تيانشان تورى   ›   جاڭالىقتار   ›   شينجياڭ حابارلارى

ءپايزاۋات اۋداندىق سۋ يگىلىگى مەكەمەسىنىڭ باستىعى ليۋ حۋ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىن الدى

شينجياڭنان 81 ادام جانە 62 كوللەكتيۆ ماداقتالىپ - سيلاندى

  انار بۇلت / شينجياڭ گازەتىنىڭ ءتىلشىسى ۋاڭ يۇيجاۋ 2 - ايدىڭ 25 - كۇنى ۇرىمجىدەن حابارلايدى. 2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى اشىلدى. جينالىستا 10 ادامعا، 10 كوللەكتيۆكە كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعى بەرىلدى، مۇنىڭ ىشىندە ءپايزاۋات اۋداندىق سۋ يگىلىگى مەكەمەسىنىڭ باستىعى ليۋ حۋ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنا يە بولدى. جينالىستا تاعى كەدەيلىكتەن ارىلتۋدان قامال الۋداعى مەملەكەتتىك 1981 وزات جەكە، كەدەيلىكتەن ارىلتۋدان قامال الۋداعى مەملەكەتتىك 1501 وزات كوللەكتيۆ ماداقتالىپ - سيلاندى، مۇنىڭ ىشىندە شينجياڭنان جالپى 81 ادام جانە 62 كوللەكتيۆ كەدەيلىكتەن ارىلتۋدان قامال الۋداعى مەملەكەتتىك وزات اتاعىنا يە بولدى.

  ليۋ حۋ 2016 - جىلى 11 - ايدا ءپايزاۋات اۋداندىق سۋ يگىلىگى مەكەمەسىنىڭ باستىعى بولىپ تاعايىندالعاننان بەرى، كەدەي حالىقتىڭ اۋىز سۋ حاۋىپسىزدىگىن قامتاماسىزداندىرۋ نىساناسىن جۇزەگە اسىرۋ، ءار ۇلت بۇقاراسىنىڭ سۋ سەبەبىنەن ناۋقاسقا شالدىعۋ، ناۋقاس سەبەبىنەن كەدەيلەسۋ ماسەلەسىن شەشۋ ءۇشىن، ۇجىم باستاپ سۋ قاينارىن ىزدەپ، جول قاراستىرىپ، جوبا جاساپ، كورسەتكىش - بولىكتەردى بەلگىلەدى. وكپە راگىنا شالدىققاندىعىن بايقاعان جاعدايدا دا ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسىنىڭ ءبىرىنشى شەبىندە تاپجىلماي شايقاس جاسادى. 2020 - جىلى 5 - ايدا ينجەنەريادان جاپپاي سۋ جىبەرىلدى ءارى پايدالانۋعا بەرىلدى، 470 مىڭ ءار ۇلت بۇقاراسى ”حاۋىپسىز سۋدان“، ”باقىت سۋىنان“ پايدالانىپ، سور سۋ ىشەتىن تاريحقا ءۇزىلدى - كەسىلدى قوش ايتتى. ەمدەۋ ۋاقىتىن وتكىزىپ العاندىقتان ءارى قاتتى قالجىراپ شارشاعاندىقتان، ليۋ حۋ جولداستىڭ ناۋقاسى اسقىنىپ، سول جاق كوزى كورۋدەن قالىپ، سالدانىپ توسەك تارتىپ جاتىپ قالدى. ول كەزىندە ”كەدەيلىكتەن ارىلتۋدان قامال الۋدىڭ اۆتونوميالى رايوندىق جاسامپازدىق سيلىعىنا“ يە بولعان.

  ماداقتالىپ - سيلانعان كەدەيلىكتەن ارىلتۋدان قامال الۋداعى مەملەكەتتىك وزات جەكەلەردىڭ ىشىندە اۋىلى قاراقاش اۋدانىندا كيىم - كەشەك سەلبەستىك كووپەراتيۆىن قۇرعان، سونداي - اق اۋىر كەدەي قىستاقتاردان ءوندىرىس سەحىن اشىپ، مىڭنان اسا كەدەي بۇقارانى جۇمىستاندىرعان حوتان باليمۋ ساۋدا شەكتى جاۋاپكەرشىلىك سەرىكتەستىگىنىڭ القا باستىعى وبۇلاسەن وبۇلقاسىم؛ ”قيىنشىلىق شەشىلمەيىنشە، قىستاقتان كەتپەۋگە ۋادە بەرەمىن“ دەگەن حوتان قالاسى جييا اۋىلى باشتيىرمەن قىستاعىنىڭ ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ باستىعى، مەملەكەت سالىق باس مەكەمەسى حوتان ايماقتىق سالىق مەكەمەسىنەن كەلگەن جاۋ يانلۇڭ؛ دوعاشا لاپاستا كوكونىس ءوسىرۋدى جالپىلاستىرعان، قىستاق تۇرعىندارىنىڭ وزىندىك ەرەكشەلىكتەگى كاسىپ سالاسىنا، عىلمي جولمەن ەگىن ەگىپ كەدەيلىكتەن ارىلىپ، اۋقاتتانۋىنا دەم بەرگەن جاڭاءشارى اۋدانى حانارىق قالاشىعى تاكان قىستاعىنىڭ ءبىرىنشى شۋجيى، شينجياڭ اۋىل شارۋاشىلىعى عىلىم اكادەمياسى قۇمىل قاۋىنىن زەرتتەۋ ورتالىعى جالپىلاستىرۋدى زەرتتەۋ ءبولىمىنىڭ مەڭگەرۋشىسى ليۋ جۇنحۋا، ت. ب بار.

  ماداقتالىپ - سيلانعان كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆتەردىڭ اراسىندا ىلە گۋانتۇڭ بيولوگيا توبى شەكتى سەرىكتەستىگى، شينجياڭ ۋاڭيۋان بيو عىلىم - تەحنيكا توبى شەكتى سەرىكتەستىگى، شينجياڭ تيانلاي مال شارۋاشىلىعى توبى شەكتى جاۋاپكەرشىلىك سەرىكتەستىگى قاتارلىلار ءوز ارتىقشىلىقتارىن تولىق ساۋلەلەندىرىپ، كەدەيلەردى سۇيەمەلدەۋ ۇلگىسى مەن كەدەيلەردى سۇيەمەلدەۋ جولىندا جاڭالىق اشىپ، كەدەيلەردى دالمە - ءدال سۇيەمەلدەۋگە ىجداعاتتىلىقپەن كۇش سالدى؛ اۆتونوميالى رايوندىق قازىنا مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا لوپ اۋدانى لوپ قالاشىعى ءدۋات قىستاعىندا تۇرعان قىزمەت اترەتى، اۆتونوميالى رايوندىق پارتكوم ۇيىمداستىرۋ ءبولىمىنىڭ، قارت كادرلار مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ءۇشتۇرپان اۋدانى العا قالاشىعى قورعان قىستاعىندا تۇرعان قىزمەت اترەتى قاتارلىلار سۇيەمەلدەگەن كەدەي قىستاقتار كەدەيلىك تىزىمىنەن تۇگەلدەي شىقتى، ارحيۆ تۇرعىزىلىپ، كارتچكالاندىرىلعان كەدەي حالىق كەدەيلىكتەن تۇگەلدەي ارىلدى؛ شاعانتوعاي اۋدانى جانكىسى اۋىلى جانكىسى قىستاعى پارتيا ياچەيكاسى تۇتاس قىستاقتىڭ كەدەيلىكتەن ارىلۋىنا جەتەكشىلىك ەتتى، قىستاق تۇرعىندارىنىڭ جىلدىق ورتاشا كىرىسى 2012 - جىلعى 3000 يۋاننان 2020 - جىلى 23 مىڭ يۋانعا ارتتى، ارحيۆ تۇرعىزىلىپ، كارتىچكالاندىرىلعان كەدەي وتباسىلارىنىڭ جان باسىندىق كىرىسى 10 مىڭ يۋاننان استى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.