شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ءۇشىن، ورتالىق كوميتەت ۇگىت ءبولىمى «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جونىندەگى سۇراۋ - جاۋاپ» كىتابىن ۇيىمداستىرىپ قۇراستىردى، ۇيرەنۋ باسپاسى، حالىق باسپاسى بىرلەسىپ باسپادان شىعاردى، سول كۇننەن باستاپ بۇكىل ەلدە تاراتىلدى.
«سۇراۋ - جاۋاپ» ءىس جۇزىندىك دامۋ اياق الىسىنا تىعىز ىلەسىپ، نازاردى نازاريالىق قولامتالى تۇيىندەرگە، قيىن تۇيىندەرگە شوعىرلاندىرىپ، كادرلار مەن بۇقارا ءجىتى قاداعالاپ وتىرعان ىستەرگە جاۋاپ قايتارىپ، سۇراۋ - جاۋاپ فورماسىمەن جان - جاقتى جۇيەلى، تەرەڭ ويدى تۇسىنىكتى تىلمەن جەتكىزىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى رۋحىن، نەگىزگى مازمۇنىن، نەگىزگى تالابىن بايىمدادى، ول قالىڭ پارتيا مۇشەلەرىنىڭ، كادرلاردىڭ، بۇقارانىڭ پارتيانىڭ جاسامپاز نازارياسىن اناعۇرلىم ىشكەرىلەي ۇيرەنىپ، اناعۇرلىم سانالىلىقپەن وي - سانانى قارۋلاندىرۋىنا، امالياتقا جەتەكشىلىك ەتۋىنە، قىزمەتتى ىلگەرىلەتۋىنە ءتيىمدى. «سۇراۋ - جاۋاپ» جالپى 7 بولىك، 100 ماسەلەگە بولىنگەن، مازمۇنى باي، فورماسى جاڭاشا، سۋرەتى مەن ءسوزى قاتار بەرىلگەن، قاراپايىم، ۇعىنىقتى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدەگى، دايەكتىلەندىرۋدەگى ماڭىزدى كومەكشى وقۋلىق سانالادى.
