اۆتونوميالى رايون پىكىر باسىپ تاراتتى
ساۋداگەر شاقىرىپ، قارجى ەنگىزۋدى كۇشەيتىپ، جوعارى ساپالى دامۋعا دەم بەرەيىك
انار بۇلت / شينجياڭ گازەتىنىڭ ءتىلشىسى حي حۇڭۋي 2 - ايدىڭ 28 - كۇنى ۇرىمجىدەن حابارلايدى. جۋىقتا اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ ساۋداگەر شاقىرىپ، قارجى ەنگىزۋ قىزمەتىن كۇشەيتۋ جونىندەگى پىكىردى» )تومەندە قىسقارتىلىپ «پىكىر» دەلىنەدى( باسىپ تاراتىپ، مۇناي، مۇناي حيميا، كومىر، كومىر حيميا ونەركاسىبى، ساياحات كاسىبى سياقتى 10 ءىرى كاسىپ سالاسى تىزبەگىن ۇزارتۋ، تىزبەگىن تولىقتاۋ، تىزبەگىن كۇشەيتۋ فورماسىندا ساۋداگەر شاقىرۋىن ءتۇيىندى مىقتى يگەرىپ، ساۋداگەر شاقىرىپ، قارجى ەنگىزۋ شاراسىن جاڭالاپ، قارجى قوسۋ ورتاسىن ۇزدىكسىز جاقسارتىپ، رايونىمىزدىڭ كاسىپ سالاسى دەڭگەيىنىڭ تومەن دەڭگەيدەن جوعارى دەڭگەيگە، ارتۋ قوزعاۋشى كۇشىنىڭ فاكتور ارقىلى دەم بەرۋدەن جاڭالىق اشۋ ارقىلى دەم بەرۋگە بۇرىلىس جاساۋىن ىلگەرىلەتىپ، ەكونوميكانىڭ جوعارى ساپالى دامۋىن ىلگەرىلەتۋدى العا قويدى.
«پىكىردە» مىنالار العا قويىلدى: زاڭعا، ەرەجەگە ساي، جاسامپازدىققا يە، جالپىعا ءتيىمدى ساۋداگەر شاقىرىپ، قارجى ەنگىزۋ تيىمدىلىك ساياساتىن جاساپ، شىعارىپ، ساۋداگەر شاقىرىپ، قارجى ەنگىزۋدەگى تياناقتانعان نىسانداردى قولداۋ، سيلاۋ؛ فينانستىق تىرەكتى كۇشەيتىپ، قارجى قۇراۋ ۇلگىسىن جاڭالاپ، ءتۇرلى فينانس قۇرىلىمدارىن قىزمەت وتەۋ ۇستانىمىن اناعۇرلىم جاڭالاۋعا جەتەكتەۋ؛ جەردەن پايدالانۋداعى ساياساتتىق قامتاماسىز ەتۋدى كۇشەيتىپ، نىسانعا پايدالانىلاتىن جەرلەردى، سونداي - اق ونى جوبالاۋدى تەكسەرىپ بەكىتۋ ونىمدىلىگىن جەدەلدەتىپ، ”ولشەمدى جەردى“ ساتىپ بەرۋ ساياساتىن سىناق رەتىندە اتقارۋعا ىزدەنىس جاساۋ؛ دارىندى جاعىنان دەم بەرۋدى كۇشەيتىپ، جوعارى دەڭگەيلى دارىندىلاردى تانۋ جانە ولارعا قولداۋ كورسەتۋ ساياساتىن تياناقتاندىرىپ، كاسىپتىك وقۋ - اعارتۋدى بار كۇشپەن دامىتىپ، ساۋداگەر شاقىرىپ، قارجى ەنگىزۋ نىساندارىنا كاسىپتىك تەحنيكالىق دارىندىلار دايىنداۋ كەرەك. ساۋداگەر شاقىرىپ، قارجى ەنگىزۋ وي جەلىسىن، ءادىسىن جاڭالاپ، كاسىپ سالاسى تىزبەگىنىڭ ساۋداگەر شاقىرۋىن اتقارىپ، باقشا رايوندارىنىڭ ساۋداگەر شاقىرۋ سالاسىندا باتىلدىقپەن جاڭالىق اشۋىنا، الدىمەن اتقارۋىنا، الدىمەن سىناق ەتۋىنە قولداۋ كورسەتىپ، كاسىپ سالاسى ارقىلى شينجياڭعا كومەكتەسۋ سەلبەستىگىن ناقتى ىلگەرىلەتىپ، شەكارا سىرتىندا ساۋداگەر شاقىرىپ، قارجى ەنگىزۋ قيمىلىن بەلسەنە ورىستەتىپ، ءماجىلىس - كورمەنىڭ جاڭادان گۇلدەنگەن كاسىپ سالاسىمەن، باسىمدىققا يە كاسىپ سالاسىمەن توعىسپالى دامۋىن جەدەلدەتىپ، كاسىپ سالاسىنىڭ شوعىرلانۋ اسەرىن كۇشەيتىپ، ماڭىزدى ءتۇيىندى قالالار ارا كاسىپ سالاسىنىڭ ساۋداگەر شاقىرۋ نىساندارىن ءوڭىر اتتاپ اينالىمعا سالۋ جانە مۇددەدەن بىرگە يگىلىكتەنۋ مەحانيزمىن، ت. ب ورناتۋدى سىناق ەتۋ كەرەك.
«پىكىردە» مىنالار باسا دارىپتەلدى: شارۋاشىلىق - ساۋدا ورتاسىن ۇزدىكسىز جاقسارتىپ، ءادىل باسەكەلەسۋ ورتاسىن قالىپتاستىرۋ؛ ۇكىمەت سەنىمدىلىگى قۇرىلىسىن كۇشەيتىپ، ۇكىمەتتىڭ ۋادەسىندە تۇرۋ، ۋادەسىن ورىنداۋ مەحانيزمىن كەمەلدەندىرۋ؛ كاسىپورىندارعا ساياتىن ءتۇرلى قىزمەت وتەۋدى باسقارۋدى ارناعا ءتۇسىرىپ، مال - مۇلىك ۇقىعىن قورعاۋ ءتۇزىمىن جەدەل كەمەلدەندىرىپ، ءتۇرلى مەنشىكتەگى شارۋاشىلىق مال - مۇلىك ۇقىعىن زاڭ بويىنشا ءونىمدى قورعاۋ؛ كاسىپورىندارعا ساياتىن ءتۇرلى تەكسەرۋدى ارناعا ءتۇسىرىپ، باقىلاۋ - باسقارۋ ۇستانىمىنا شىن مانىندە بۇرىلىس جاساپ، باقىلاۋ - باسقارۋ ءتاسىلىن جاڭالاپ، ”ەكى توسىن، ءبىر جاريا“ باقىلاۋ - باسقارۋ ءتاسىلىن جاپپاي جولعا قويۋ كەرەك.
