□ انار بۇلت/شينجياڭ گازەتىنىڭ ءتىلشىسى شى شين
مەملەكەتتىك ەكى ءماجىلىس اشىلۋ قارساڭىندا، شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ القا باستىعى ۋ گاڭ بەيجيڭگە اپاراتىن ۇسىنىس جوبا، ۇسىنىس جونىندە سوڭعى دايىندىق جۇمىستارىمەن قاربالاستاپ جاتتى.
مەملەكەتتىڭ كومىرتەگى قوس توتىعىنىڭ شىعارىلۋىن جوعارى شەكتە تەجەۋ، كومىرتەگىن بەيتاراپتاندىرۋ ستراتەگيالىق نىسانىنىڭ جۇزەگە اسۋىنا دەم بەرۋ ءۇشىن بەلسەنە قىزمەت ورىستەتتى؛ قوعام جاعدايىن، جۇرت تىلەگىن اڭىس ەتۋ ءۇشىن ۇسىنىس جوبالاردى، ۇسىنىستاردى مۇقيات جازدى؛ كەدەيلىكتەن ارىلتۋدان قامال الۋعا، كەدەيلىكتەن دالمە - ءدال ارىلتۋدىڭ ناقتى ونىمدىلىگىن جوعارىلاتۋعا تىلەكتەس بولدى؛ ”G7جاڭالىق اشۋ جولى“ شينجياڭ شەكارا سىرتىنداعى جاڭالىق اشۋ جەتىلدىرۋ ورتالىعىن قۇردى، شينجياڭنىڭ ىشىندەگى كاسىپورىنداردىڭ دامۋىنا كومەكتەستى... وتكەن ءبىر جىلعا قايىرىلا قاراعاندا، ۋ گاڭ ”كەمەلدى“ دەگەن سوزبەن قورىتىندىلادى.
”2020 - جىلى مەن كوپتەگەن ۋاقىتىمدى تەكسەرۋ - زەرتتەۋگە جۇمساپ، ساياسي كەڭەس مۇشەسى بورىشىمدى مۇقيات اتقاردىم“. ۋ گاڭ وسى ءبىر جىلدا مەملەكەتتىك ساياسي كەڭەس 13 - كەزەكتى جۇڭگو حالىق سانى، بايلىق، قورشاعان ورتانىڭ دامۋ جاعدايىنا تالداۋ جۇرگىزۋ جينالىسى جانە مەملەكەتتىك ساياسي كەڭەس حالىق سانى، بايلىق، قورشاعان ورتا كوميتەتىنىڭ بايلىق، قورشاعان ورتا جونىندەگى ”14 - بەسجىلدىق“ جوبا ۇسىنىستارىن اقىلداسۋ جينالىسى سياقتىلارعا قاتىناسىپ، پىكىر - ۇسىنىس بەرگەندىگىن ايتتى. ىندەتتەن ساقتانۋ - تىزگىندەۋدى ۇدايىلاندىرۋ تالابىن مۇقيات تياناقتاندىرۋمەن بىرگە، ول ىلگەرىندى - كەيىندى مەملەكەت ەلەكتر تورى شەكتى سەرىكتەستىگى، جۇڭگو چاڭجياڭ ءۇش قىساڭ توبى شەكتى سەرىكتەستىگى، جۇڭگو داتاڭ توبى شەكتى سەرىكتەستىگى سياقتى 15 كاسىپورىنعا بارىپ تەكسەرۋ - زەرتتەۋ جۇرگىزىپ، قايتا تۋىندايتىن ەنەرگيا كاسىپورىندارىنىڭ جاڭا دامۋ ۇستانىمىن دايەكتىلەندىرۋ، تياناقتاندىرۋ، ”ءبىر بەلدەۋ، ءبىر جول“ باستاماسى، سونداي - اق ەكولوگيالىق وركەنيەت قۇرىلىسىن ىلگەرىلەتۋدى جانە ەنەرگيانى دامىتۋدى امالياتتان وتكىزۋدىڭ تاجىريبەلەرى جونىندە اڭگىمەلەستى، تالقى جۇرگىزدى. كوپتەگەن جەرلەردەگى نىسانداردىڭ جۇمىس باسىنا بارىپ تەكسەرۋ - زەرتتەۋ جۇرگىزىپ، جاعدايىن تولىق ۇعىسىپ، بۇقارادان پىكىر الدى جانە ۇسىنىسىن تىڭدادى.
”پارتيا مەن مەملەكەتتىڭ وزەكتى قىزمەتىن ارقاۋ ەتىپ، نازاردى جاڭا ەنەرگيا سالاسىن دامىتۋعا جانە قوعامدىق قۇرىلىس سالاسىنداعى ماڭىزدى تۇيىندەرگە، قيىن تۇيىندەرگە شوعىرلاندىرىپ، كىتاپ وقۋ، ۇيرەنۋ، تەكسەرىپ - زەرتتەۋ تابىستارىمدى ساياسي كەڭەستىڭ قىزمەتىن ويداعىداي ىستەۋدەگى ناعىز ىسكەرلىگىمە، مىندەتىمدى اتقارىپ، جاۋاپكەرشىلىگىمدى ادا ەتۋدەگى قىزمەت جەتىستىگىمە اينالدىرامىن“. 2020 - جىلى ۋ گاڭ «مەملەكەتتىڭ ورتا، ۇزاق ۋاقىتتىق ەنەرگيانى دامىتۋ جوباسىن جاساۋ، تۋىندايتىن ەنەرگيانى دامىتۋ باعدارىن ايقىنداۋ جونىندەگى ۇسىنىس جوباسى» قاتارلى 13 ءتۇرلى ۇسىنىس جوبا جازىپ، جاڭا ەنەرگيا سالاسىن دامىتۋدى ىلگەرىلەتۋدە، ەكونوميكانىڭ، قوعامنىڭ دامۋىن ىلگەرىلەتۋدە بەلسەندى جەبەۋ رولىن اتقاردى.
اۆتونوميالى رايوندىق پارتكوم مەن ۇكىمەتتىڭ كەدەيلىكتەن ارىلتۋدان قامال الۋ جونىندەگى ءتۇرلى شەشىمدەرىن، ورنالاستىرۋلارىن ارقاۋ ەتە وتىرىپ، 2020 - جىلى جينفىڭ عىلىم - تەحنيكاسى شينجياڭدا الەۋمەتتىك يگىلىككە جيىنى 11 ميلليون 728 مىڭ 400 يۋان قارجى قوسىپ، وقۋ - اعارتۋ، كاسىپ سالاسى، كەدەيلەردى مادەنيەت ارقىلى سۇيەمەلدەۋ، نەگىزدىك قۇرىلىس سياقتى كوپتەگەن سالالاردى قامتىدى. تۇتقيىلدان تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا جينفىڭ عىلىم - تەحنيكاسى دەر كەزىندە جينفىڭ ىندەتتەن ساقتانۋ - تىزگىندەۋ بويىنشا قوعامعا كومەك كورسەتۋ قىزمەت اترەتىن قۇردى، حۋبەي، شينجياڭ، حىبەي سياقتى ولكە، اۆتونوميالى رايوندارعا، سونداي - اق باسقا دا مەملەكەتتەر مەن رايوندارعا ناق اقشا، شۇعىل قاجەتتى ەمدەۋ زاتتىق ماتەريالدارىن جىلۋعا بەرىپ، جالپى سوماسى 6 ميلليون 600 مىڭ يۋان حالىق اقشاسىنان استى. ”التىنى ورنىقتىرۋ“، ”التىنى قامتاماسىز ەتۋ“ قىزمەت تالابىن دايەكتىلەندىرىپ، تياناقتاندىرىپ، قىزمەتتى، ءوندىرىستى قالپىنا كەلتىرۋدى ءتارتىپتى جۇرگىزدى، ىندەت كەزىندە جينفىڭ عىلىم - تەحنيكاسىنىڭ بۇكىل مەملەكەتتەگى 882 جەل ەلەكتر الاڭى مەن 52 سۋ زاۆودى تۇگەلدەي قالىپتى تيجارات جۇرگىزدى.
”مىندەت وتەۋ بارىسىندا سەرىكتەستىكتى دامىتۋدىڭ ورنىن تۇراقتاندىرۋدى مەملەكەتتىڭ دامۋ جوباسى نىساناسىمەن جوعارى دەڭگەيدە سايكەستىرۋدەن ايرىقشا شابىت الدىم، قىزمەتكە دەگەن بورىشتىلىق سەزىمىم ءتىپتى دە كۇشەيدى، مەن وزگەرىستەرگە بەلسەنە قۇشاق جايىپ، تىكە ءوزىم ات سالىسىپ، ەنەرگيانى جوعارى ساپالى دامىتۋدى ىلگەرىلەتۋگە ۇلەس قوسامىن“، - دەدى ۋ گاڭ.
