تيانشان تورى
تيانشان تورى   ›   جاڭالىقتار   ›   شينجياڭ حابارلارى

وسەك - اياڭ قانشا قايتالانسا دا وسەك - اياڭ

  □ اۆتونوميالى رايوندىق ۇلت ىستەرى كوميتەتىنىڭ (ءدىن ىستەرى مەكەمەسى) ورىنباسار مەڭگەرۋشىسى (ورىنباسار مەكەمە باستىعى) مۇحتار اسەن

  جۋىقتا پومپەو شينجياڭعا قيسىنسىز سوقتىعىپ جانە قاساقانا كۇيە جاعىپ، جۇڭگونىڭ ۇلت قاتىناسىن ارانداتتى، نيەتى ايرىقشا سۇرقيا.

  شينجياڭ ەجەلدەن كوپ ۇلت شوعىرلى قونىستانعان، كوپ ءدىن قاتار ءومىر سۇرگەن ءوڭىر، شينجياڭداعى ۇلتتار جۇڭحۋا ۇلتىنىڭ تامىرلاس وتباسى مۇشەلەرى. دىنگە سەنەتىن ازاماتتاردىڭ ءدىني سەنىم ەركىندىگى ۇقىعىنا زاڭ بويىنشا قۇرمەت ەتۋ جانە ونى قورعاۋ − شينجياڭداعى ادامدىق ۇقىق ىستەرىنىڭ دامىپ العا باسۋىنىڭ ماڭىزدى مازمۇنى جانە ماڭىزدى بەينەسى.

  شينجياڭنىڭ تاريحىنا قايىرىلا قاراساق، ءدىن كەزىندە قاناۋشى تاپتىڭ پايدالانعان قۇرالى ەدى، ءار ۇلتتىڭ دىنگە سەنەتىن بۇقاراسى ءدىني سەنىم ەركىندىگى ۇقىعىنان مۇلدە يگىلىكتەنە المايتىن. جاڭا جۇڭگو قۇرىلعاننان كەيىن شينجياڭداعى ءار ۇلت حالقى ەڭسە كوتەرىپ، ازات بولىپ، قوجايىنعا اينالىپ، ءدىني سەنىم ەركىندىگى ۇقىعىنا شىنايى يە بولدى.

  ءدىني قيمىل ورىندارى قورعاۋعا يە بولدى، ورتالىق ۇكىمەت ارناۋلى قارجى بوساتىپ، مەملەكەت جانە اۆتونوميالى رايون دارەجەلى مادەني ەسكەرتكىشتەردى قورعاۋ ورنى تىزىمىنە ەنگىزىلگەن مەشىتتەرگە جوندەۋ جۇرگىزدى. دىنگە سەنەتىن بۇقارانىڭ قالىپتى ءدىني قيمىلدارى تولىق قۇرمەتكە يە بولدى جانە قامتاماسىز ەتىلدى، ازاماتتاردىڭ ءدىني قيمىل ورنى ىشىندە نەمەسە ءدىني ادەت بويىنشا ءوز ۇيىندە ناماز وقۋى، ورازا ۇستاۋى، قۇران وقۋى سياقتىلار زاڭنىڭ قورعاۋىندا بولدى، ەشقانداي ۇيىم نەمەسە جەكە ارالاسقان جوق. 1996 - جىلدان بەرى 2020 - جىلى جاڭا تيپتى ايدارشا ۆيرۋس وكپە قابىنۋ ىندەتى سەبەبىنەن كۇشىنەن قالدىرىلعاننان سىرت، اۆتونوميالى رايون ءار جىلى تۇگەلدەي جالعا الىنعان ۇشاق ورنالاستىردى ءارى شەكارادان كىرىپ - شىعۋ، ەمدەۋ، اس - سۋ سياقتى جاقتاردا جوعارى ساپالى قىزمەت وتەپ، قاجىعا بارۋ قيمىلىنىڭ حاۋىپسىز دە ءتارتىپتى بولۋىنا شىنايى كەپىلدىك ەتىپ، جەرگىلىكتى ورىنداعى شارت - جاعدايى بار ءار ۇلت مۇسىلماندارىنىڭ قاجىلىق جۇمىسىن ءساتتى ورىنداۋىن قامتاماسىز ەتتى. شينجياڭداعى ءار دارەجەلى ۇكىمەتتەر تاعى مەشىتتەردىڭ الەۋمەتتىك قىزمەت كورسەتۋ شارت - جاعدايىن ۇزدىكسىز جاقسارتىپ، سۋ، توك، جول، گاز، حابارلاسۋ، راديو - تەلەۆيزيا، مادەنيەت كىتاپ ءۇيىن مەشىتتەرگە كىرگىزىپ، قالىڭ ءدىن سالاسى قايراتكەرلەرى مەن دىنگە سەنەتىن بۇقارانىڭ قىزۋ قارسى الۋىنا بولەندى.

  وسەك - اياڭ قانشا قايتالانسا دا وسەك - اياڭ. پومپەونىڭ ارەكەتى بارىپ تۇرعان سوراقىلىق، ونىڭ وتىرىگى، وسەگى، جالاسى شينجياڭنىڭ ورنىقتى دامىپ العا باسقان شىندىعىن وزگەرتە المايدى، ونىڭ شينجياڭنىڭ جاراسىمدى، ورنىقتى اسا تاماشا جاعدايىن بۇلدىرۋگە ۇرىنعان پاسىق ارەكەتى ساتسىزدىكپەن تامامدالادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.