تيانشان تورى   ›   ۇيرەنۋ   ›   شولۋ

كۇللى الەمدى جالت قاراتقان ۇلى تابىس، تاريح بەتىندە ايشىقتالعان دۇنيە كەرەمەتى

− باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  بۇل − جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى!

  جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قارسى الۋ ماڭىزدى ساتىندە، باس شۋجي شي جينپيڭ مىنانى ايبىندى تۇردە جاريالادى: ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى، قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلىك قاتارىنان شىعارىلدى، وڭىرلىك جالپىلاي كەدەيلىك شەشىلىپ، مۇلدە كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى!

  2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭدە سالتاناتپەن وتكىزىلدى. باس شۋجي شي جينپيڭ جينالىستا ماڭىزدى ءسوز سويلەپ، پارتيا مەن مەملەكەت ىستەرىنىڭ دامۋ جالپى جاعدايىنىڭ ستراتەگيالىق بيىگىندە تۇرىپ، كەدەيلىكتەن ارىلتۋدان قامال الۋدا قول جەتكەن ۇلى ناتيجەلەردى تولىق تۇراقتاندىرىپ، كەدەيلىكتەن ارىلتۋدان قامال الۋدىڭ شۇعىلالى بارىسى مەن قىمباتتى تاجىريبەلەرىن تەرەڭ قورىتىندىلادى، كەدەيلىكتەن ارىلتۋدان قامال الۋدىڭ ۇلى كۇرەسىندە شىڭدالىپ قالىپتاسقان كەدەيلىكتەن ارىلتۋدان قامال الۋ رۋحىن تەرەڭ ءتۇسىندىردى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرۋ، جالپى حالىقتىڭ بىرگە بايۋىن جەبەۋ جونىندە ايقىن تالاپتار قويىپ، جۇڭحۋا ۇلاندارىنىڭ ارمانعا قۇلاش ۇرۋ، ارماندى ورىنداۋ بەكىمى مەن سەنىمىن بارىنشا سەرپىلتتى، 100 ميلليونداعان حالىقتىڭ توقتاۋسىز كۇرەس جۇرگىزۋ جىگەرى مەن ارىنىن بارىنشا قاۋلاتتى.

  جۇڭگو تاريحى − جۇڭحۋا ۇلتىنىڭ كەدەيلىكپەن كۇرەسۋ تاريحى. جۇڭحۋا ۇلتى كەدەيلىكتەن ارىلۋدى، كويلەك كوك، قارىن توق بولۋدى ەرەكشە اڭسادى، اسىرەسە، تاياۋ زاماننان بەرى كەدەيلىك قامىتى جۇڭگو حالقىن تىپتەن قاتتى مازالاي ءتۇستى. كەدەيلىكتەن ارىلۋ جۇڭگو حالقىنىڭ تالماي تالپىنعان ارمانىنا ءارى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ماڭىزدى مازمۇنىنا اينالدى. جۇڭگو كوممۋنيستىك پارتياسى قۇرىلعان كۇننەن باستاپ جۇڭگو حالقىنىڭ باقىتىن كوزدەۋدى، جۇڭحۋا ۇلتىن گۇلدەندىرۋدى اۋەلگى ماقسات، بورىش ەتۋگە تاباندى بولدى. 100 جىلدان بەرى جۇڭگو كوممۋنيستىك پارتياسى بۇكىل ەلدەگى ءار ۇلت حالقىن قابىرعادان قان كەشە كۇرەس جۇرگىزۋگە، كۇشەيۋ جولىندا جىگەر كورسەتۋگە، رەفورما جاساۋ، ەسىك اشۋعا ىنتىماقتاستىرىپ، باستاپ، حالىقتىڭ تاماشا تۇرمىسىن جۇزەگە اسىرۋ جولىندا ۇزاق ۋاقىت جاپالى كۇرەس جۇرگىزىپ، كەدەيلىكتى ازايتۋدىڭ جۇڭگوشا جولىنا ءتۇسىپ، كەدەيلىككە قارسى تۇرۋدىڭ جۇڭگوشا نازارياسىن قالىپتاستىرىپ، جۇڭحۋا ۇلتىن مىڭداعان جىلدار بويى مازالاپ كەلگەن مۇلدە كەدەيلىك ماسەلەسىن شەشۋدە ۇلى تاريحي تابىسقا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتى.

  پارتيانىڭ قۇرىلعاندىعىنا 100 جىل تولعاندا، ميللياردتان استام حالىققا يگىلىك جەتكىزەتىن اناعۇرلىم جوعارى دەڭگەيدەگى دوڭگەلەك داۋلەتتى قوعام ورناتۋ − پارتيامىزدىڭ حالىققا، تاريحقا بەرگەن ايبىندى ۋادەسى. ”دوڭگەلەك داۋلەتكە جەتتىك پە، جەتپەدىك پە، باستىسى، اۋىلداستارعا قاراۋ كەرەك، تەتىك كەدەي اۋىلداستاردىڭ كەدەيلىكتەن ارىلعان - ارىلماعاندىعىندا“. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام ورناتۋدىڭ تومەنگى شەكتىك مىندەتى ەتىپ، كەدەيلىكتەن ارىلتۋدان قامال الۋدىڭ دابىرالى حالىقتىق شايقاسىن ۇيىمداستىرىپ ورىستەتتى. 8 جىلدان بەرى باس شۋجي شي جينپيڭ قارلى بورانعا، شىلىڭگىر ىستىققا قاراماستان، باتپاق جولدارمەن ءجۇرىپ، كەدەيلەردى سۇيەمەلدەۋ قىزمەتى جونىندە 50 نەشە رەت تەكسەرۋ - زەرتتەۋ جۇرگىزدى، شوعىرلى تۇتاسقان 14 ەرەكشە كەدەي ءوڭىردى ارالادى؛ ءوزى قولباسشىلىق ەتىپ، ءوزى ساپارعا شىعىپ، ءوزى شايقاستى قاداعالاپ، ورتالىقتىڭ كەدەيلەردى سۇيەمەلدەۋ قىزمەتى اڭگىمە ءماجىلىسىن ىلگەرىندى - كەيىندى 7 رەت باسقارىپ اشىپ، كوپ رەت ماجىلىستەردى باسقارىپ اشىپ، كەدەيلىكتەن ارىلتۋدان قامال الۋ قىزمەتىن اقىلداستى، ورنالاستىردى. حالىق كوسەمى قاشاندا كەدەي بۇقارانى ەسىنەن شىعارمادى، قاشاندا اۋىلداستارعا جاقسى تۇرمىس كەشىرتۋدى ويلادى، كەدەيلەردى سۇيەمەلدەۋشى ميلليونداعان كادرلار دەن قويا ۇلەس قوسىپ، قاجىرلىلىقپەن ىستەدى، شىنايى ىستەدى، 100 ميلليونداعان حالىق ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەسىپ، كەدەيلىك ىشىندەگى كەدەيلىكتى، قامال ىشىندەگى قامالدى ءبىر - بىرلەپ تالقاندادى. مەيلى قارلى القاپ، ءۇستىرت، قۇبا ءتۇز، ءشول - جازيرا بولسىن، الدە جالاما جارتاس، تاستاقتى تاۋلى وڭىرلەر بولسىن، كەدەيلىكتەن ارىلتۋدان قامال الۋدىڭ شۇلەن شۇعىلاسى بارلىق جەردى نۇرلاندىردى، سانسىز ادامنىڭ تاعدىرى وسى سەبەپتەن وزگەردى، سانسىز ادامنىڭ ارمانى وسى سەبەپتەن جۇزەگە استى، سانسىز ادام وسى سەبەپتەن باقىتقا جەتتى، كەدەيلىكتەن ارىلعان وڭىرلەردىڭ بارلىق جەرىندە اۋىلدا زور وزگەرىس بولعان، تاۋ مەن سۋ كورىكتەنگەن ءداۋىر كارتيناسى جارىققا شىقتى.

  كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزۋ پارتيامىزدىڭ حالىقتى ىنتىماقتاستىرىپ، باستاپ تاماشا تۇرمىس جاراتۋ، بىرگە بايۋدى جۇزەگە اسىرۋ جولىندا نىق تا ارشىندى قادام تاستاعاندىعىن كورسەتەدى. اۋىل - قىستاقتاعى كەدەي حالىق بۇكىلدەي كەدەيلىكتەن ارىلىپ، كىرىس دەڭگەيى كورنەكتى جوعارىلاپ، تۇگەلدەي ”ەكىدەن تارىقتىرماۋ، ءۇشتى قامتاماسىز ەتۋدى“ جۇزەگە اسىرىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىن جۇزەگە اسىرۋعا شەشۋشى ۇلەس قوستى؛ كەدەيلىكتەن ارىلعان وڭىرلەردىڭ ەكونوميكالىق، قوعامدىق دامۋى ارشىندى قاداممەن جەتىسىپ، جول ءجۇرۋ قيىن بولۋ، سۋ ءىشۋ قيىن بولۋ، توك ىستەتۋ قيىن بولۋ، حابارلاسۋ قيىن بولۋ، وقۋعا ءتۇسۋ قيىن بولۋ، اۋرۋ كورسەتۋ قيىن بولۋ سياقتى ماسەلەلەر تاريحي شەشىمىن تاۋىپ، جالپى تۇلعالىق بەت - بەينەسىندە تاريحي زور وزگەرىس تۋىلدى؛ كەدەيلىكتەن ارىلعان بۇقارانىڭ رۋحاني بەت - بەينەسى مۇلدە جاڭارىپ، سەنىمدەرى ءتىپتى دە كۇشەيىپ، ويلارى ونان ارى جاندانىپ، قايراتتارى ونان ارى تاسقىنداپ، دەربەس ءوزىن - ءوزى الۋەتتەندىرۋ سەنىمى، باتىلدىعى ارتتى؛ پارتيا مۇشەلەرى مەن بۇقارانىڭ، كادرلار مەن بۇقارانىڭ بايلانىسى كورنەكتى جاقسارىپ، ءار دارەجەلى پارتيا ۇيىمدارى مەن قالىڭ كوممۋنيستىك پارتيا مۇشەلەرى بورىشىن وتەۋگە جالىندى ارىنمەن اتتاندى، ارەكەتتەرى ارقىلى ۋادەلەرىن ورىندادى، قالىڭ كەدەيلەردى سۇيەمەلدەۋ كادرلارى زەيىن - زەردەسىن، اشتى تەرلەرىن اسقار تاۋلار مەن اساۋ وزەندەرگە، سانسىز وتباسىلارعا جۇمساپ، پارتيانىڭ اۋىل - قىستاقتارداعى بيلىك نەگىزى اناعۇرلىم بەكەمدەلدى؛ كەدەيلىكتى ازايتۋ بويىنشا جونگە سالۋدىڭ جۇڭگو ۇلگىسىن جاساپ، «بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن تارتىبىندەگى» كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، بۇكىل دۇنيە ءجۇزىنىڭ كەدەيلىكتى ازايتۋ ىستەرىنە كەلەلى ۇلەس قوستى. ەلىمىزدىڭ كەدەيلىكتەن ارىلتۋدان قامال الۋدا كۇللى دۇنيە كوز تىككەن ۇلى تابىستارعا قول جەتكىزۋى جۇڭحۋا ۇلتىنا، تۇتاس ادامزاتقا ەلەۋلى ماڭىزى بار وسى ۇلى ءىستىڭ ادامزات قوعامىنىڭ دامۋ تاريحىنا ابدەن جازىلاتىندىعىن، سونداي - اق دۇنيە جۇزىنە جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمىنىڭ ابزالدىلىعىن ابدەن دالەلدەگەندىگىن تولىق ءتۇسىندىردى.

  ءبىز اسقار تاۋلار مەن اساۋ وزەندەردەن وتتىك، الايدا ءالى دە تاۋ اسىپ، تاس باسۋىمىز قاجەت. كەدەيلىكتەن ارىلتىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. ساپار ۇزاق، تەك كۇرەس جاساۋ كەرەك. ماڭگى قاجىمايتىن رۋحاني كۇيمەن، العان بەتىنەن قايتپايتىن كۇرەس جۇرگىزۋ بەينەسىمەن، قولايلى جاعدايدان ۇتىمدى پايدالانىپ، كۇش ۇستىنە كۇش قوسىپ، شىنايى يگەرىپ، ناقتى ىستەپ، بەرىلە شوگەلدىكپەن ىستەسەك، ءسوز جوق، جاپپاي سوتسياليستىك وسىزاماندانعان مەملەكەت قۇرۋ سىندى تاريحي اسقاق مۇراتتى جۇزەگە اسىرىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا تارتا الامىز!

(شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.