تيانشان تورى   ›   جاڭالىقتار   ›   شينجياڭ حابارلارى

وڭتۇستىك شينجياڭدا تاپجىلمايتىن ەمدەۋ اترەتىن تۇلعالادى

  انار بۇلت/شينجياڭ گازەتىنىڭ ءتىلشىسى جاۋ جىيۇن 2 - ايدىڭ 26 - كۇنى ۇرىمجىدەن حابارلايدى. ”ءسىز ورتاعا قويعان ۇسىنىس جونىندە كوميتەتىمىز وقۋ - اعارتۋ مينيسترلىگى سياقتىلارمەن سايكەسىپ، وڭتۇستىك شينجياڭ ءوڭىرىنىڭ ەمدەۋ دارىندىلارى قوسىنى قۇرىلىسىن قولداۋ تەبىنىن ۇزدىكسىز ارتتىرىپ، باۋلۋ قاجەتىن ەڭ الدىمەن قاناعاتتاندىرىپ، سالاماتتى وڭتۇستىك شينجياڭ ءوڭىرىن قۇرۋعا پارمەندى دارىندىلار قولداۋىن ازىرلەيدى“. مەملەكەتتىك 13 - كەزەكتى حالىق قۇرىلتايىنىڭ 3 - ماجىلىسىندە مەملەكەتتىك حالىق قۇرىلتايىنىڭ ۋاكىلى لياۋ چاۋياڭ العا قويعان «وڭتۇستىك شينجياڭنىڭ ەمدەۋ دارىندىلارى قوسىنى قۇرىلىسىن كۇشەيتۋ جونىندەگى ۇسىنىسى» مەملەكەتتىك دەنساۋلىق ساقتاۋ، سالاماتتىق كوميتەتىنىڭ بەلسەندى جاۋابىنا يە بولدى.

  لياۋ چاۋياڭنىڭ ايتۋىنشا، ول مەملەكەتتىڭ قاتىستى مينيسترلىك - كوميتەتتەرىنىڭ جانە شينجياڭعا كومەكتەسەتىن ولكە - قالالاردىڭ وڭتۇستىك شينجياڭ ءوڭىرىنىڭ ەمدەۋ دارىندىلارى قوسىنى قۇرىلىسىن قولداۋ تەبىنىن ارتتىرىپ، اناعۇرلىم كوپ تۇراقتاپ قالاتىن جوعارى دەڭگەيلى دارىندىلاردى باۋلۋىن؛ اۋىل - قىستاق ەمدەۋ ىستەرىنە باعىتتامالى وقۋشى تاربيەلەۋ تەبىنىن ارتتىرىپ، وڭتۇستىك شينجياڭ وڭىرىندەگى اۋىل، قىستاق ەكى دارەجەلى ەمدەۋ دارىندىلارىنىڭ اۋىر دارەجەدە جەتىسپەۋ، سونداي - اق دەڭگەيى جوعارى بولماۋ، قوسىن ورنىقسىز بولۋ ماسەلەلەرىن شەشۋىن؛ وڭتۇستىك شينجياڭ ءوڭىرىن مەديتسينالىق مەكتەپتەردىڭ ناقتىلى جاتتىعۋ بازاسى ەتىپ، اناعۇرلىم كوپ ەمدەۋ ماماندىعىنداعى وقۋشىلاردى ناقتىلى جاتتىعۋ ارقىلى وڭتۇستىك شينجياڭدى ءتۇسىنىپ، وڭتۇستىك شينجياڭدا قالۋعا جەتەكتەۋدى ۇسىنىس ەتتى.

  مەملەكەتتىك دەنساۋلىق ساقتاۋ، سالاماتتىق كوميتەتى جاۋابىندا بىلاي دەدى: مەملەكەت شينجياڭنىڭ، اسىرەسە، وڭتۇستىك شينجياڭ ءوڭىرىنىڭ ەمدەۋ دارىندىلارى قوسىنى قۇرىلىسىنا بارىنشا ءمان بەرىپ، كوپتەگەن جولدارمەن دارىندى باۋلۋ تەبىنىن ارتتىرادى. بالنيتسا شيپاگەرلەرىن جۇيەلىلەندىرىپ باۋلۋ تەبىنىن ارتتىرىپ، اۆتونوميالى رايون مەن شينجياڭ ءوندىرىس - قۇرىلىس بيڭتۋانىنىڭ 21 بالنيتسا شيپاگەرىن جۇيەلىلەندىرىپ باۋلۋ بازاسىن ىرىكتەپ تۇراقتاندىرۋىنا قولداۋ كورسەتىپ، ورتالىق قازىنا وڭتۇستىك شينجياڭ ءوڭىرىنىڭ بالنيتسا شيپاگەرلەرىنەن جيىنى 1045 ادامدى قابىلداۋىنا قولداۋ كورسەتتى؛ تاپشى دارىندىلاردى باۋلۋ تەبىنىن كوپ جولمەن ارتتىرىپ، وڭتۇستىك شينجياڭ ءوڭىرىنىڭ بەساسپاپ ماماندانعان بالنيتسا شيپاگەرلەرىنەن جيىنى 200دەن استام ادامدى قابىلداۋىنا قولداۋ كورسەتتى. اۋىل - قىستاقتارعا تاپسىرىستى، باعىتتامالى مەديتسينا وقۋشىلارىن تەگىن باۋلۋ قىزمەتىن بەلسەنە ورىستەتىپ، وڭتۇستىك شينجياڭ وڭىرىنە جيىنى 1300دەن استام تولىق كۋرس كلينيكالىق مەديتسينا وقۋشىسىن تەگىن جەتىلدىردى. وقۋ - اعارتۋ مينيسترلىگى سياقتى قاتىستى تاراۋلارمەن بەلسەنە سايكەسىپ، شينجياڭ مەديتسينا داشۋەسى، شىحىزى داشۋەسى سياقتى مەديتسينا ماماندىعىن اشقان شينجياڭنىڭ جوعارى مەكتەپتەرى مەن جوعارى دەڭگەيلى مەديتسينالىق وقۋ ورىندارىن وڭتۇستىك شينجياڭدا پراكتيكا شيپاحاناسى مەن كلينيكالىق ناقتىلى جاتتىعۋ بازاسىن قۇرۋعا شابىتتاندىرادى.

  ۇسىنىسقا سايكەسەتىن ورىن رەتىندە اۆتونوميالى رايوندىق حالىق ۇكىمەتى جاۋاپ حاتتا مىنانى ءبىلدىردى: وڭتۇستىك شينجياڭ ءوڭىرىنىڭ ەمدەۋ دارىندىلارى قوسىنى قۇرىلىسىن قولداۋ تەبىنىن ۇزدىكسىز ارتتىرىپ، اۋىل - قىستاق شيپاگەرلەرىنىڭ ماعلۇمات ورەسى مەن كاسىپتىك قابىلەتىن جوعارىلاتىپ، وڭتۇستىك شينجياڭنىڭ نەگىزگى ساتىسىنا ”تۇراقتاپ قالاتىن، كادەگە جارايتىن“ مەديتسينا دارىندىلارىن جەتىلدىرەدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.