انار بۇلت/شينجياڭ گازەتىنىڭ ءتىلشىسى لياڭ ليحۋا 2 - ايدىڭ 27 - كۇنى ۇرىمجىدەن حابارلايدى. ”جاۋاپتىڭ مازمۇنى ەگجەي - تەگجەيلى، ناقتى ەكەن، بۇل ۇسىنىستى تولىق تۇراقتاندىرۋ“. 2 - ايدىڭ 25 - كۇنى مەملەكەتتىك ساياسي كەڭەستىڭ شينجياڭدا تۇراتىن مۇشەسى دىڭ حۇڭ بىلتىر مەملەكەتتىك ساياسي كەڭەس ماجىلىسىندە ورتاعا قويعان «شينجياڭ جۇڭگوشا شيپاگەرلىك، دارىگەرلىك داشۋەسىن قۇرۋ جونىندەگى ۇسىنىسىنا» وقۋ - اعارتۋ مينيسترلىگىنىڭ جازباشا جاۋابىن تاپسىرىپ العاندىعىن تىلگە العاندا، اسەرلى كوڭىل كۇيىن باسا الماي جۇرگەنىن بايقاتتى.
دىڭ حۇڭ اۆتونوميالى رايونداعى قازىر بار جۇڭگوشا شيپاگەرلىك، دارىگەرلىك وقۋ - اعارتۋ، ەمدەۋ، عىلمي زەرتتەۋ بايلىعىن بىرىكتىرىپ، شينجياڭ جۇڭگوشا شيپاگەرلىك، دارىگەرلىك داشۋەسىن قۇرىپ، جىبەك جولى ەكونوميكالىق بەلدەۋىنىڭ وزەكتى رايونىنداعى جۇڭگوشا شيپاگەرلىك، دارىگەرلىكتىڭ عىلمي تۇعىرىن بىرتىندەپ قۇرۋدى ۇسىنىس ەتكەن بولاتىن. وسى ۇسىنىسقا بىلتىر 12 - ايدىڭ 3 - كۇنى وقۋ - اعارتۋ مينيسترلىگى جاۋاپ بەردى: اۆتونوميالى رايوننىڭ قازىر بار جۇڭگوشا شيپاگەرلىك، دارىگەرلىك تۇرىندەگى جوعارى وقۋ - اعارتۋ جانە عىلمي زەرتتەۋ قۇرىلىمدارىن ءبىر تۇتاس جوسپارلاۋىنا قولداۋ كورسەتۋ نەگىزىندە، شينجياڭ جۇڭگوشا شيپاگەرلىك، دارىگەرلىك داشۋەسىن قۇرۋدىڭ قاجەتتىلىگىنە، جۇزەگە اسۋ مۇمكىندىگىنە تەكسەرۋ - زەرتتەۋ جۇرگىزىپ جانە تۇجىرىم جاساپ، مەكتەپتىڭ وقىتۋ سيپاتى، وقىتۋ دەڭگەيى، وقىتۋ دارەجەسى، ءپان ماماندىعىن بەلگىلەۋى، وقىتۋشىلار قوسىنى قۇرىلىسى، دارىندى باۋلۋ ۇلگىسى جانە باسقارۋ ءتۇزىلىسى سياقتىلاردى ونان ارى ايقىنداپ ءارى وسى نەگىزدە ەگجەي - تەگجەيلى قۇرۋ جوباسىن العا قويىپ، ءتارتىپ بويىنشا شينجياڭنىڭ ”14 - بەسجىلدىق“ جوعارى مەكتەپ قۇرۋ جوباسىنا ەنگىزۋگە ءوتىنىش ەتىپ ءارى ۇسىنىلىم تەبىنىن ونان ارى ارتتىرىپ، وقىتۋ، عىلمي زەرتتەۋ ورەسى مەن وقىتۋ شارت - جاعدايىن جوعارىلاتىپ، ءارقايسى جاقتارداعى شارت - جاعداي پىسىپ - جەتىلگەننەن كەيىن قۇرۋ ءوتىنىشىن رەسمي العا قويۋ كەرەك، سول كەزدە وقۋ - اعارتۋ مينيسترلىگى زاڭ بويىنشا، بەلگىلەمە بويىنشا تەكسەرىپ بەكىتەدى.
تەكسەرۋ - زەرتتەۋ بارىسىندا دىڭ حۇڭ مىنانى ۇعىستى: رايونىمىزدىڭ جۇڭگوشا شيپاگەرلىك، دارىگەرلىك دارىندىلارىنىڭ كەمدىگى ءبىرشاما زور، نەگىزگى ساتى ەمدەۋ قۇرىلىمدارىندا تىپتەن كورنەكتى، تۇتاس شينجياڭدا قازىر جۇڭگوشا شيپاگەرلىك تۇرىندە جۇمىس جۇرگىزەتىن كاسىپتىك شيپاگەرلەردەن (كومەكشى) 7000نان استامى بار، ءار جىلى ءوز كۇشىنە سۇيەنىپ باۋليتىن جۇڭگوشا شيپاگەرلىك، دارىگەرلىك دارىندىلارى 300 اينالاسىندا، ال تۇتاس رايونداعى مولشەرمەن ۇشتەن ءبىر اۋداندا ۇكىمەتتىك جۇڭگوشا شيپاگەرلىك، دارىگەرلىك ەمدەۋ قۇرىلىمدارى قۇرىلماعان. دىڭ حۇڭ ورىن تەۋىپ وتىرعان ماسەلەلەرگە مەڭزەس ناقتىلى ۇسىنىس بەردى، تاياۋ بولاشاقتا، ءسوزسىز، شەشىم تاباتىندىعىنا سەنەتىندىگىن ايتتى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگوشا شيپاگەرلىك، دارىگەرلىك ءوزىنىڭ وزگەشە باسىمدىعىنا سۇيەنىپ، ىندەتتەن ساقتانۋ - تىزگىندەۋ مەن ناۋقاستاردى قۇتقارۋ - ەمدەۋگە جالپى بارىستا ات سالىسىپ، ەمدەپ ساۋىقتىرۋ مولشەرىن ايرىقشا جوعارىلاتىپ، اۋرۋدان قايتىس بولۋ سالىستىرماسىن تومەندەتىپ، حالىقارالىق قوعامنىڭ مويىنداۋىنا يە بولدى. ”ءبىز ورايدى يگەرىپ، شينجياڭنىڭ جۇڭگوشا شيپاگەرلىك، دارىگەرلىك ىستەرىنىڭ ەمدەۋ - دەنساۋلىق قورعاۋ، عىلمي زەرتتەۋ، وقۋ - اعارتۋ، كاسىپ سالاسى، مادەنيەت سىندى ”التىنى ءبىر تۇلعالاندىرۋ“ ۇلگىسى بويىنشا جوعارى ساپالى دامۋىن ىلگەرىلەتەمىز“، - دەدى دىڭ حۇڭ.
