”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىنىڭ جوبا نۇسقاسىن جانە ۇكىمەت قىزمەتىنەن باياندامانى تالقىلادى، «جۇڭگو كوممۋنيستىك پارتياسىنىڭ ادەتتەگى جوعارى مەكتەپ نەگىزگى ساتى ۇيىمدىق قىزمەتى ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 2 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 - ايدىڭ 26 - كۇنى ءماجىلىس اشىپ، مەملەكەتتىك كەڭەستىڭ مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ تەكسەرۋىنە ۇسىناتىن جۇڭحۋا حالىق رەسپۋبليكاسىنىڭ حالىق شارۋاشىلىعى مەن قوعامدىق دامۋ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسىنىڭ جوبا نۇسقاسىن جانە قاراۋعا ۇسىناتىن «ۇكىمەت قىزمەتىنەن بايانداما» نۇسقاسىن تالقىلادى، «جۇڭگو كوممۋنيستىك پارتياسىنىڭ ادەتتەگى جوعارى مەكتەپ نەگىزگى ساتى ۇيىمدىق قىزمەتى ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: ”13 - بەسجىلدىق“ مەزگىلىندە ەلىمىزدىڭ ەكونوميكالىق، قوعامدىق دامۋىندا بۇكىل دۇنيەنى جالت قاراتقان تابىستارعا قول جەتتى. قىم - قۋىت، كۇردەلى حالىقارالىق جاعداي، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، پارتيامىز اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل پارتيانى، بۇكىل ەلدەگى ءار ۇلت حالقىن ۇدەرە العا تارتۋعا، ءورىس اشا جاڭالىق اشۋعا ىنتىماقتاستىرىپ، باستاپ، پارتيا مەن مەملەكەتتىڭ ءتۇرلى ىستەرىن قايراتتانا ىلگەرىلەتتى. 5 جىل ۇزدىكسىز كۇرەس جۇرگىزۋ ارقىلى ”13 - بەسجىلدىق“ جوباداعى باستى نىسانالار مەن مىندەتتەر جەڭىسپەن ورىندالدى، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتتى، كەدەيلىكتەن ارىلتۋدان قامال الۋدىڭ شەشۋشى شايقاسىندا جالپى بەتتىك جەڭىسكە قول جەتتى، ەكونوميكالىق اينالىم جالپى تۇلعالىق جاقتان ورنىقتى بولدى، ەكونوميكالىق قۇرىلىم ۇزدىكسىز ساپالىلاندى، ەكولوگيالىق ورتا كورنەكتى جاقساردى، سىرتقا ەسىك اشۋ ۇزدىكسىز كەڭەيدى، حالىقتىڭ تۇرمىس دەڭگەيى كورنەكتى جوعارىلادى، ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى تىڭ دا زور ساتىعا كوتەرىلدى، جۇڭحۋا ۇلتىنىڭ ۇلى گۇلدەنۋى العا قاراي تىڭ زور قادام تاستادى. بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمىنىڭ ابزالدىلىعىن تولىق ايگىلەدى، بۇكىل پارتيانى، بۇكىل ەلدەگى ءار ۇلت حالقىن كۇش ۇستىنە كۇش قوسىپ ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ۇزدىكسىز ەرلىكپەن العا ىلگەرىلەۋگە جىگەرلەندىرەدى.
ءماجىلىس بىلاي دەپ قارادى: ”14 - بەسجىلدىق“ مەزگىلى − ەلىمىز جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى جاعدايدان ۇتىمدى پايدالانا وتىرىپ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستايتىن، ەكىنشى 100 جىلدىق كۇرەس نىساناسىنا شەرۋ تارتاتىن ءبىرىنشى 5 جىل. پارتيانىڭ باسشىلىعىندا، جۇڭگوشا سوتسياليزم ءتۇزىمىنىڭ ابزالدىلىعىن ويداعىداي ساۋلەلەندىرىپ، ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانا باعدارلاماسىن عىلمي جولمەن جاساپ اتقارۋ جاپپاي دوڭگەلەك داۋلەتتى قوعام ورناتۋ مەن كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋدا كەلەلى ماڭىزعا يە.
ءماجىلىس مىنالاردى باسا دارىپتەدى: ”14 - بەسجىلدىق“ مەزگىلىندە جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جالپى تۇلعالىق ورنالاستىرۋدى ءبىر تۇتاس جوسپارلاپ ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭ بويىنشا جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن سايكەستى ىلگەرىلەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ سىندى جاڭا دامۋ ۇستانىمىن بۇلجىماستان دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، وسىزاماندانعان ەكونوميكالىق جۇيەنى جەدەل قۇرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، ەكونوميكانىڭ ورنىقتى قاداممەن باياندى ىلگەرىلەۋىن، قوعامنىڭ تىنىش، جاراسىمدى بولۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما باستاۋ، جاقسى قادام تاستاۋ كەرەك.
ءماجىلىس مىنالاردى تالاپ ەتتى: ”14 - بەسجىلدىق“ جوبا باعدارلاماسىنىڭ جوبا نۇسقاسىن مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ تەكسەرۋىنە جانە مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ تالقىسىنا ۇسىنۋ بارىسىندا دەموكراتيانى ساۋلەلەندىرىپ، كوپشىلىكتىڭ اقىل - پاراساتىن توپتاپ، جوبا باعدارلاماسىن شىن مانىندە ويداعىداي جاساپ، جوبا باعدارلاماسىن ءتىپتى جاقسى اتقارۋعا مىعىم نەگىز قالاۋ كەرەك.
ءماجىلىس مىنالاردى اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى دۇنيە جۇزىندە ءالى دە ورشۋدە، حالىقارالىق جاعدايدا ورنىقسىزدىق، انىقسىزدىق فاكتورلار كوبەيدى، ەلىمىز ەكونوميكاسىنىڭ قالپىنا كەلۋ نەگىزى ءالى دە بەرىك ەمەس، ەكونوميكالىق، قوعامدىق دامۋ ءالى دە كوپتەگەن قيىنشىلىقتار مەن سىن - سايىستارعا ءدوپ كەلىپ وتىر. بيىلعى ۇكىمەت قىزمەتىن جاقسى ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جۇيە كوزقاراسىنا تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ جەتىستىكتەرىن بەكەمدەپ، كەڭەيتىپ، دامۋ مەن حاۋىپسىزدىكتى ءتىپتى دە جاقسى ءبىر تۇتاس جوسپارلاپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ماكرولىق ساياساتتى عىلمي دالمە - ءدال اتقارىپ، ەكونوميكالىق اينالىمنىڭ ۇيلەسىمدى ارالىقتا بولۋىن قۇلشىنا ساقتاپ، ىشكى سۇرانىستى كەڭەيتۋ ستراتەگياسىنا تاباندى بولىپ، عىلىم - تەحنيكا ستراتەگيالىق تىرەگىن كۇشەيتىپ، جوعارى دەڭگەيدە سىرتقا ەسىك اشۋدى كەڭەيتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”14 - بەسجىلدىققا“ جاقسى باستاما باستاۋعا، جاقسى قادام تاستاۋعا شىنايى كەپىلدىك ەتىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
ءماجىلىس مىنالاردى باسا دارىپتەدى: بيىلعى ەكونوميكالىق، قوعامدىق دامۋدىڭ نىسانالارى مەن مىندەتتەرىن جۇزەگە اسىرۋدا ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءتىپتى جاقسى ءبىر تۇتاس جوسپارلاپ، ماكرولىق ساياساتتىڭ ۇلاسپالىلىعىن، تۇراقتىلىعىن، باياندىلىعىن ساقتاۋ كەرەك. بەلسەندى قازىنا ساياساتىنىڭ ساپاسىن ءوسىرىپ، ونىمدىلىگىن ارتتىرۋ، اناعۇرلىم باياندى ەتۋ كەرەك. ورنىقتى دا اقاۋسىز اقشا ساياساتى يكەمدى، دالمە - ءدال، ۇيلەسىمدى، لايىقتى بولۋ كەرەك. جۇمىستاندىرۋدى الدىڭعى ورىنعا قويۋ ساياساتىن ۇزدىكسىز كۇشەيتۋ، كۇش - قۋاتتى شوعىرلاندىرىپ ونىمدىلىگىن ارتتىرۋ كەرەك. ءتۇيىندى سالالارداعى رەفورمانى ىشكەرىلەي ىلگەرىلەتىپ، جاڭالىق اشۋعا سۇيەنە وتىرىپ ناقتى ەكونوميكانىڭ جوعارى ساپالى دامۋىن ىلگەرىلەتۋ، ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولۋ، اۋىل - قىستاقتى گۇلدەندىرۋ ستراتەگياسىن جاپپاي اتقارۋ، جوعارى دەڭگەيدە سىرتقا ەسىك اشۋدى جولعا قويۋ، لاستانۋدان ساقتانۋ مەن جونگە سالۋدى جانە ەكولوگيالىق قۇرىلىستى كۇشەيتۋ، حالىقتىڭ ىرىس - قۇتىن شىن مانىندە ارتتىرۋ كەرەك. ۇكىمەتتىڭ وزىندىك قۇرىلىسىن كۇشەيتىپ، فورماشىلدىقتى، تورەشىلدىكتى تيۋ كەرەك.
ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسىنىڭ ادەتتەگى جوعارى مەكتەپ نەگىزگى ساتى ۇيىمدىق قىزمەتى ەرەجەسىنە» وزگەرىس ەنگىزۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋدىڭ، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدىڭ، تياناقتاندىرۋدىڭ، پارتيانىڭ جوعارى مەكتەپتەرگە جالپى بەتتىك باسشىلىعىنا تاباندى بولۋ مەن ونى كۇشەيتۋدىڭ ماڭىزدى شاراسى، جوعارى ساپالى وقۋ - اعارتۋ جۇيەسىن قۇرۋدا كەلەلى ماڭىزعا يە.
ءماجىلىس مىنالاردى باسا دارىپتەدى: پارتيانىڭ جوعارى مەكتەپتەرگە جالپى بەتتىك باسشىلىعىنا، ءسوز جوق، تيتتەي دە مىزعىماستان تاباندى بولىپ جانە ونى كۇشەيتىپ، جوعارى مەكتەپتەردىڭ پارتيا قۇرىلىسىن ۇزدىكسىز كۇشەيتىپ جانە جاقسارتىپ، جوعارى مەكتەپتەردىڭ پارتيا قۇرىلىسى مەن جوعارى دارەجەلى وقۋ - اعارتۋ ىستەرىنىڭ دامۋىنىڭ تەرەڭ توعىسۋىن ىلگەرىلەتىپ، پارتيانىڭ وقۋ - اعارتۋ ساياساتى مەن پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ جوعارى مەكتەپتەردە ءونىمدى تۇردە دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك. يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، جوعارى مەكتەپتەردىڭ پارتيا ىستەرى قىزمەتى مەن يدەيالىق - ساياسي قىزمەتى قوسىنىن تولىقتاپ سەپتەپ، كۇشەيتىپ قۇرىپ، جوعارى مەكتەپتەردىڭ يدەيالىق - ساياسي قىزمەتىن جاقسى ىستەپ، پارتيانىڭ جاسامپاز نازارياسىنىڭ وقۋلىققا، ساباقحاناعا كىرۋىن، وي - ساناعا ۇيالاۋىن ىلگەرىلەتىپ، سوتسياليستىك وزەكتى قۇن كوزقاراسىن ىشكەرىلەي جەتىلدىرۋ جانە ونى امالياتتا ايگىلەۋ كەرەك. جوعارى مەكتەپتەردىڭ نەگىزگى ساتى پارتيا ۇيىمىنىڭ جالىندى ومىرشەڭدىگىن جاپپاي كۇشەيتىپ، وقىتۋشى - وقۋشى پارتيا مۇشەلەرىنىڭ اۆانگارد ونەگەلىك رولىن ويداعىداي ساۋلەلەندىرۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى شىن مانىندە اتقارىپ، جوعارى مەكتەپتەردىڭ پارتيا قۇرىلىسى قىزمەتىنە كوڭىل ءبولۋدىڭ، قولداۋدىڭ، ىلگەرىلەتۋدىڭ پارمەندى بىرىككەن كۇشىن ۇيىستىرىپ، قالىپتاستىرىپ، جوعارى مەكتەپتەردىڭ پارتيا قۇرىلىسى قىزمەتىنىڭ جوعارى ساپالى جۇيەسىن قالىپتاستىرىپ، جوعارى مەكتەپتەردىڭ جوعارى ساپالى دامۋىنا جەتەكشىلىك ەتىپ، ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلىپ جەتىلدىرۋ بورىشىن، مىندەتىن شىن مانىندە ويداعىداي تياناقتاندىرۋ كەرەك. جوعارى مەكتەپ نەگىزگى ساتى پارتيا ۇيىمدارى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى وراي ەتىپ، پارتيا تاريحىن ۇيرەنۋ تاربيەسىن مۇقيات ورىستەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، تەرەڭدەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم جاقسى ۇيرەنۋى، دايەكتىلەندىرۋى كەرەك.
