شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 25 - كۇنى كەشتە فرانسيانىڭ زۇڭتۇڭى ماكرونمەن تەلەفوندا سويلەستى.
ەكى ەلدىڭ مەملەكەت باسشىلارى كوكتەم مەرەكەسى بايلانىسىمەن ءوزارا سالەم جولداپ، جەكە - جەكە فرانسيا جانە جۇڭگو ەكى ەل حالقىنا تاماشا تىلەك جەتكىزدى.
شي جينپيڭ بىلاي دەپ اتاپ كورسەتتى: 2020 - جىلى ءبىز تەلەفوندا 5 رەت سويلەسىپ، جۇڭگو - فرانسيا قارىم - قاتىناسىنىڭ جاقسى دامۋىن جەبەدىك. ءبىز كەلىسكەن ورتاق تانىمدار وتە جاقسى تياناقتاندىرىلدى. جاڭا ءبىر جىلدا ەكى جاق كۇش ۇستىنە كۇش قوسىپ، تۇرەنشى وگىز رۋحىن ساۋلەلەندىرىپ، جۇڭگو - فرانسيا قارىم - قاتىناسىنىڭ اناعۇرلىم زور دامۋعا قول جەتكىزۋىن قول ۇستاسا ىلگەرىلەتۋ كەرەك. ەكى جاق ءوزارا سەنىمدى تەرەڭدەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە شىنايى قۇرمەت ەتىپ جانە ونىمەن ساناسىپ، ماڭىزدى سەلبەستىك كەلىسىمدەرىن ويداعىداي تياناقتاندىرىپ، ەنەرگيا، اۆياتسيا، اۋىل شارۋاشىلىعى ازىق - تۇلىك ونىمدەرى سياقتى سالالارداعى ناقتى سەلبەستىكتەردىڭ تىڭ ىلگەرىلەۋشىلىككە ۇزبەي قول جەتكىزۋىن بەلسەنە ىلگەرىلەتىپ، جۇڭگو - فرانسيا سەلبەستىگىنىڭ جاڭا قوزعاۋشى كۇشىن قالىپتاستىرۋ كەرەك. جۇڭگو جاق پاريج حالىقارالىق فينانس ورتالىعى قۇرىلىسىن قولدايدى.
شي جينپيڭ بىلاي دەپ باسا دارىپتەدى: زۇڭتۇڭ مىرزا ەۆروپا وداعى ستراتەگيالىق جاقتان ءوز - وزىنە قوجايىن بولۋىن بارىنشا قۋاتتادى. جۇڭگو جاق ەۆروپانىڭ دامۋىنىڭ، زورايۋىنىڭ كوپ ۇيەكتەنگەن دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا ءتيىمدى بولاتىندىعىنا، جۇڭگو - ەۆروپا ەكى ۇلكەن كۇشتىڭ سەلبەستىكتى كۇشەيتىپ، الەمدىك كوپ ءتۇرلى سايىستارعا بىرگە توتەپ بەرۋىنە ءتيىمدى بولاتىندىعىنا سەنەدى. ەكى جاق كەلەر ساتىداعى جۇڭگو مەن ەۆروپانىڭ ءبىر قىدىرۋ ماڭىزدى ساياسي كەڭەستىك تارتىپتەرىن بىرگە جاساۋ كەرەك. بىلتىر جىل سوڭىندا جۇڭگو مەن ەۆروپا جۇڭگو - ەۆروپا قارجى قوسۋ كەلىسىمى كەلىسسوزىن ورىنداۋدى بىرگە جاريالادى. ءبىز بىرگە قۇلشىنىپ، جۇڭگو - ەۆروپا قارجى قوسۋ كەلىسىمىنىڭ ەرتەرەك كۇشكە ەنۋىن ىلگەرىلەتۋىمىز كەرەك. جۇڭگو − ورتا، شىعىس ەۆروپا ەلدەرىنىڭ سەلبەستىگى جۇڭگو - ەۆروپا جالپى تۇلعالىق سەلبەستىگىنىڭ ءبىر بولىگى، جۇڭگو جاق فرانسيا جاقپەن ورتا، شىعىس ەۆروپا وڭىرىندە ءۇش جاق سەلبەستىگىن ورىستەتىپ، جۇڭگو - ەۆروپا سەلبەستىگىنە تىڭ ءورىس اشۋدى قالايدى.
شي جينپيڭ بىلاي دەپ اتاپ كورسەتتى: جۇڭگو دا، فرانسيا دا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنە تۇراقتى القا ەل جانە جاۋاپكەرشىلىك ارقالاعان ءىرى ەل، ەكى ەل كوپ جاقتىلىق تۋىن ۇزدىكسىز بيىك ۇستاپ، حالىقارالىق قوعامنىڭ ءادىل، تۋراشىل بولۋدان، كەڭەسىپ سەلبەسۋدەن، اشىق، سيىسىمدى بولۋدان جازباۋىن ىلگەرىلەتىپ، ادامزاتتىڭ جاڭا تيپتى ايدارشا ۆيرۋس وكپە قابىنۋ ىندەتىن ەرتەرەك جەڭۋىنە، دۇنيە ءجۇزىنىڭ بەيبىتشىلىگى مەن دامۋىنا ءتيىستى ۇلەس قوسۋى كەرەك. جۇڭگو جاق وركەندەپ كەلە جاتقان 50 نەشە مەملەكەتكە جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن كومەككە بەردى. جۇڭگو جاق فرانسيا جاقپەن بىرگە قۇلشىنىپ، دۇنيە جۇزىلىك دەنساۋلىق ساقتاۋ ۇيىمىنىڭ حالىقارالىق ىندەتكە قارسى اتتانۋ سەلبەستىگىندە رول اتقارۋىن قولداپ، ”بۇكىل الەم سەلبەسىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاڭا قۇرالىن جەدەل اشۋ، ءوندىرۋ، ءادىل قول جەتكىزۋ“ باستاماسىنا جانە ”جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن اتقارۋ جوسپارىنا“ بىرگە بەلسەنە قاتىناسۋدى قالايدى. جۇڭگو 20 ەل توبىنىڭ قارىز قايتارۋ ۋاقىتىن كەشەۋىلدەتۋ باستاماسىن جاپپاي تياناقتاندىرىپ، ءار جاقتىڭ قارىز قايتارۋ ۋاقىتىن كەشەۋىلدەتۋ جونىندە ءبىر اۋىزدىلىققا كەلۋىن ىلگەرىلەتەدى، سونىمەن بىرگە كوپ جاقتى فينانس قۇرىلىمداردى جانە ساۋدالىق الاشاقتاردى بىرگە قاتىناسۋعا قۋزايدى. جۇڭگو جاق فرانسيانى قامتىعان حالىقارالىق قوعامداعى ءارقايسى جاقتىڭ افريكاعا ۇسىنىلىم قوسۋدى ارتتىرۋىن قۇپ كورەدى، فرانسيا جاقپەن قارىم - قاتىناستى ساقتاۋدى قالايدى. ءبىز ءتىپتى دە كوپ ەلدى كليمات وزگەرىسىنە توتەپ بەرۋدىڭ «پاريج كەلىسىمىنە» قاتىناسۋعا، تياناقتاندىرۋعا جۇمىلدىرىپ، «ورگانيزمدەردىڭ الۋان تۇرلىلىك شارتىنىڭ» 15 - رەتكى شارت جاساسۋشى جاقتار جينالىسىن جانە 7 - كەزەكتى دۇنيە جۇزىلىك تابيعاتتى قورعاۋ جينالىسىن جاقسى وتكىزۋىن ءوزارا قولداۋىمىز كەرەك.
ماكرون بىلاي دەدى: مەن فرانسيا - جۇڭگو قارىم - قاتىناسىنىڭ دامۋىنا بەلسەندى باعا بەرەمىن، جۇڭگو جاقپەن اشىق جانە سەلبەسۋ پوزيتسياسىندا تۇرىپ، ماڭىزدى سالالارداعى سەلبەستىكتە ءتىپتى دە كوپ ىلگەرىلەۋشىلىككە قول جەتكىزۋدى جەبەۋدى ءارى ەۆروپا مەن جۇڭگونىڭ اۋىس - كۇيىسىن جانە سەلبەستىگىن بەلسەنە جەبەۋدى قالايمىن. ەۆروپا - جۇڭگو ەكى جاقتىڭ بىرگە قۇلشىنىپ، ەۆروپا - جۇڭگو قارجى قوسۋ كەلىسىمىنىڭ ەرتەرەك كۇشكە ەنۋىن ىلگەرىلەتۋدى ءۇمىت ەتەمىن. فرانسيا جاق جۇڭگو جاقتىڭ حالىقارالىق ىندەتكە قارسى اتتانۋ سەلبەستىگىنە، اسىرەسە، باسقا ەلدەردىڭ ۆاكسيناعا جەدەل قول جەتكىزۋىنە كومەكتەسۋدە قوسقان بەلسەندى ۇلەسىن القايدى، جۇڭگو جاقپەن وسى جاقتاعى سەلبەستىكتى كۇشەيتۋدى ءۇمىت ەتەدى. فرانسيا جاق جۇڭگو جاقپەن حالىقارالىق ىستەردەگى بايلانىسىن كۇشەيتۋدى قالايدى، جۇڭگو جاقپەن بىرگە حالىقارالىق قوعامنىڭ افريكانىڭ قارىز قايتارۋىن كەشەۋىلدەتۋ جۇمىستارىن ىلگەرىلەتۋ، افريكا ەكونوميكاسىنىڭ ارتۋىن جۇزەگە اسىرۋ، كليمات وزگەرىسىنە توتەپ بەرۋ، الەۋمەتتىك دەنساۋلىق ساقتاۋ سياقتى الەمدىك سايىستار جونىنەن تىعىز سەلبەسۋدى جالعاستىرۋدى ءۇمىت ەتەدى. فرانسيا جاق جۇڭگو جاقتىڭ «ورگانيزمدەردىڭ الۋان تۇرلىلىك شارتىنىڭ» 15 - رەتكى شارت جاساسۋشى جاقتار جينالىسىن ءساتتى وتكىزۋىن قولدايدى.
ەكى ەلدىڭ مەملەكەت باسشىلارى تاعى ورتاق كوڭىل بولەتىن وڭىرلىك قولامتالى ماسەلەلەر جونىنەن پىكىر اۋىستىردى.
شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 25 - كۇنى كەشتە كولۋمبيانىڭ زۇڭتۇڭى دۋكەمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن كولۋمبيانىڭ قارىم - قاتىناسى ورنىقتى، اقاۋسىز دامۋدى ساقتاپ، ناقتى سەلبەستىكتەر ۇزدىكسىز ساپالىلانىپ، دارەجەسى جوعارىلادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى جاق ءبىر - بىرىنەن حال سۇراپ، قولداۋ كورسەتىپ، ءوزارا قارايلاسۋ، قيىندىقتاردى بىرگە جەڭۋ تەرەڭ سۇيىسپەنشىلىگىن ايگىلەدى. جۇڭگو جاق قولىنان كەلگەنىنشە كولۋمبيانىڭ ىندەتكە قارسى اتتانۋىن ۇزدىكسىز قولداپ، كولۋمبيا جاقپەن ۆاكسينا سەلبەستىگىن ورىستەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاڭا دامۋ ارناسىن بەلسەنە قالىپتاستىرىپ، كولۋمبياعا جاڭا سەلبەستىك ورايىن ازىرلەيدى. جۇڭگو جاق كولۋمبيا جاقپەن بىرگە قۇلشىنىپ، جۇڭگو - كولۋمبيا قارىم - قاتىناسىنىڭ جاڭا، اناعۇرلىم زور دامۋعا قول جەتكىزۋىن ىلگەرىلەتۋدى قالايدى. ەكى جاق ۇزدىكسىز ءبىرىن - ءبىرى قولداپ، ”ءبىر بەلدەۋ، ءبىر جولدى“ بىرگە قۇرۋ باستاماسىن ”كولۋمبيا - جۇڭگو باستاماسىمەن“ ۇشتاستىرىپ، ەنەرگيا، نەگىزدىك قۇرىلعى، تەلەگراف سياقتى ءداستۇرلى سەلبەستىكتەر نەگىزىندە ەگىن، مال شارۋاشىلىعى، جاڭا ەنەرگيا، سيفرلى ەكونوميكا، جاسامپاز كاسىپ سالاسى سياقتى جاڭا سالالارداعى سەلبەستىكتى بەلسەنە كەڭەيتىپ، مادەنيەت، وقۋ - اعارتۋ، دەنە تاربيە، جەرگىلىكتى ورىن سياقتى سالالارداعى اۋىس - كۇيىستى، سەلبەستىكتى تەرەڭدەتۋ كەرەك. جۇڭگو جاق جۇڭگو كاسىپورىندارىن كولۋمبياعا بارىپ قارجى قوسىپ، كاسىپتى گۇلدەندىرۋىنە ۇزدىكسىز شابىت بەرۋدى قالايدى. جۇڭگو جاق كولۋمبيا جاقپەن بىرلەسكەن مەملەكەتتەر ۇيىمى سياقتى كوپ جاقتى جۇلگەدە سەلبەسۋدى كۇشەيتۋدى قالايدى.
دۋكە جۇڭگو حالقىنا كوكتەم مەرەكەسى بايلانىسىمەن سالەم جولداپ، جۇڭگو حالقىنىڭ يۋانشياۋ مەرەكەسىنىڭ كوڭىلدى بولۋىن تىلەدى. دۋكە مىنالاردى ءبىلدىردى: وتكەن جىل كولۋمبيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى. مەن كولۋمبيا - جۇڭگو قارىم - قاتىناسىنىڭ تاماشا دامىعاندىعىنا، اسىرەسە، ەكونوميكا، ساۋدا سەلبەستىگىندە سۇبەلى جەتىستىكتەرگە قول جەتكىزگەندىگىنە اسا قۋانىشتامىن. كولۋمبيا جاق جۇڭگونىڭ ءتىپتى كوپ كاسىپورىندارىنىڭ كولۋمبياعا كەلىپ قارجى قوسۋىن قارسى الادى، جۇڭگو جاقپەن بولاشاقتاعى 40 جىلداعى قارىم - قاتىناستى دامىتۋدى بىرگە ويداعىداي جوبالاپ، ەكونوميكا، ساۋدا، عىلىم - تەحنيكا، مادەنيەت، دەنە تاربيە سياقتى سالالارداعى سەلبەستىكتەردى تەرەڭدەتىپ، ەكى ەل قارىم - قاتىناسىندا ءتىپتى كوپ جەتىستىكتەرگە قول جەتكىزۋىن ىلگەرىلەتۋدى ءۇمىت ەتەدى. جۇڭگو جاقتىڭ كولۋمبيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قۇندى قولداۋ كورسەتكەنىنە العىس ايتادى، اسىرەسە، جۇڭگو جاق قامداعان ۆاكسينا قىرۋار قىمباتتى ءومىردى قۇتقارىپ قالۋعا سەپتىگىن تيگىزەدى، بۇل كولۋمبيا مەن جۇڭگو ەكى ەلدىڭ تەرەڭ دوستىعىن جانە جوعارى دەڭگەيدەگى ءوزارا سەنىمىن ايگىلەيدى. كولۋمبيا جاق جۇڭگو جاقپەن ۆاكسينا سەلبەستىگىن ۇزدىكسىز كۇشەيتۋدى ءۇمىت ەتەدى.
