تيانشان تورى   ›   جاڭالىقتار   ›   ماڭىزدى حابارلار

ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى

  ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى

  شي جينپيڭ ەسەپ بەرۋ باياندامالارىن مۇقيات تەكسەرىپ وقىدى جانە ماڭىزدى تالاپ قويىپ، بىلاي دەپ باسا دارىپتەدى: پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرىلعاندىعىنىڭ 100 جىلدىعىن ءىس جۇزىندىك ارەكەتپەن جانە ۇزدىك ناتيجەمەن قۇتتىقتاۋ كەرەك

  شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ شۋجيلەرى ءار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەردى. شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى جانە ماڭىزدى تالاپ قويىپ، بىلاي دەپ باسا دارىپتەدى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالعان جىل. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا ءداۋىر جۇڭگوشا سوتسياليزم يدەياسىن جانە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى تياناق ەتىپ، ۇلى جوسپاردى بۇلجىماي كوزدەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، جاۋاپتى بولعان سالالارداعى قىزمەتتەرگە كورەگەندىكپەن وي جۇگىرتۋدى كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن مۇقيات اتقارىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، باستاماشىلدىقپەن پاك، تەجەمدى بولۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ۇلگى كورسەتۋ، ونەگە بولۋ رولىن اناعۇرلىم ويداعىداي ساۋلەلەندىرىپ، قالىڭ پارتيا مۇشەلەرىن، كادرلاردى اناعۇرلىم جىگەرلەنە ىسكەرلىك كورسەتۋگە ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن وڭىرلەردىڭ، تاراۋلاردىڭ ءار جاقتى قىزمەتتەرىندە شىنايى دايەكتىلەندىرىپ، تياناقتاندىرىپ، پارتيا قۇرىلعاندىعىنىڭ 100 جىلدىعىن ءىس جۇزىندىك ارەكەتپەن جانە ۇزدىك ناتيجەمەن قۇتتىقتاۋ كەرەك.

  قاتىستى جولداستار وتكەن ءبىر جىلداعى يدەيالىق جانە قىزمەت جاعدايىنا جان - جاقتى ساراپتاۋ، قورىتىندىلاۋ جاساپ، قاتاڭ دا شىنايى پوزيتسيامەن جانە وسكەلەڭ جاۋاپتى بولۋ رۋحىمەن قىزمەتتەن ەسەپ بەرۋ بايانداماسىن جازدى. قىزمەتتەن ەسەپ بەرۋ باياندامالارى تاجىريبە - اسەرلەردى قورىتىندىلاپ، ماسەلەلەر مەن ولقىلىقتارعا تالداۋ جاساپ، كەلەلى جاعدايدى ارقاۋ ەتە وتىرىپ كەلەسى قادامداعى قۇلشىنۋ بەتالىسىن ورتاعا قويدى، باستى مازمۇندارى مىناداي.

  ءبىرىنشى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن ناقتى تياناقتاندىرۋعا تاباندى بولىپ، ”ەكىنى قورعاۋدى“ ەڭ جوعارى ساياسي پرينسيپ جانە ءتۇبىرلى ساياسي قاعيدا ەتۋگە قاشاندا تاباندى بولىپ، قورعاۋ سانالىلىعى مەن تاباندىلىعىن ۇزدىكسىز كۇشەيتىپ، قورعاۋ قابىلەتى مەن ناتيجەسىن جوعارىلاتۋ كەرەك.

  ەكىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن باستاماشىلدىقپەن ۇيرەنىپ، ءتۇسىنىپ، جەتە ۇيرەنۋ، جەتە ءتۇسىنۋ، شىنايى تياناقتاندىرۋ جاعىندا قاجىرلىلىقپەن كۇش سالۋعا، ناقتى ناتيجە شىعارۋعا قۇلشىنىپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسۋ بارىسىندا نازاريا ۇيرەنۋدىڭ ناتيجەسىن تەكسەرۋ كەرەك.

  ءۇشىنشى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدى ارقاۋ ەتىپ، پارتيا ورتالىق كوميتەتىنىڭ ءبىر تۇتاس ورنالاستىرۋىندا، جاۋاپتى بولعان سالالارداعى قىزمەتتەردى تىڭعىلىقتى، ويداعىداي ىستەپ، ەل ءىشى - سىرتىنداعى حاۋىپ - قاتەر، سىن - سايىستار كورنەكتى كوبەيگەن كۇردەلى جاعدايعا بايسالدىلىقپەن توتەپ بەرىپ، وزدەرى جاۋاپتى بولعان سالالاردا بەلسەندىلىكپەن مىندەت اتقارىپ، بورىشتى ادا ەتۋ كەرەك.

  ءتورتىنشى، نۇسقاۋ سۇراۋ، مالىمەت بەرۋ ءتۇزىمىن قاتاڭ اتقارىپ، دەموكراتيالىق ورتالىقتاندىرۋ ءتۇزىمىن دايەكتىلەندىرىپ، اتقارىپ، ەلەۋلى ماسەلەلەردىڭ، ەلەۋلى ىستەردىڭ، ماڭىزدى قىزمەتتەردىڭ ىلگەرىلەۋ جاعدايى جونىندە پارتيا ورتالىق كوميتەتىنەن جانە باس شۋجي شي جينپيڭنەن سانالى تۇردە نۇسقاۋ سۇراپ جانە مالىمەت بەرىپ، جاۋاپتى بولعان سالالاردا، جاۋاپتى بولعان قىزمەتتەردە دەموكراتيانى تولىق ساۋلەلەندىرىپ، دۇرىس ورتالىقتاندىرۋ جۇرگىزۋ كەرەك.

  بەسىنشى، پارتيانى جاپپاي قاتاڭ جونگە سالۋ تالابىن باتىل دايەكتىلەندىرىپ، تياناقتاندىرىپ، ورتالىقتىڭ 8 ءتۇرلى بەلگىلەمەسىنىڭ رۋحىن قاتاڭ اتقارىپ، قاتاڭ بولۋدى ماڭداي الدى ورىنعا قويۋعا تاباندى بولىپ، پارتيانى باسقارۋ، پارتيانى جونگە سالۋ تۇلعالىق جاۋاپكەرشىلىگىن تياناقتاندىرۋ. فورماشىلدىقتى، تورەشىلدىكتى وڭاۋدى، جونگە سالۋدى تەرەڭدەتۋ. وزىنە، جاقىندارىنا جانە جانىنداعى قىزمەتكەرلەرگە قاتاڭ تالاپ قويىپ، تازا، تۋراشىل، كىرشىكسىز ساياسي قاسيەتتى ساقتاۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.