□ شينجياڭ گازەتىنىڭ ءتىلشىسى ابدۇكەرىم سەيتنياز
پومپەو تەكتەستەر قولدان جاساعان ”عاسىرلىق وسەك - اياڭ“ بارىپ تۇرعان سوراقىلىق. شينجياڭدا تۋىپ - وسكەن شينجياڭدىق رەتىندە مەن ءار ۇلت حالقىمەن بىرگە بۇنى قاتاڭ جازعىرامىن جانە وعان باتىل قارسى تۇرامىن!
مەن جۇڭحۋا ۇلتىنىڭ ۇلى شاڭىراعىندا جاساعانىما قۋانامىن، ءوزىمنىڭ وسىناۋ ۇلى داۋىردە جاساعانىما قۋانامىن، ءوزىمنىڭ جۇڭگولىق بولعانىم ءۇشىن شاتتانامىن، وتانىمنىڭ قۇدىرەتتىلىگىن ماقتانىش ەتەمىن. اينالامدا تۋىلعان وراسان زور وزگەرىستەردەن كوكىرەگىمدى ءاردايىم وتانعا دەگەن العىس سەزىمى كەرنەيدى.
مەن ءپىشان اۋدانى دالانكارىز اۋىلىنداعى ءبىر قىستاقتا تۋدىم، باستاۋىش مەكتەپتى بىتىرۋگە تاياعاندا وتباسىمىزبەن اۋدان ورتالىعىنا كوشىپ كەلدىك. 1983 - جىلى مەن جوعارى مەكتەپ ەمتيحانىنا قاتىناسىپ، شينجياڭ داشۋەسىنىڭ بيولوگيا فاكۋلتەتىنە قابىلداندىم، ماماندىق ساباقتارىن جاقسى وقۋمەن قاتار، مەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋگە كۇش سالدىم. 1987 - جىلى داشۋەدەن وقۋ تاۋىسقان سوڭ شينجياڭ گازەتى مەكەمەسىنە قىزمەتكە ءبولىندىم. گازەتحانادا مەن ءبىر جاعىنان، اعا بۋىنداردان اقپاراتتىق كاسىبي بىلىمدەردى ۇيرەندىم؛ ەندى ءبىر جاعىنان، ءتۇرلى ۇيرەنۋ كۋرستارى ارقىلى اقپاراتتىق كاسىبي دەڭگەيىمدى كوتەردىم. 1991 - جىلى مەن داڭقپەن جۇڭگو كوممۋنيستىك پارتياسىنا مۇشە بولدىم.
ىندەتتەن ساقتانۋ - تىزگىندەۋ كەزىندە مەن مەملەكەتىمىزدىڭ قۇدىرەتتىلىگى مەن وتان ۇلى شاڭىراعىنىڭ جىلۋىن سان مارتە قايتالاي، شىنايى سەزىندىم. پارتيا بۇكىل ەلدەگى ءار ۇلت حالقىن ىنتىماقتاستىرىپ، باستاپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق تابىسىنا قول جەتكىزدى.
ءبىزدىڭ جانىمىزدا پارتيا مۇشەلەرى مەن الەۋمەتتىك اۋماق كادرلارى، ەرىكتىلەر اتويلاپ الداپ ءجۇرىپ، قيىندىقتان، قاتەردەن تايسالماي، تۇرعىندار ءۇشىن قىزمەت وتەپ، كوكونىس، جەمىس - جيدەكتەردى ۇيلەرىمىزگە جەتكىزىپ بەردى، كىمدە قيىنشىلىق بولسا دەرەۋ ونى شەشۋگە كومەكتەستى...
ال پومپەو تەكتەستەردىڭ امەريكا حالقىنىڭ اماندىعىمەن ساناسپاي باسقالارعا قوقاڭدايتىن قانداي قاقىسى بار؟ پومپەونىڭ شينجياڭعا ساياتىن ساندىراقتارى ءوزىنىڭ اتى شۋلى ”ديپلوماتيالىق مۇراسىنا“ كەتپەس داق سالعاننان باسقا دانەڭە ەمەس. مەن پومپەو تەكتەستەرگە ءبىزدىڭ تاماشا تۇرمىسىمىزدى ەشكىمنىڭ بۇلدىرە المايتىندىعىن قايتالاي قاتاڭ ەسكەرتەمىن!
