شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، پارتيا ورتالىق كوميتەتىنىڭ بەكىتۋىمەن ورتالىق كوميتەت ۇگىت ءبولىمى ۇيىمداستىرىپ، ورتالىق پارتيا تاريحىن جانە حۇجاتتاردى زەرتتەۋ ورنى سياقتى مەكەمە - ورىندار قۇراستىرعان «جۇڭگو كوممۋنيستىك پارتياسىنىڭ قىسقاشا تاريحى» (تومەندە قىسقارتىلىپ «قىسقاشا تاريح» دەلىندى) حالىق باسپاسى، جۇڭگو كوممۋنيستىك پارتيا تاريحى باسپاسى جاعىنان بىرلەسىپ باسپادان شىعارىلىپ، بۇگىننەن باستاپ بۇكىل ەلدە تاراتىلدى.
بۇل «قىسقاشا تاريح» پارتيا ورتالىق كوميتەتىنىڭ ورنالاستىرۋىنا ساي، بۇكىل پارتيادا پارتيا تاريحىن ۇيرەنۋ تاربيەسىن ورىستەتۋگە سەلبەسۋ ءۇشىن قۇراستىرىلعان پارتيا تاريحىنىڭ ىقشام وقۋلىعى. قولجازبانى قۇراستىرۋ بارىسىندا ورتالىقتاعى باسشى جولداستار العاشقى نۇسقاسىن جازۋ جانە وزگەرىس ەنگىزۋ قىزمەتىنە كوپ رەت ايقىن تالاپ قويىپ، ورتالىق كوميتەت ۇيىمداستىرۋ ءبولىمى سياقتى ورتالىقتاعى قاتىستى تاراۋلار جانە عىلمي زەرتتەۋ ورىندارى زور قولداۋ كورسەتتى جانە كومەكتەستى.
«قىسقاشا تاريح» ديالەكتيكالىق ماتەرياليزمنىڭ جانە تاريحي ماتەرياليزمنىڭ تۇرعىسىنا، كوزقاراسىنا، ادىسىنە تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولىپ، ەكى «تاريحي قاۋلىعا» جانە باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىنا قاتاڭ بويسۇنىپ، 100 جىلدان بەرى جۇڭگو كوممۋنيستىك پارتياسىنىڭ حالىقتى ىنتىماقتاستىرىپ، باستاپ توڭكەرىس، قۇرىلىس، رەفورما جۇرگىزگەن شۇعىلالى بەلەسىن ادالدىقپەن ەستەلىككە الىپ، پارتيامىزدىڭ مەملەكەتتى بايىتۋ، قۇدىرەتتەندىرۋ، ۇلتتى گۇلدەندىرۋ، حالىقتى باقىتقا كەنەلتۋ جانە ادامزات وركەنيەتىنىڭ العا باسۋى ىستەرىن جۇزەگە اسىرۋ جونىندە قوسقان تاريحي ەڭبەگىن تولىق ايگىلەپ، پارتيا مەن مەملەكەت ىستەرىنىڭ جەڭىستەن - جەڭىسكە ۇزدىكسىز بەت العان قىمباتتى تاجىريبەلەرىن جۇيەلى قورىتىندىلاپ، پارتيانىڭ ءارقايسى تاريحي كەزەڭدە شىڭدالعان ۇلى رۋحىن شوعىرلى بەينەلەدى.
«قىسقاشا تاريح» جالپى 10 تاراۋ، 70 تاقىرىپشا، شامامەن 280 مىڭ ارىپتەن قۇرالىپ، پارتيا تاريحىن زەرتتەۋدىڭ ەڭ جاڭا جەتىستىگىن تولىق قابىلداپ، تاريحقا شولۋمەن ۇشتاستىرۋ فورماسىمەن ەلەۋلى تاريحي ىستەردى جانە ماڭىزدى تاريحي تۇلعالاردى، ەلەۋلى باعىت - ساياساتتاردى جانە ماڭىزدى ستراتەگيالىق ورنالاستىرۋلاردى، ەلەۋلى نازاريالىق جاسامپازدىق جەتىستىكتەردى، سونداي - اق ولاردىڭ دامۋ بەلەسىن ءتۇيىندى بايىمدادى جانە باعا بەردى؛ جۇڭگو كوممۋنيستىك پارتياسى نە ءۇشىن ”يقۋاتتى“، ماركسيزم نە ءۇشىن ”ىسكە اسادى“، جۇڭگوشا سوتسياليزم نە ءۇشىن ”جاقسى“ دەگەن قيسىندى ىشكەرىلەي ءتۇسىندىردى؛ جۇڭگو كوممۋنيستەرىنىڭ وسكەلەڭ توڭكەرىستىك رۋحىن جانە كەلبەتىن بارىنشا ساۋلەلەندىردى؛ تاريحي سيپاتتى وزگەرىس بارىسىندا ساقتالعان ىشكى لوگيكانى، تاريحي سيپاتتى تابىس استارىنداعى جول، نازاريا، ءتۇزىم، مادەنيەت ابزالدىلىعىن تەرەڭ ءتۇسىندىردى، جازۋ ستيلى قاراپايىم، ۇعىمعا جەڭىل بولىپ، بۇكىل پارتيانىڭ، اسىرەسە، نەگىزگى ساتىداعى پارتيالى كادرلاردىڭ پارتيا تاريحىن ۇيرەنۋدەگى ماڭىزدى وقۋلىعى.
