− باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزداعى كادرلار مەن بۇقارا اراسىندا كۇشتى اڭىس قوزعادى
□ انار بۇلت/شينجياڭ گازەتىنىڭ تىلشىلەرى
2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ: ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى! دەپ سالتاناتپەن جاريالادى. باس شۋجي شي جينپيڭنىڭ ماڭىزدى ءسوزى كەدەيلىكتەن ارىلتۋدان قامال الۋدا قول جەتكەن ۇلى ناتيجەلەردى تولىق تۇراقتاندىرىپ، كەدەيلىكتەن ارىلتۋدان قامال الۋدىڭ شۇعىلالى بارىسى مەن قىمباتتى تاجىريبەلەرىن تەرەڭ قورىتىندىلاپ، كەدەيلىكتەن ارىلتۋدان قامال الۋ ۇلى رۋحىن تەرەڭ بايانداپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە ايقىن تالاپتار قويدى. رايونىمىزداعى قالىڭ كادرلار مەن بۇقارا بارىنشا شابىتتاندى، كوپشىلىك جابال مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، ماڭگى قاجىمايتىن رۋحاني كۇيمەن، العان بەتىنەن قايتپايتىن كۇرەس جۇرگىزۋ بەينەسىمەن، شىنايى يگەرىپ، ناقتى ىستەپ، بەرىلە شوگەلدىكپەن ىستەپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا ىلگەرىلەيمىز!
”كۇيەۋىم ليۋ حۋ ’كەدەيلىكتەن ارىلتۋدان قامال الۋدىڭ مەملەكەتتىك ۇلگىسى‘ اتاعىنا يە بولدى، بۇگىن مەن اۋىرىپ جاتقان ونىڭ اتىنان جينالىسقا قاتىناستىم ءارى سيلىق الدىم، ول دا قول تەلەفون ارقىلى جينالىستىڭ تىكە تاراتىلۋىن كوردى، ەكەۋىمىز دە قاتتى اسەرلەندىك ءارى ماقتانىش سەزىندىك!“، - 2 - ايدىڭ 25 - كۇنى ليۋ حۋدىڭ جۇبايى سۇڭ گۇيرۇڭ تەلەفوندا اسەرلەنە بىلاي دەدى: ”ليۋ حۋ ۇنەمى ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىنا ات سالىسىپ، بۇقاراعا تازا سۋ سيلاعانىم مەنىڭ تالەيىم ءارى باقىتىم دەيتىن. ول ءبىزدىڭ وتباسىمىزدىڭ ماقتانىشى“.
”8 جىلدىق كەدەيلىكتەن ارىلتۋدان قامال الۋ شايقاسىندا، 100 ميلليونعا جۋىق ادام مۇلدەم كەدەيلىكتەن ارىلىپ، ءبىر ميلليارد 400 ميلليون ادام جاپپاي دوڭگەلەك داۋلەتتى قوعامعا اياق باسۋ الدىندا تۇر، كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە قول جەتكىزدى. بۇل جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى“. شينجياڭ اۋەجاي (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى جاڭ جۇن حالىق سارايىندا ”كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ“ ماراپاتىن قابىلداعاننان كەيىن اسەرلەنە بىلاي دەدى: بۇل داڭق، ونان دا ماڭىزدىسى اۋىر جاۋاپكەرشىلىك.
”كەدەيلىكتەن ارىلتۋدان قامال الۋعا ۇزاق جىلدار بويى ات سالىسقان كەدەيلەردى سۇيەمەلدەۋ كادرى رەتىندە، مەن قىستاقتاعى ەڭ كەدەي وتباسىندا جاتقانمىن، اۋىلداستارعا كومەكتەسىپ ەڭ اۋىر جۇمىستى ىستەگەنمىن، تالاي كەدەي بۇقارانىڭ كىرىسىنىڭ مولايىپ، جۇزىنە كۇلكى ۇيىرىلگەنىن، پارتيا مەن بۇقارانىڭ، كادرلار مەن بۇقارانىڭ قاتىناسى كورنەكتى جاقسارعانىن كورگەندە قانشا جاپا شەكسەك تە تاتيدى دەپ سەزىندىم“، - دەدى اۆتونوميالى رايوندىق قاتىناس - تاسىمال مەڭگەرمەسىنىڭ يوپۇرعى اۋدانى تەرىم قالاشىعى سايفۋلي كىريكى قىستاعىندا تۇرعان ءبىرىنشى شۋجي ليۋ جۇن.
تارىم داشۋەسى ”كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ“ اتاعىنا يە بولدى. وسى مەكتەپتىڭ پارتكوم شۋجيى جاۋ گۋاڭحۇي بىلاي دەدى: 62 جىلدان بەرى تارىم داشۋەسىنەن وقۋ تاۋىسقان 70 مىڭنان استام وقۋشىنىڭ %60تەن كوبى وڭتۇستىك شينجياڭدا قالىپ قىزمەت ىستەدى. مەكتەپ كەدەيلىكتەن ارىلتۋدان قامال الۋعا دەم بەرۋدى بورىش ساناپ، كوپتەگەن ”شىلان پروفەسسورلارى“، ”جاڭعاق پروفەسسورلارى“، ”قوي قورا پروفەسسورلارى“، ”تاۋىق قورا پروفەسسورلارى“ قاتارلىلاردى جەتىلدىردى، مەكتەپ وسى ىزگى ىستەردى بايقاپ، ويداعىداي ۇگىتتەپ، ءتىپتى دە كوپ وقۋشىلاردىڭ كەدەيلىكتەن ارىلتۋدان قامال الۋ رۋحىن جالعاستىرىپ، وتاننىڭ دامۋىنا قىزمەت ەتۋىنە مۇمكىندىك جاسايدى.
”كەدەيلىكتەن ارىلىپ كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى“. اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ ءبىرىنشى دارەجەلى شارلاۋشىسى چىن لەي بىلاي دەدى: كەلەسى قادامدا ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي جالپى بەتتىك دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن ويداعىداي دايەكتىلەندىرىپ، تياناقتاندىرىپ، وسى رەتكى جينالىستى وراي ەتىپ، كەدەيلىكتەن ارىلتۋدان قامال الۋ ۇلى رۋحىن ۇزدىكسىز اسقاقتاتىپ، قايراتتانا العا ىلگەرىلەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى بار كۇشپەن جاقسى ىستەيمىز.
(ءتىلشى يۋان لەي، قاتىناسقان تىلشىلەر ءرايدا، ليۋ شياڭ، شى شين، جاۋ جىيۇن، لۋ فىڭباۋ، لي ياڭ، ياڭ شۋحان، جاڭ يۇنمەي، ەرىكتى تىلشىلەر جاڭ كىجيڭ، چىن جيڭ)
