تيانشان تورى
تيانشان تورى   ›   جاڭالىقتار   ›   شينجياڭ حابارلارى

بۇقارا ءۇشىن بارلىعىنا پەيىل بولدى

ليۋ حۋ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنىڭ تىكە تاراتىلىمىن اۋرۋحانادا جاتىپ كوردى −

بۇقارا ءۇشىن بارلىعىنا پەيىل بولدى

  انار بۇلت/ شينجياڭ گازەتىنىڭ تىلشىلەرى ءرايدا، حان چينيان 2 - ايدىڭ 25 - كۇنى ۇرىمجىدەن حابارلايدى. ”بۇل جەكە مەنىڭ داڭقىم ەمەس، بۇل داڭق ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىنا قاتىناسقان ءاربىر ادامعا ءتان“. 2 - ايدىڭ 25 - كۇنى تۇستەن بۇرىن قاشقار ايماقتىق 1 - حالىق شيپاحاناسى تىنىس جولى جانە قاتەرلى، سالماقتى ناۋقاستار شيپاحاناسىنىڭ 1 - ءبولىمىنىڭ اۋرۋحاناسىندا جاتقان ءپايزاۋات اۋداندىق سۋ يگىلىگى مەكەمەسى پارتكومىنىڭ ورىنباسار شۋجيى، مەكەمە باستىعى ليۋ حۋ اعاسىنىڭ جاردەمىمەن، قول تەلەفون كليەنتى ارقىلى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىن كوردى.

  قورىتىندىلاۋ، ماداقتاۋ - سيلاۋ جينالىسىندا ليۋ حۋ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنا يە بولدى. دەنساۋلىق جاعدايى كەلمەگەندىكتەن، ول ءوزى جينالىسقا بارىپ سيلىق الا الماي، ايەلى سۇڭ گۇيرۇڭعا بەيجيڭگە بارىپ جينالىسقا قاتىناسۋدى تاپسىردى.

  بيىل 47 جاستاعى ليۋ حۋ 2016 - جىلى 11 - ايدا مىندەتكە تاعايىندالعاننان بەرى، سۋ ىستەرى جونىندە جار قۇلاعى جاستىققا تيمەي قاربالاستاندى. كەدەي حالىقتىڭ اۋىز سۋ حاۋىپسىزدىگىن قامتاماسىزداندىرۋ نىساناسىن جۇزەگە اسىرۋ ءۇشىن، ليۋ حۋ وكپە راگىنا شالدىققاندىعىن بايقاعان جاعدايدا دا ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىنىڭ ءبىرىنشى شەبىندە تاپجىلماي شايقاس جاسادى. 2020 - جىلى 5 - ايدا ينجەنەريادان جاپپاي سۋ جىبەرىلدى ءارى پايدالانۋعا بەرىلدى، 470 مىڭ ءار ۇلت بۇقاراسى اۋىز سۋدى الاڭسىز پايدالانىپ، سور سۋ ىشەتىن تاريحقا ءۇزىلدى - كەسىلدى قوش ايتتى. ەمدەۋ ۋاقىتىن وتكىزىپ العاندىقتان ءارى قاتتى قالجىراپ شارشاعاندىقتان، ليۋ حۋدىڭ ناۋقاسى اسقىنىپ، سول جاق كوزى كورۋدەن قالىپ، سالدانىپ توسەك تارتىپ جاتىپ قالدى.

  جينالىستىڭ تىكە تاراتىلىمىن كورگەندە ليۋ حۋدىڭ كوز جاسى تيىلمادى، باس شۋجي شي جينپيڭ: ”بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الۋدىڭ ماڭىزدى ساتىندە، ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى“، - دەپ سالتاناتپەن جاريالاعان ساتتە ليۋ حۋدىڭ جۇزىنەن رازىلىق ءبىلىنىپ، جۇرەكتەگى تەبىرەنىسىن كوز جاسىمەن ايگىلەدى.

  ”تاتيدى!“، - دەدى ليۋ حۋ ارەڭ داۋىستاپ.

  ”پارتيا ورتالىق كوميتەتىنىڭ، مەملەكەتتىك كەڭەستىڭ كۇيەۋىمە وسىنداي جوعارى داڭق بەرگەندىگىنە العىس ايتامىن. وسى جىلداردا ول ۇنەمى ماعان ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى يجەنەرياسىنا قاتىناسىپ، ءپايزاۋات اۋدانىنداعى بۇقاراعا تازا سۋ ىشكىزگەندىگىنە ەش وكىنبەيتىنىن ايتاتىن. جينالىسقا كەلىپ قاتىناساردىڭ الدىندا، ول تاعى ماعان قانشا بوداۋ بەرسە دە تاتيتىندىعىن ايتتى“. وسى جەرگە كەلگەندە تەلەفوننىڭ ارعى باسىندا تۇرعان سۇڭ گۇيرۇڭ قىستىعىپ سويلەي الماي قالدى.

  قورىتىندىلاۋ، ماداقتاۋ - سيلاۋ جينالىسى اياقتاعاننان كەيىن سۇڭ گۇيرۇڭ دەرەۋ كۇيەۋىمەن تەلەفوندا سويلەسىپ، ءوزىنىڭ جينالىسقا قاتىناسقانداعى كوڭىل كۇيىمەن ءبولىستى. ”جينالىستاعى ءاربىر ءساتتى كوزىممەن كورىپ، كوڭىلىمە ساقتاپ الدىم، قايتىپ بارعان سوڭ وعان ايتىپ بەرەمىن. ول وتباسىمىزدىڭ ماڭگىلىك ماقتانىشى“، - دەدى سۇڭ گۇيرۇڭ تىلشىگە.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.