□ قۇلجا قالاسى ىلە وزەنى جولى ءمالىسى بايكوشە مەشىتىنىڭ يمامى ابليكىم مامەت
جۋىقتا پومپەو تەكتەستەر شينجياڭعا ساياتىن وسەك - اياڭدى ويدان شىعارىپ، ”شينجياڭ ءىسلام ءدىنىن جانىشتاپ، ءدىني سەنىم ەركىندىگىن تۇنشىقتىرىپ وتىر“ دەپ پالە جاپتى. بۇل وسەك - اياڭنىڭ ەشقانداي نەگىزى جوق، اقىلعا سيمايدى، ويىنا كەلگەنىن كوكىگەندىك. ءدىني قايراتكەر رەتىندە مەن شىندىق ارقىلى ونىڭ وسەك - اياڭىنىڭ ءشيىن شىعارامىن.
شينجياڭدا ءدىني سەنىم ەركىندىگىنىڭ نەگىزگى زاڭدىق پرينسيبى جاپپاي تياناقتانىپ، ازاماتتاردىڭ ءدىني سەنىم ەركىندىگى ۇقىعى تولىق قامتاماسىز ەتىلىپ، دىنگە سەنەتىن ازاماتتاردىڭ ءدىني سۇيىسپەنشىلىگى، سەنىم قاجەتى، سونداي - اق عۇرىپ - ادەتى تولىق قۇرمەتتەلىپ، زاڭدى ءدىني قيمىلدار زاڭنىڭ قورعاۋىندا بولىپ، ءدىني مادەنيەت مۇرالارى ءونىمدى قورعالىپ وتىر. ءبىزدىڭ قالىپتى ءدىني قيمىلدارىمىز زاڭمەن قورعالعان، مۇسىلماندار ناماز وقۋ، ورازا ۇستاۋ، ءدىني مەرەكەلەر وتكىزۋ سياقتىلاردى مەشىتتە جۇرگىزۋىنە دە، ءدىني ادەت بويىنشا ءوز ۇيىندە جۇرگىزۋىنە دە بولادى، بۇل بۇكىلدەي سول ادامنىڭ ءوز ەركىندە، وعان ەشقانداي ۇيىم نەمەسە جەكە ادام كيلىكپەيدى.
مەشىتتەردىڭ شارت - جاعدايى جاپپاي جاقساردى، ۇكىمەت ءبىزدىڭ مەشىتتى جىلۋ جۇيەسى، اۋا رەتتەگىش، تازالىق ءۇيى، سۋمەن شايىلاتىن دارەتحانا سياقتى قۇرىلعىلارمەن جابدىقتاپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن قامتاماسىز ەتتى. جاڭا تيپتى ايدارشا ۆيرۋس وكپە قابىنۋ ىندەتى الدىندا، ۇكىمەت مەديتسينالىق قىزمەتكەرلەردى مەشىتتەردە مەديتسينالىق قىزمەت وتەۋگە ورنالاستىرىپ، دىنگە سەنەتىن بۇقارانى ماسكىمەن، دەنە تەمپەراتۋراسىن ولشەۋمەن تەگىن قامداپ، كاسىبي ادامداردى مەشىتتەردى زارارسىزداندىرۋعا ورنالاستىرىپ، عىلمي ساقتانۋ - قورعانۋ بىلىمدەرىنەن ۇگىت - لەكسيا جاسادى، بۇل شارالار قالىپتى ءدىني قيمىلداردىڭ ءساتتى ورىستەتىلۋىن قامتاماسىز ەتتى.
پومپەونىڭ ۇياتتان بەزگەن ارسىزدىعى ادامدى جيىركەندىرەدى، ونىڭ سۇرقيا قاسكۇنەمدىگى استە ىسكە اسپايدى.
