تيانشان تورى   ›   جاڭالىقتار   ›   شينجياڭ حابارلارى

ءمامتىمىن ابدۇللا تارتىپكە، زاڭعا اۋىر قايشىلىق جاساعاندىقتان پارتيادان جانە قىزمەتتەن ايدالدى

اۆتونوميالى رايوندىق تيانشان باتىس بولىك مەملەكەت مەنشىگىندەگى ورماندى باسقارۋ مەكەمەسى پارتكومىنىڭ بۇرىنعى ورىنباسار شۋجيى، مەكەمە باستىعى

ءمامتىمىن ابدۇللا تارتىپكە، زاڭعا اۋىر قايشىلىق جاساعاندىقتان پارتيادان جانە قىزمەتتەن ايدالدى

  شينجياڭ گازەتىنىڭ حابارى. تاياۋدا اۆتونوميالى رايوندىق پارتكومنىڭ بەكىتۋىمەن اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۆتونوميالى رايوندىق تيانشان باتىس بولىك مەملەكەت مەنشىگىندەگى ورماندى باسقارۋ مەكەمەسى پارتكومىنىڭ بۇرىنعى ورىنباسار شۋجيى، مەكەمە باستىعى ءمامتىمىن ابدۇللانىڭ تارتىپكە، زاڭعا اۋىر قايشىلىق جاساۋ ماسەلەسىن دەلو تۇرعىزىپ تەكتەدى، تەكسەردى.

  تەكسەرۋ ارقىلى مىنالار انىقتالدى: ءمامتىمىن ابدۇللا پارتيالى باسشى كادر بولا تۇرا، يدەيالىق جاقتان باستان - اياق پارتياعا كىرمەگەن، ۇيىمنىڭ تەكسەرۋىنە قارسى شىققان، شابۋىل - قورعانۋ وداعىن قۇرعان؛ ورتالىقتىڭ 8 ءتۇرلى بەلگىلەمەسىنىڭ رۋحىنا جانە پاكتىك تارتىبىنە قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋ مۇمكىندىگى بار سي اقى العان؛ جەكە باسىنا قاتىستى ىستەردى شىنايى مالىمدەمەگەن؛ بۇقارالىق تارتىپكە قايشىلىق جاساپ، اۋىل - قىستاقتىڭ تۇرعىن ۇيلىك جەرىن زاڭسىز يەمدەنىپ الىپ، بۇقارانىڭ مۇددەسىنە سۇعاناقتىق جاساعان؛ بەلگىلەمەگە قايشى تۇردە مەملەكەت دارەجەلى ورمان - توعاي باقشاسى ىشىنەن باسقارۋ - قورعاۋ پۋنكتىن سالۋدى تەكسەرىپ - بەكىتكەن؛ ءمورالدا ازعىنداعان؛ ارانى اشىلىپ، ۇكىمەت اقشاسىنا قيانات جاساعان، ۇقىقتى ءوز مۇددەسى ءۇشىن پايدالانعان، قوماقتى قازىنا - مۇلىك سۇراپ العان، زاڭسىز العان.

  ءمامتىمىن ابدۇللا ساياسي تارتىپكە، ۇيىمدىق تارتىپكە، بۇقارالىق تارتىپكە، قىزمەت تارتىبىنە، تۇرمىس تارتىبىنە اۋىر قايشىلىق جاساعان ءارى قيانات جاساۋ، پارا الۋ قىلمىسىنا شاتىلعان، سونداي - اق پارتيا 18 - قۇرىلتايىنان كەيىن دە تيىلماعان، قولىن تارتپاعان، سيپاتى توتەنشە جيرەنشتى، كىناسى اۋىر، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتى تۇراقتى كوميتەت ماجىلىسىندە اقىلداسۋ ءارى اۆتونوميالى رايوندىق پارتكومعا جولداپ بەكىتتىرۋ ارقىلى وعان پارتيادان ايداۋ جازاسىن بەرۋدى؛ اۆتونوميالى رايوندىق باقىلاۋ - تەكسەرۋ كوميتەتى قىزمەتتەن ايداۋ جازاسىن بەرۋدى؛ ونىڭ تارتىپكە، زاڭعا قايشى تابىسىن تاركىلەۋدى؛ قىلمىسقا شاتىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ شاعىم ايتۋىنا تاپسىرۋدى، شاتىلعان قازىنا - مۇلىكتەرىن دەلومەن بىرگە وتكىزىپ بەرۋدى ۇيعاردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.