− باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزداعى كادرلار مەن بۇقارا اراسىندا كۇشتى اڭىس قوزعادى
□ انار بۇلت/شينجياڭ گازەتىنىڭ تىلشىلەرى
2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا ەلىمىزدىڭ كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزگەندىگىن سالتاناتپەن جاريالاپ، كەدەيلىكتەن ارىلتۋدان قامال الۋدىڭ شۇعىلالى بارىسى مەن قۇندى تاجىريبەلەرىن ەگجەي - تەگجەيلى قورىتىندىلادى، رايونىمىزداعى قالىڭ كادرلار مەن بۇقارا بۇدان ەرەكشە شابىت الدى. كوپشىلىك مىنالاردى ءبىلدىردى: كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسى، پارتيامىزدىڭ حالىقتى ىنتىماقتاستىرىپ، باستاپ، تاماشا تۇرمىستى جاراتقاندىعىن، بىرگە بايۋدى جۇزەگە اسىرۋ جولىندا مىعىم قادام تاستاعاندىعىن كورسەتەدى. ءبىز كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، العا باسۋ جولىنداعى بارلىق قيىنشىلىقتار مەن حاۋىپ - قاتەرلەردى باتىل جەڭىپ، جۇڭگوشا سوتسياليزمگە تاباندى بولۋ مەن ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزەمىز!
قولايلى جاعدايدان ۇتىمدى پايدالانىپ، ۇزدىكسىز كۇرەس جۇرگىزەمىز
”باس شۋجي شي جينپيڭنىڭ ماڭىزدى ءسوزىن ناق مايداندا ەت قۇلاعىممەن ەستىپ كوڭىلىم قاتتى تولقىدى، بۇل − داڭق، اسىرەسە، جىگەرلەندىرۋ“. بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى جوبا - قازىنا ءبولىمىنىڭ باستىعى
دىڭ پىڭشياڭ كەدەيلىكتەن ارىلتۋدان قامال الۋداعى مەملەكەتتىك وزات جەكە بولىپ ماداقتالىپ - سيلانعاننان كەيىن تەبىرەنە بىلاي دەدى: كاسىپ سالاسى مەن جۇمىستاندىرۋدى مىقتاپ ارقاۋ ەتىپ، ”جەرگىلىكتى جاعدايعا ۇيلەسەتىن“ كاسىپ سالاسى نىساندارىن حوتانعا ەنگىزۋگە قۇلشىنىپ، ءتىپتى دە كوپ جەرگىلىكتى بۇقارانىڭ جۇمىستانىپ كىرىستەرىن ارتتىرۋىنا جەتەكشىلىك ەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى كوركەيتۋمەن ءونىمدى ۇشتاستىرۋعا كۇش قوسامىن.
”داڭقپەن كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ اتاعىنا يە بولدىق، وسى ءبىر سالماعى اۋىر داڭق بىزگە مىندەتىمىزدىڭ داڭقتى، جاۋاپكەرشىلىگىمىزدىڭ اۋىر ەكەندىگىن ەسەلەپ سەزىندىردى، ءبىز ەندى داڭقتى قاستەرلەپ، اۋەلگى ماقساتتى ۇمىتپاي، ۇزدىكسىز قۇلشىنىس جاسايمىز!“، ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين مىنالاردى ءبىلدىردى: ەرەكشە ترانسفورماتور باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ رۋحىن ساۋلەلەندىرىپ، جاڭا داۋىردەگى حالىقتىق كاسىپورىننىڭ قوعامدىق جاۋاپكەرشىلىگىن ۇزدىكسىز ارقالاپ، ”ءتورتتى توقتاتپاۋ“ تالابىن باتىل تياناقتاندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن ءۇرتىس بەكەمدەپ، اۋىل - قىستاقتاردىڭ كوركەيۋىنە كۇش قوسادى.
ءۇشتۇرپان اۋداندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى سۇن گويۋان بىلاي دەدى: ءبىز زەيىن - زەردەنى، كۇش - قۋاتتى شوعىرلاندىرا قايتا اتتانىپ، اۋىل - قىستاقتى كوركەيتۋ ستراتەگياسىن ىشكەرىلەي اتقارۋعا، كورىكتى اۋىل - قىستاق قۇرۋعا كۇش سالىپ، كەدەيلەردى كاسىپ سالالاندىرۋ ارقىلى سۇيەمەلدەۋدى زور كۇشپەن ىلگەرىلەتۋگە، وڭىرلىك شارۋاشىلىقتى جانە كوللەكتيۆتىك شارۋاشىلىقتى زورايتۋعا كۇش سالىپ، جاڭاشا شارۋالاردى باۋلىپ، تاربيەلەۋگە، ىشكى قوزعاۋشى كۇشتى ارتتىرۋعا كۇش سالىپ، شەگە قاعۋ رۋحىمەن ”كورىكتى اۋىل - قىستاق ەكونوميكاسىنىڭ“ جاڭالىق اشۋ سيپاتتى دامۋىن ىلگەرىلەتىپ، العان بەتىمىزدەن قايتپاي، جوبانى سوڭىنا دەيىن جالعاستىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى وركەندەتۋمەن ءونىمدى ۇشتاستىرۋدى ويداعىداي تىڭعىلىقتى ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرىمىزبەن قارسى الامىز.
ساقاداي سايلانىپ، ەرلىكپەن تىڭ ۇلەس قوسامىز
”باسىپ وتكەن جولدارىمىز بىردەن وڭاي بولا قويعان جوق“. لوپ اۋداندىق پارتكومنىڭ ورىنباسار شۋجيى لي يۇڭجۇن بىلاي دەدى: كەدەيلىكتەن ارىلتۋدان قامال الۋعا ات سالىسۋشى، باستان وتكەرۋشى رەتىندە ءبارىن كوردىم، كوڭىلىم كولدەي تولقيدى. ”باس شۋجيدىڭ ماڭىزدى ءسوزى قورىتىندىلاۋ، ماداقتاۋ - سيلاۋ بولۋمەن بىرگە، ونان دا ماڭىزدىسى، جاڭادان تاستالعان ۇندەۋ بولدى. ءبىز ورنالاستىرۋ تالابىن قاتاڭ اتقارىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى شىنايى يگەرىپ، قايتا كەدەيلەسۋدەن، كەدەيلەسۋدەن ساقتانۋ شارالارىن ويداعىداي تياناقتاندىرىپ، اۋىل - قىستاقتى گۇلدەندىرۋدى ءتارتىپتى ىلگەرىلەتۋگە، ءونىمدى ۇشتاستىرۋعا شىنايى كەپىلدىك ەتەمىز“.
اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنىڭ قۇرىلىس - ەنەرگيا ۇنەمدەۋ جانە عىلىم - تەحنيكالىق تاربيە باسقارماسىنىڭ 2 - دارەجەلى تەكسەرۋ - زەرتتەۋشىسى شوكىرات شاۋكەت بىلاي دەدى: ”مەن وڭتۇستىك شينجياڭنىڭ اۋىر كەدەي وڭىرلەرىندەگى كەدەيلىكتەن ارىلتۋدىڭ ءبىرىنشى شەبىندە ءۇرتىس 5 جىل كۇرەس جاساپ، ول ارادا تۋىلعان كەرەمەت وزگەرىستەرگە كۋا بولدىم. بيىل 3 - ايدا تاعى دا نەگىزگى ساتىنىڭ ءبىرىنشى شەبىنە اتتانامىن، بورىشتى ادا ەتىپ، قۇلشىنا قىزمەت ىستەپ، ۇزدىك ناتيجەلەرىممەن پارتيا مەن حالىققا ريزا بولارلىقتاي جاۋاپناما تاپسىرامىن“.
جەمسارى اۋدانى جەمسارى قالاشىعى پارتكومىنىڭ ورىنباسار شۋجيى ليۋ فۋجين اسەرلەنىپ بىلاي دەدى: ”باس شۋجيدىڭ جاريالاۋى جۇرتتى جىگەرلەندىردى. ءبىز ’ءتورتتى توقتاتپاۋ، سەگىزدى وزگەرتپەۋ‘ تالابىنا ساي، ’ءۇش وگىز‘ رۋحىن ساۋلەلەندىرىپ، اۋىل - قىستاقتىڭ قونىس ورتاسىن كۇش سالا وڭاپ، اۋىل - قىستاق كاسىپ سالاسىن دامىتىپ، جاڭاشا شارۋالاردى جەتىلدىرىپ، نەگىزگى ساتى مادەنيەتىن گۇلدەندىرەمىز“.
جاڭا تۇرمىستىڭ، جاڭا كۇرەستىڭ باستاماسى
”كەدەيلىكتەن ارىلعان قالىڭ جۇرتتىڭ جۇزىندەگى شىنايى كۇلكى كەدەيلىكتەن ارىلتۋدان قامال الۋعا بولعان ەڭ ۇلكەن تۇراقتاندىرۋ“، - دەدى كوكتوعاي اۋداندىق پارتكوم ۇگىت ءبولىمىنىڭ وسى اۋداننىڭ كۇرتى اۋىلى دالااۋىز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى قايرات سەرىك، - ”ءبىز ماداقتالىپ - سيلانعان وزات كوللەكتيۆتەر مەن وزات جەكەلەردى ۇلگى ەتىپ، حالىق ءۇشىن قىزمەت ىستەيتىن ەلپەك وگىز رۋحىن ۇزدىكسىز ساۋلەلەندىرىپ، قىستاق تۇرعىندارىن باستاپ عىلىم - تەحنيكا پارنيگىن ويداعىداي ەگىپ، اۋىل - قىستاق كوللەكتيۆ شارۋاشىلىعىن ويداعىداي دامىتىپ، ورتاسى كوركەم، ەكولوگياسى جانعا جايلى كوركەم اۋىل - قىستاق قۇرامىز“.
”كەدەيلىكتەن ارىلتۋ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى“. ياركەن اۋدانى پەكىچى اۋىلى اچچىق قىستاعىنىڭ كادرى پاتىگۇل روزى بىلاي دەدى: قىستاعىمىزدىڭ پارتيا ياچەيكاسى كەدەيلىكتەن ارىلتۋدان قامال الۋدىڭ مەملەكەتتىك وزات كوللەكتيۆى داڭق اتاعىنا يە بولدى. مەن، ءسوز جوق، قايراتتى تاسقىنداتىپ، قىزمەتتەردى ۇزدىكسىز ويداعىداي ورىستەتىپ، اۋىلداستاردى بايۋعا باستايمىن.
”پارتيا مەن ۇكىمەتتىڭ كومەگىندە ءبىز ءبىر ءۇيلى جاننىڭ تۇرمىسىندا زور وزگەرىستەر تۋىلدى، ءبىز ۇزدىكسىز پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىز“. جىڭ اۋدانى ماندان اۋىلى حۋاڭگۇڭ سولتۇستىك قىستاعىنىڭ تۇرعىنى روزى اجى توقتاحۇن قىستاق ”ەكى كوميتەتىنىڭ“ كومەگىندە باعىمشىلىق كاسىبىن دامىتتى، قازىر قولىندا 4 سيىرى، 30 قويى بار، تۇرمىسى بارعان سايىن شالقي ءتۇستى. ول بىلاي دەدى: ”بۇدان بىلاي مەن ۇيرەنگەن باعىمشىلىق بىلىمدەرىمنەن، يگەرگەن باعىمشىلىق تاجىريبەلەرىمنەن پايدالانىپ، قىستاق تۇرعىندارىن باستاپ بىرگە بايىپ، پارتيا مەن ۇكىمەتتىڭ سۇيەمەلدەۋىنە جانە كومەگىنە جاۋاپ قايتارامىن“.
(ءتىلشى ءپاريزات ابدۇل، قاتىسقان تىلشىلەر جاڭ جىلي، شى شين، گى يوۋجۇن، جاڭ تيڭ، حان چينيان، ەرىكتى تىلشىلەر لي رۇڭ، جاڭ يۇڭ، رىن دۇڭشىڭ)
