تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز كومىر كەندەردى زەردەلىلەندىرۋ قۇرىلىسىن جەدەل ىلگەرىلەتەدى

  انار بۇلت / شينجياڭ گازەتىنىڭ ءتىلشىسى شى شين 2 - ايدىڭ 28 - كۇنى ۇرىمجىدەن حابارلايدى. جۋىقتا اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق توتەنشە جاعدايعا توتەپ بەرۋدى باسقارۋ مەڭگەرمەسى، شينجياڭ كومىر كەن حاۋىپسىزدىگىن باقىلاۋ - تەكسەرۋ مەكەمەسى سياقتى 8 تاراۋ زەردەلىلەندىرۋ تەحنيكاسى مەن كومىر كەن كاسىپ سالاسىنىڭ توعىسپالى دامۋىن ىلگەرىلەتۋ ءۇشىن، «اۆتونوميالى رايوننىڭ كومىر كەندەردى زەردەلىلەندىرۋ قۇرىلىسىن اتقارۋ جوباسىن» (تومەندە قىسقاشا «جوبا» دەلىنەدى) جاسادى.

  «جوبادا» 4 كەزەڭگە ءبولىپ اتقارۋ ايقىندالدى. 2021 - جىلدان 2022 - جىلعا دەيىن زەردەلىلەندىرۋدى ىسكە قوسۋ كەزەڭى، مەملەكەت جاريالاعان رايونىمىزداعى العاشقى توپتاعى 4 زەردەلىلەندىرۋدەن ۇلگى كورسەتۋ كومىر كەنى قۇرىلىسىن ءتۇيىن ەتىپ، كومىر كەندەردى زەردەلىلەندىرۋدى جەدەل ىلگەرىلەتەدى، 2022 - جىلدىڭ سوڭىندا 15تەن استام زەردەلىلەندىرىلگەن ۇلگى كورسەتۋ كومىر كەنىن سالۋعا قۇلشىنادى.

  2023 - جىلدان 2025 - جىلعا دەيىن جاپپاي ىلگەرىلەتۋ كەزەڭى، 2023 - جىلدىڭ سوڭىنا جەتكەندە تۇتاس رايونداعى كومىر كەندەردىڭ زەردەلىلەندىرىپ اشقان كومىر ءونىم مولشەرى %70تەن استامعا جەتەدى. 2025 - جىلدىڭ سوڭىندا تۇتاس رايونداعى كومىر كەندەر زەردەلىلەندىرۋ قۇرىلىسىن نەگىزىنەن اياقتاتادى. حاۋىپسىز ناقتى ۋاقىتتا حابارلاسۋ جانە جەر استىنداعى دالمە - ءدال ورىندا قىزمەت كورسەتۋى، كەن جولىندا زەردەلى جىلدام قازۋ، كەن اشۋ جۇمىس بەتىن زەردەلى سايكەستىرىپ مەڭگەرۋ، كومىر جەتكىزۋ جانە قوسىمشا تاسىمالداۋ، جالپىلىق باسقارۋ، كومىردى سۇرىپتاۋ، كومىر كەن زاۆود اۋماعى جانە جاسىل ەكولوگيالىق زەردەلى جۇيە سياقتى جاقتاردا زەردەلىلەندىرۋدى جۇزەگە اسىرادى؛ كومىر كەننىڭ ءتۇيىندى جۇمىس ورىندارىندا قۇلتەمىرمەن جۇمىس ىستەۋدى جۇزەگە اسىرادى، ماڭىزدى بۋىنداردا، اسا حاۋىپتى جۇمىس تارتىبىندە ادامسىز جۇمىس ىستەۋدى جۇزەگە اسىرادى؛ تولىق، سايكەستى زەردەلىلەنگەن ءوندىرۋ، باسقارۋ جۇيەسىن قالىپتاستىرىپ، ءبىر توپ زەردەلىلەندىرىلگەن كومىر كەن قۇرادى.

  2026 - جىلدان 2030 - جىلعا دەيىن بەكەمدەۋ، جوعارىلاتۋ كەزەڭى. 2030 - جىلعا جەتكەندە تۇتاس رايونداعى كومىر كەندەر بارلىق ينفورماتسيالاردى ءدالمە - دال، دەر كەزىندە جيناۋدى، جوعارى سەنىمدىلىكپەن جەلىلەندىرىپ تاسىمالداۋدى، جۇيەلىلەندىرىپ ينفورماتسيا توپتاۋدى، ناقتى ۋاقىتتا كورنەكتى ايگىلەۋدى، ءوندىرىس بۋىنىندا اۆتوماتتاندىرىپ جۇرگىزۋدى نەگىزىنەن جۇزەگە اسىرىپ، كوپ كاسىپ سالاسى تىزبەگى، كوپ جۇيە شوعىرلانعان كومىر كەندەردى زەردەلىلەندىرۋ جۇيەسىن قالىپتاستىرىپ، زەردەلى بايقايتىن، زەردەلى شەشىم جاسايتىن، اۆتوماتتى اتقاراتىن زەردەلىلەنگەن كومىر كەن جۇيەسىن نەگىزىنەن ورناتادى.

  2035 - جىلعا جەتكەندە زەردەلى كومىر كەندى تىرەك ەتكەن كومىر كەن ونەركاسىپ جۇيەسىن جاپپاي ورناتىپ، ءتۇرلى كومىر كەندەر زەردەلىلەندىرۋدى جۇزەگە اسىرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.