جاڭا يدەيانىڭ اقىل - پاراسات شۇعىلاسىن سەزىندى
− «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» (2 - بولىك) رايونىمىز كادر - بۇقاراسى اراسىندا كۇشتى اڭىس قوزعادى
□ انار بۇلت / شينجياڭ گازەتىنىڭ تىلشىلەرى
ورتالىق كوميتەت ۇگىت ءبولىمى، ورتالىق راديو - تەلەۆيزيا باس ستانسياسى بىرلەسىپ جاساعان «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» (2 - بولىك) قازىر ورتالىق تەلەۆيزياسىندا قاۋىرت قويىلۋدا. باعدارلاما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن بويسۇنۋ ولشەمى ەتىپ، باس شۋجي شي جينپيڭنىڭ ەڭ جاڭا ماڭىزدى سوزدەرىندە، ماقالالارىندا، اڭگىمەلەرىندە پايدالانعان ارعى زامان كىتاپتارى مەن كلاسسيك ايگىلى سوزدەرگە تۇسىنىك جاساۋ ارقىلى باس شۋجي شي جينپيڭنىڭ جۇڭحۋانىڭ تاڭداۋلى ءداستۇرلى مادەنيەتىنە بولعان تەرەڭ تۇسىنىگىن جانە ودان قابىلداعان ەل باسقارۋ اقىل - پاراساتى ۇستانىمىن جاندى كورسەتىپ، باس شۋجي شي جينپيڭنىڭ حالىققا دەگەن سۇيىسپەنشىلىگىن تەرەڭ كورسەتىپ، كوپشىلىكتىڭ ودان جاڭا يدەيانىڭ اقىل - پاراسات شۇعىلاسىن سەزىنىپ، ونەگە - ءتالىم قابىلداپ، دەڭگەيىن جوعارىلاتۋىنا مۇمكىندىك جاسادى. باعدارلاما جاريالانعاننان كەيىن، كەڭىنەن جاقسى باعاعا يە بولىپ، رايونىمىزداعى ءار ۇلت كادر - بۇقاراسىنىڭ نازارىن ۇزدىكسىز اۋداردى، كۇشتى اڭىس قوزعادى.
”مەن وزىممەن ساناسپاي حالىقتىڭ ءۇمىتىن اقتايمىن“. باعدارلامانىڭ 1 - ءبولىمىن كورگەن سوڭ، اۆتونوميالى رايوندىق جوعارى حالىق سوتى مەكەمەسى ازاماتتىق ىستەر سوتى 3 - كوللوگياسىنىڭ باستىعى جاڭ جياڭحۋا ەرەكشە تەبىرەنىپ: ”جۇڭگو كوممۋنيستەرىنىڭ اۋەلگى ماقساتى مەن بورىشى جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ بولىپ تابىلادى. بۇل اۋەلگى ماقسات پەن بورىش جۇڭگو كوممۋنيستەرىن ۇزدىكسىز العا باسۋعا جەبەپ كەلە جاتقان ءتۇبىرلى قوزعاۋشى كۇش.كوممۋنيستىك پارتيا مۇشەسى رەتىندە مەن پارتيانىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، ءادىليا حالىق ءۇشىن بولۋ اۋەلگى ماقساتىنان اينىماۋ، ءادىليادا ءادىل بولۋ بورىشىن ارقالاۋ يدەيالىق جانە ارەكەت سانالىلىعىن ۇزدىكسىز كۇشەيتىپ، اسقاق ەرىك - جىگەرمەن جانە ناقتى ىستەۋ ستيلىمەن تەرگەۋ قىزمەتىنە ات سالىسىپ، كوممۋنيستەردىڭ ساياسي قاسيەتىن ماڭگى ساقتايمىن“دەدى.
جۇڭگو جۇمىسشى - شارۋا قىزىل ارمياسى باتىس باعىت ارمياسى باس تارماق اترەتى ەسكەرتكىش سارايىنىڭ ءتۇسىندىرۋشىسى لۋ جىنگە «ءوزىن جەڭگەندەر الەمدى جەڭەدى» اتتى 2 - ءبولىم ەڭ تەرەڭ اسەر قالدىرىپتى. لۋ جىن بىلاي دەدى: باتىس باعىت ارمياسى جاۋىنگەرلەرىنىڭ جاۋ الدىندا تىزە بۇكپەي، تاباندىلىقپەن شايقاسقاندىعىنان مەن سەنىم كۇش - قۋاتىنىڭ باتىس باعىت ارمياسىنىڭ باتىسقا جورىق جاساۋداعى رۋحاني تىرەگى بولعاندىعىن، باتىس باعىت ارمياسى قالدىرعان باعالى رۋحاني بايلىق ەكەندىگىن تانىدىم. مەن جۇڭگو كوممۋنيستىك پارتياسىنىڭ حيكايالارىن ۇزدىكسىز جاقسى بايانداپ، باتىس باعىت ارمياسىنىڭ حيكايالارىن جاقسى ايتىپ، قىزىل گەندى ۇرپاقتان - ۇرپاققا اناعۇرلىم جاقسى جالعاي بەرەمىن.
باعدارلامانىڭ «تاريح بەتتەرىندە اتى قالارى حاق، ەلى ءۇشىن جانىن قيعان ادامنىڭ» اتتى 3 - ءبولىمىن كورگەن كەزدە ءۇرىمجى قالاسىنداعى قوسىننان شەگىنگەن اسكەريلەردىڭ شارۋاشىلىق قۇرۋىنا، جۇمىستانۋىنا قىزمەت وتەۋ قوعامىنىڭ باس حاتشىسى ۋاڭ يانجۋدىڭ كوڭىل كۇيى تەبىرەنىسكە تولدى. ”پارتياعا ادال بولۋ اسكەريلەردىڭ بۇلتارماس مىندەتى. اسكەري كيىم كيمەگەنىممەن، مەن ءوزىمنىڭ اسكەري ادام، كوممۋنيست ەكەنىمدى باستان - اياق ەسىمدە ساقتاپ كەلەمىن“. قوسىننان شەگىنگەننەن كەيىن ول 7 جىل مىندەتتى تۇردە قىزمەت ىستەپ، قوسىننان قايتقان سانسىز اسكەريلەردىڭ ”شارۋاشىلىق قۇرۋ ارمانىن“، ”جۇمىستانۋ ارمانىن“ جۇزەگە اسىرۋىنا قول ۇشىن بەردى، ول بىلاي دەدى: ”قوسىننان قايتقان اسكەريلەردىڭ جۇمىستانۋ، شارۋاشىلىق قۇرۋ قىزمەتىن ۇزدىكسىز قۇلشىنا جاقسى ىستەپ، قوسىننان قايتقان اناعۇرلىم كوپ اسكەريلەردىڭ ءوز قۇنىن جۇزەگە اسىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسۋىنا كومەكتەسەمىن“.
”ۇقىق جۇرگىزۋ مەن جاۋاپكەرشىلىك ارقالاۋ تىعىز بايلانىستى، ۇقىق بولعان ەكەن، جاۋاپكەرشىلىك، ءسوزسىز، بولادى“. جاڭا ءشار اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ مەڭگەرۋشىسى حان لۇڭ باعدارلامانىڭ ”ناعىز جانكۇيەرى“، قويىلعاننان قازىرگە دەيىن ءبىر ءبولىمىن قالدىرماي كورىپ كەلەدى، باس شۋجي شي جينپيڭ ايتقان جوعارىداعى ءسوز وعان تەرەڭ اسەر قالدىردى. ول بىلاي دەدى: پارتيا مۇشەلەرى مەن كادرلار جاۋاپكەرشىلىك ارقالاي الۋى، جۇرەكتىلىكپەن ىسكەرلىك كورسەتۋى، ءمانساپتى بولۋدى عانا ويلاپ، جۇمىس ىستەگىسى كەلمەيتىن، كوزگە كورىنۋدى عانا ويلاپ، كۇش جۇمساعىسى كەلمەيتىن، ۇقىق ۇستاۋدى عانا ويلاپ، جاۋاپكەرشىلىك ارقالاعىسى كەلمەيتىن ءىستى ىستەمەۋ كەرەك، ءتارتىپ تەكسەرۋ، باقىلاۋ - تەكسەرۋ كادرلارى جونىنەن ءتىپتى دە وسىلاي. بۇدان بىلاي مەن ”ءمانساپتىلاردىڭ جاۋاپكەرشىلىكتەن قاشۋى ومىرلىك نامىس“ دەگەن سوزبەن ءوزىمدى جىگەرلەندىرىپ، پارتيا مەن حالىق وزىمە جۇكتەگەن داڭقتى بورىشتى اناعۇرلىم جاقسى ارقالايمىن.
ءۇرىمجى قالاسىندا كومپيۋتەر بولشەكتەرى ساۋداسىمەن شۇعىلداناتىن يۇي زىفىڭ ءبىرتالاي كۇننەن بەرى باعدارلامانى ءدال ۋاعىندا كورىپ كەلەدى. ”بۇل باعدارلامادا كوپ نەگىزدى تۇرعى قولدانىلعاندىقتان، وڭاي ورتاق اسەر قالىپتاستىرادى، اسىرەسە، «ايتقانىنان اينىماۋ التىننان دا قادىرلى» اتتى 6 - ءبولىمنىڭ ماعان اسەرى وتە تەرەڭ بولدى“. ول بىلاي دەدى: ”سەنىمدىلىك كاسىپورىن تيجاراتىنىڭ ىرگە تاسى، مەنىڭ ۇرىمجىدە ساۋدا جاساعانىما 20 جىلعا تايادى، تۋ باستاعى شاعىن سورەدەن بۇگىن سەرىكتەستىك قۇرىپ وتىرمىن، مۇنىڭ ءبارى سەنىمدىلىكتىڭ ارقاسى. بۇدان بىلاي سەنىمدىلىكپەن تيجارات جۇرگىزۋگە ۇزدىكسىز تاباندى بولىپ، سەنىمدى قوعام قۇرۋعا ۇلەس قوسامىن“.
جاڭالىق اشۋ ءبىرىنشى قوزعاۋشى كۇش. «ءوزىن تىنباي الۋەتتەندىرگەندەر كۇن سايىن جاڭارادى» اتتى 7 - ءبولىمدى كورگەننەن كەيىن، شينجياڭ اۋىل شارۋاشىلىق عىلىم اكادەمياسى ەكونوميكالىق داقىل زەرتتەۋ ورنىنىڭ اعا زەرتتەۋشىسى، ورىنباسار باستىعى اي شيانتاۋدىڭ كوڭىل كۇيى ۇزاققا دەيىن شارىق ۇردى. ول بىلاي دەدى: ”عىلىم - تەحنيكادا جاڭالىق اشۋدى يگەرۋدە كۇتىپ وتىرۋعا، قاراپ وتىرۋعا بولمايدى، دۇرمەككە ىلەسە كەتۋگە دە بولمايدى. اۋىل شارۋاشىلىعى عىلىم - تەحنيكا قىزمەتكەرلەرى اۋىل شارۋاشىلىعى عىلىم - تەحنيكاسىندا جاڭالىق اشۋدى جانە جەتىستىكتەردى كادەگە جاراتۋدى مىقتاپ يگەرىپ، شينجياڭنىڭ ەرەكشە، باسىم كاسىپ سالاسىنىڭ دامۋىنا تەحنيكالىق جەتەكشىلىك ەتىپ، عىلىم - تەحنيكالىق تىرەك بولۋى كەرەك“.
”باس شۋجي شي جينپيڭنىڭ ءسوزى ەرتەدەگىدەن ءنار الىپ بۇگىنگىمەن توعىسقان، كوكەيىنە حالىقتى ساقتاعان، ونداعى كوپتەگەن’ التىن سوزدەر‘ ەسىمە بەرىك ساقتالىپ قالدى“. باعدارلامانى كورگەننەن كەيىن، شينجياڭ ينجەنەريا شۋەيۋانى ءۇي قۇرىلىسى شۋەيۋانى وقۋشىلار پارتيا ياچەيكاسىنىڭ شۋجيى نۇراحىمەت توقان بىلاي دەدى: مەن ىشكەرىلەي ۇيرەنىپ، ءتۇسىنىپ، وقۋ - وقىتۋ قىزمەتى بارىسىندا قولدانىپ، جاس وقۋشىلاردى مەملەكەتتىڭ، حالىقتىڭ قامىن ويلايتىن تىلەكپەن، وتاندى، حالىقتى سۇيەتىن سۇيىسپەنشىلىكپەن، ۇزدىكسىز وتانعا ۇلەس قوسىپ، حالىققا ۇلەس قوسىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن جاستىق كۇش - قۋاتىن ارناۋعا تاربيەلەيمىن، جەتەكتەيمىن.
(ءتىلشى جاڭ يانفاڭ، قاتىناسقان تىلشىلەر ياڭ شۋحان، جيا چۇنشيا، رىن حۋا، لياڭ ليحۋا، چىن چياڭۋي، جىڭ جو)
