساناسىنىڭ ۋاعىندا جۇزەگە اسۋ - اسپاۋىنىڭ شەشۋشى تەتىگى كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ - جەتپەۋگە بايلانىستى“.

  ۋادەدە تۇرۋ تاريح الدىندا جاۋاپتى بولۋدىڭ باتىلدىعى مەن جاۋاپكەرشىلىگىن ايگىلەدى −

  2015 - جىلى 1 - ايدا، باس شۋجي شي جينپيڭ يۇنناننىڭ كۇنميڭىندە دۋلۇڭ ۇلتى بۇقاراسىنىڭ ۋاكىلدەرىمەن كەزدەسكەندە: جاپپاي دوڭگەلەك داۋلەتتىلىكتى جۇزەگە اسىرۋدا بىردە - ءبىر ۇلتتى قاتاردان قالدىرۋعا بولمايدى، - دەپ باسا دارىپتەدى.

  2019 - جىلى 4 - ايدا، باس شۋجي شي جينپيڭ دۋلۇڭجياڭ اۋىلىنداعى بۇقاراعا جاۋاپ حات قايتارىپ، دۋلۇڭ ۇلتىنىڭ تۇگەلدەي كەدەيلىكتەن ارىلعاندىعىن قۇتتىقتادى.

  قازىرگى تاڭدا، ەلىمىزدە جان سانى ءبىرشاما از 28 ۇلت تۇگەلدەي كەدەيلىكتەن ارىلىپ، مىڭ جىلدىق سەكىرۋدى جۇزەگە اسىردى.

  ”قوس 100 جىلدىق“ كۇرەس نىساناسىن جۇزەگە اسىرۋدىڭ ستراتەگيالىق دەڭگەيىندە، جۇڭحۋا ۇلتىنىڭ ۇلى گۇلدەنۋىنىڭ جورىق كورديناتىندا، جاپپاي دوڭگەلەك داۋلەتتىلىك ”شەشۋشى قادام“ بولسا، مۇلدەم كەدەيلىكتى جويۋ ”شەشۋشى قادامدى“ جاقسى باسۋداعى ”شەشۋشى سەكىرىس“ سانالادى.

  باس شۋجي شي جينپيڭ: ”جاپپاي دوڭگەلەك داۋلەتتى قوعام ورناتتىق دەپ جاريالاعان كەزدە، تاعى كوپتەگەن بۇقارا كەدەيلىك سىزىعىنان تومەن تۇرمىس كەشىرسە بولمايدى“، - دەپ اتاپ كورسەتتى.

  اۋىل - قىستاق كەدەي حالقى سىندى ەڭ كورنەكتى ولقىلىققا قاراتا، جاپپاي دوڭگەلەك داۋلەتتى قوعام ورناتۋدىڭ تومەنگى شەكتىك مىندەتى ايقىندالدى: 2020 - جىلى، قازىرگى ولشەمدەگى اۋىل - قىستاق كەدەي حالقى كەدەيلىكتەن ارىلۋدى ۋاعىندا جۇزەگە اسىرىپ، كەدەي اۋداندار كەدەيلىك قالپاعىن تۇگەل الىپ تاستاپ، وڭىرلىك تۇتاسپالى كەدەيلىك ماسەلەسى شەشىلەدى.

  كەدەيلىكتى ازايتۋدا جىلىنا 10 ميلليوننان استام ادامدى كەدەيلىكتەن ارىلتۋ، 832 كەدەي اۋداننىڭ كەدەيلىك قالپاعىن تۇگەل الىپ تاستاۋىن جۇزەگە اسىرۋ، دەمەك، وسىناۋ ۇلى ءىستىڭ قيىندىققا، قاتەرگە، بوگەتكە تولى بولارى ءشۇباسىز ەدى.

  تولىق جەڭىسكە جەتپەيىنشە، استە شەپتەن قايتپاۋ كەرەك.

  ”بۇل ءتۇيىن قانشاما قيىن بولسا دا شەشۋ كەرەك. وسى رەتكى قامال الۋ شايقاسى قانشالىق قيىنعا تۇسسە دە، ءسوز جوق، جەڭىپ شىعۋ كەرەك“، باس شۋجي شي جينپيڭ بۇكىل پارتياعا، بۇكىل قوعامعا بۇيرىق جاريالادى.

  شەشۋشى شايقاستىڭ شەشۋشى جەڭىسىنە جەتۋ ايرىقشا پارمەندى شەشىمگە، ورنالاستىرۋعا مۇقتاج −

  توتەنشە نىساناعا، ءسوز جوق، توتەنشە شارا بولۋ كەرەك. نازاردى توڭكەرىستىك بايىرعى رايوندارعا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەردى شەشىپ، اۋىر كەدەيلىك قامالىن الىپ، شايقاستى باسى - قاسىندا قاداعالاۋ كەرەك... كەدەيلىكتەن ارىلتۋدان قامال الۋ شەشۋشى ساتكە كەلىپ، شەشۋشى ماسەلەگە جولىققان سايىن، باس شۋجي شي جينپيڭ دەر كەزىندە كەلەلى ورنالاستىرۋ جاساپ، ايقىن تالاپ قويىپ وتىردى.

  بۇل بۇكىل مەملەكەتتىڭ كۇشىن جۇمىلدىرىپ ورىستەتىلگەن مەملەكەتتىك ارەكەت بولدى:

  كەدەيلەردى سۇيەمەلدەۋ بويىنشا شىعىس - باتىس ىستەستىگىن اتقارىپ، شىعىس بولىكتەگى 9 ولكە، 14 قالا ورتا، باتىس بولىكتەگى 14 ولكە، رايون، قالامەن كومەكتەسۋ - سۇيەمەلدەۋ بويىنشا جۇپ قۇراپ، بۇكىل مەملەكەت شيزاڭعا جانە شينجياڭعا كومەك بەردى، ەكونوميكاسى ءبىرشاما دامىعان شىعىس بولىكتەگى 343 اۋدان، قالا، رايون ورتا، باتىس بولىكتەگى 573 كەدەي اۋدانمەن قول ۇستاسا دوڭگەلەك داۋلەتتىلىككە جەتۋ ارەكەتىن اتقاردى؛

  تۇيىندە تۇرىپ كەدەيلەردى سۇيەمەلدەۋدى ورىستەتتى. ورتالىقتىڭ 307 مەكەمە - ورنى تۇيىندە تۇرىپ 592 كەدەي اۋدانعا كومەكتەستى جانە ولاردى سۇيەمەلدەدى، اسكەري بولىمدەر تۇيىندە تۇرىپ 4100 كەدەي قىستاققا كومەكتەستى جانە ولاردى سۇيەمەلدەدى؛

  قوعام اتتانىسقا كەلتىرىلدى. 123 مىڭ حالىقتىق كاسىپورىن ”10 مىڭ كاسىپورىن 10 مىڭ قىستاققا كومەكتەسۋ“ كەدەيلەردى دالمە - ءدال سۇيەمەلدەۋ ارەكەتىنە ات سالىسىپ، 72 مىڭ 800 كەدەي قىستاققا كومەك بەردى، سۇيەمەلدەدى.

  2012 - جىلدان 2020 - جىلعا دەيىن ءار دارەجەلى قازىنانىڭ كەدەيلەردى سۇيەمەلدەۋ ارنايى قارجىسىنان جيىنى ءبىر تريلليون 600 ميلليارد يۋان سالىنىپ، كەدەيلەردى سۇيەمەلدەۋ بويىنشا قايتالاي بەرىلگەن قارىز 668 ميلليارد 800 ميلليون يۋانعا جەتتى.

  ”دۇنيە جۇزىندە مۇنى تەك پارتيامىز بەن مەملەكەتىمىز عانا ورىنداي الدى، بۇل ءبىزدىڭ ساياسي ابزالدىلىعىمىز بەن ءتۇزىم ابزالدىلىعىمىزدى تولىق ايگىلەيدى“، - دەپ اتاپ كورسەتتى باس شۋجي شي جينپيڭ.

عىلمي دالمە - ءدال ارەكەت جالپى جوباسى

  − ساياسي ابزالدىلىق پەن ءتۇزىم ابزالدىلىعىن ايگىلەپ، كەدەيلەردى دالمە - ءدال سۇيەمەلدەۋگە، كەدەيلىكتەن دالمە - ءدال ارىلتۋعا تاباندى بولىپ، كەدەيلەردى سۇيەمەلدەۋدىڭ، وركەندەتۋدىڭ جۇڭگوشا جولىمەن ءجۇردى

  شىبادۇڭ قىستاعى جۇڭگونىڭ كەدەيلىكتەن ارىلتۋدان قامال الۋداعى ”جەر بەلگىسى“.

  2013 - جىلى 11 - ايدىڭ 3 - كۇنى حۋناندا قىزمەت تەكسەرىپ جۇرگەن باس شۋجي شي جينپيڭ شىبادۇڭ قىستاعىنا كەلدى.

  ”دامۋ − كەدەيلىك قالپاعىن الىپ تاستاۋدىڭ باس ءادىسى، كەدەي وڭىرلەر ءىس جۇزىندىكتى تياناق ەتىپ، جەرگىلىكتى جاعدايعا قاراي شارا قولدانىپ، نەنى ەگۋ، نەنى باعۋ، نەدەن كىرىستى ارتتىرۋ كەرەكتىگىن اڭعارىپ، اۋىلداستاردىڭ كەدەيلىكتەن ارىلىپ، بايۋدىڭ جاقسى جولىن قاراستىرۋىنا كومەكتەسۋ كەرەك“. ءدال وسى ارادا باس شۋجي شي جينپيڭ ”كەدەيلەردى دالمە - ءدال سۇيەمەلدەۋ“ ۇعىمىن العاش رەت العا قويدى.

  باس شۋجيدىڭ تالابىنا ساي، شىبادۇڭ قىستاعى ”ساياحات +“ كاسىپ سالاسى جۇيەسىن قۇرۋعا كۇش سالىپ، اۋىل - قىستاق ساياحاتى، شارۋالار كاسىپتىك سەلبەستىك كووپەراتيۆىن قۇرىپ، مياۋزۋ كەستەسى، حۋاڭتاۋ سياقتى ۇلتتىق ونەر مەن ەرەكشە كاسىپ سالاسىن بار كۇشپەن دامىتىپ، ”بىرلەسىپ“ دامۋدى جۇزەگە اسىرىپ، كولەمدىك ونىمدىلىك قالىپتاستىرىپ، تۇتاس قىستاقتى كەدەيلىكتەن ارىلتتى.

  ەلىمىزدە كەدەي وڭىرلەردىڭ جانە كەدەي حالىقتىڭ ايىرماشىلىعى زور، كەدەيلەسۋ سەبەبى كۇردەلى، ءاربىر ارحيۆ تۇرعىزىلىپ، كارتچكالاندىرىلعان وتباسىلاردىڭ كەدەيىلىكتەن ارىلۋىن جۇزەگە اسىرۋعا شىنايى كەپىلدىك ەتۋدە كەدەيلەردى سۇيەمەلدەۋ شاراسى، ءسوزسىز، باعىتتامالى بولۋ كەرەك، ”گراناتپەن بۇرگەنى جارۋعا“ بولمايدى.

  ”التى دالمە - ءدال بولۋدى“ ورىنداۋدان ”بەس ءبىر توپتى“ اتقارۋعا دەيىن، ونان كىمدى سۇيەمەلدەۋ، كىم سۇيەمەلدەۋ، قالاي سۇيەمەلدەۋ، كەدەيلىك تىزىمدىگىنەن قالاي شەگەرۋ ماسەلەسىن شەشۋگە دەيىن، پارتيا 18 - قۇرىلتايىنان بەرى باس شۋجي شي جينپيڭ كەدەيلەردى سۇيەمەلدەۋ قىزمەتى جونىندە ءبىر قىدىرۋ ماڭىزدى بايىمداۋ جاساپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن جاسامپازدىقپەن العا قويىپ، كەدەيلەردى سۇيەمەلدەۋدە، كەدەيلىكتى ازايتۋدا نازاريالىق جاڭالىق اشۋ مەن امالياتتىق جاڭالىق اشۋدى ىلگەرىلەتتى −

  ناعىز كەدەيلەردىڭ احۋالىن ۇعىسىپ، ناعىز كەدەيلەردى سۇيەمەلدەپ، كەدەيلەردى شىنايى سۇيەمەلدەپ، كەدەيلەسۋ سەبەبىن ”قاداعالاپ سۇراپ“، ”كەدەيلىك تامىرىن“ دالمە - ءدال تابۋدى باسا دارىپتەپ، بارلىعىندا ءىس جۇزىندىكتى تياناق ەتەتىن، شىندىقتى ءىس جۇزىنەن ىزدەۋگە تاباندى بولاتىن ديالەكتيكالىق ماتەرياليزمدى ايگىلەدى؛

  قىستاقتىڭ، وتباسىنىڭ، ادامداردىڭ جاعدايىنا قاراي شارا قولدانىپ، تۇرلىشە احۋالداردى پارىقتاي وتىرىپ، ”باعىتتامالى تۇردە جونگە سالىپ“، ”كەدەيلىك تامىرىنا“ بالتا شابۋدى باسا دارىپتەپ، باستى قايشىلىق پەن قايشىلىقتىڭ باستى جاعىن يگەردى؛

  كەدەي وڭىرلەر مەن كەدەي بۇقارانىڭ ىشكى قوزعاۋشى كۇشىن قاۋلاتىپ، كەدەيلەردى سۇيەمەلدەۋدى اقىل - پاراسات، ەرىك - جىگەر جاعىنان سۇيەمەلدەۋمەن تىعىز ۇشتاستىرۋدى باسا دارىپتەپ، سىرتقى سەبەپ پەن ىشكى سەبەپتىڭ ديالەكتيكالىق قاتىناسىن ايگىلەدى؛

  تۇتاس قوعامدىق كۇشتەردى بىرگە ات سالىسۋعا كەڭ كولەمدە جۇمىلدىرىپ، كەدەيلەردى كەڭ كولەمدى سۇيەمەلدەۋ ارناسىن قالىپتاستىرىپ، كەدەيلىكتى جۇيەلى جونگە سالىپ، كۇشتى بىرىكتىرىپ قامال الۋدى باسا دارىپتەپ، جۇيەلى ويلاۋ مەن تۇتاس تۇلعالىق ويلاۋدى ايگىلەدى.

  باس شۋجي شي جينپيڭ بىلاي دەپ اتاپ كورسەتتى: ”كەدەيلەردى سۇيەمەلدەۋ - وركەندەتۋدى بۇگىنگى وسىنداي دەڭگەيگە دەيىن جەتكىزۋدىڭ قۇنى دالمە - دالدىكتە، ماڭىزى دالمە - دالدىكتە، ءساتتى - ءساتسىز بولۋىنىڭ كىلتى دە دالمە - دالدىكتە جاتىر“.

  دالمە - دالدىكتى جۇزەگە اسىرۋدا جۇڭگوشا سوتسياليستىك ءتۇزىم ەڭ پارمەندى تىرەك.

  2021 - جىلدىڭ باسىندا، فۋجياننىڭ نيڭشياعا باعىتتامالى كومەكتەسۋ - سۇيەمەلدەۋ حيكاياسىن بايانداعان تەلەتەاتر «تاۋ - تەڭىز سۇيىسپەنشىلىگى» ەل القاۋىنا بولەنىپ ءارى كورەرمەندەرى كوپ بولىپ، تەلەتەاترعا قىزىعۋ ورلەۋىن كوتەردى.

  ”فۋجيان مەن نيڭشيانىڭ باعىتتامالى كومەكتەسۋ سەلبەستىگى“ شي جينپيڭ جولداستىڭ فۋجياندا قىزمەت ىستەگەن كەزىندە ورنالاستىرىپ ىلگەرىلەتكەن ماڭىزدى ستراتەگيالىق شەشىمى.

  1997 - جىلى نيڭشيادا كەدەيلەردى سۇيەمەلدەگەن كەزدە، شي جينپيڭ جولداس شيحايگۋ تاۋلى وڭىرىنەن ەل كوشىرۋدى كومەكتەسىپ اتقارىپ، ەل كوشىرىلگەن قىستاققا ”فۋجيان - نيڭشيا قىستاعى“ دەپ ات قويدى.

  بۇگىنگى تاڭدا فۋجيان - نيڭشيا قىستاعىنىڭ دارەجەسى فۋجيان - نيڭشيا قالاشىعى بولىپ كوتەرىلدى.

  20 نەشە جىلدا، مىندەت جۇكتەلگەن 11 توپتاعى 183 فۋجياندىق كادر بىرىنەن كەيىن ءبىرى جالعاستىرىپ ىستەدى، وقۋ - اعارتۋعا كومەككە جىبەرىلگەن، شيپاحاناعا كومەككە جىبەرىلگەن، اۋىل - قىستاققا كومەككە جىبەرىلگەن قىزمەت اترەتىنىڭ 2000 نەشە مۇشەسى زەيىن - زەردەلەرى مەن كۇش - قۋاتتارىن ۇيىستىرىپ، نيڭشياداعى كادر - بۇقارامەن بىرگە ۇزاق ۋاقىت ەڭبەك كورسەتىپ، كەدەيلىكتى جەڭدى.

  2016 - جىلى 7 - ايدا، باس شۋجي شي جينپيڭ بۇرىنعى مەكەنگە كەلىپ، فۋجيان - نيڭشيا قالاشىعى يۋانلۇڭ قىستاعىنا بارعاندا، اسەرلەنە بىلاي دەدى: ”فۋجيان مەن نيڭشيا سەلبەسىپ داڭعىل جول تاۋىپ شىقتى، بۇل باعالى تاجىريبەنى بۇكىل ەلگە جالپىلاستىرىپ، ۇلگى ەتىپ، بىرگە بايۋدى جۇزەگە اسىرۋعا بولادى“.

  بۇكىل ەل ءبىر تۇتاس جۇيە دەگەنگە تاباندى بولىپ، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرىپ ءىرى ءىس ىستەدى، بۇل كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەگى ەڭ زور ءتۇزىم ابزالدىلىعى.

  جالپى تۇلعالىق جوبانى عىلمي جاساۋدان ۋاقىت كەستەسىن، جول كارتاسىن ايقىنداۋعا، اركىم ءوز جاۋاپكەرشىلىگىن ارقالاۋعا، ءار ورىن ءوز مىندەتىن وتەۋگە دەيىن جوعارى مەن تومەن بىرلەسىپ ارەكەتتەنىپ، ءبىر تۇتاس سايكەستى، كەدەيلىكتەن ارىلتۋدان قامال الۋدىڭ جۇڭگوشا ءتۇزىم جۇيەسى اماليات بارىسىندا جالپى بەتتىك ورنادى.

  وسى ءتۇزىم جۇيەسىنىڭ نەگىزى − ورتالىق ءبىر تۇتاس جوسپارلايتىن، ولكە باس جاۋاپكەرشىلىكتى ارقالايتىن، قالا، اۋدان تياناقتاندىرۋدى يگەرەتىن باسقارۋ ءتۇزىلىسى.

  2015 - جىلى 11 - ايدا، ورتالىق كەدەيلەردى سۇيەمەلدەۋ، وركەندەتۋ قىزمەتى ءماجىلىسى اشىلدى، بۇل رەتكى ءماجىلىس ”تاريحتاعى ەڭ جوعارى دەڭگەيدەگى“ كەدەيلەردى سۇيەمەلدەۋ قىزمەت ءماجىلىسى دەپ اتالدى.

  ءماجىلىس كەزىندە، ورتا، باتىس بولىكتەگى 22 ولكەنىڭ، رايوننىڭ، قالانىڭ پارتيا، ۇكىمەت ورىندارىنداعى نەگىزگى جاۋاپتى جولداستار پارتيا گەربى تۇسىرىلگەن قىزىل ءتۇستى كەدەيلىكتەن ارىلتۋدان قامال الۋ جاۋاپكەرشىلىك حاتىنا قول قويدى.

  ”بۇل سىزدەردىڭ ورتالىققا بەرگەن اسكەري سەرتتەرىڭىز“، - دەدى باس شۋجي شي جينپيڭ.

  بۇلجىماس اسكەري بۇيرىق، العان بەتتەن قايتپايمىز.

  تالاي - تالاي ءتۇتىنسىز شايقاس مايدانىندا، وسىندا تۋىپ، وسىندا وسكەن ساقا پارتيا ياچەيكا شۋجيلەرى، ساقا پارتيا مۇشەلەرى اۋلگى ماقساتتان جازباي، ماڭىزدى تىرەك بولدى، كومەككە اتتانعان 3 ميلليوننان استام ءبىرىنشى شۋجيلەر، كەدەيلەرگە كومەكتەسۋ، سۇيەمەلدەۋ كادرلارى شايقاسقا تاس ءتۇيىن اتتانىپ، جەڭىسكە جەتپەيىنشە شەپتەن قايتپادى، تۋعان جەرىن ساعىنعان شارۋا جۇمىسكەر پارتيا مۇشەلەرى، ”ىسكەر“ پارتيا مۇشەلەرى ۇندەۋگە ءۇن قوسىپ، اۋىلىنا قايتىپ ”شايقاسقا قاتىناستى“...

  ”بۇلاردىڭ بارلىعى جاڭا ءداۋىرىمىزدىڭ قاھارماندارى“. باس شۋجي شي جينپيڭ قالىڭ كەدەيلەردى سۇيەمەلدەۋ كادرلارىن جوعارى باعالادى.

  بۇل ءتۇزىم جۇيەسىندە كوپ ارنالى، جان - جاقتى باقىلاۋ جۇيەسى مەن ەڭ قاتاڭ تەكسەرۋ، باعالاۋ جۇيەسى كورنەكتى رول اتقاردى.

  بەيجيڭنەن اتتانىپ، ۇشاققا وتىرىپ چۇڭچيڭگە جەتىپ، ونان كەيىن پويەزعا، اۆتوكولىككە اۋىستى، 2019 - جىلى 4 - ايدىڭ 15 - كۇنى باس شۋجي شي جينپيڭ جول بويى دامىل الماي شىجۋ تۋجيا اۆتونوميالى اۋدانىنىڭ حۋاشي قىستاعىنا كەلدى.

  حۋاشي قىستاعى اتام زاماننان بەرى تاۋ ەتەگىندەگى ”الاقانداي اتىزدا“ ەگىن ەگىپ كەلەدى، ارحيۆ تۇرعىزىلىپ، كارتچكالاندىرىلعان كەدەي وتباسىنان 85 وتباسى، 302 ادام بار، سول كەزدە 8 وتباسى، 19 ادام كەدەيلىكتەن ءالى ارىلماعان بولاتىن.

  ”مەن بۇل رەت ’ەكىدەن تارىقتىرماۋ، ءۇشتى قامتاماسىز ەتۋ‘ شىنىمەن تياناقتاندى ما، جوق پا، تاعى قانداي ماسەلە بار دەگەندى ناقتى ۇعىسۋ ءۇشىن اۋىلداستارعا ارنايى امانداسا كەلدىم“. باس شۋجي شي جينپيڭ كۇلىمسىرەي ءسوزىن تولىقتاپ: بۇل رەت چۇڭچيڭگە سىزدەردىڭ وسى ءبىر تۇيىندەرىڭىزدى تەكسەرۋگە كەلدىم“، - دەدى.

  2020 - جىلعا جەتكەندە اۋىل - قىستاقتارداعى كەدەي حالىقتىڭ ىشەر استان قام جەمەۋىن، كيەر كيىمنەن قام جەمەۋىن ورنىقتى جۇزەگە اسىرۋ، مىندەتتى وقۋ - اعارتۋ، نەگىزگى ەمدەۋ، تۇرعىن ءۇي حاۋىپسىزدىگىن قامتاماسىز ەتۋ − كەدەي حالىقتى كەدەيلىكتەن ارىلتۋدىڭ نەگىزگى تالابى جانە وزەكتى كورسەتكىشى، بۇل قامال الۋ شايقاسىنىڭ ساپاسىنا تىكە قاتىستى.

  ەكىنشى كۇنى اشىلعان ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەردى شەشۋ اڭگىمە ماجىلىسىندە باس شۋجي شي جينپيڭ بىلاي دەپ اتاپ كورسەتتى: جالپى جاقتان العاندا ”ەكىدەن تارىقتىرماۋ“ نەگىزىنەن شەشىلدى، ”ءۇشتى قامتاماسىز ەتۋدە“ ءالى دە ءبىر قىدىرۋ ءالسىز بۋىندار ساقتالىپ وتىر.

  ماسەلەنى بوساڭسىماي مىقتى يگەرىپ، ولكە ارالىق ايقاسپالى تەكسەرۋدەن 3 - جاقتىڭ باعالاۋىن، ونان كەيىن كەدەيلەردى سۇيەمەلدەۋ قاراجاتىنىڭ ونىمدىلىگىن باعالاۋدى ورىستەتۋگە دەيىن، قاتاڭدىق پەن شىنايىلىق كەدەيلىكتەن ارىلتۋدان قامال الۋدىڭ جالپى بارىسىندا دايەكتىلەندى.

  ”پارتياعا، حالىققا، تاريحقا جاۋاپتى بولۋ پوزيتسياسىمەن قىزمەتتى تىڭعىلىقتى ويداعىداي ىستەۋ كەرەك“، - دەپ باسا دارىپتەدى باس شۋجي شي جينپيڭ.

  ”ىنتىماق − كۇش، بۇل كۇش قۇرىشتاي بەرىك، بۇل كۇش بولاتتاي بەرىك...“

  1943 - جىلى 6 - ايدا، باتىس سولتۇستىك شايقاس شەبىنە قىزمەت وتەۋ تۋانى حىبەيدىڭ پيڭشان اۋدانىنا كەلىپ توڭكەرىستىك كۇرەسكە قاتىناستى، ادەبيەت - كوركەمونەر قىزمەتكەرلەرى بەيجۋاڭ قىستاعىندا «ىنتىماق − كۇش» دەگەن وپەرا جانە ونىمەن اتتاس ءاندى جازدى ءارى وسى قىستاقتا العاش ورىندادى.

  2021 - جىلدىڭ باسىندا، بەيجۋاڭ قىستاعىنداعى بارلىق پارتيا مۇشەلەرى باس شۋجي شي جينپيڭگە حات جازىپ، وسى ءاننىڭ ىنتالاندىرۋىندا كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ جاعدايىنان مالىمەت بەرىپ، بۇقارانى ۇزدىكسىز ىنتىماقتاستىرىپ باستاپ، اۋىل - قىستاقتى گۇلدەندىرۋدى ويداعىداي ىستەپ، اناعۇرلىم تاماشا تۇرمىس كەشىرۋگە بەل بايلاعاندىقتارىن ءبىلدىردى.

  2 - ايدىڭ 7 - كۇنى باس شۋجي جاۋاپ حاتىندا ولاردىڭ پارتيا ورتالىق كوميتەتىنىڭ ۇندەۋىنە باتىل ءۇن قوسىپ، ۇزدىك، ۇلگىلىك رولدارىن تولىق ساۋلەلەندىرىپ، اۋىلداستاردى اناعۇرلىم ويداعىداي ىنتىماقتاستىرىپ، ۇيىستىرىپ، ويدى ءبىر اراعا شوعىرلاندىرىپ، كۇشتى ءبىر جەرگە جۇمساپ، بارعان سايىن تاماشا تۇرمىسقا كەنەلۋلەرىن ءۇمىت ەتتى.

  ىنتىماق كۇشى ۇيىسسا ءبارىن جەڭەمىز.

ۇلتتىڭ گۇلدەنۋىنىڭ شۇعىلالى بولاشاعىنا بەت الدى

  − مىڭ جىلدىق ارمان اقىرى رەالدىققا اينالدى، 100 جىلدىق كۇرەستىڭ تابىسى قوماقتى بولدى، جاڭا ساپارعا جول العان العا باسۋ قادامى اناعۇرلىم اسقاق تا تەبىندى بولا ءتۇستى

  حۋاماۋ قىستاعىنداعىلاردىڭ جۇزدەرىنەن كۇلكى ەستى.

  2015 - جىلى 6 - ايدىڭ 16 - كۇنى باس شۋجي شي جينپيڭ گۇيجوۋدىڭ زۇنيىنداعى حۋاماۋ قىستاعىنا كەلىپ قىزمەت تەكسەردى، قىستاق تۇرعىنى ۋاڭ جىچياڭنىڭ ۇيىندە اۋىلداستارمەن اڭگىمەلەستى. كوپشىلىك پارتيانىڭ حالىقتى بايىتۋ ساياساتىنىڭ جاقسى ەكەندىگىن، كۇندەرىنىڭ بارعان سايىن كوڭىلدى بولا تۇسكەنىن قۋانىشپەن ايتتى. باس شۋجي: ”پارتيا ورتالىق كوميتەتىنىڭ ساياساتىنىڭ جاقسى، جاقسى ەمەستىگىن بىلۋدە اۋىلداستار قۋانىپ وتىر ما، الدە مۇڭايىپ وتىر ما دەگەنگە قاراۋ كەرەك“، - دەدى.

  بۇگىنگى تاڭدا ۋاڭ جىچياڭنىڭ تيجارات جۇرگىزىپ جاتقان شارۋالار شاتتىعى ساياجايىنا بارساڭىز اۋلانىڭ ەسىك الدىنداعى تام قابىرعاسىنان كۇلىمسىرەگەن بەينەلەردى كورەسىز، وندا قىستاق تۇرعىندارىنىڭ جايدارى ءجۇزدى سۋرەتتەرى ىلىنگەن.

  جايدارى جۇزدەردىڭ استارىندا تىڭنان تۇرەن سالعان وزگەرىستەر جاتىر.

  گۇيجوۋ جۇڭگوداعى كەدەيلىك وزەكتى وڭىرىنە ورنالاسقان، 66 كەدەي اۋدان بار، 2012 - جىلى كەدەيلىكتىڭ تۋىلۋ مولشەرى %26.8كە جەتكەن.

  جاپالى دا ەرەن شايقاس جۇرگىزۋدىڭ ارقاسىندا 2020 - جىلى 11 - ايدا گۇيجوۋ ولكەلىك ۇكىمەت بۇكىل ولكەدەگى كەدەي اۋدانداردىڭ تۇگەلدەي كەدەيلىك تىزىمىنەن شىعارىلىپ، كەدەي حالىقتىڭ تۇگەلدەي كەدەيلىكتەن ارىلىپ، كەدەيلىك بەلگىسىن تۇبەگەيلى الىپ تاستاعاندىعىن جاريالادى.

  كەدەيلىكتەن ارىلتۋدان قامال الۋ قۋاتتى ىشكى قوزعاۋشى كۇشتى تۋىنداتتى. تاياۋ جىلداردان بەرى گۇيجوۋ ۇلكەن ساندى مالىمەت سياقتى ەرەكشە كاسىپ سالاسى ارقىلى تەبىندەپ دامۋ ارتىقشىلىعىن جەتىلدىرىپ، قۇلشىنا باسىپ وزىپ، دامۋدىڭ جاڭا جولىن اشتى. 2020 - جىلى گۇيجوۋدىڭ وڭىرلىك ءوندىرىس جالپى ءونىم قۇنى الدىنداعى جىلداعىدان %4.5 ارتىپ، ەكونوميكالىق ارتۋ قارقىنى ۇدايى 10 جىل بۇكىل ەلدىڭ الدىڭعى قاتارىنا ءوتتى.

  كەدەيلىكتەن ارىلتۋدان قامال الۋ − ەڭ ماشاقاتتى شەشۋشى شايقاس، تىپتەن تەرەڭ قوعامدىق وزگەرىس اكەلەدى.

  بۇل جۇڭگونىڭ دامۋ بەت - بەينەسىن جاڭارتاتىن تەرەڭ وزگەرىس −

  كەزىندە باس شۋجي شي جينپيڭدى الاڭداتقان سىچۋان لياڭشانداعى ”جارداعى قىستاق“ تۇرعىندارى اقىرى 2000 نەشە بولات باسپالداقتان ءتۇسىپ، ”كەدەيلىك اسۋىنان“ ءۇزىلدى - كەسىلدى اسىپ ءوتتى.

  يۇننانداعى نۋجياڭ وزەنىندەگى، لانساڭجياڭ وزەنىندەگى 36 سىرعىما ارقان كوپىرگە وزگەرتىلىپ، جەرگىلىكتى جۇرتشىلىقتىڭ ”وزەننەن سىرعىما ارقانمەن ءوتۋ“ تاريحى كەلمەسكە كەتتى.

  نيڭشيانىڭ گۋيۋان قالاسىنداعى حۋاڭحىنىڭ سۋىن بوگەپ ساقتاۋ ينجەنەرياسى سالىنىپ سۋ جىبەرىلىپ، ”الەمدەگى قۇنارسىز جەر“ شيحايگۋ ءوڭىرى سۋ بايلىعى تاپشىلىعىنا بىرتىندەپ قوش ايتتى.

  تالايلاعان قارىشتاۋلار، زور وزگەرىستەر.

  حۋابەي جازىعىنان باتىس وڭتۇستىك شەكاراعا، دابيەشان تاۋلى وڭىرىنەن چينبا قويناۋىنا، تۋجيا، مياۋزۋ قىستاقتارىنان قارلى القاپ ۇستىرتتەرگە دەيىن، وتكەندەگى كەدەي اۋدانداردىڭ، كەدەي قىستاقتاردىڭ ۇيلەرى جاڭالاندى، ءجۇرىس - تۇرىس قولايلى بولدى، قورشاعان ورتا كورىكتەندى، ادامداردىڭ رۋحى كوتەرىلدى.

  8 جىلدان بەرى كەدەي وڭىرلەردىڭ نەگىزگى تۇرمىس شارت - جاعدايى كورنەكتى جاقساردى. قازىر بۇكىل ەل بويىنشا شارت - جاعداي ازىرلەگەن قۇرىلىمدىق قىستاقتاردىڭ بارلىعىنا اسفالت جول تۇتاستىرىلدى، قىستاقتاردىڭ بارلىعىندا ەمحانا سالىندى، مىندەتتى وقۋ - اعارتۋداعى 108 مىڭ ءالسىز مەكتەپتىڭ وقىتۋ شارت - جاعدايى جاقساردى، 9 ميلليون 600 مىڭنان استام كەدەي حالىق قونىس جاڭالاپ قيىن جاعدايدان قۇتىلدى، توك ىستەتۋدىڭ قيىن بولۋى، حابارلاسۋدىڭ قيىن بولۋى سياقتى ماسەلەلەر تاريحي سيپاتتى شەشىم تاپتى. 8 جىلدان بەرى كەدەي وڭىرلەردىڭ ەكونوميكالىق، قوعامدىق دامۋى كورنەكتى جەدەلدەدى. ”13 - بەسجىلدىق“ مەزگىلىندە كەدەي وڭىرلەردىڭ ءوندىرىس جالپى ءونىم قۇنى ءبىرشاما تەز ارتۋدى ساقتادى، ەرەكشە كاسىپ سالاسى، اۋىل - قىستاق ساياحاتى قارىشتاپ دامىدى، اناعۇرلىم كوپ تۇنىق سۋ، جاسىل تاۋ ناعىز باعالى بايلىققا اينالدى؛ ارحيۆ تۇرعىزىلىپ، كارتچكالاندىرىلعان كەدەي حالىقتىڭ جان باسىندىق ورتاشا تازا كىرىسى 2015 - جىلعى 2982 يۋاننان 2020 - جىلى 10 مىڭ 740 يۋانعا ارتىپ، جىلدىق ورتاشا ارتۋ مولشەرى %29.2 بولدى.

  بۇل سان ميلليونداعان بۇقارانىڭ جىگەر - قايراتىن سەرپىلتەتىن تەرەڭ وزگەرىس −

  سانشيدىڭ داتۇڭ قالاسى يۇنجوۋ رايونىنداعى فاڭچىڭ جاڭا قىستاعى قونىس جاڭالاعان قىستاق، 2018 - جىلى كوشىپ كەلگەننەن بەرى كۇرەڭكەي ەرەكشە كاسىبى سياقتىلاردى دامىتۋعا سۇيەنىپ تۇگەل كەدەيلىكتەن ارىلدى.

  2020 - جىلى 5 - ايدىڭ 11 - كۇنى باس شۋجي شي جينپيڭ وسى ارادا قىزمەت تەكسەرىپ، قىستاق تۇرعىنى باي گاۋشاننىڭ ۇيىنە كەلدى.

  باي گاۋشاننىڭ ۇلى باي ليجۇن باس شۋجيگە جاڭا قىستاققا كوشىپ كەلگەن سوڭ ۇكىمەتتىڭ قارجىلاي كومەگىندە كاسىپتىك باۋلۋ مەكتەبىندە وقىپ، دانەكەرلەۋشى بولعانىن، بىلتىر 40 نەشە مىڭ يۋان كىرىس تاپقانىن ايتتى.

  ”قازىر باسقا قىستاقتاعى بويجەتكەندەر وسى اراعا ۇزاتىلىپ كەلگىسى كەلەتىن شىعار؟“، - دەپ باس شۋجي كۇلە سۇرادى.

  ”يا! قازىر تۇرمىس جاقساردى، ولار دا كەلگىسى كەلەدى. ۇلىم ۇيلەنبەي سالت كەلە جاتقان ەدى، بىلتىر ۇيلەندى، بيىل كەمپىر - شال نەمەرە ءسۇيىپ وتىرمىز“، - دەدى باي گاۋشان قۋانىشپەن.

  باقىتتى وتباسىن كورىپ، باس شۋجي: ”الدا قانداي جوسپارلارىڭىز بار؟“، - دەپ سۇرادى.

  ”تۇرمىسىمىز بارعان سايىن جاقسارا تۇسسە ەكەن دەيمىز“، - دەدى باي گاۋشان.

  ”ءسوز جوق، بارعان سايىن جاقسارا تۇسەدى! مۇنان دا جاقسى كۇندەر الدا!“ باس شۋجيدىڭ ءسوزى ۇيدەگىلەردىڭ شاتتىق كۇلكىسىنە ۇلاستى.

  كۇلكى ۇنىنەن كەدەيلىككە باس يمەيتىن ەرلىك، كۇرەس ارقىلى تاعدىردى وزگەرتەتىن مويىماس جىگەر اڭعارىلىپ تۇر.

  باس شۋجي شي جينپيڭ بىلاي دەپ اتاپ كورسەتتى: ”كەدەيلىكتەن ارىلىپ بايۋدىڭ قۇندىلىعى مۇرات ورناتۋدا، جىگەر، سەنىم بولعاندا عانا، جەڭبەيتىن قيىنشىلىق بولمايدى“.

  8 جىلدان بەرى اقىل - پاراسات جاعىنان سۇيەمەلدەۋ مەن ەرىك - جىگەر جاعىنان سۇيەمەلدەۋ كەدەي وتباسىلاردىڭ تاماشا تۇرمىسقا تالپىنۋ تىلەگىن تۇتاندىرىپ، كەدەي قىستاقتىڭ وسى زامان كوزقاراسىن، بازار تانىمىن جالىنداتتى، كەدەي بۇقارانىڭ ىرىقتىلىعى قوزعالىپ، جاسامپازدىق ومىرشەڭ كۇشى شىعارىلىپ، ەرىك - جىگەرى قاۋلاعان شىت جاڭا بەت - بەينە جارىققا شىقتى.

  بۇل جاڭا ۇلت رۋحىن كەستەلەگەن تەرەڭ وزگەرىس −

  2018 - جىلى 2 - ايدىڭ 12 - كۇنى سىچۋان چىڭدۋ. باس شۋجي شي جينپيڭ كەدەيلىكتەن دالمە - ءدال ارىلتۋدان قامال الۋ شايقاسىن ويداعىداي جۇرگىزۋ اڭگىمە ءماجىلىسىن باسقارىپ اشىپ ءسوز سويلەگەندە ءبىر حاتتى تىلگە الدى.

  بۇل حاتتى جۇڭگو تەمىر جولى تۋنەل مەكەمەسى توبىنىڭ چىڭدۋ - كۇنميڭ تەمىر جولىنىڭ قۋاتىن ءوسىرىپ، جاڭالاۋ قۇرىلىسىنا قاتىناسقان 20 نەشە جاس پارتيا مۇشەسى جازعان. حاتتا ولاردىڭ اعا بۋىنداردىڭ قولىنان تۋدى الىپ، چىڭدۋ - كۇنميڭ جاڭا تەمىر جولى تۇتاس جەلىسىندەگى ەڭ ۇزىن، قيىندىق دارەجەسى ەڭ جوعارى شياۋشياڭليڭ تۋنەلى قۇرىلىسىنىڭ اۋىر مىندەتىن ارقالاپ، تەمىر جولدىڭ جەلى بويىنداعى حالىقتىڭ كەدەيلىكتەن ارىلىپ بايۋداعى ”جىلدامدىق قوسقىشقا“ اينالۋىنا مۇمكىندىك جاساۋدى مۇرات تۇتقاندارى ايتىلعان.

  باس شۋجي شي جينپيڭ بىلاي دەدى: ”ولاردىڭ حاتى جاس ۇرپاقتاردىڭ وتان مەن حالىق الدىنداعى جاۋاپكەرشىلىگى مەن ادالدىعىن سەزىندىردى، حاتتى وقىپ قاتتى ءسۇيىندىم“.

  يۇيگۇڭنىڭ تاۋدى كوشىرگەنىندەي جىگەر ورناتىپ، ۇلت رۋحى گۇلىن سۋارامىز. بۇل باتىلدىقپەن جاۋاپكەرشىلىك ارقالايتىن، جۇرەكتىلىكپەن قامال الاتىن جالىقپاي كۇرەس جۇرگىزۋ رۋحى، ەل بىرلىگىنەن بەرىك قامال تۇرعىزىپ، جوعارى مەن تومەن ءبىر نيەتپەن ىنتىماقتاسىپ، ءوزارا كومەكتەسۋ رۋحى، قاجىماي - تالماي، ەرىنبەي ەڭبەك كورسەتەتىن مىزعىماس رۋح.

  ۋاقىت ايالسىز وتەدى، ءبىراق رۋح شامى بولاشاقتى نۇرلاندىرادى.

  باس شۋجي شي جينپيڭ سالتاناتپەن بىلاي دەپ جاريالادى: ”بىرگە قۇلشىنىپ، جۇڭحۋا ۇلتى، تۇتاس ادامزات ءۇشىن ماڭىزدى مانگە يە وسى ۇلى ءىستى بىرگە ورىندايىق“.

  جۇڭگونىڭ كەدەيلىكتى ازايتۋ جالپى جوباسى مەن ۇلى جەتىستىگى جۇڭحۋا ۇلتىنىڭ دامۋ تاريحىنداعى شۇعىلالى پاراقتار عانا ەمەس ءارى ادامزاتتىڭ دامۋى تاريحىنداعى باعالى بايلىق.

  بىرلەسكەن مەملەكەتتەر ۇيىمىنىڭ باس حاتشىسى گۋتەرەس جۇڭگونىڭ تاجىريبەسى باسقا دا وركەندەپ كەلە جاتقان مەملەكەتتەرگە پايدالى ۇلگى ۇسىنادى دەپ قارادى.

  2017 - جىلى 11 - ايدا باس شۋجي شي جينپيڭ لاوسقا ساپارلاي بارعاندا، سول كەزدەگى لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بىنياڭمەن اقتارىلا اڭگىمەلەستى.

  بىنياڭ بىلاي دەدى: لاوستىڭ اۋىل شارۋاشىلىعىنىڭ جاراتىلىستىق قاسيەتى ءبىرشاما جاقسى بولعانىمەن، قارجى مەن تەحنيكا جاعىنان قيىنشىلىقتا قالىپ وتىر.

  باس شۋجي شي جينپيڭ بىلاي دەدى: اۋىل شارۋاشىلىعى سالاسىنىڭ ەكى جاق سەلبەستىگىندەگى ءتۇيىندى سالا بولۋىنا بولادى، جۇڭگو لاوستىڭ جاراتىلىستىق ابزالدىلىقتى ساۋلەلەندىرۋىنە كومەكتەسىپ عانا قالماستان، لاوس شارۋالارىنىڭ كەدەيلىكتەن ارىلىپ بايۋىنا دا كومەكتەسە الادى.

  وسىدان كەيىنگى 2 جىلدا بىنياڭ ىلگەرىندى - كەيىندى حۋناننىڭ شياڭشي شىبادۇڭ قىستاعىنا، فۋجياننىڭ نيڭدى شياچي قىستاعىنا ساپارلاي بارىپ، باس شۋجي شي جينپيڭنىڭ باسىپ وتكەن ىزدەرىن بويلاپ، كەدەيلەردى دالمە - ءدال سۇيەمەلدەۋدىڭ جۇڭگو امالياتىن سەزىندى. ”جۇڭگولىق جولداستاردىڭ كەدەيلىكتەن ارىلتۋدان قامال الۋداعى تابىستى تاجىريبەسى ەرەسەن باعالى، ءبىز جۇڭگولىق جولداستاردىڭ تاماشا ءادىس - امالدارىن لاوسقا الىپ بارامىز“، - دەدى بىنياڭ.

  باس شۋجي شي جينپيڭ حالىقارالىق قوعامعا مىنانى ءبىلدىردى: جۇڭگو ءار جاقپەن بىرگە دۇنيە ءجۇزىنىڭ كەدەيلىكتى ازايتۋ ىستەرىنىڭ دامۋىن ىلگەرىلەتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىپتەرىندە بەلگىلەنگەن كەدەيلىكتى ازايتۋ نىساناسىن جۇزەگە اسىرۋعا قۇلشىنىس جاساۋدى قالايدى.

  بولاشاقتى بەتكە الساق، كوركەم كورىنىس الدىمىزعا تارتىلادى.

  كوكتەمنىڭ باسى كەزىندەگى لوتوۋان قىستاعىندا كۇن نۇرى ماجاۋراپ تۇرادى، 75 جاستاعى قىستاق تۇرعىنى تاڭ زۇڭشيۋ ۇنەمى جۇبايى چىن دى - يىندى اۋلادا بىرگە وتىرىپ كۇن شۋاقتاۋعا الىپ شىعادى.

  2 جىلدىڭ الدىندا ءومىر بويى ەگىنشىلىكپەن اينالىسقان 2 قارت قىستاقتاعى حالىقتىق تۇسەلحانادا ”قىزمەتكەرگە“ اينالدى. ”مەن تازالىقشىمىن، ول قوقىر - قوقسىقتى الىپ كەتۋگە جاۋاپتى، جۇمىس اۋىر ەمەس، تاباتىن اقشامىز دا از ەمەس“، - دەدى تاڭ زۇڭشيۋ.

  قىستاق پارتيا ياچەيكاسىنىڭ شۋجيى گۋ رۇيلي بىلاي دەدى: ”باس شۋجي لوتوۋان قىستاعىنا كەلگەن كەزىندە، ’تەك سەنىم بولسا بولعانى، سارى توپىراقتى التىنعا اينالدىرۋعا بولادى‘ دەگەن بولاتىن. ءبىز باس شۋجيدىڭ تاپسىرماسى بويىنشا، اۋىل - قىستاقتى گۇلدەندىرۋ جولىندا ۇزدىكسىز كۇرەس جاسايمىز“.

  كەدەيلىكتەن ارىلىپ قالپاقتى الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستالۋ ءتۇيىنى.

  باس شۋجي شي جينپيڭ بىلاي دەپ باسا دارىپتەدى: ”ەكىنشى 100 جىلدىق كۇرەس نىساناسىنا قاراي قادام تاستاعان تاريحي كەزەڭدە، كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى تەزدەتۋ بۇكىل پارتيانىڭ وسكەلەڭ ءمان بەرۋىن قاجەت ەتەتىن، كەلەلى جاعدايعا ساياتىن ماڭىزدى ماسەلە“.

  ”دوڭگەلەك داۋلەتكە جەتتىك پە - جەتپەدىك پە، باستىسى، اۋىلداستارعا قاراۋ كەرەك“ دەگەننەن ”ۇلت گۇلدەنۋ ءۇشىن، اۋىل - قىستاق، ءسوز جوق، گۇلدەنۋ كەرەك“ دەگەنگە دەيىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا اتويلاعان ۇران قايتا كوتەرىلدى.

  ادام اسپاس تاۋ جوق، قادام جەتپەس جول جوق.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاپا - ماشاقاتتى، شۇعىلانى باستان كەشىرگەن جۇڭحۋا ۇلتى، ايبىندى پاراقتاردى جازعان جۇڭگو حالقى، ءسوز جوق، العا باسۋ جولىندا جاڭا دا اناعۇرلىم كەسەك كەرەمەتتەردى جاراتاتىن بولادى!

(تىلشىلەر چىن ارحوۋ، جاۋ چاۋ، دۇڭ جۇن، حوۋ شۋەجيڭ، يۇي ۋىنجيڭ)

(شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.