تيانشان تورى   ›   جاڭالىقتار   ›   ەل ءىشى حابارى

«ماۋ زىدۇڭ، دىڭ شياۋپيڭ، جياڭ زىمين، حۋ جينتاۋدىڭ جۇڭگو كوممۋنيستىك پارتياسىنىڭ تاريحى جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

  شينحۋا اگەنتتىگىنىڭ 2 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجاتتاردى زەرتتەۋ ورنى قۇراستىرعان «ماۋ زىدۇڭ، دىڭ شياۋپيڭ، جياڭ زىمين، حۋ جينتاۋدىڭ جۇڭگو كوممۋنيستىك پارتياسىنىڭ تاريحى جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجاتتار باسپاسىنان باسپادان شىعىپ، بۇكىل ەلدە تاراتىلدى.

  تاريحتى ۇيرەنۋگە جانە قورىتىندىلاۋعا باسا ءمان بەرىپ، تاريحي تاجىريبەلەردەن شەبەرلىكپەن ۇلگى الۋ جانە پايدالانۋ پارتيامىزدىڭ تاڭداۋلى ءداستۇرى. جۇڭگو توڭكەرىسىنە، قۇرىلىسىنا، رەفورماسىنا باسشىلىق ەتۋ بارىسىندا، ماۋ زىدۇڭ جولداستىڭ، دىڭ شياۋپيڭ جولداستىڭ، جياڭ زىمين جولداستىڭ، حۋ جينتاۋ جولداستىڭ جۇڭگو كوممۋنيستىك پارتياسىنىڭ تاريحىن ارقاۋ ەتە وتىرىپ، ءبىر قىدىرۋ ماڭىزدى بايىمداۋلار جاريالاپ، پارتيانىڭ ءارقايسى تاريحي مەزگىلدەردەگى شۇعىلالى ساپارىن، نازاريا تابىسىن، قۇندى تاجىريبەلەرىن جانە ۇلى رۋحىن تەرەڭدەي ءتۇسىندىردى. پارتيامىز الدا 100 جىلدىق مەرەي تويىن قارسى الادى، بۇكىل پارتيا پارتيا تاريحىن ۇيرەنۋ تاربيەسىن ورىستەتۋدە. بۇل كىتاپتىڭ باسپادان شىعىپ تاراتىلۋى، ءبىزدىڭ پارتيانىڭ تاريحىن ۇيرەنىپ جانە ءتۇسىنىپ، سودان اقىل - پاراسات جانە كۇش - قايرات قابىلداپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي سوتسياليستىك وسىزاماندانعان مەملەكەت قۇرۋىمىزدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىمىزدا توتەنشە ماڭىزدى جەتەكشىلىك مانگە يە.

  «بايىمداۋلاردان ۇزىندىلەردە» جيىنى 141 بولەك بايىمداۋ بار، جەكە - جەكە ماۋ زىدۇڭ جولداستىڭ، دىڭ شياۋپيڭ جولداستىڭ، جياڭ زىمين جولداستىڭ، حۋ جينتاۋ جولداستىڭ سويلەگەن سوزدەرى، باياندامالارى، سۇحباتتارى، بەكىتۋلەرى جانە حاتتارى سياقتى ماڭىزدى حۇجاتتاردان الىنعان. مۇنىڭ ىشىندەگى كوپتەگەن بايىمداۋلار ءبىرىنشى رەت اشىق جاريالانىپ وتىر.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.