تيانشان تورى   ›   جاڭالىقتار   ›   شينجياڭ حابارلارى

پارتيا شينجياڭدا جاپون شاپقىنشىلارىنا قارسى ۇلتتىق بىرلىكساپ شەبىن قۇردى

  جەلبىرەگەن قىزىل تۋ

  1934 - جىلى

  9 - ايدا پارتيانىڭ كوممۋنيستىك ينتەرناتسيونالدا تۇراتىن ۋاكىلدەر ۇيىرمەسى ماسكەۋدەن پارتيا ورتالىق كوميتەتىنە حات جازىپ، ”سىچۋان - شانشي سوۆەتتىك رايونىنىڭ شينجياڭمەن بايلانىسىن اشۋدى“ تالاپ ەتىپ، بۇل ”جۇڭگو توڭكەرىسىندە ۇلى ءمان الاتىن قىزمەت“ دەپ قارادى.

  كەڭەيتىپ وقۋ

  9 - ايدىڭ 16 - كۇنى جۇڭگو كوممۋنيستىك پارتياسىنىڭ كوممۋنيستىك ينتەرناتسيونالدا تۇراتىن ۋاكىلدەر ۇيىرمەسى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنا حات جازىپ، جۇڭگو كوممۋنيستىك پارتياسى ورتالىق كوميتەتىنىڭ شانشي - گانسۋ - سىچۋانعا ساياسي، اسكەري ىستەر باسشىلىعىن كۇشەيتىپ، سىچۋان - شانشي سوۆەتتىك رايونىن بايلانىستىرىپ، ىشكەرىلەي ”سىچۋان - شانشي سوۆەتتىك رايونىنىڭ شينجياڭمەن بايلانىسىن اشۋدى“ تالاپ ەتىپ، بۇل ”جۇڭگو توڭكەرىسىندە ۇلى ءمان الاتىن قىزمەت“ دەپ قارادى. وسىدان باستاپ حالىقارالىق جەلى اشىلىپ، توڭكەرىستىك بازانىڭ ستراتەگيالىق سۇيەنىش ماسەلەسى شەشىلىپ، جۇڭگو كوممۋنيستىك پارتياسىنىڭ دايەكتى ستراتەگيالىق باعىتىنا اينالدى.

  يۇي شيۋسۇڭ

  1935 - جىلى

  5 - ايدا سوۆەت وداعى مەن كوممۋنيستىك ينتەرناتسيونالدىڭ جىبەرۋىمەن يۇي شيۋسۇڭ ۋاكىل بولعان بىرنەشە توپتاعى سوۆەت وداعىندا وقىعان، قىزمەت ىستەگەن جۇڭگو كوممۋنيستەرى سوۆەت وداعى كوممۋنيستىك پارتياسىنىڭ مۇشەسى سالاۋاتىمەن ىلگەرىندى - كەيىندى شينجياڭعا كەلىپ قىزمەت ىستەپ، شىڭ شىسايدىڭ العاباسار ساياسي باعدارلاماسى ”التى ۇلكەن ساياسات“ جاساۋىنا كومەكتەسىپ، شينجياڭنىڭ ءتۇرلى قۇرىلىس ىستەرىن ىلگەرىلەتىپ، شينجياڭ بۇقاراسىنىڭ يمپەرياليزمگە قارسى تۇرۋ بىرلەستىگىن وزگەرتىپ ۇيىمداستىرىپ، جاپون شاپقىنشىلارىنا قارسى تۇرىپ وتاندى قۇتقارۋ ۇگىتىن جانە جىلۋ جيۋ قيمىلىن جۇرگىزدى.

  6 - ايدا جۇڭحۋا سوۆەتتىك رەسپۋبليكاسى توڭكەرىستىك اسكەري ىستەر كوميتەتى قىزىل 4 - باعىت ارمياسىنىڭ باسشىلارىنا تەلەگرامما جولداپ، ۇيلەسىمدى كەزدە ۇزاق جورىق ارمياسىن ۇيىمداستىرىپ، شينجياڭعا شەرۋ تارتۋدى تالاپ ەتتى.

  8 - ايدا كوممۋنيستىك ينتەرناتسيونال 7 - قۇرىلتايىنىڭ رۋحىنا ساي، جۇڭگو كوممۋنيستىك پارتياسىنىڭ كوممۋنيستىك ينتەرناتسيونالدا تۇراتىن ۋاكىلدەر ۇيىرمەسى «جاپون شاپقىنشىلارىنا قارسى تۇرىپ، وتاندى قۇتقارۋ ءۇشىن بارلىق باۋىرلاستارعا جولدانعان حات» (ياعني «1 - تامىز جارناماسى») جازىپ، جاپون شاپقىنشىلارىنا قارسى ۇلتتىق بىرلىكساپ شەبىن قۇرۋ دارىپتەمەسىن العا قويدى.

  كەڭەيتىپ وقۋ

  شىڭ شىساي شينجياڭدا سوۆەتكە جان تارتۋ ساياساتىن اتقارىپ، جۇڭگو كوممۋنيستىك پارتياسىمەن ءبىر اۋىزدى پىكىردە بولدى، سوندىقتان تەلەگرامما جولداپ «1 - تامىز جارناماسىندا» ورتاعا قويىلعان ”ىشكى سوعىستى توقتاتىپ، جاپون شاپقىنشىلارىنا جابال قارسى تۇرۋ“ ۇندەۋىنە ءۇن قوستى. بۇل جۇڭگو كوممۋنيستىك پارتياسىنىڭ شىڭ شىسايمەن بىرلىكساپ شەبىن قۇرۋدىڭ ساياسي نەگىزى بولدى.

  1936 - جىلى

  6 - ايدا پارتيا ورتالىق كوميتەتى كوممۋنيستىك ينتەرناتسيونالمەن الدەقاشان ۇزىلگەن بايلانىسىن قالپىنا كەلتىرۋ ءۇشىن، پارتيا ورتالىق كوميتەتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ كانديدات مۇشەسى دىڭ فانى شينجياڭ ارقىلى ماسكەۋگە جىبەرىپ، پارتيا مەن شىڭ شىسايدىڭ بايلانىسىن العاشقى قادامدا كەڭەستى.

  11 - ايدا پارتيا ورتالىق كوميتەتى باتىس باعىت ارمياسىن ۇيىمداستىرىپ قۇرىپ، باتىستا حىشي كاريدورىنا شەرۋ تارتىپ، شينجياڭ ارقىلى سوۆەت وداعىنا باراتىن حالىقارالىق قاتىناس جەلىسىن اشۋدى ۇيعاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى چىن يۇن قاتارلى 5 ادامدى سوۆەت وداعىنان شينجياڭعا بارىپ، باتىس باعىت ارمياسىنا كومەكتەسۋ، ونى قارسى الۋدىڭ ءتۇرلى دايىندىق قىزمەتتەرىن جۇرگىزۋگە جىبەردى.

  1937 - جىلى

  4 - ايدا سوۆەت وداعىنىڭ كومەگىندە چىن يۇن مەن تىڭ داييۋان ديحۋاعا (قازىرگى ءۇرىمجى) كەلىپ، پارتيانىڭ شىڭ شىسايمەن بىرلىكساپ شەبىن رەسمي قۇرىپ، باتىسقا شەرۋ تارتىپ جەڭىلىسكە ۇشىراعان باتىس باعىت ارمياسى سول تارماق اترەتىنىڭ قالدىق ءبولىمىن قۇتقارىپ شينجياڭعا كىردى. چىن يۇن جۇڭگو كوممۋنيستىك پارتياسىنىڭ شينجياڭدا تۇراتىن العاشقى مىندەتتەگى ۋاكىلى بولدى.

  5 - ايدا چىن يۇن، تىڭ داييۋان شينجياڭنىڭ شيڭشيڭشياسىنا كەلىپ، لي شياننيان باستاعان باتىس باعىت ارمياسى سول تارماق اترەتىنىڭ قولباسىلارى مەن جاۋىنگەرلەرىن قارسى الدى. چىن يۇننىڭ، تىڭ داييۋاننىڭ جەتەكشىلىگىندە باتىس باعىت ارمياسى سول تارماق اترەتىنىڭ قالدىق بولىمىندەگى 400 نەشە ادام ديحۋاعا جەتىپ، سىرتقا قاراتا ”جاڭا اسكەرلەر يىڭى“ دەپ اتالدى.

  باتىس باعىت ارمياسىنىڭ شينجياڭعا شەرۋ تارتۋ ەسكەرتكىش سارايىندا چىن يۇن مەن لي شياننياننىڭ شيڭشيڭشيادا كەزدەسكەندەگى ءمۇسىنى.

  7 - ايدا لۋگوۋچياۋ ۋاقيعاسى تۋىلدى، جاپون يمپەرياليزمى جالپى بەتتىك جۇڭگوعا شاپقىنشىلىق جاساۋ سوعىسىن باستادى.

  9 - ايدا گومينداڭ مەن كوممۋنيستىك پارتيا 2 - رەت سەلبەسىپ، بۇكىل ەل بويىنشا جاپون شاپقىنشىلارىنا قارسى ۇلتتىق بىرلىكساپ شەبى قۇرىلدى.

  10 - ايدا پارتيا ورتالىق كوميتەتى جوۋ شياۋجوۋدى 8 - ارميانىڭ باس شتابى ۋاكىلى سالاۋاتىمەن شينجياڭعا جىبەردى. شىڭ شىسايمەن كەڭەسۋ ارقىلى 8 - ارميانىڭ شينجياڭدا تۇراتىن ءىس باسقارماسى قۇرىلدى، تىڭ داييۋان 8 - ارميانىڭ شينجياڭدا تۇراتىن ءىس باسقارماسىنىڭ مەڭگەرۋشىسى بولىپ، قىزىل قاتىناس جەلىسى اشىلدى، پارتيامىز باسشىلارى مەن ماڭىزدى كادرلارى تۇگەلدەي وسى ارقىلى سوۆەت وداعى مەن يان - ان ارالىعىندا ارلى - بەرلى قاتىنادى.

  ۇرىمجىدەگى ”جاڭا اسكەرلەر يىڭىنىڭ“ ەسكى جۇرتى.

  سول ايدا پارتيا ورتالىق كوميتەتى چىن يۇن، تىڭ داييۋاننىڭ ۇسىنىسىن قابىلداپ، ديحۋادا ”جاڭا اسكەرلەر يىڭى“ قولباسىلارى مەن جاۋىنگەرلەرىن شينجياڭدا قالدىرىپ ەرەكشە اسكەري ىستەر تەحنيكاسىن ۇيرەتۋدى ۇيعاردى.

  □ اۆتونوميالى رايوندىق پارتكوم پارتيا تاريحى جانە حۇجات زەرتتەۋ ورنى قامداعان

  □ انار بۇلت/ شينجياڭ گازەتىنىڭ ءتىلشىسى فان حۇڭي رەتتەگەن

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.