كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭدە سالتاناتپەن وتكىزىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭدە سالتاناتپەن وتكىزىلدى

شي جينپيڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرى قاتارلىلارعا سيلىق تاراتتى ءارى ماڭىزدى ءسوز سويلەدى

لي كىچياڭ باسقاردى، ۋاڭ ياڭ ماداقتاۋ - سيلاۋ قارارىن وقىدى، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

  2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭ حالىق سارايىندا سالتاناتپەن وتكىزىلدى. جينالىستان بۇرىن شي جينپيڭ قاتارلىلار كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرى، كەدەيلىكتەن ارىلتۋدان قامال الۋداعى مەملەكەتتىك وزات جەكەلەر، وزات كوللەكتيۆتەر ۋاكىلدەرى، كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ جەكە يەگەرلەرى جانە جالپى ءۇشىن قۇربان بولعان كەدەيلىكتەن ارىلتۋدان قامال الۋداعى مەملەكەتتىك وزات جەكەلەردىڭ تۋىستارىنىڭ ۋاكىلدەرى سياقتىلارمەن كەزدەستى ءارى كوپشىلىكپەن بىرگە ەستەلىك سۋرەتكە ءتۇستى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى. كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى 2 - ايدىڭ 25 - كۇنى تۇستەن بۇرىن بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرى قاتارلىلارعا سيلىق تاراتتى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الۋ ماڭىزدى ساتىندە، ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى، قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلەر قاتارىنان شىعارىلدى، وڭىرلىك جالپىلاي كەدەيلىك شەشىلىپ، مۇلدە كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى! بۇل − جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى.

  شي جينپيڭ بىلاي دەپ باسا دارىپتەدى: ۇلى ءىس ۇلى رۋحتى تۋىنداتادى، ۇلى رۋح ۇلى ىسكە جەتەكشىلىك ەتەدى. كەدەيلىكتەن ارىلتۋدان قامال الۋ ۇلى كۇرەسى ”جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ، دالمە - ءدال، ناقتى بولۋ، ءورىس اشا جاڭالىق اشۋ، قامال الىپ قيىندىقتاردى جەڭۋ، حالىقتىڭ ءۇمىتىن اقتاۋ“ سىندى كەدەيلىكتەن ارىلتۋدان قامال الۋ رۋحىن سومدادى، قالىپتاستىردى. كەدەيلىكتەن ارىلتۋدان قامال الۋ رۋحى − جۇڭگو كوممۋنيستىك پارتياسىنىڭ سيپاتىنىڭ، باس ماقساتىنىڭ، جۇڭگو حالقىنىڭ ەرىك - جىگەرىنىڭ قاسيەتىنىڭ، جۇڭحۋا ۇلتى رۋحىنىڭ جاندى بەينەسى، وتانشىلدىق، كوللەكتيۆيزم، سوتسياليزم يدەياسىنىڭ شوعىرلى بەينەسى، جۇڭگو رۋحىنىڭ، جۇڭگو قۇنىنىڭ، جۇڭگو كۇشىنىڭ تولىق ايگىلەنۋى، ول ۇلى ۇلت رۋحى مەن ءداۋىر رۋحىن جالعاستىردى، مۇراگەرلىك ەتتى. بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، ءبىر نيەتپەن ىنتىماقتاسىپ، ەرلىكپەن كۇرەس جۇرگىزىپ، العا باسۋ جولىنداعى بارلىق قيىنشىلىقتار مەن حاۋىپ - قاتەرلەردى باتىل جەڭىپ، جۇڭگوشا سوتسياليزمگە تاباندى بولۋ مەن ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋ كەرەك.

  لي كىچياڭ جينالىستى باسقاردى، ۋاڭ ياڭ ماداقتاۋ - سيلاۋ قارارىن وقىدى، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى.

  حالىق سارايىنىڭ ۇلكەن زالى ايبىندى، دۋماندى بەينەگە شومدى. ءتوراعالار مىنبەسىنىڭ جوعارى جاعىنا ”كەدەيلىكتەن ارىلتۋان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى“ دەگەن جينالىس كەرمە تۋى ىلىنگەن، ارتقى پەردەنىڭ قاق ورتاسىنداعى جارقىراعان جۇڭحۋا حالىق رەسپۋبليكاسى گەربىنىڭ ەكى جاعىنا 10 قىزىل تۋ ءبولىنىپ قويىلعان. 2 - قاباتتاعى تەكشە ماڭدايشاسىنا ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋىل - قىستاقتىڭ گۇلدەنۋىن جاپپاي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزەيىك!“ دەگەن ۇران جازىلعان كەرمە تۋ ىلىنگەن.

  ساعات 10نان 30 مينۋت وتكەندە جينالىس باستالدى. ازاتتىق ارميانىڭ اسكەري وركەسترى «ەرىكتىلەر مارشىن» ورىندادى، تۇتاس زالداعىلار ورىندارىنان تۇرىپ مەملەكەت ءانىن اسقاقتاتا شىرقادى.

  ۋاڭ ياڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىن بەرۋ جونىندەگى قارارىن» وقىدى. قاراردا مىنالار اتاپ كورسەتىلدى: وزاتتاردى سالتاناتپەن ماداقتاپ، سيلاپ، شابىتتاندىرۋ، ۇلت رۋحىن، ءداۋىر رۋحىن جانە كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتۋ، بۇكىل پارتيانىڭ، بۇكىل ەلدەگى ءار ۇلت حالقىنىڭ ءىس تىندىرىپ، ناتيجە شىعارۋ جاۋاپكەرشىلىك سەزىمىن، بورىشتىلىق سەزىمىن، داڭق سەزىمىن تولىق قاۋلاتىپ، اناعۇرلىم مىعىم كۇش - قۋاتتى ۇيىستىرا وتىرىپ جاپپاي سوتسياليستىك وسىزاماندانعان مەملەكەت قۇرۋدى ىلگەرىلەتۋ ءۇشىن، پارتيا ورتالىق كوميتەتى، مەملەكەتتىك كەڭەس ماۋ شياڭلين قاتارلى 10 جولداسقا، حىبەي ولكەسى سايحانبا ماشينالى ورمان الاڭى سياقتى 10 كوللەكتيۆكە ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ داڭق اتاعىن بەرۋدى ۇيعاردى.

  ايبىندى «وتان قاھارماندارىنا قۇرمەت» مۋزيكا ءۇنى ىشىندە شي جينپيڭ كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرىنە ءبىر - بىردەن مەدال، كۋالىك، سيلىق تاقتا ۇسىندى ءارى ولاردى قۇتتىقتادى. تۇتاس زالدان اۋىق - اۋىق قىزۋ شاپالاق ءۇنى كوتەرىلدى.

  ۋاڭ ياڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋداعى مەملەكەتتىك وزات جەكەلەر مەن وزات كوللەكتيۆتەردى ماداقتاۋ - سيلاۋ جونىندەگى قارارىن» وقىدى.

  شي جينپيڭ قاتارلىلار ماداقتالىپ - سيلانعان جەكەلەر مەن كوللەكتيۆتەر ۋاكىلدەرىنە سيلىق تاراتتى.

  تۇتاس زالدان كوتەرىلگەن قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى.

  شي جينپيڭ الدىمەن پارتيا ورتالىق كوميتەتى اتىنان ماداقتالىپ - سيلانعان وزات جەكەلەر مەن وزات كوللەكتيۆتەردى قىزۋ قۇتتىقتادى. كەدەيلىكتەن ارىلتۋدان قامال الۋعا ۇلەس قوسقان ءار دارەجەلى پارتيا، ۇكىمەت، ارميا ورگاندارى مەن كاسىپورىن، ءىسورىندارىنا، اۋىل - قىستاقتاعى قالىڭ نەگىزگى ساتى ۇيىمدارىنا جانە پارتيا مۇشەلەرىنە، كادرلارعا، بۇقاراعا، قىستاقتا تۇراتىن ءبىرىنشى شۋجيلەر مەن قىزمەت اترەتىنىڭ مۇشەلەرىنە، ەرىكتىلەرگە، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، سونداي - اق قوعامنىڭ ءار سالاسىنا ايرىقشا قۇرمەت ءبىلدىردى. كەدەيلىكتەن ارىلتۋدان قامال الۋعا بەلسەنە ات سالىسقان جانە ونى قولداعان شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا، سونداي - اق شەتەلدەردەگى چياۋباۋلارعا، جۇڭگونىڭ كەدەيلىكتى ازايتۋ ىستەرىنە كوڭىل بولگەن جانە كومەكتەسكەن ءار ەل ۇكىمەتتەرىنە، حالىقارالىق ۇيىمدارعا، شەتەلدىك دوستارعا شىن جۇرەكتەن العىس ايتتى.

  شي جينپيڭ بىلاي دەپ اتاپ كورسەتتى: كەدەيلىك − ادامزات قوعامىنداعى قاسارىسقان كەسىر. كەدەيلىككە قارسى تۇرۋ باستان - اياق ەرتەدەن بۇگىنگە، جۇڭگودان شەتەلگە دەيىن مەملەكەتتى جونگە سالىپ ەلدى ورنىقتىرۋداعى كەلەلى ءىس بولىپ كەلەدى. جۇڭگو تاريحى − جۇڭحۋا ۇلتىنىڭ كەدەيلىكپەن كۇرەس جۇرگىزۋ تاريحى. جۇڭگو كوممۋنيستىك پارتياسى قۇرىلعان كۇننەن باستاپ، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى اۋەلگى ماقسات، بورىش ەتۋگە تاباندى بولىپ، جۇڭگو حالقىن ءوزىنىڭ تاماشا تۇرمىسىن جاراتۋ جولىندا ۇزاق ۋاقىت جاپالى كۇرەس جۇرگىزۋگە ىنتىماقتاستىردى، باستادى. جاڭا جۇڭگو قۇرىلعاننان كەيىن پارتيا حالىقتى ىنتىماقتاستىرىپ، باستاپ، سوتسياليستىك توڭكەرىستى ورىنداپ، سوتسياليزم نەگىزگى ءتۇزىمىن ورناتىپ، سوتسياليستىك قۇرىلىستى ىلگەرىلەتىپ، حالىقتى ءوز كۇشىنە سۇيەنىپ ءومىر سۇرۋگە، كۇشەيۋ جولىندا جىگەر كورسەتۋگە، مەملەكەتتى قايتا تارتىپكە سالۋعا ۇيىمداستىرىپ، كەدەيلىكتەن ارىلتۋعا، حالىق تۇرمىسىن جاقسارتۋعا بەرىك نەگىز قالادى. رەفورما جاساعاننان، ەسىك اشقاننان بەرى پارتيا حالىقتى ىنتىماقتاستىرىپ، باستاپ، كەدەيلەردى سۇيەمەلدەۋدى، وركەندەتۋدى كولەمدى، جوسپارلى، ۇيىمدى تۇردە اتقارىپ، قوعامدىق وندىرگىش كۇشتەردى كۇش سالا ازات ەتىپ جانە دامىتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، بۇرىن بولماعان ۇلى تابىستارعا قول جەتكىزدى. پارتيا 18 - قۇرىلتايىنان بەرى پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەكتىك مىندەتى ەتىپ، كەدەيلىكتەن ارىلتۋدان قامال الۋدىڭ ايبىنى اسقاق حالىقتىق شايقاسىن ۇيىمداستىرىپ ورىستەتتى. 8 جىلدان بەرى پارتيا مەن حالىق كەدەرگى - بوگەتتەردى الاستاپ، قايسارلىقپەن تالپىنىپ، شەگە قاعۋ رۋحىن ساۋلەلەندىرىپ، ماشاقاتتى تۇيىندەردى باتىلدىقپەن جەڭىپ، كەدەيلىك ىشىندەگى كەدەيلىكتى، قامال ىشىندەگى قامالدى ءبىر - بىرلەپ تالقانداپ، كەدەيلىكتەن ارىلتۋدان قامال الۋدا كەلەلى تاريحي تابىستارعا قول جەتكىزدى. اۋىل - قىستاقتاعى كەدەي حالىق تۇگەلدەي كەدەيلىكتەن ارىلىپ، جاپپاي دوڭگەلەك داۋلەتتى قوعام ورناتۋ نىسانا - مىندەتتەرىن جۇزەگە اسىرۋعا شەشۋشى ۇلەس قوستى؛ كەدەيلىكتەن ارىلعان وڭىرلەردىڭ ەكونوميكالىق، قوعامدىق دامۋى ارشىندى قاداممەن تەزدەپ، جالپى بەت - بەينەسىندە تاريحي زور وزگەرىس جارىققا شىقتى؛ كەدەيلىكتەن ارىلعان بۇقارانىڭ رۋحاني بەت - بەينەسى شىتتاي جاڭارىپ، ءوز كۇشىنە سۇيەنۋگە، ءوزىن الۋەتتەندىرۋگە سەنىمى مەن جىگەرى تاسقىنداي ءتۇستى؛ پارتيا مەن بۇقارانىڭ، كادرلار مەن بۇقارانىڭ بايلانىسى كورنەكتى جاقسارىپ، پارتيانىڭ اۋىل - قىستاقتاعى بيلىك جۇرگىزۋ نەگىزى اناعۇرلىم بەكەمدەلە ءتۇستى؛ كەدەيلىكتى ازايتۋ بويىنشا جونگە سالۋدىڭ جۇڭگو ۇلگىسىن جاراتىپ، الەمنىڭ كەدەيلىكتى ازايتۋ ىستەرىنە كەلەلى ۇلەس قوستى.

  شي جينپيڭ مىنالاردى ءبىلدىردى: ءداۋىر قاھارماندى سومدايدى، ۇلىلىق قاراپايىمدىلىقتان كەلەدى. كەدەيلىكتەن ارىلتۋدان قامال الۋ قىزمەتىندە، كەدەيلەردى سۇيەمەلدەيتىن ميلليونداعان كادر كۇش سالا ۇلەس قوسىپ، قاجىرلىقپەن ىستەپ، شىنايى ىستەپ، كەدەي بۇقارامەن بىرگە وي جۇگىرتىپ، بىرگە تۇرىپ، بىرگە ىستەپ، ەڭ ەسىل شاقتارىن كەدەيلىكتەن ارىلتۋ ىسىنە قالتقىسىز ارناپ، كوپتەگەن جان تەبىرەنتەرلىك ىزگى ىستەردى جارىققا شىعاردى. كەدەيلىكتەن ارىلتۋدان قامال الۋ كۇرەسىندە، 1800دەن استام جولداس كەدەيلىكتەن ارىلتۋدان قامال الۋ ساپارىندا ءومىرىن قيىپ، كوممۋنيستەردىڭ اۋەلگى ماقساتى مەن بورىشىن جاندى تۇردە ءتۇسىندىردى. كەدەيلىكتەن ارىلتۋدان قامال الۋدا جالپى ءۇشىن قۇربان بولعانداردىڭ ەڭبەگى مەن ۇلەسى تاريحقا ماڭگى جازىلادى، پارتيا مەن حالىق ولاردى ۇمىتپايدى، رەسپۋبليكا ۇمىتپايدى. ءار دارەجەلى پارتكومدار مەن ۇكىمەتتەر ءاربىر قۇرباننىڭ وتباسىنداعىلارعا كوڭىل ءبولىپ، قامقورلىق جاساپ، كەدەيلىكتەن ارىلتۋدان قامال الۋداعى قاھارمان ۇلگىلەردىڭ اسەرلى ىستەرى مەن وسكەلەڭ رۋحىن زور كۇشپەن ۇگىتتەپ، قالىڭ كادرلار مەن بۇقارانى جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا ساقاداي سايلانىپ، ەرلىكپەن تىڭ ۇلەس قوسۋعا جىگەرلەندىرۋ كەرەك.

  شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋدا كۇللى دۇنيە ءجۇزىن جالت قاراتقان تابىستارعا قول جەتكىزۋدە پارتيانىڭ پارمەندى باسشىلىعىنا سۇيەندىك، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىقپەن كۇرەس جۇرگىزۋ رۋحاني قاسيەتىنە سۇيەندىك، جاڭا جۇڭگو قۇرىلعاننان بەرگى، اسىرەسە، رەفورما جاساعان، ەسىك اشقاننان بەرگى توپتالعان مىعىم زاتتىق نەگىزگە سۇيەندىك، كەزەكتەن - كەزەككە جالعاپ ىستەيتىن مويىماس تاباندىلىققا سۇيەندىك، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەندىك. ءبىز ەلىمىزدىڭ مەملەكەت جاعدايىن تياناق ەتىپ، كەدەيلىكتى ازايتۋدىڭ زاڭدىلىعىن يگەرىپ، ءبىر قىدىرۋ ەرەكشە ساياسات، شارا شىعارىپ، ءبىر تۇتاس ۇتىمدى ساياسات جۇيەسىن، قىزمەت جۇيەسىن، ءتۇزىم جۇيەسىن ورناتىپ، كەدەيلىكتەن ارىلتۋدىڭ جۇڭگوشا جولىمەن ءجۇرىپ، كەدەيلىككە قارسى تۇرۋدىڭ جۇڭگوشا ەرەكشەلىكتەگى نازارياسىن قالىپتاستىردىق. باستىسى: پارتيانىڭ باسشىلىعىنا تاباندى بولىپ، كەدەيلىكتەن ارىلتۋدان قامال الۋعا پارمەندى ساياسي جانە ۇيىمدىق كەپىلدىك ازىرلەدىك؛ حالىقتى وزەك ەتكەن دامۋ يدەياسىنا تاباندى بولىپ، بىرگە بايۋ جولىمەن بۇلجىماي جۇردىك؛ ەلىمىز سوتسياليستىك ءتۇزىمىنىڭ كۇشتى شوعىرلاندىرىپ، ءىرى ءىس تىندىراتىن ساياسي ابزالدىلىعىن ساۋلەلەندىرۋگە تاباندى بولىپ، كەدەيلىكتەن ارىلتۋدان قامال الۋدىڭ ورتاق ەرىك - جىگەرىن، ورتاق ارەكەتىن قالىپتاستىردىق؛ كەدەيلىكتەن دالمە - ءدال ارىلتۋ جالپى جوباسىنا تاباندى بولىپ، دامۋ ءادىسى ارقىلى كەدەيلىكتى ءتۇپ توركىنىن الاستادىق؛ قالىڭ كەدەي قاۋىمنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋعا تاباندى بولىپ، كەدەيلىكتەن ارىلتۋدىڭ ىشكى قوزعاۋشى كۇشىن قاۋلاتتىق؛ ءبىر نيەتپەن كۇش بىرىكتىرۋ، ىنتىماقتاسىپ ءوزارا كومەكتەسۋ تاماشا ءمورالىن اسقاقتاتۋعا تاباندى بولىپ، تۇتاس قوعامدا قيىنشىلىقتا قالعاندارعا كومەكتەسەتىن قويۋ راي قالىپتاستىردىق؛ شىندىققا جۇگىنىپ، ناقتى ىستەۋگە، شىنداپ كىرىسىپ، قيىندىقتاردى تالقانداۋعا تاباندى بولىپ، كەدەيلەردى شىن سۇيەمەلدەۋدى، ناعىز كەدەيلەردى سۇيەمەلدەۋدى، كەدەيلەردى كەدەيلىكتەن شىنايى ارىلتۋدى ورىندادىق. وسى ماڭىزدى تاجىريبەلەر مەن تانىمدار ەلىمىزدىڭ كەدەيلىكتەن ارىلتۋدان قامال الۋىنىڭ نازاريالىق جاۋھارى، كەدەيلىككە قارسى تۇرۋداعى ماركستىك نازاريانىڭ جۇڭگوشالانۋىنىڭ ەڭ جاڭا جەتىستىگى، ءسوز جوق، ۇزاق ۋاقىت تاباندى بولۋ ءارى ۇزدىكسىز دامىتۋ كەرەك.

  شي جينپيڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزۋ پارتيامىزدىڭ حالىقتى ىنتىماقتاستىرىپ جانە باستاپ تاماشا تۇرمىسقا جەتۋ، بىرگە بايۋدى جۇزەگە اسىرۋ جولىندا نىق تا ارشىندى قادام تاستاعاندىعىن كورسەتەدى. سونىمەن بىرگە، كەدەيلىكتەن ارىلىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. دامۋدىڭ بىركەلكى، تولىق بولماۋ ماسەلەسىن شەشۋدىڭ، قالا، اۋىل وڭىرلىك دامۋ پارقىن ازايتۋدىڭ، ادامنىڭ جان - جاقتى دامۋى مەن جالپى حالىقتىڭ بىرگە بايۋىن جۇزەگە اسىرۋدىڭ مىندەتى ءالى دە اۋىر، جولى ۇزاق. ءبىزدىڭ داندايسىپ توقمەيىلسيتىن، بوساڭسىپ دامىلدايتىن ەشقانداي ءجونىمىز جوق، ءسوز جوق، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋىمىز كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتتەرىن شىن مانىندە ويداعىداي ىستەپ، وڭاي قايتا كەدەيلەسەتىن، كەدەيلەسەتىن حالىقتى قاداعالاۋدى كۇشەيتىپ، كەدەيلىكتەن ارىلعان وڭىرلەردىڭ كاسىپ سالالارىن ۇزاق ۋاقىت جەتىلدىرىپ جانە ونى قولداپ، قونىس جاڭالاپ كەدەيلەردى سۇيەمەلدەۋ بويىنشا كوشىرىلگەن بۇقاراعا كەيىنگى سۇيەمەلدەۋدى ويداعىداي جۇرگىزىپ، كەدەيلىكتەن ارىلعان اۋدانداردى دەمەپ، جەبەپ، نەگىزگى كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاۋ كەرەك. قىستاقتا تۇراتىن ءبىرىنشى شۋجيلەر مەن قىزمەت اترەتتەرى، شىعىس، باتىس بولىكتەر سەلبەستىگى، باعىتتامالى كومەكتەسۋ، قوعامدىق كومەكتەسۋ - سۇيەمەلدەۋ سياقتى تۇزىمدەرگە تاباندى بولۋ جانە ونى كەمەلدەندىرۋ ءارى جاعداي مەن مىندەتتىڭ وزگەرىسىنە ساي كەمەلدەندىرىپ وتىرۋ كەرەك. ءار دارەجەلى پارتكومدار مەن ۇكىمەتتەردىڭ كەدەيلىكتەن ارىلتۋدان قامال الۋ جەتىستىكەرىن بەكەمدەۋ جاۋاپكەرشىلىگىن قاتايتىپ، ناقتىلاندىرىپ، كولەمدى قايتا كەدەيلەسۋ تۋىلماۋىنىڭ تومەنگى شەگىن باتىل ساقتاۋ كەرەك.

  شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى مىندەتتەردىڭ ءبىرى. جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ جارىققا شىعارعان جاڭا جاعدايلاردى، العا قويعان جاڭا تالاپتاردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋگە تاباندى بولۋدى بۇكىل پارتيا قىزمەتىندەگى ەڭ ماڭىزدى ورىنعا قويۋعا تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرىپ، قالا مەن اۋىلدىڭ وڭىرلىك دامۋ پارقىن ۇزدىكسىز ازايتىپ، تومەن كىرىستى حالىق پەن دامۋى كەنجە قالعان وڭىرلىك دامۋ جەتىستىكتەرىنەن تەڭ يگىلىكتەنۋىنە، وسىزاماندانۋ بارىسىندا قاتاردان قالماۋىنا، تەڭەلىپ الۋىنا مۇمكىندىك جاساۋ كەرەك. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ساياسات جۇيەسىن، قىزمەت جۇيەسىن، ءتۇزىم جۇيەسىن كەمەلدەندىرىپ، اناعۇرلىم پارمەندى شارا ارقىلى اناعۇرلىم مىعىم كۇش - قۋات توپتاپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋ اياق الىسىن جەدەلدەتىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا قولايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ كەرەك.

  شي جينپيڭ بىلاي دەپ باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا، ءبىز، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويىپ، نىق قاداممەن ۇزاق ۋاقىت ەڭبەك كورسەتىپ، وسى نىساناعا قاراي اناعۇرلىم بەلسەندى ءىس تىندىرا قۇلشىنىپ، ادامنىڭ جان - جاقتى دامۋى مەن قوعامنىڭ جاپپاي العا باسۋىن جەبەپ، قالىڭ حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم تولىق، اناعۇرلىم قامتاماسىز، اناعۇرلىم باياندى بولۋىنا مۇمكىندىك جاساۋىمىز كەرەك.

  شي جينپيڭ بىلاي دەپ اتاپ كورسەتتى: وتكەنگە قايىرىلا قاراساق، ءبىز جۇڭحۋا ۇلتىن نەشە مىڭ جىل مازالاعان مۇلدە كەدەيلىك ماسەلەسىن شەشۋدە ۇلى تاريحي تابىسقا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتىق. بولاشاققا كوز جىبەرسەك، ءبىز جاپپاي سوتسياليستىك وسىزاماندانعان مەملەكەت قۇرۋدىڭ تاريحي ۇلى ارمانى جولىندا كۇرەس جاساۋدامىز. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى، بەكىمدى نىعايتىپ، ماڭگى قاجىمايتىن رۋحاني كۇيمەن جانە العان بەتىنەن قايتپايتىن كۇرەس جۇرگىزۋ بەينەسىمەن، شىنايى يگەرىپ، ناقتى ىستەپ، بەرىلە شوگەلدىكپەن ىستەپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا تارتۋ كەرەك!

  لي كىچياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە كەدەيلىكتەن ارىلتۋدان قامال الۋدا جاپپاي جەڭىسكە قول جەتكەندىگىن سالتاناتپەن جاريالادى، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ستراتەگيالىق دەڭگەيىنەن، كەدەيلىكتەن ارىلتۋدان قامال الۋدا قول جەتكىزگەن ۇلى ناتيجەلەردى تولىق تۇراقتاندىرىپ، كەدەيلىكتەن ارىلتۋدان قامال الۋدىڭ شۇعىلالى بارىسى مەن قىمباتتى تاجىريبەلەرىن تەرەڭدەي قورىتىندىلاپ، كەدەيلىكتەن ارىلتۋدان قامال الۋ ۇلى رۋحىن تەرەڭدەي بايىمداپ، اۋىل - قىستاقتى گۇلدەندىرۋدى جاپپاي ىلگەرىلەتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ جونىندە ايقىن تالاپتار قويدى، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە، ونى مۇقيات ۇيرەنىپ، ءتۇسىنىپ، دايەكتىلەندىرۋ، تياناقتاندىرۋدى ويداعىداي يگەرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەتپەن كۇش شىعارىپ، قايسارلىقپەن شايقاس جاساپ، اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋىمىز كەرەك.

  جينالىستان بۇرىن شي جينپيڭ قاتارلى باسشى جولداستار كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ يەگەرلەرى، كەدەيلىكتەن ارىلتۋدان قامال الۋداعى وزات جەكەلەردىڭ، وزات كوللەكتيۆتەردىڭ ۋاكىلدەرى، كەدەيلىكتەن ارىلتۋدان قامال الۋدىڭ مەملەكەتتىك ۇلگىسى داڭق اتاعىنىڭ جەكە يەگەرلەرى جانە كەدەيلىكتەن ارىلتۋدان قامال الۋدا جالپى ءۇشىن قۇربان بولعان مەملەكەتتىك وزات جەكەلەردىڭ وتباسىنداعىلاردىڭ ۋاكىلدەرى قاتارلىلارمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

  ولكەلەردەگى، اۆتونوميالى رايوندارداعى، قالالارداعى جانە شينجياڭ ءوندىرىس - قۇرىلىس بيڭتۋانىنداعى نەگىزگى جاۋاپتى جولداستار، ورتالىقتاعى پارتيا، ۇكىمەت، ارميا، بۇقارالىق تاراۋلارىنداعى نەگىزگى جاۋاپتى جولداستار، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماراپاتتاۋ قىزمەتى كوميتەتىنىڭ مۇشەلەرى، كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ قىزمەتى باسشىلىق گرۋپپاسىنىڭ مۇشەلەرى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى قاتارلىلاردان 3000عا تارتا ادام جينالىسقا قاتىناستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.