تيانشان تورى   ›   جاڭالىقتار   ›   شينجياڭ حابارلارى

لي شينگۋاڭ تارتىپكە، زاڭعا اۋىر قايشىلىق جاساعاندىقتان پارتيادان جانە قىزمەتتەن ايدالدى

بۇراتالا وبلىستىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار وبلىس باستىعى

لي شينگۋاڭ تارتىپكە، زاڭعا اۋىر قايشىلىق جاساعاندىقتان پارتيادان جانە قىزمەتتەن ايدالدى

  شينجياڭ گازەتىنىڭ حابارى. تاياۋدا اۆتونوميالى رايوندىق پارتكومنىڭ بەكىتۋىمەن اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇراتالا موڭعۇل اۆتونوميالى وبلىستىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار وبلىس باستىعى لي شينگۋاڭنىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ تەكتەدى، تەكسەردى.

  تەكسەرۋ ارقىلى مىنالار انىقتالدى: لي شينگۋاڭ مۇرات - سەنىمنەن ايرىلىپ، اۋەلگى ماقساتتان، بورىشتان كەشىپ، ارام اقشانى، ارام ولجانى اۋىستىرعان، جاسىرعان، ۇيىمنىڭ تەكسەرۋىنە قارسى شىققان؛ ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار تارتۋ - تارالعى، سي اقى، تۇتىنۋ كارتچكاسىن العان، تۇرمىستى قامتاماسىز ەتۋ تۇزىمىنە قايشىلىق جاساعان، بەلگىلەمەگە قايشىلىق جاساپ كادرلاردىڭ تۇرعىن ۇيىنەن يگىلىكتەنگەن، ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار ساياحات، كوڭىل اشۋ قيمىلدارىن قابىلداعان، ولشەمنەن اسىرىپ قاتىناس كولىگىنە وتىرعان، بەلگىلەمەگە قيعاشتىق جاساپ مەيمانحانالار مەن سارايلار سالدىرعان، قالا، اۋىل قۇرىلىسى بارىسىندا فورماشىلدىققا، تورەشىلدىككە سالىنعان؛ ۇيىم سويلەسكەندە، حات ارقىلى سۇراستىرعاندا ماسەلەلەردى شىنايى ايتىپ بەرمەگەن؛ ءوزى تولەۋگە ءتيىستى قاراجاتتى باسقالارعا تولەتكەن، قىزمەت ىقپالىنان پايدالانىپ تۋىستارىنا پايدا جەتكىزگەن، ءمورالدىق تومەنگى شەكتەن جۇرداي بولىپ، بيلىك قۇمارلىق پەن اۋەيىلىككە سالىنعان؛ جۇگەنسىزدىك ىستەپ، قولىنداعى ۇقىقتى ايىرباس قۇرالى رەتىندە پايدالانىپ، قۇرىلىس كوتەرمەگە الۋ، كاسىپورىن تيجاراتى سياقتى جاقتاردا باسقالارعا پايدا جەتكىزگەن، قوماقتى قازىنا - مۇلىك سۇراپ العان، زاڭسىز العان.

  لي شينگۋاڭ ساياسي تارتىپكە، ۇيىمدىق تارتىپكە، پاكتىك تارتىبىنە اۋىر دارەجەدە قايشىلىق جاساعان، قىزمەتتە زاڭعا اۋىر قايشىلىق جاساۋ ءارى پارا الۋعا شاتىلۋ قىلمىسىن قالپتاستىرعان، سونداي - اق پارتيا 18 - قۇرىلتايىنان كەيىن دە تيىلماعان، قولىن تارتپاعان، سيپاتى وتە اۋىر، ىقپالى وتە ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت ماجىلىسىندە اقىلداسۋ ءارى اۆتونوميالى رايوندىق پارتكومعا جولداپ بەكىتتىرۋ ارقىلى وعان پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى قىزمەتتەن ايداۋ جازاسىن بەرۋدى؛ ونىڭ اۆتونوميالى رايوندىق 9 - رەتكى پارتيا قۇرىلتايى ۋاكىلى تولىمدىلىعىن توقتاتۋدى؛ ونىڭ تارتىپكە، زاڭعا قايشى تابىسىن تاركىلەۋدى؛ قىلمىسقا شاتىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ شاعىم ايتۋىنا تاپسىرۋدى، شاتىلعان قازىنا - مۇلىكتەرىن دەلومەن بىرگە وتكىزىپ بەرۋدى ۇيعاردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.